ግብርና ሚኒስቴር 33 ሚሊዮን ብር ወጪ የተደረገባቸው የወተት ማጓጓዣ ተሽከርካሪዎችን ለክልሎች በድጋፍ አበረከተ
****************
(ኢ ፕ ድ)

ግብርና ሚኒስቴር 33 ሚሊዮን ብር ወጪ የተደረገባቸው ሰባት የወተት ማጓጓዣ ተሽከርካሪዎችን ለክልሎች በድጋፍ አበረከተ።

ተሽከርካሪዎቹ ከዓለም ባንክ በድጋፍ የተገኙ መሆናቸው የተገለጸ ሲሆን የወተት ግብይትን በማሳለጥ የሌማት ትሩፋትን ከግብ እንዲደርስ የሚያግዙ መሆናቸውም ተገልጿል።

ሚኒስቴሩ ያበረከታቸውን ተሽከርካሪዎች ድጋፍ የተደረገላቸው የክልል ግብርና እና እንስሳት ሃብት ቢሮ ሃላፊዎች ተረክበዋል።

ተሽከርካሪዎቹ በድጋፍ የተበረከቱትም ለኦሮሚያ፣ ለአማራ፣ ለደቡብ ብሄር ብሄረሰቦች እና ህዝቦች እንዲሁም ለሲዳማ ክልሎች መሆኑ ተገልጿል።

ተሽከርካሪዎቹ በአንድ ጊዜ 10 ሺህ ሊትር የወተት ምርቶችን ማሰባሰብ እና በተፈለገበት ቦታ ማድረስ የሚችሉ መሆናቸው ተጠቅሷል።

ተሽከርካሪዎቹ ወተት በስፋት የሚያመርቱ አካባቢዎች ላይ አገልግሎት እንዲሰጡ እንደሚደረጉም ተመላክቷል።
በርክክቡ ወቅት ባለፈው በጀት ዓመት በአገር አቀፍ ደረጃ 8 ነጥብ 6 ቢሊዮን ሊትር ወተት መመረቱ ገልጸዋል።

ይህ የሆነው የእንስሳት ማሻሻያ፣ ዝርያ ማሻሻል እና ዘመናዊ ቴክኖሎጂን መጠቀም በመቻሉ እንደሆነ ተመላክቷል።

እንደ ኢዜአ ዘገባ፤ በመጪዎቹ ዓመታትም በአገር አቀፍ ደረጃ 11 ቢሊዮን ሊትር ወተት በዓመት ለማምረት ዕቅድ ስለመያዙም ተጠቁሟል።
ነሀሴ 1 ቀን 2015 ዓም

ህገ መንግስትና ሌሎች የህግ ማዕቀፎች ላይ ያተኮረ የሁለቱ ክልሎች የአመራሮች ዉይይት እየተካሄደ ነዉ
****************
(ኢ ፕ ድ)
አዲሱ የደቡብ ኢትዮጵያ ክልል እና የነባሩ የደቡብ ብሔር ብሔረሰቦችና ህዝቦች ክልሎች አመራሮች በህገ መንግስት እና በሌሎችም የህግ ማዕቀፎች ዙሪያ ዉይይት እየተካሄደ ነዉ።
በመድረኩ የክልል ማዕከል ፣የሁለቱም ክሌሎች ዞኖች እና የልዩ ወረዳዎች ከፍተኛ አመራሮች እየተሳተፉ እንደሚገኙ ከክልሉ የመንግስት ኮምንኬሽን ቢሮ ያገኘነው መረጃ ያሳያል።
ነሀሴ 1 ቀን 2015 ዓም

የጠቅላይ ሚኒስትር ዐቢይ አሕመድ መልዕክት‼️

ዛሬ ፕሬዝዳንት ሳልቫ ኪር ማያርዲትን በጽ/ቤታችን ተቀብያለሁ። የጋራ ቀጠናዊ ጥቅም ያለን ጎረቤቶች እንደመሆናችን መጠን ትብብራችንን ያለማቋረጥ እናጠናክራለን።

የከንቲባ አደነች አቤቤ መልዕክት ‼️

“ተግዳሮቶች ያልበገረው ለውጥ” ብለን የጀመርነውን የ2015 በጀት ዓመት አፈፃፀም ግምገማችንን ዛሬ አጠናቅቀናል።

በ2015 በጀት ዓመት ውጤት ያገኘንባቸው ስራዎቻችን የምንረካባቸው ሳይሆኑ የጀመርናቸውን በማስፋት የነዋሪዎችን ኑሮ ለማሻሻል፣ ለኑሮ ምቹ፣ ተወዳዳሪና የኢትዮጵያ ብልፅግና ተምሳሌት የሆነች ከተማ ለመገንባት ይበልጥ ተነሳሽነት የፈጠርንባቸው ነበሩ።

የአገልግሎት አሰጣጥ ስርዓታችንን ቀልጣፋና ፍትሃዊ ለማድረግ የጀመርናቸው የሪፎርም ስራዎችን በማጠናከር፣ ፍትሐዊ አገልግሎት ለህዝባችን ለማድረስ፣ ሌብነትና ብልሹ አሰራርን በማስተካከልና አገልግሎት አሰጣጣችንን በቴክኖሎጂ በማስደገፍ ረገድ መሻሻል ቢኖርም በቀጣይ ትኩረት ሰጥተን የምንሰራው ስራ ይሆናል።

ለውጡ ህዝብ ፈልጎ ያመጣውና የሚደግፈው በመሆኑ ተግዳሮት የሚያደናቅፈው አልሆነም።

እኛም ይህን የህዝባችንን እምነት ጉልበት በማድረግ፣ የአመራራችንን አቅም በማጎልበት እና ለህዝብ የሚወግኑ ተቋማትን እየገነባን የነዋሪዎች የዘመናት ጥያቄ የሆኑ የመልካም አስተዳደር ችግሮችን እና የኑሮ ጫናን የሚያቀሉ ፕሮጀክቶች ላይ ልዩ ትኩረት ሰጥተን መስራታችንን እንቀጥላለን።

የከተማችንን ሰላም ለማስከብር ከሰላም ወዳዱ ህዝባችን ጋር በመሆን ነዋሪዎቻችን በሰላም ወጥተው በሰላም የሚገቡባት ከተማ መሆኗ ተጠናክሮ የሚቀጥል ሲሆን፣ ለፀረ ሰላም ኃይሎች በእብሪት የሚመጣ ስልጣን እንደሌለ አሁንም ከተማችን ጥሩ ማሳያ ትሆናለች።

ጽንፈኝነትና አክራሪነት በተግባር በህብረ ብሄራዊ ወንድማማችነት የተሸነፈባት፣ ሰላምዋ በዘላቂነት በህዝብ ተሳትፎ የተረጋገጠላትና ለሁሉም የምትመች፣ እንደስምዋ የተዋበች አዲስ አበባን እውን ለማድረግ በትጋት ማገልገላችንን እንቀጥላለን።

ነሐሴ 1 ቀን 2015 ዓ.ል