"እናታችን በብዙ ልፋት እኛን ለወግ ለማረግ አብቅታናለች፤ እሷ ዛሬ ለዚህ በመብቃቷ በጣም ደስተኛ ነኝ"
- ወጣት ሚኪያስ ይማነ
*****
(ኢ ፕ ድ)

"እናታችን ለፈታ እኛን አሰተምራ ለወግ ለማዕረግ አብቅታናለች፤ ዛሬ እሷ በተራዋ ለዚህ በመብቃቷ በጣም ደስተኛ ነኝ፤ እኔም በተራዬ ላስመርቃት ነው የመጣሁት" ሲል እናቱን ለማሰመረቅ የመጣው ወጣት ሚኪያስ ይማነ ተናግሯል።

የወጣት ሚኪያስ ይማነ ወላጅ እናት ወይዘሮ ምህረት ወልደማርያም በሂሳብ መዝገብ አያያዝ ተመርቀዋል።

የአዲስ አበባ ቴክኒክና ሙያ ትምህርትና ስልጠና በተለያዩ የሙያ መስኮች ያሰለጠናቸውን 6ሺህ 244 ሰልጣኞችን በሚሊኒየም አዳራሽ በዛሬው እለት አስመርቋል፡፡

ከተመራቂዎቹ አንዷ የሆኑትን ወላጂ እናቱን ሊያስመርቅ የተገኘው ወጣት ሚኪያስ ይማነ፣ እናታችን በብዙ ልፋትና መከራ አልፋ እኛን አስተምራ አድርሳናለች፤ እሷ በተራዋ ለዚህ በመብቃቷና በዚህ ደስታ ላይ ተሳትፌ የእናቴን ደስታ በማየቴ እጅግ ደስተኛ ነኝ ሲል ለኢፕድ ተናግሯል።

ወጣት ሚኪያሰ ለኢፕድ እንደገለጸው፣ እናታችን ሳትማር ለፈታ እኛን ለወግ ለማዕረግ አብቅታናለች እኔ ደግሞ በተራዬ ላስመርቃት ነው የመጣሁት ይላል።

ከእናቴ የተረዳሁት ትምህርትን እድሜ እንደማይገድብ ነው ያለው ወጣት ሚኪያስ የእናቴ ጥንካሬ፣ አልበገር ባይነትና ለዚህ ደረጃ መድረስ ለቀጣይ ሕይወቱን ትልቅ ስንቅ እንደሚሆንለትና ብዙ ነገር እንደተማረበት ነግሮናል።

ሌሎች እናቶች ከእኔ እናት በመማር ወልደን ከብደን ልጆቻችንን ብቻ ካስተማርን በቂ ነው የሚለውን ሀሳብ መቅረፍ አለባቸው፤ ምክንያቱም ሁሉም ነገር ካለፈ በኋላ እንዳዲስ የመጀመር እድሉ ስላላቸው ነው ይላል ወጣት ሚኪያሰ።

ለመማር እድሜ አይወስንም የሚለው ወጣት ሚኪያሰ እናቶቻችን ትልቅ ለውጥ ልያመጡ እንደሚችሉ በመረዳት ተምረው ዕራሳቸውንም ሀገራቸውንም ሊያገለግሉ ይችላሉ፡፡

የዛሬ ተመራቅና የወጣት ሚኪያስ ይማነ ወላጅ እናት ወይዘሮ ምህረት ወልደማርያም፣ ከአዲስ አበባ ፖሊ ቴክንክ ኮሌጅ በሂሳብ መዝገብ አያያዝ ተመርቅያለሁ፡፡ ነገር ግን ሶስት ልጆችን ወልጄ ያለአባት አስቴምሬ ለወግ ለማረግ አብቅቼ የልጅ ልጆቼን ማየቴ ለዛሬዋ ቀን ለመድረስ እንዳላገዳቸው ይናገራሉ ።

ሰው ሲማርነው ትልቅ ደረጃ የሚደርሰው ያሉት ወይዘሮ ምህረት ሌሎች እናቶች ችሎታው እያላቸው ቤት ከሚቀመጡ እኔን በማየት እንዲማሩና ትልቅ ደረጃ ላይ እንዲደርሱ ፈልጋለው ብለዋል፡፡

በቃልኪዳን አሳዬ

ሐምሌ 23 ቀን 2015 ዓ.ም

‹‹የመማሪያ መጻሕፍትን ወስደው ለተማሪዎቻቸው በማይሰጡ የግል ትምህርት ቤቶች ላይ ርምጃ እንወስዳለን››
-ዶክተር ዘላለም ሙላቱ የአዲስ አበባ ከተማ አስተዳደር ትምህርት ቢሮ ኃላፊ
********************
(ኢ ፕ ድ)
በአዲሱ የትምህርት ዘመን ታትሞ የመጣን የመማሪያ መጽሐፍ ወስደው ለተማሪዎቻቸው በማይሰጡ የግል ትምህርት ቤቶች ላይ ከሚመለከታቸው አካላት ጋር በመሆን ርምጃ እንወስዳለን ሲሉ የአዲስ አበባ ከተማ አስተዳደር ትምህርት ቢሮ ኃላፊ ዶክተር ዘላለም ሙላቱ አስታወቁ።

ዶክተር ዘላለም በተለይ ለአዲስ ዘመን ጋዜጣ እንዳስታወቁት፤ ቢሮው ከመጽሐፍ ጋር በተያያዘ ከሌሎች ክልሎች በተሻለ ሁኔታ ላይ ይገኛል። በአሁኑ ወቅት መጻሕፍትን አትሞ ማቅረብ ከዶላር እጥረት የተነሳ ከባድ ነው። ብዙዎቹ ግብዓቶች የሚገቡት ከውጭ ሀገር ነው።

ነገር ግን እሱ የፈጠረው ጫና ቢኖርም ፈተናው ታልፎ ብዙ ጥረቶች በመደረጋቸው በርካታ የታተሙ መጻሕፍት አሉ። እነዚህን መጻሕፍት ወስደው ለተማሪዎቻቸው ለመስጠት መነሳሳቱ በሌላቸው የግል ትምህርት ቤቶች ላይ ርምጃ ለመውሰድ እንገደዳለን።

በመስኩ ያጋጠሙ ፈተናዎችን አልፈን ያሳተምናቸው መጻሕፍትን ተቀብለው ለተማሪዎቻቸው ከማድረስ አኳያ በግል ትምህርት ቤቶች አካባቢ አንዳንድ ችግሮች ይስተዋላሉ ያሉት ኃላፊው፤ እነዚህ ትምህርት ቤቶች ታትሞ የመጣን መጽሐፍት ወስደው ለተማሪዎች………

ሙሉውን ለማንበብ ሊንኩን ይጫኑ
https://press.et/?p=105943

በአፋር ክልል ከ120 በላይ ትምህርት ቤቶችን ደረጃ ለማሻሻል እየተሠራ ነው
***********
(ኢ.ፕ.ድ)
በአፋር ክልል በትምህርት ቤቶች ደረጃ ማሻሻል ንቅናቄ 123 ትምህርት ቤቶች ደረጃቸውን ለማሻሻል እየተሠራ መሆኑን የክልሉ ትምህርት ቢሮ ገለፀ፡፡

የክልሉ ትምህርት ቢሮ ኃላፊ አቶ አብዱ ሐሰን ለኢትዮጵያ ፕሬስ ድርጅት እንደተናገሩት፤ በክልሉ አንድ ሺህ 241 ትምህርት ቤቶች አሉ፡፡ ከእነዚህ መካከል በኅብረተሰቡና በባለሀብቶች እገዛ የ123 ትምህርት ቤቶችን ደረጃ ለማሻሻል እየተሠራ ነው፡፡

ንቅናቄው እንደ ሀገር የአምስት ዓመት ዕቅድ የተያዘለት መሆኑን የጠቀሱት አቶ አብዱ፤ በክልሉ ከሚገኙት 41 ወረዳዎች ከእያንዳንዳቸው ሦስት ትምህርት ቤቶች ደረጃቸውን እንዲያሻሽሉ የተቀመጠ ሲሆን፤ አጠቃላይ ...

ሙሉውን ለማንበብ ሊንኩን ይጫኑ
https://press.et/?p=105970

አፍሪካ ዘላቂ ሰላም ማስፈን የሚችል ጠንካራ ወታደራዊ ኮማንድ ያስፈልጋታል
************
(ኢ.ፕ.ድ)
አፍሪካ የ2063 አጀንዳን ለማሳካት ቅድሚያ አህጉራዊ ሰላሟን ማስጠበቅ የሚችል ጠንካራ የሆነ ወታደራዊ ኮማንድ እንደሚያስፈልጋት በአምቦ ዩኒቨርሲቲ የፖለቲካል ሳይንስና ዓለም አቀፍ ግንኙነት መምህሩ አቶ ሰለሞን ተፈራ ገለጹ።

አቶ ሰለሞን ተፈራ ለኢትዮጵያ ፕሬስ ድርጅት እንደገለጹት፤ አፍሪካ የኢኮኖሚ፣ ማህበራዊና ፖለቲካዊ መስተጋብሮችን አስተሳስሮ በመጠቀም ዕድገት ለማስመዝገብ ቅድሚያ ሰላምን ማስፈን ያስፈልጋታል።

ድህነት በመቅረፍ ብልጽግናን ለማምጣት ከውጭ ጣልቃ ገብነት ነጻ አህጉር መፍጠር ይገባል።

እንደ መምህሩ ገለጻ፤ የአፍሪካ ህብረት የተቋቋመበት ዋና አላማ አንዱ ሰላም የሰፈነባትና ድህነት የተቀረፈባት አህጉር....

ሙሉውን ለማንበብ ሊንኩን ይጫኑ
https://press.et/?p=105957

የቢሾፍቱ ከተማ አስተዳደር 3ነጥብ4 ቢሊዮን ብር ገቢ አገኘ
**************
(ኢ ፕ ድ)
በ2015 በጀት ዓመት የ3 ነጥብ 4 ቢሊዮን ብር ገቢ ማግኘቱን የቢሾፍቱ የከተማ አስተዳደር አስታወቀ፡፡ በቀጣይ የከተማዋን ገቢ ለማሳደግ የቱሪስቶችን ቀልብ የሚስቡ ኢንቨስትመንቶች ላይ ከፍተኛ ትኩረት እየሰራ መሆኑን ጠቁሟል፡፡

የቢሾፍቱ ከተማ አስተዳደር ከንቲባ አቶ አለማየሁ አሰፋ በተለይም ለኢትዮጵያ ፕሬስ ድርጅት እንደገለፁት፤ የከተማ አስተዳደሩ የሚቀጥሉትን 10 ዓመታት ማዕከል ያደረገ ፍኖተ ካርታ ነድፎ እየሰራ ነው፡፡

ይህም በተለይ በገቢ ደረጃ በከፍተኛ ሁኔታ ዕድገት እንዲያሳይ የተተለመ ነው፡ ፡ በዚህም በ2015 በጀት ዓመት አስተዳደሩ የ3 ነጥብ 4 ቢሊዮን ብር ገቢ አግኝቷል፡፡

ከ10 ዓመቱ እቅድ ደግሞ የአምስት ዓመት ብሎም የበጀት ዓመቱ እቅድ ተነድፎ ሲሰራ የቆየ ሲሆን፤ ስኬታማ ተግባራትን ማከናወን ተችሏል ያሉት አቶ አለማየሁ፤ በ2015 በጀት ዓመት የከተማ አስተዳደሩ፤ 3ነጥብ4 ቢሊዮን ብር ገቢ ማግኘቱ ስኬታማ አድርጎታል…………

ሙሉውን ለማንበብ ሊንኩን ይጫኑ
https://press.et/?p=105975

የሀይድሮጅን ፐርኦክሳይድ አቅርቦትን በሀገር ውስጥ ምርት ማሟላት ተችሏል
**************
(ኢ ፕ ድ)
በ2015 በጀት ዓመት ከ722 ቶን በላይ የሀይድሮጅን ፐርኦክሳይድ በማምረት የሀገር ውስጥ ፍላጎትን ሙሉ ለሙሉ መሸፈን መቻሉን የአዋሽ መልካሳ ኬሚካል ፋብሪካ አስታወቀ።

የፋብሪካው ዋና ሥራ አስኪያጅ አቶ አህመድ ሞቱማ በተለይ ለአዲስ ዘመን ጋዜጣ እንደተናገሩት፤ ሀይድሮጅን ፐርኦክሳይድ ጨርቃ ጨርቅ ለማቅለም ፣ለግብርና ለአበባ እርሻ፣ ለሳኒታይዘር ምትርትና ለሌሎች ፋብሪካዎች ግብአትነት ያገለግላል።

በበጀት ዓመቱ ከ722 ቶን በላይ የሀይድሮጅን ፐርኦክሳይድ በማምረት የሀገር ውስጥ ፍላጎትን ሙሉ ለሙሉ መሸፈን ተችሏል።

እስከ ቅርብ ጊዜ የዚህ ምርት የሀገር ውስጥ የፍላጎት መጠን 650 ቶን እንደነበር አውስተው፤ በተያዘው በጀት ዓመት ከ722 ቶን በላይ ማምረት በመቻሉ የሀገር ውስጥ ፍላጎትን ሙሉ ለሙሉ መሸፈኑን ተናግረዋል።

ፋብሪካው በአሁኑ ወቅት ያለው የማምረት አቅም በአንድ ኮምፕረሰር አንድ ሺ 500 ቶን እንደሆነ የተናገሩት ሥራ አስኪያጁ፤ ፋብሪካው ባሉት ሦስት ኮምፐረሰሮች ማምረት ሲጀምር አምስት ሺ 500 ቶን እንደሚደርስ ገልጸዋል።

ይህም በቀጣይ እየጨመረ የሚመጣውን የሀገር ውስጥ ፍላጎት ለማሟላት የሚያስችል ይሆናል ያሉት አቶ አህመድ፤ እስካሁን በሙሉ …..

ሙሉውን ለማንበበ ሊንኩን ይጫኑ
https://press.et/?p=105947