በማዕድን ዘርፉ ለሥራ ዕድል ያለውን አቅም ለመጠቀምና የሰለጠነ የሰው ኃይል ለማፍራት ምክክር ተካሄደ
*******************
(ኢ ፕ ድ)
የማዕድን ዘርፉ ለሥራ ዕድል ፈጠራ ያለውን እምቅ አቅም ከመጠቀም ባለፈ እንደ ሀገር በዘርፉ ክህሎት ያለው ባለሙያ በበቂ ሁኔታ ለማፍራት ከማዕድን ሚኒስትር ኢንጂነር ሀብታሙ ተገኝ ጋር ፍሬያማ ውይይት ማድረጋቸውን የስራና ክህሎት ሚኒስትር ወይዘሮ ሙፈሪያት ካሚል ገለፁ።

ማዕድን ሰፊ የሥራ ዕድል ከሚፈጠርባቸው ዘርፎች መካከል አንዱና ሰፊ የሰለጠነ የሰው ኃይል የሚፈልግ ዘርፍ ነው፡፡ እንደ ሀገር ምርትና ምርታማነትን በማሳደግ የተቋሞቻችንን ውጤት ለማላቅ ደግሞ ተቀናጅቶ መስራት ቁልፍ ነው፡፡

በሰው ኃብትና ቴክኖሎጂ ልማት፣ ሥራ ዕድል ፈጠራና የሙያ ደህንነትንና ጤንነት ጉዳዮች ላይ በጋራ መሥራት የሚያስችል ስምምነት ተፈራርመናል፡፡ በስምምነቱ ማዕቀፍ ውስጥ እየተከናወኑ ያሉ ተግባራትን እንቅስቃሴ ለመከታተልና በቀጣይም ቅንጅቱ ፈጣን ውጤት እንዲያመጣ በየጊዜው የምናደርጋቸው ውይይቶች ፋይዳ ከፍተኛ ነው፡፡

የማዕድን ሚኒስትር ኢንጂነር ሀብታሙ ተገኝ በሰው ኃብትና ቴክኖሎጂ ልማት፣ ሥራ ዕድል ፈጠራና የሙያ ደህንነትና ጤንነት ዙሪያ በመቀናጀት የምናከናውናቸው ተግባራት ላይ ውጤቶቻችንን ለማላቅ ላላቸው ቁርጠኝነት በሥራና ክህሎት ሚኒስቴር ስም ከልብ ላመሰግን እወዳለሁ ብለዋል በማህበራዊ ትስስር ገጻቸው ባሰፈሩት መልዕክት።

ሰኔ 30 ቀን 2015 ዓ.ም

የከተማ አስተዳደሩ የትምህርትና ስልጠና ጥራት ቁጥጥር ባለስልጣን ሰራተኞች ችግኝ ተከሉ
*******************
(ኢ ፕ ድ)

የአዲስ አበባ ከተማ አስተዳደር የትምህርትና ስልጠና ጥራት ቁጥጥር ባለስልጣን ሰራተኞች በአቃቂ ቃሊቲ ክፍለ ከተማ ወረዳ 12 ከአካባቢ ነዋሪዎች ጋር በመተባበር 10ሺህ ችግኞች ተከሉ።

የባለሥልጣኑ ዋና ስራ አስኪያጅ ዳኛው ገብሩ እንደገለፁት ችግኞችን መትከል የነገ ሀገር ተረካቢ ትውልድን ደህንነቱ በተረጋገጠ ሀገር ላይ ማኖር ነው።

ተቋሙ በአረንጓዴ አሻራ መርሀግብር አገልግሎት ከተጀመረ ጀምሮ ሲተክልና ሲንከባከብ ቆይቷል። አሁንም መትከል ብቻ ሳይሆን የመንከባከብ ስራንም ይሰራሉ ብለዋል

ባለስልጣኑ ከአረንጓዴ አሻራ መርሀግብር በተጨማሪ በክረምት በጎ ፍቃድ አገልግሎት ላይም ተሳትፎ ያደርጋል።

በዳግማዊት ግርማ

ሰኔ 30 ቀን 2015 ዓ.ም

መልካም ዕድል፣ ሰኔ 30ቀን 2015 ዓ.ም‼️

በከተማ አስተዳደሩ የትምህርት ማህበረሰብ የአረንጓዴ አሻራ ማስጀመሪያ መርሃ ግብር ተከናወነ
*******************
(ኢ ፕ ድ)

የአዲስ አበባ ከተማ አስተዳደር የትምህርት ማህበረሰብ የአረንጓዴ አሻራ ማስጀመሪያ መርሃ ግብር በዛሬው እለት በለሚኩራ ክፍለ ከተማ በጨፌ ትምህርት ቤት ተከናውኗል።

በማስጀመሪያ መርሃ ግብሩ ላይ የተገኙት በምክትል ከንቲባ ማዕረግ የአዲስ አበባ ከተማ አስተዳደር የከተማ ውበትና አረንጓዴ ልማት ቢሮ ሀላፊ ዶክተር ጀማሉ ጀንበሩ፤ በከተማ አስተዳደር ደረጃ ባለፉት አራት አመታት 42 ሚሊዮን ችግኞችን መትከል እንደተቻ አስታውሰው በተያዘው ዓመት 17 ሚሊዮን ችግኝ ለመትከል ታቅዷል ብለዋል።

የዓለማችን ፈተና የሆነውን የአየር ንብረት ለውጥ ለመከላከል ችግኝ መትከል አስፈላጊ ነው። እንዲሁም ዛሬ ላይ የሚንተክለው ችግኝ የነገው ትውልድ በተሻለና ምቹ በሆነ ምድር ላይ እንድኖር ያደርጋል ነው ያሉት።

አረንጓዴ አሻራ ከውበት ይልቅ ለትውልድ ትልቅ መሰረት የምንጥልበት እንደ መሆኑ መጠን መምህራን በተማሪዎች ላይ ከመለያየት ይልቅ ስለ አንድነት በማስተማር ሀገር ተረካቢ ትውልድ እንዲያፈሩ መልዕክት አስተላልፈዋል።

የአዲስ አበባ ከተማ አስተዳደር ትምህርት ቢሮ ሀላፊ ዶክተር ዘላለም ሙላቱ በበኩላቸው የዛሬው ቀን ሰኔ 30 መሆኑን አስታውሰው ቀኑ ሲታሰብ በአዕምሮአችን የሚመጣው ውጤት የምናይበትና ወደቀጣዩ ምዕራፍ የምንሻገርበት ነው ብለዋል።

ዛሬ ላይ ሆነን ነገን እንትከል ስንል ለነገው ሀገር ተረካቢው ትውልድ የተሻለች ሀገር ለማስረከብ ነው ሲለዚህም ነገን የሚትረከቡን እናንተ በመሆናችሁ ጠንክራችሁ ስሩ በማለት ለተማሪዎች መልዕክት አስተላልፈዋል።

በዛሬው እለት በተከናወነው በዚህ የማስጀመሪያ መርሀ ግብር ከ15 ሺ በላይ ችግኞች እንደሚተከሉ ተጠቁሟል።

የኢትዮጵያ ፕሬስ ድርጅትና የኢንዱስትሪ ፓርኮች ልማት ኮርፖሬሽን በጋራ ለመስራት የሚያስችላቸውን የመግባቢያ ስምምነት ተፈራረሙ
*************
(ኢ.ፕ.ድ)

የኢትዮጵያ ፕሬስ ድርጅትና የኢንዱስትሪ ፓርኮች ልማት ኮርፖሬሽን በጋራ ለመስራት የሚያስችላቸውን የመግባቢያ ስምምነት በዛሬው እለት ተፈራርመዋል።

ሁለቱ ተቋማት በሚዲያና ኮምንኬሽን ዘርፍ በጋራ ለመስራት ስምምነቱን የፈጸሙ ሲሆን፤ ኢፕድ በዚህ መስክ ያለውን የካበተ ልምድ ለተቋሙ ለማጋራት እንደሚሰራ በስምምነቱ ወቅት ተገልጿል።

ይህንኑ ስምምነት በኢፕድ በኩል የኢትዮጵያ ፕሬስ ድርጅት ምክትል ዋና ስራ አስፈጻሚ ወይዘሮ ሄለን እስክንድር የፈረሙ ሲሆን፤ በኢንዱስትሪ ፓርኮች ልማት ኮርፖሬሽን በኩል ደግሞ የኢንዱስትሪ ፓርኮች ልማት ኮርፖሬሽን የትራንስፎርሜሽንና ዋና ስራ አስፈጻሚ ጽህፈት ቤት ሃላፊ አቶ ፍጹም ከተማ ፈርመዋል።

ሰኔ 30 ቀን 2015 ዓ.ም
በሞገስ ተስፋ