በሲዳማ ክልል ዘጠኝ ሺህ አርሶ አደሮች በዘመናዊ መስኖ ተጠቃሚ ሆነዋል
******
(ኢ ፕ ድ)

ሲዳማ እራሱን ችሎ እንደክልል ከተቋቋመ ወዲህ በክልሉ መንግሥት አቅም ብቻ ዘጠኝ ሺህ አርሶ አደሮች በዘመናዊ መስኖ ልማት ተጠቃሚ መሆናቸውን የክልሉ ውሃ፣ ማዕድንና ኢነርጂ ቢሮ አስታወቀ።

የቢሮው ኃላፊ ከበደ ጋኖሌ (ኢንጅነር) በክልሉ የሥራ ምልከታ ላደረጉ የጋዜጠኞች ቡድን እንደገለጹት፤ ክልሉ ከተመሠረተ ወዲህ በተፈጠረው ምቹ አስተዳደራዊ መዋቅር ግብርናውን በማዘመንና በማሸጋገር ክረምት፣ ከበጋ በዓመት ሦስትና ሁለት ጊዜ ማምረት የሚቻልበትን ዕድል ለመፍጠር ሰፋፊ የመስኖ ልማት ፕሮጀክቶች ተሠርተው ወደ ሥራ ገብተዋል። በዚህም በክልሉ መንግሥት አቅም ብቻ ዘጠኝ ሺህ አርሶ አደሮች በዘመናዊ መስኖ ልማት ተጠቃሚ ሆነዋል።

ሲዳማ እንደክልል ከመቋቋሙ በፊት በዘመናዊ መስኖ ይለማ የነበረው ከ500 ሄክታር መሬት የማይበልጥ ነበር የሚሉት የቢሮ ኃላፊው፤ ክልል ከሆነ በኋላ በክልሉ መንግሥት ብቻ ወንዝ በመጥለፍና በከርሰ ምድር ውሃ 4ሺህ500 ሄክታር መሬት በዘመናዊ መስኖ ለምቷል ብለዋል።

ከዚህ በተጨማሪ የፌዴራል መንግሥት የግዳቦ ግድብ የመስኖ ልማት ፕሮጀክትን ገንብቶ ወደ ሥራ ማስገባቱን አውስተው፤ በዚህ ፕሮጀክት ብቻ 3ሺህ ሄክታር መሬት በዘመናዊ መስኖ......

ሙሉውን ለማንበብ ሊንኩን ይጫኑ https://press.et/?p=132490

የገንዘብ ፖሊሲው ዘመናዊ የባንክ አሠራርን ያመጣ ይሆን?
**************
(ኢ ፕ ድ)
የኢትዮጵያ ብሔራዊ ባንክ የባንኩን የፖሊሲ ተመን መወሰን፣ የሰነዶች ግብይት ጨረታ መጀመር፣ የአንድ ቀን የብድር እና የገንዘብ አገልግሎት ማስተዋወቅና የባንክ ለባንክ የገበያ ሥርዓት ማስተዋወቅን ያካተተ አዲስ የፖሊሲ ማዕቀፍ በቅርቡ ይፋ አድርጓል።

አዲሱ ፖሊሲ የባንኩን አሠራር የሚያዘምን፣ ከዓለም አቀፍ ተሞክሮዎች ጋር የተጣጣመ፣ ለፈጣን፣ ፍትሃዊ እና ሥራ ፈጣሪ የኢኮኖሚ ልማት የሚረዳም መሆኑን የባንኩ ገዢ ማሞ ምህረቱ ተናግረዋል።

የምጣኔ ሀብት ባለሙያው አቶ ክቡር ገና ባንኩ ይፋ ያደረገው አዲሱ ፖሊሲ ወደ ዘመናዊ የባንክ አሠራር የሚያሸጋግር፣ ባንኮች የተረጋጋ አሠራር እንዲኖራቸው የሚያስችል መሆኑን ያመለክታሉ።

ባንኮች ሊኩዲቲ (የገንዘብ እጥረት) ችግር ስላለባቸው ያንን ለማስተካከል ያስችላልም ነው ያሉት። እንደ ክቡር ገለጻ፤ አንዳንድ ባንኮች የመንግሥት ድጋፍ ባይኖራቸው ኖሮ ከስረው ሊዘጉ ይችሉ ነበር።

ነገር ግን ጥንቃቄ የተላበሰ፣ ሥርዓቱን የጠበቀ አሠራር በመኖሩ በኢትዮጵያ ባንኮች በመንግሥት ድጋፍ ጭምር ሊቀጥሉ ችለዋል።

ይፋ የሆነው አሠራር ከዚህ በፊትም ሊኖር ይገባ የነበረ፣ ባንኮች እርስ በእርስ እንዲበዳደሩ የሚያስችል አሠራር የፈጠረላቸው ነው።

የምጣኔ ሀብት ባለሙያው ቆስጠንጢኖስ በርሄ ተስፋ (ዶ/ር) እንደሚሉትም፤ የባንክ ተመን የፖሊሲ አቋም ለመጠቆም፣ ሰፋ ያለ የገንዘብና የብድር ሁኔታዎች ላይ ተጽእኖ....

ሙሉውን ለማንበብ ሊንኩን ይጫኑ https://press.et/?p=132572

የልበ ብርሃኖቹ-ተጨማሪ ብርሃን
*********
(ኢ.ፕ.ድ)
በቀዳማዊት እመቤት ጽህፈት ቤት አስተባባሪነት የተገነባው ብርሃን የአይነስውራን አዳሪ ትምህርት ቤት ግንቦት 11 ቀን 2016 ዓ.ም መመረቁ ይታወሳል።

ቀዳማዊት እመቤቷ ለትምህርት ቤቱ ግንባታ የመሠረት ድንጋይ ሲያስቀምጡ፤ ትምህርት ቤቱ አይነ ስውራን ደረጃውን የጠበቀ ትምህርት እንዲያገኙ በሚያስችል መልኩ ይገነባል ብለው ነበር። ቃላቸው በተግባር ተተርጉሟል።

እንደተባለው ትምህር ቤቱ ለአይነስውራን ምቹ ሆኖ በከፍተኛ የጥራት ደረጃ ተገንብቷል። ዘመኑ በደረሰበት ቴክኖሎጂ ደረጃ የሚገኙ መሠረተ ልማቶች እንዲኖሩት ተደርጓል። ህንጻዎቹ ከአካባቢው ጋር ተስማሚ በሆነ...
ሙሉውን ለማንበብ ሊንኩን ይጫኑ
https://press.et/?p=132618

የቅዱስ ጳውሎስ የካንሰር ህክምና ማዕከል አገልግሎት መስጠት ሊጀምር ነው
***********
(ኢ.ፕ.ድ)

የካንሰር ህክምና ማዕከሉ ከአንድ ዓመት በአነሰ ጊዜ ውስጥ ሙሉ በሙሉ ወደ አገልግሎት ለማስገባት እየተሠራ መሆኑን የቅዱስ ጳውሎስ ሆስፒታል ሚሊኒየም ሕክምና ኮሌጅ አስታወቀ። የማዕከሉ የሕንፃ ግንባታ 95 በመቶ መጠናቀቁም ተገልጿል።

በቅዱስ ጳውሎስ ሆስፒታል ሚሊኒየም ሕክምና ኮሌጅ የካንሰር ህክምና ማዕከል ኃላፊና የካንሰር ህክምና ስፔሻሊስት መሀመድ ኢብራሂም (ዶ/ር) ለኢትዮጵያ ፕሬስ ድርጅት እንዳስታወቁት፤ የቅዱስ ጳውሎስ የካንሰር ህክምና ማዕከልን ከአንድ ዓመት በአነሰ ጊዜ ውስጥ አገልግሎት መስጠት እንዲጀምር ሰፊ ርብርብ እየተደረገ ነው። ግንባታው በተለያዩ ችግሮች እና የግብዓት መወደድ...
ሙሉውን ለማንበብ ሊንኩን ይጫኑ
https://press.et/?p=132627

ጽዱ ኢትዮጵያ በ50 ወረዳዎች ላይ ተግባራዊ እየተደረገ ነው
***********
(ኢ.ፕ.ድ)
በሀገር አቀፍ ደረጃ የጽዱ ኢትዮጵያ ንቅናቄ ከተጀመረ አንስቶ አስካሁን በ50 ወረዳዎች ላይ ተግባራዊ እየተደረገ እንደሚገኝ የጤና ሚኒስቴር አስታወቀ።

በጤና ሚኒስቴር የዋሽና አካባቢ ጤና አስተባባሪና የህብረተሰብ ጤና ባለሙያ አቶ ወንዳየው ውቤ ለኢትዮጵያ ፕሬስ ድርጅት እንዳስታወቁት፤ ጽዱ ኢትዮጵያ በሀገር አቀፍ በ50 ወረዳዎች ላይ ተግባራዊ እየተደረገ ነው።

በቀጣይም 200 ወረዳዎች በላይ ለመድረስ እየተሠራ ነው ያሉት አስተባባሪው፤ እስከ 2018 ዓ.ም ድረስ በሀገሪቱ ሁሉም ወረዳዎች ላይ ተግባራዊ ለማድረግ እቅድ መያዙን ተናግረዋል።

በተለይ የሀብት አሰባሰብና ለህብረተሰቡ ግንዛበቤ ከመፍጠር አኳያ ሰፋፊ ሥራዎች መሠራታቸውንም ነው...
ሙሉውን ለማንበብ ሊንኩን ይጫኑ
https://press.et/?p=132630

ሁለት ትውልድ- አንድ ተልዕኮ
**********
(ኢ.ፕ.ድ)
...አቶ ቶማስ ኃይሌ እና ልጁ ሊዲያ ኃይሌን የሰውና የመኪና ትራፊክ ፍሰት በእጅጉ ከሚበዛባቸው ሥፍራዎች አንዱ በሆነው ፒያሳ እግረኞችን በመንገደኛ ማቋረጫ ለማሻገር ከሰዓት ከአሥር ሰዓት እስከ ምሽቱ አንድ ሰዓት ድረስ የበጎ ፈቃድ አገልግሎት ሲሰጡ አይተናቸዋል።

አቶ ቶማስ ኃይሌ ራሳቸውንና ቤተሰባቸውን የሚያስተዳድሩት በንግድ ሥራ ነው። በሚሠሩት ሥራ ገቢ ለማግኘት የግዴታ በሥራ ቦታቸው ላይ መገኘት እንዳለባቸው ተናግረዋል።

“በክረምት ለአንድ ሰዓትና ለሁለት ሰዓት የበጎ ፈቃድ አገልግሎት ሥራ እሠራለሁ።” ይላሉ አቶ ቶማስ።
በበጎ ፈቃድ አገልግሎት ላይ መሰማራት የጀመርኩት..
ሙሉውን ለማንበብ ሊንኩን ይጫኑ
https://press.et/?p=132643

በስልጤ ዞን ከ15 ሺህ ሔክታር በላይ መሬት ላይ ፍራፍሬ ለምቷል
*********
(ኢ.ፕ.ድ)
በስልጤ ዞን ከ15 ሺህ ሔክታር በላይ መሬት ላይ የተለያዩ ፍራፍሬዎች መልማታቸውን የዞኑ ግብርና መምሪያ አስታወቀ።

የስልጤ ዞን ግብርና መምሪያ ኃላፊ ሙርሰል አማን ለኢትዮጵያ ፕሬስ ድርጅት እንደገለጹት፤ በዞኑ ከፍተኛ የሆነ ፍራፍሬ ማምረት የሚያስችል አቅም አለ። በ2016 ዓ.ም ከ15 ሺህ 726 ሔክታር መሬት ላይ የተለያዩ ፍራፍሬዎች ለምተዋል።

በዞኑ ፍራፍሬን ለማምረት የሚያመች የተፈጥሮ ሀብት ቢኖርም ምቹ ሁኔታውን በስፋት የመጠቀም ልምዱ አነስተኛ...
ሙሉውን ለማንበብ ሊንኩን ይጫኑ
https://press.et/?p=132634

የዓለም አቀፉ የፋይናንስ ለልማት ጉባኤ ቅድመ ዝግጅት ስብሰባ ዛሬ መካሄድ ይጀምራል
*********
(ኢ.ፕ.ድ)
ኢትዮጵያ ከተባበሩት መንግስታት ድርጅት ጋር በመተባበር የዓለም አቀፉን የፋይናንስ ለልማት ጉባኤ ቅድመ ዝግጅት ስብሰባ ከዛሬ ጀምሮ ለተከታታይ አምስት ቀናት ታሥተናግዳለች።
ኢትዮጵያ ከዘጠኝ ዓመት በፊት ሦስተኛውን የፋይናንስ ለልማት ጉባኤ ማስተናገዷ ይታወሳል።
ጉባኤው ለዘላቂ ልማት ግቦች አጀንዳ ማስፈጸሚያ ገንዘብ ለማሰባሰብ ጠቀሜታ እንዳለው ተገልጿል።
የአዲስ አበባው ጉባኤ በቀጣይ ዓመት በስፔን ለሚካሄደው አራተኛው ዓለም አቀፍ የፋይናንስ ለልማት ጉባዔ አቅጣጫ ያስቀምጣል ተብሎ ይጠበቃል።
በጉባኤው የአዲስ አበባ የድርጊት መርሃ ግብርን አፈፃፀም የሚገመገም ሲሆን፤ የሀገራት ተወካዮች፣የአለም አቀፍ ተቋማት ሃላፊዎችና የዘርፉ ባለሙያዎች ተገኝተውል።
ሞገስ ጸጋዬ
ሐምሌ 15 ቀን 2016 ዓ.ም

ጠቅላይ ሚኒስትር ዐቢይ አሕመድ (ዶ/ር) በሲሞንፒየትሮ ሳሊኒ ህልፈተ ህይወት የተሰማቸውን ሐዘን ገለፁ
***********
(ኢ.ፕ.ድ)
የኢፌዲሪ ጠቅላይ ሚኒስትር ዐቢይ አሕመድ (ዶ/ር) በሲሞንፒየትሮ ሳሊኒ ህልፈተ ህይወት የተሰማቸውን ልባዊ ጥልቅ ሐዘን ገለፁ።

ጠቅላይ ሚኒስትሩ በማህበራዊ ትስስር ገጻቸው ባስተላለፉት መልዕክት፤ሲሞንፒየትሮ ሳሊኒ በለገዳዲ ግድብ ፣በአዲስ አበባ ዩኒቨርሲቲ የኩላሊት ላይብረሪ፣ በጣና በለስ ፕሮጀክት፣ በግልገል ጊቤ ቁጥር 1፣ 2 እና 3 እንዲሁም ለህዳሴው ግድብ ግንባታ ከፍተኛ አስተዋጽኦ ማበርከታቸውን ገልጸዋል።

ሳሊኒ ለኢትዮጵያ የነበራቸው ፍቅር በተግባር የተገለጠ እንደሆነ ጠቅሰው፥ በሀገር ግንባታ ሂደት የተለያዩ የልማት ፕሮጀክቶችን ማከናወናቸውን ገልጸዋል። ሥራዎቻቸውም በልጃቸው ፒየትሮ ሳሊኒ የቀጠለ መሆኑንም ጠቁመዋል።

ጠቅላይ ሚኒስትሩ በዚሁ መልዕክታቸው፤ለሲሞንፒየትሮ ሳሊኒ ቤተሰብና ለመላው ዊቢውልድ ግሩፕ መጽናናትን ተመኝተዋል።
በሙሳ መሀመድ
ሐምሌ 15/2016ዓ.ም

በአዲስ አበባ ከ3 ቢሊዮን ብር በላይ የተገነባው የኦሮሚያ ጠቅላይ ፍርድ አገልግሎት መስጠት ጀምሯል
**************
(ኢ.ፕ.ድ)
የጨፌ ኦሮሚያ 6ኛ የስራ ዘመን 3ኛ ዓመት 7ኛ መደበኛ ጉባዔ በአዳማ ከተማ እየተካሄደ ይገኛል።

የኦሮሚያ ጠቅላይ ፍርድ ቤት ፕሬዚዳንት ገዛሊ አባሲመል ለጨፌ ኦሮሚያ ባቀረቡት ሪፓርት እንደገለጹት፤ በአዲስ አበባ ከ3 ቢሊዮን ብር በላይ በሆነ ወጪ የተገነባው የኦሮሚያ ጠቅላይ ፍርድ አገልግሎት መስጠት ጀምሯል።

ጠቅላይ ፍርድ ቤቱ G+13 እና ባለሁለት የምድር ቤት ህንጻ መሆኑን ጠቅሰው፤ በአጭር ጊዜ ጥራቱን በጠበቀ መልኩ ተገንብቶ ለአገልግሎት መብቃቱን ገልጸዋል።

ፕሮጀክቱ ያረፈበትን አከባቢ ጽዱና ውብ ለማድረግ የማስፋፊያ መሬት ከከተማ አስተዳደሩ መፈቀዱን በመግለጽ አካባቢውን የማስዋብ ስራ መሰራቱንም ተናግረዋል።
በማርቆስ በላይ (አዳማ)
ሐምሌ 15 ቀን 2016 ዓ.ም