የገንዘብ ሚኒስትር አቶ አህመድ ሺዴ ከዓለም ባንክ ፕሬዝደንት አጃይ ባንጋ ጋር ተወያዩ
*******
(ኢ ፕ ድ)

የገንዘብ ሚኒስትር አቶ አህመድ ሺዴ በኢትዮጵያ የስራ ጉብኝት በማድረግ ላይ ከሚገኙት የዓለም ባንክ ፕሬዝደንት አጃይ ባንጋን ጋር በቢሯቸው ውይይት አድርገዋል፡፡

ውይይቱ በኢትዮጵያና በተቋሙ መካከል ባሉ የጋራ ጉዳዮች፣ በኢትዮጵያና በዓለምን ባንክ መካከል መልካም ግንኙነት ይበልጥ መጠናከር በሚችልበት ሁኔታ እንዲሁም የኢትዮጵያ ቅድሚያ በምትሰጣቸው የልማት  መስኮች ላይ ያተኮረ ነው ተብሏል።

በአለም ባንክ የሚደገፉ ፕሮጀክቶች በኢትጵያ ለዋንኞቹ የልማት ጥያቄዎች ምላሽ በመስጠት አስተዋጽኦ ማበርከታቸውን ጠቅሰው በኢትዮጵያና በአለም ባንክ መካከል ያለው የልማት ትብብር ዘላቂና አካታች እድገት ለማስመዝብ እንደሚያግዝ ሚኒስትሩ አመልተዋል፡፡

በተሻሻለ ምርታማነትና በተወዳዳሪነት መንፈስ ኢኮኖሚያዊ ሽግግርን ለማፋጠን የታቀደውን ሁለተኛውን የሀገር በቀል ኢኮኖሚ ማሻሻያ አጀንዳ ተገባራዊ በማድረግ ሂደት ሊያጋጥሙ ስለሚችሉት  መልካም እድሎችና ፈተናዎች  ክቡር ሚኒስትሩ አብራርተው ከሀገሪቱ የልማት ፍላጎትን  ከማክሮ ኢኮኖሚ ተግዳሮቶች አንጻር ሀገሪቱ ይህን ግዙፍ ማሻሻያ አጀንዳ ውጤታማ በሆነ መልኩ ተግባራዊ እንድታደርግ የአለም ባንክ ድጋፉን እንዲሰጥ የባንኩን ፕሬዚዳንት ጠይቀዋል፡፡

ክቡር አቶ አህመድ ጨምረውም ድህነት እያስከተለ ያለውን ልዩ ተግዳሮት ታሳቢ ያደረገ ምላሽ ከባንኩ የማሻሻያ ሂደት እንደሚጠብቁና በተለይም የባንኩ ድጋፍ ዝቅተኛ ገቢ ካላቸው ሀገራት አንገብጋቢ ፍላጎት ጋር መጣጣሙን በተመለከተ ለውጥ እንሚጠብቁም ተናግረዋል፡፡

አዲሱ የዓለም ባንክ ፕሬዝዳንት ባንኩ ባካሄደው የለውጥ ሂደት  በአጭር ጊዜ ውስጥ ላበረከቱት አስተዋጽኦ እንዲሁም  የባንኩን የፋይናንስ አቅም ለማሳደግ በቅርቡ የተወሰዱትን ውጤታማ እርምጃዎች  ለፕሬዝደነት አጃይ ባንጋ ምስጋናቸውን አቅርበዋል።

በአረንጓዴ ዐሻራ መርሐ -ግብር 6 ነጥብ 25 ቢሊዮን የቡና ችግኞች ተተክለዋል
*****************************
(ኢ ፕ ድ)
በአረንጓዴ ዐሻራ መርሐ-ግብር ስድስት ነጥብ 25 ቢሊዮን የቡና ችግኞች መተከላቸውን የኢትዮጵያ ቡናና ሻይ ባለሥልጣን አስታወቀ፡፡

በባለሥልጣኑ የቡና፣ ሻይና ቅመማ ቅመም ልማት መሪ ሥራ አስፈጻሚ አቶ ፍቃዱ ደፈረስ ለኢትዮጵያ ፕሬስ ድርጅት እንደገለጹት፤ በመጀመሪያው ምዕራፍ የአረንጓዴ ዐሻራ መርሐ-ግብር አምስት ቢሊዮን በሁለተኛው ምዕራፍ ደግሞ አንድ ነጥብ 25 ቢሊዮን የቡና ችግኞች ተተክለዋል፡፡

የቡና ችግኞችን በማስፋፋት ቀጣይነት ባለው መልኩ ይሠራበታል ያሉት አቶ ፍቃዱ፤ በዘንድሮው የአረንጓዴ ዐሻራ መርሐ ግብር በአጠቃላይ ከአንድ ነጥብ አምስት ቢሊዮን በላይ የቡና ችግኞች እንደሚተከሉ ይጠበቃል ብለዋል።

በመስኖ አጠቃቀም ሥርዓት የሚለሙ የቡና ችግኞች በደቡብ፣ በምዕራብና በምሥራቅ እንዲሁም ....
ሙሉውን ለማንበብ ሊንኩን ይጫኑ https://press.et/?p=106086