ኢትዮጵያ የማዕድን ዘርፍን ለኃይል አማራጭነት ለመጠቀም እየሠራች ነው
********
(ኢ ፕ ድ)

ኢትዮጵያ በሀገሪቱ የሚገኙ ዋና ዋና ማዕድናትን ለኃይል አማራጭነት በማዋል የካርበን ልቀትን ለመቀነስ እየሰራች ነው ሲል የማዕድን ሚኒስቴር አስታወቀ።

የማዕድን ሚኒስትር ዴኤታ አቶ ሚሊዮን ማትዮስ ለኢትዮጵያ ፕሬስ ድርጅት እንደገለጹት፤ ኢትዮጵያ የማዕድን ዘርፍን ለኃይል አማራጭነት በመጠቀም የካርበን ልቀትን ለመቀነስ እየሰራች ትገኛለች።

ኮፐር፣ ኒኬል፣ ኮባልት፣ ሊቲየም እንዲሁም ሌሎች ውድና ለኃይል አማራጭ የሚሆኑ የማዕድን ዓይነቶች በኢትዮጵያ የሚገኙ ስለመሆኑ በተለያዩ መንገዶች መረጋገጡን ያመላከቱት አቶ ሚሊዮን፤ ይህም ሀገሪቱ በዓለም አቀፍ ደረጃ አሳሳቢ ሁኔታ ላይ የደረሰውን የካርበን ልቀት ለመቀነስ......

ሙሉውን ለማንበብ ሊንኩን ይጫኑ https://press.et/?p=130092

ስምንት ነጥብ ስድስት ሚሊዮን አርሶ አደሮች ኩታ ገጠም ግብርናን እየተገበሩ ነው
***
(ኢ ፕ ድ)

ስምንት ነጥብ ስድስት ሚሊዮን የሚሆኑ አርሶ አደሮች ማሳቸውን በኩታ ገጠም እያለሙ መሆኑን የግብርና ትራንስፎርሜሽን ኢንስቲትዩት ገለጸ።

የግብርና ትራንስፎርሜሽን ኢንስቲትዩት ዋና ዳይሬክተር ማንደፍሮ ንጉሤ (ዶ/ር) ለኢፕድ እንደተናገሩት፤ ኢንስቲትዩቱ ኩታ ገጠም እርሻን ማስፋፋት ላይ ትኩረት ሰጥቶ እየሠራ ነው።

በዚህም አርሶ አደሮች በ11 ሰብሎች በኩታ ገጠም እየሠሩ ነው ያሉት ዶክተር ማደፍሮ፤ ከነዚህ ውስጥ ስንዴ፣ በቆሎ፣ ጤፍ፣ ሰሊጥ፣ አኩሪ አተርና የቢራ ገብስ ተጠቃሽ መሆናቸውን ገልጸዋል።

ከፍራፍሬም አቮካዶ፣ ማንጎ እና ሙዝ እንዲሁም ከአትክልት ቲማቲም እና ሽንኩርት በኩታ ገጠም እየለሙ መሆኑን ተናግረዋል።

የኩታ ገጠም እርሻን የማልማት ሂደት አርሶ አደሮች በተመሳሳይ ጊዜ የማረስ፣ ዘር የመዝራት፣ የግብርና ምርትን የሚያሳድጉ ግብዓቶችን በጋራ የመጠቀም እድል የሚፈጥር......

ሙሉውን ለማንበብ ሊንኩን ይጫኑ https://press.et/?p=130089

በግንቦት ወር ከቡና የወጪ ንግድ ከ209 ሚሊዮን ዶላር በላይ ገቢ ተገኝቷል
*******
(ኢ ፕ ድ)

በግንቦት ወር 43 ሺህ 481 ቶን በላይ ቡና በመላክ 209 ነጥብ 54 ሚሊዮን ዶላር ገቢ መገኘቱን የቡናና ሻይ ባለስልጣን ገለጸ።

የቡናና ሻይ ባለስልጣን የሕዝብ ግንኙነትና የኮሚዩኒኬሽን ሥራ አስፈጻሚ አቶ ሳህለማርያም ገብረመድህን ለኢትዮጵያ ፕሬስ ድርጅት እንደገለጹት፤ በተያዘው በጀት ዓመት በግንቦት ወር ብቻ 43 ሺህ 481 ቶን ቡና በመላክ 209 ነጥብ 54 ሚሊዮን ዶላር ተገኝቷል።

በበጀት ዓመቱ 11 ወራት ውስጥም በአጠቃላይ 252 ሺህ 466 ነጥብ 98 ቶን የቡና ምርት በመላክ አንድ ቢሊዮን 208 ሚሊዮን 73 ሺህ ዶላር ተገኝቷል።

ይህ ውጤት ካለፉት ሦስት ተከታታይ ዓመታት ተመሳሳይ ወቅት ወደ ውጭ ከተላከው ምርት እጅግ ከፍተኛ ውጤት የታየበት ነውም ብለዋል።ለውጤቱ መገኘት መንግሥት ለዘርፉ የሰጠው ከፍተኛ ትኩረት የጎላ ድርሻ ያለው መሆኑን ጠቅሰው፤ ቡናን ከሚያለማው አርሶ አደር ጀምሮ ቡና አቅራቢና ላኪዎች.......

ሙሉውን ለማንበብ ሊንኩን ይጫኑ https://press.et/?p=130099

የቤኒሻንጉል ጉሙዝ ክልል ርእሰ መስተዳድር አቶ አሻድሊ ሀሰን ከኢፕድ ጋር በነበራቸው ቆይታ ካነሷቸው ሀሳቦች‼️

👉 ገና በጥናት ያልተደረሰባቸውን ሳይጨምር፣ ክልላችን ከሁሉም በበለጠ በማዕድን ሀብት የበለፀገ ክልል ነው፣

👉 በ2014 ዓም ሁለት ሺህ 300 ኪሎ ግራም ወርቅ ለብሄራዊ ባንክ ገቢ ተደርጓል፤

👉 ካማሽ ዞን ላይ የድንጋይ ከሰል ማምረት ተጀምሯል፣

👉 ሌላው የማእድን ሀብት እጣን ነው፣ ወጣቶች አንድ ኩንታል እጣን 40 ሺህ ብር በመሸጥና ተጠቃሚ ሆነዋል፣

👉 ከለውጡ በፊት ከ700 ሺህ ሄክታር በላይ አምርቶ አያውቅም ፣ ከለውጡ በኋላ ግን ከአንድ ሚሊዮን በላይ ሄክታር መሬት በአርሶ አደር ብቻ ለምቷል፣

👉በተለያዩ ዘርፎች ከ900 በላይ ባለሀብቶች ፍቃድ ወስደው ወደ ሥራ በመግባት ላይ ይገኛሉ፤

👉 በተለያዩ ዘርፎች ከ34 ሺህ በላይ የሥራ እድል ተፈጥሮ ህብረተሰቡን ተጠቃሚ ማድረግ ተችሏል፣

👉 11 የመስኖ ልማት ፕሮጀክቶች አሉ፤ ሰባቱ አነስተኛ የመሰኖ ፕሮጀክቶች ናቸው፣

👉 አምስት የመጀመሪያ ደረጃ (ፕራይመሪ) ሆስፒታሎች ተገንብተዋል፣

👉 የሰላም ችግሮቻችንን ሙሉ ለሙሉ ካስወገድን በጥቂት ዓመታት የፈለግነው የብልፅግና ምእራፍ ላይ እንደርሳለን፣

👉 ባለፉት ስድስት ዓመታት ውስጥ በክልላችን የተመዘገበው ትርጉም ያለው ለውጥ ነው፡

👉 ከለውጡ በኋላ ግን ወደ ላይ ተስቦ የተወሰደው መሬትና የመሬት ጉዳይ ወደ ክልሉ እንዲመለስ ተደርጎ ለባለሀብቶች በመሰጠቱ ምክንያት በርካታ ባለሀብቶች ወደ ሥራ ገብተዋል

👉 የቤኒሻንጉል ጉሙዝ ሕዝብ ኢትዮጵያዊ ነኝ የሚል አስተሳሰብና ማንነትን ያዳበረው ገና አሁን ነው፣

👉 እራሱን በራሱ በትክክል ማስተዳደር የጀመረው ከለውጥ በኋላ ነው፣

ዝርዝር መረጃውን ለማግኘት ሊንኩን ይጫኑ https://press.et/?p=130127

በከተማዋ የሚገኙ 35 ትምህርት ቤቶች ለ2017 የትምህርት ዘመን ምዝገባ እንዳያካሂዱ ዕገዳ ተጣለ
*******
(ኢ ፕ ድ)

በአዲስ አበባ የሚገኙ 35 የቅድመ አንደኛ እና አንደኛ ደረጃ ትምህርት ቤቶች ለ2017 የትምህርት ዘመን ምዝገባ እንዳያካሂዱ ማገዱን የአዲስ አበባ ትምህርት ስልጠና ጥራት ቁጥጥር ባለስልጣን አሰታወቀ።

ለ2017 የትምህርት ዘመን የሚቀጥሉና የማይቀጥሉ የትምህርት ተቋማትንም ይፋ አድርጓል።

የአዲስ አበባ ትምህርት ስልጠና ጥራት ቁጥጥር ባለስልጣን ዋና ስራ አስኪያጅ ዳኛዉ ገብሩ እንደገለጹት፣ ለ2017 የትምህርት ዘመን ባደረገዉ ቁጥጥር የፖሊሲ ጥሰት የፈጸሙና የትምህርት መመሪያዎችን ያላሟሉ 35 የቅድመ አንደኛ እና አንደኛ ደረጃ ትምህርት ቤቶች የግል ይዞታ ያላቸዉ ትምህርት ቤቶች ላይ እገዳ ጥሏል።

ከእነዚህ ትምህርት ቤቶች መካከልም የካ፣ ልደታ ጉለሌና ንፋስ ስልክ ክፍለ ከተማ የሚገኙ የጊብሰን ትምህርት ቤቶች፣የቅዱስ ሚካኤል አምስት ትምህርት ቤቶች፣ የካ አፖሎ ትምህርት ቤት ይገኙበታል።

የቅዱስ ሚካኤል ትምህርት ቤቶች የስያሜ ለዉጥ በማድረግ ለመቀጠል በመጠየቁም ጉዳዩ እየታየ መሆኑ ተገልጿል።

ዕገዳ በተጣለባቸዉ ትምህር ቤቶች ይማሩ የነበሩ ተማሪዎች በመኖረያ አቅሪያቢያቸዉ በሚገኙ የግልና የመንግስት ትምህርት ቤቶች ያለምንም ተጨማሪ ክፍያ እንዲስተናግዱ ይደረጋል ብለዋል።

በተጨማሪም የተዘጉት ትምህርት ቤቶችም የተሟላ የተማሪዎችን ማስረጃ እንዲሰጡ እንደሚደረግ ገልጸዋል።

መስከረም ሰይፉ

ሰኔ 10 ቀን 2016 ዓም