የምስራቅ አፍሪካ በይነ መንግስታት ድርጅት ዋና ፀሐፊ ክቡር ዶ/ር ወርቅነህ ገበየሁ ሽልማት ተበረከተላቸው
**********************
(ኢ ፕ ድ)

በ13ኛው ዓመታዊ የአፍሪካ አሸናፊዎች ሽልማት የኢጋድ ዋና ፀሀፊ ዶ/ር ወርቅነህ ገበየሁ እንግሊዝ ለንደን በተካሄደው የአፍሪካውያን የስኬታማዎች ሽልማት ትናንት ምሽት ሐምሌ 7 ቀን 2015 ዓ.ም በተካሄደ ስነ ስርዓት ሽልማቱ ተበርክቶላቸዋል ።

የአሸናፊነት ሽልማቱ ኢጋድ በአካባቢው ሰላም እና መረጋጋት እንዲሰፍን ላደረገው አስተዋፅኦ መሆኑን ተገልፆል ፤ ይህ ሽልማት ለስኬታማ ተግባር የተሰጠ ዕውቅና መሆኑን ሸላሚ ድርጀቱ አስታውቋል ። ከብዙ የኢጋድ ስኬቶች ውስጥ የፕሪቶሪያው የሰላም ስምምነት እንዲሳካ የተደረገው ጥረት የሚጠቀስ መሆኑ ተመላክቷል ።

የአፍሪካ አሸናፊዎች ሽልማቶች ለአህጉሪቱ እድገት ከፍተኛ አስተዋፅዖ ለሚያደርጉ በአፍሪካ ውስጥ ታዋቂ ግለሰቦችን እና ድርጅቶችን እውቅና በመስጠት እና በማክበር የአፍሪካን የላቀ ደረጃ የሚያከብር ዓመታዊ የሽልማት ሥነሥርዓት ነው።

ሐምሌ 8 ቀን 2015 ዓ.ም

የከንቲባ አዳነች አቤቤ መልዕክት‼️

ዛሬ 24 የስፖርት ማዘውተሪያዎችንና የልጆች መጫወቻ ስፍራዎችን ከ410 ሚሊዮን ብር በላይ ገንብተን ለአገልግሎት ክፍት አድርገናል::

ክቡር ጠቅላይ ሚኒስትራችን አዲስ አበባን ለዛሬና ለነገው ትውልድ ምቹ ለማድረግ፣ በከተማችን ልጆች እንደ ልባቸው የሚቦርቁባት ፣ በየአካባቢያቸው በቂ የመጫወቻ እና ስፖርት ማዘውተሪያ ቦታ እንዲኖራቸው ለማድረግ ባበረከቱልን "የመደመር ትውልድ" መፃሀፍ የሰጡንን አደራ ተቀብለን እና ቃላችንን ጠብቀን በሦስት ወር ጊዜ ውስጥ 7 ቱን የወጣት የስፖርት ማዘውተሪያ እና የህፃናት መጫወቻ በ110 ሚሊዮን ብር "ከመደመር ትውልድ" መፅሃፍ ሽያጭ ባገኘነው ገንብተን ለአገልግሎት ክፍት አድርገናል::

ቀሪዎቹ 17ቱ ፕሮጀክቶች ደግሞ የከተማ አስተዳደሩ ከ300 ሚሊዮን በላይ በሆነ ወጪ የገነባቸው ናቸው ።ይህም የከተማችን ልጆች በአካል እና በአእምሮ የበለጸጉ ሆነው እንዲያድጉ ለማድረግ የሰጠነውን ትኩረት ያሳያል።
በዚህ በጀት ዓመት ብቻ በከተማችን እስካሁን ድረስ ከ5,000 በላይ ፕሮጀክቶችን በማጠናቀቅ ለመረጠን ህዝብ በትጋትና በታማኝነት ማገልገላችንን አረጋግጠናል።

በትግራይ ክልል 6 ነጥብ 6 ሚሊዮን ችግኞች ይተከላሉ
*******
(ኢ ፕ ድ)
በትግራይ ክልል በተያዘው ክረምት 6 ነጥብ ስድስት ሚሊዮን ችግኝ የመትከል ሥራ መጀመሩን የክልሉ የእርሻና ተፈጥሮ ሀብት ቢሮ ገለፁ።

የቢሮው ዳይሬክተር አስተባባሪ አቶ ተስፋይ ተክለሃይማኖት ከኢትዮጵያ ፕሬስ ድርጅት ጋር ባደረጉት ቆይታ እንደገለፁት፤ ከፌዴራል መንግሥት እና ከበጎ አድራጊዎች በተገኘ እገዛ በያዝነው ክረምት ....
https://m.facebook.com/story.php?story_fbid=pfbid02V5WP6u3dJTFMT45amG8qcRScMan8hYtvciDqPQ39o3mhMgHuwpchyYuFVDKZ33VQl&id=100069403920568&mibextid=Nif5oz