በመዲናዋ ለኮንስትራክሽን እና ለጭነት ተሽከርካሪዎች የተከለከሉ መንገዶች ይፋ ሆኑ
*****
(ኢ ፕ ድ)
ለአፍሪካ ህብረት የመሪዎች ጉባዔ የትራፊክ ፍሠቱን የተሳለጠ ለማድረግ እንዲቻል ለኮንስትራክሽንና ለጭነት ተሽከርካሪዎች የተከለከሉ መንገዶችን የአዲስ አበባ ፖሊስ አስታወቀ፡፡

ቀደም ሲል በከተማው ላይ በደንብ ተላላፊ አሽከርካሪዎች የተከሰተውን ተመሣሣይ ጥፋት መነሻ አድርጎ የአዲስ አበባ ፖሊስ መልእክት ማስተላለፋ ይታወሳል።

በመሆኑም የትራፊክ ህግና ደንብን በማስከበር የመንገድ ላይ የትራፊክ አደጋን ከመከላከል ባሻገር ጤናማ የትራፊክ ፍሰት እንዲኖር እንዲሁም በመዲናዋ በቀጣይ ቀናት  ለሚካሔደው የአፍሪካ ህብረት ጉባዔ የፀጥታ አካላት ለሚያከናውኑት የፀጥታ ስራ አመቺ ሁኔታን ለመፍጠር እንዲቻል ከዚህ በታች በተገለፁት መንገዶች፤

👉 ቦሌ ድልድይ አካባቢ

👉 ከቦሌ ድልድይ እሰከ ሩዋንዳ ድልድይ

👉 ከቦሌ ድልድይ በወሎ ሰፈር  ደንበል አደባባይ እስከ መስቀል አደባባይ

👉 ከመስቀል አደባባይ እስከ አራት ኪሎ

👉 ከኡራኤል አደባባይ እስከ አትላስ ሆቴል

👉 ከኢንተርኮንቲኔንታል ሆቴል እስከ ልማት ባንከ

👉 ከአራት ኪሎ እስከ አምባሳደር መናፈሻ

👉 ከብሄራዊ ቴአትር እስከ ሜክሲኮ አደባባይ

👉 ከሜክሲኮ አደባባይ እስከ አፍሪካ ህብረት ትራፊክ መብራት እና

👉 ከአፍሪካ ህብረት ትራፊክ መብራት እስከ ቡልጋሪያ ማዞሪያ ባሉት መንገዶች ላይ ተለዋጭ መረጃ እስኪተላለፍ ድረስ የኮንስትራክሽን ከባድ እና የጭነት ተሽከርካሪንዎችን ማሽከርከርም ሆነ ማቆም የተከለከለ መሆኑን በመገንዘብ አሽከርካሪዎች ሌሎች አማራጭ መንገዶችን እንዲጠቀሙ አሳስቧል።

ይህንን ተላልፈው በተገኙት ላይ አስፈላጊውን እርምጃ እንደሚወስድ የአዲስ አበባ ፖሊስ አሳስቧል፡፡

የካቲት 5 ቀን 2016 ዓም

ለአፍሪካ ህብረት ጉባኤ ተሳታፊ እንግዶች የኃይል አቅርቦቱን አስተማማኝ ለማድረግ ዝግጅት ተደርጓል
******************
(ኢ.ፕ.ድ)
ለ37ኛው የአፍሪካ ኅብረት የመሪዎች ጉባዔ እና 44ኛው የስራ አስፈፃሚ ምክር ቤት መደበኛ ጉባዔ ያለ ምንም የኃይል መቆራረጥ እንዲጠናቀቅ ለማድረግ የኃይል መስመር የቅድመ ጥገኛ እና ማሻሻያ ስራዎች መከናወናቸውን የኢትዮጵያ ኤሌክትሪክ አገልግሎት አስታውቋል፡፡

የተሰራው የኃይል መስመር የቅድመ ጥገኛ ስራ ለህብረቱ የስብሰባ አዳራሽ የኃይል አቅርቦት የሚሰጡ አዲስ ሴንተር 5፣ 11፣ 4፣ 15 እና 6 የሚባሉ የኃይል መስመሮች ላይ ያረፉ የዛፍ ቅርንጫፎችን የማስተካከል፣ ያረጁ ፖሎችን የመቀየር እና በጉዳት ምከንያት አገልግሎት አቁሞ የነበረ የመሬት ዉስጥ የኃይል ማስተላለፊያ መስመርን የመጠገን እና ሙሉ በሙሉ ወደ ስራ እንዲገባ የማድረግ ስራ ተሰርቷል፡፡

ለአፍሪካ ህብረት እና አካባቢዉ የኃይል አቅርቦት ይሰጥ የነበረ ትራንስፎርመር በባለ 315 ኬቪኤ ትራንስፎርመር የመቀየር እና ተሸከርካሪ በቀላሉ በማያገኘዉ እና ለይታ አመቺ በሆነ መልኩ የማስቀመጥ ስራ ተከናዉኗል፡፡

በአፍሪካ ህብረት ዙሪያ እንዲሁም አካባቢው ላሉ ድርጅቶች እና ለመንገድ መብራት ኤሌክትሪክ አገልግሎት የሚሰጠዉ ”አዲስ ሴንተር አስራ አንድ” የተባለ መስመር በተመሳሳይ የቅድመ ጥገና ስራዎች የተሰሩለት ሲሆን በመንገድ አካፋይ ዉስጥ ባሉ ዛፎች መካከል የሚሄደዉ መስመር ነፃ ወደሆነ ቦታ የማዛወር ስራ ተከናውኗል፡፡

በከተማዋ የህብረቱ ተሰብሳቢ እንግዶች መዳረሻ ለሆኑ ቦታዎች የኃይል አቅርቦቱን አስተማማኝ ለማድረግ ከሌሎች ተቋማት ጋር በቅንጅት እየተሰራ ሲሆን ከልማት ባንክ እስከ ካዛንቺስ መብራት እንዲሁም ሜክሲኮ አካባቢ በአዲስ መልክ ለሚሰራዉ የእግረኞች መንገድ ኤሌክትሪክ መስመር ተሸካሚ ፖሎችን የማንሳት ስራ እየተሰራ ይገኛል፡፡

በተጨማሪም ለስብሰባዉ አገልግሎት የሚሰጡ አራት ግዙፍ ስክሪኖች ከኢትዮ ቴሌኮም በቀረበ ጥያቄ መሰረት ባለ 200 ኬቪኤ ትራንስፎርመሮችን የመትከል ስራ ተከናውኗል፡፡

የካቲት 6 ቀን 2016 ዓ.ም

የባህር በር ስምምነቱ የቀጣናውን ሀገራት የኢኮኖሚ ትስስር ማጠናከር የሚያስችል ነው
*************
(ኢ.ፕ.ድ)
የባህር በር ስምምነቱ የምሥራቅ አፍሪካ ቀጣና ሀገራትን የኢኮኖሚ ትስስርን በማጠናከር ዕድገታቸውን በፈጣን ሁኔታ ማሳደግ የሚያስችል ነው ሲሉ በአዲስ አበባ ዩኒቨርሲቲ የፖለቲካ ሳይንስ መምህር ረዳት ፕሮፌሰር ሽመልስ ኃይሉ ገለጹ፡፡
መምህር ሽመልስ ኃይሉ ለኢትዮጵያ ፕሬስ ድርጅት እንደገለጹት፤ የምሥራቅ አፍሪካ ቀጣና ሀገራት በወደብ ጉዳዮች ላይ ያላቸውን ኢኮኖሚያዊ ትስስራቸውን ካጠናከሩ የተሻለ ዕድገት ማስመዝግብ ይችላሉ።
በቀጣናው ያለውን ሀብት ይበልጥ ለመጠቀም ሀገራቱ የተሻለ ትስስር መፍጠር ይገባቸዋል ያሉት መምህሩ፤ ከጦርነት ይልቅ በጋራ የመልማት ልምድን በማዳበት የምሥራቅ አፍሪካ ሀገራትን የተሻለ መጥቀም የሚቻልበት ሰፊ አማራጭ መኖሩን ጠቁመዋል።
የባህር በር ለኢትዮጵያ ቅንጦት ሳይሆን የሀገርን ሉዓላዊነት፣ ኢኮኖሚ፣ ደህንነትና ወታደራዊ እንቅስቃሴን የሚወስን በመሆኑ ለነገ የሚተው ጉዳይ እንዳልሆነ አንስተዋል። ቀይ ባህርና የኤደን...
ሙሉውን ለማንበብ ሊንኩን ይጫኑ
https://press.et/?p=120828

የአፍሪካ አባቶችን ይተዋወቁ‼️

ኢትዮጵያ “የሞኖሮቪያ” እና “የካዛብላንካ” ቡድን በሚል ተከፍለው የነበሩትን የአፍሪካ አገሮች አዲስ አበባ ላይ በማገናኘትና ልዩነቶችን በማለዘብ ወደ አንድ የጋራ አቋም እንዲመጡ አድርጋለች።

በዚሁ መሰረት ግንቦት 1955 ዓ.ም. 32 መስራች አገሮች የአፍሪካ አንድነት ድርጅትን በይፋ አቋቁመዋል።

ለዚህ ድርጅት እውን መሆንም ኢትዮጵያ በመሪዋ ቀዳማዊ ኃይለሥላሴ የመሪነት ሚና ተጫውታለች።

በወቅቱ ድርጅቱ ሲመሰረት የመመስረቻ ሰነዱ በአራት ቋንቋዎች ተጽፎ በ32 አገራት መሪዎች የተፈረመ ሲሆን፤ ከአራቱ ቋንቋ አንዱ አማረኛ ነበር።