“የሠላም ካውንስሉን ጥሪ ተቀብለው ከሚመጡ ታጣቂዎች ጋር ችግሮችን በድርድር ለመፍታት ዝግጁ ነን”
– መንገሻ ፈንታው (ዶ/ር) የአማራ ክልል ኮሙኒኬሽን ቢሮ ኃላፊ
*******
(ኢ ፕ ድ)

የክልሉ መንግሥት የሠላም ካውንስሉን ጥሪ ተቀብለው ከሚመጡ የታጠቁ ኃይሎች ጋር ችግሮችን በድርድር ለመፍታት ዝግጁ ነው ሲሉ የአማራ ክልል ኮሙኒኬሽን ቢሮ ኃላፊ መንገሻ ፈንታው (ዶ/ር) ገለጹ።

የአማራ ክልል የኮሙኒኬሽን ቢሮ ኃላፊ መንገሻ ፈንታው (ዶ/ር) ለኢትዮጵያ ፕሬስ ድርጅት እንደገለጹት፤ የክልሉ መንግሥት የሠላም ካውንስሉን ጥሪ ተቀብለው ከሚመጡ የታጠቁ ኃይሎች ጋር ችግሮችን በድርድር ለመፍታት ዝግጁ ነው።

በክልሉ የሠላምና ፀጥታ ችግሮችን ተከትሎ የሕግና የፀጥታ ማስከበር ሥራ ሲሠራ ቆይቷል ያሉት ኃላፊው፤ የሠላም ሁኔታው ከጊዜ ወደ ጊዜ እየተሻሻለ መጥቶ በርካታ አካባቢዎች ላይ ሕዝቡ የሠላም አየር እየተነፈሰ ይገኛል ብለዋል፡፡

አንጻራዊ ሠላሙን ዘላቂ ለማድረግ ከሕግ ማስከበር ጎን ለጎን መሣሪያ አንግበው የሚንቀሳቀሱ ኃይሎች የሠላም ጥሪ እየተላለፈ እንደሚገኝ ገልጸዋል። የክልሉ መንግሥት በማንኛውም መንገድ ለሠላም ምን ጊዜም በሩ ክፍት መሆኑን.....

ሙሉውን ለማንበብ ሊንኩን ይጫኑ https://press.et/?p=132725

“ዘመናዊ የፖለቲካና የዲሞክራሲ ሥርዓት ለመገንባት የሚያስችል ምክክር አድርገናል”
– አቶ ደስታ ዲንቃ የኢትዮጵያ የፖለቲካ ፓርቲዎች የጋራ ምክር ቤት ሰብሳቢ
*******
(ኢ ፕ ድ)

የፖለቲካ ፓርቲዎች ዘመናዊ የፖለቲካና የዲሞክራሲ ሥርዓት ለመገንባት የሚያስችል ምክክር ከኢፌዲሪ ጠቅላይ ሚኒስትር ዐቢይ አሕመድ (ዶ/ር) ጋር አድርገናል ሲሉ የኢትዮጵያ የፖለቲካ ፓርቲዎች የጋራ ምክር ቤት ሰብሳቢ አቶ ደስታ ዲንቃ ገለጹ።

የኢትዮጵያ ፖለቲካ ፓርቲዎች ተወካዮች በሀገራዊ ስትራቴጂያዊ ጉዳዮች ላይ ከኢፌዴሪ ጠቅላይ ሚኒስትር ዐቢይ አሕመድ (ዶ/ር) ጋር ትናንት ውይይት አካሂደዋል።

የጋራ ምክር ቤቱ ሰብሳቢ አቶ ደስታ ዲንቃ ስለውይይቱ ለኢፕድ እንደገለጹት፤ ውይይቱ በተፎካካሪ ፓርቲዎችና በገዢ ፓርቲ መካከል የሚፈጠሩ አለመግባባቶችን በውይይትና በንግግር ለመፍታት ያለመ ነው። ይህም በገዢው ፓርቲ እና በተፎካካሪ ፓርቲዎች መካከል ያለውን ተግባቦት ለማጠናከር ጉልህ ሚና አለው።

ለሀገርና ለትውልድ የሚያስቡ ፖለቲከኞች ሰከን ብለው ሀገሪቱ ያለፈችበትን የፖለቲካ ጉዞዎች ለመቀየር እና የተሻለ የፖለቲካ ሥርዓት ለመገንባት የተሰባሰቡበት የውይይት መድረክ ነው ያሉት አቶ ደስታ፤ በዚህም ከኢፌዴሪ ጠቅላይ ሚኒስትር ዐቢይ አሕመድ (ዶ/ር) ጋር ዘመናዊ........

ሙሉውን ለማንበብ ሊንኩን ይጫኑ https://press.et/?p=132737

ለብዙዎች ተስፋ የሰነቀው – “በፍራ እናት”
***********
(ኢ ፕ ድ)
በማዕከላዊ ኢትዮጵያ ክልል ቡታጅራ ከተማ ጎራ ብለናል። ከአውራ ጎዳናው ጥቂት ገባ እንዳልን የእናት ጓዳን የሚያስታውስ ድንቅ መዓዛ ተቀበለን።

መልካም መዓዛውን እያጣጣምን ወደ ውስጥ ዘለቅን። በዛም ቆሎ የሚያዘጋጁ፣ ለቆሎው ተጨማሪ ጣዕም የሚሰጡ ቅመማዎችን የሚያሰናዱ እንዲሁም ቆሎውን ለክተው የሚያሽጉ ብርቱ ሴቶችን አገኘን።

እንደ ባሕላችን ሰላምታ አቅርበን ስንቀላቀላቸው በመዓዛው ከሩቅ የጠራንን ቆሎ በግብዣ አቀረቡልን። ጥሬውን እየቆረጠምን ስለ ሥራቸውና ተቋማቸው ያወጉን ዘንድ ጠይቀን ውይይታችን ቀጠልን።

በሦስት ብርቱ ወጣት ሥራ ፈጣሪዎች ተመስርቶ ዛሬ ላይ ለ270 ሴቶችና ለ50 ወንዶች የሥራ ዕድል የፈጠረው ኢንተርፕራይዝ “በፍራ እናት ባልትና” ይሰኛል። በኢንተርፕራይዙ ልብስና ጉርሳቸውን ከማሟላት አልፈው የሙያ ባለቤት በመሆን ነጋቸውን በትልቁ የሚያልሙ ጠንካራ ሠራተኞች አሉ።

በቀን እስከ 35 ኩንታል ቆሎ አምርቶ ለገበያ በሚቀርብበት ኢንተርፕራይዝ በርካታ ወጣቶች ጊዜያቸውን በሥራ ያሳልፋሉ። ሥራ ፈጣሪዎቹ ምርቱን ለማሳደግና ከሀገር ቤት አልፎ ወደአጎራባች ሀገራት ገበያ ለመግባት ያልማሉ።

የምሥራች ሳሙኤል በኢንተርፕራይዙ ምርት በማሸግ ሥራ ላይ ተሰማርታለች። ትምህርቷን አጠናቃ ቤት ቁጭ ለማለት ተገዳ ነበር። ይሁን እንጂ ወደዚህ ኢንተርፕራይዝ ከገባች በኋላ በሕይወቷ ላይ ብዙ ለውጥ መምጣቱን......

ሙሉውን ለማንበብ ሊንኩን ይጫኑ https://press.et/?p=132763

በሰሜን ወሎ ዞን ከስንዴ ልማት 261 ሺህ 300 ኩንታል ምርት ተሰበሰበ
******************
(ኢ ፕ ድ)
በሰሜን ወሎ ዞን በበጋ መስኖና በበልግ ወቅት የለማ 261 ሺህ 300 ኩንታል የስንዴ ምርት መሰብሰቡን የዞኑ ግብርና መምሪያ አስታወቀ።

ምርቱ የተሰበሰበው በሰብሉ ከለማ 12 ሺህ 064 ሄክታር መሬት ላይ መሆኑን በመምሪያው የመስኖ፣ አትክልትና ፍራፍሬ ቡድን መሪ አቶ አለባቸው መራዊ ለኢዜአ ገልጸዋል።

ከተሰበሰበው የስንዴ ምርት ውስጥም 198 ሺህ 573 ኩንታል በመስኖ ቀሪው የስንዴ ምርት ደግሞ በበልግ ዝናብ ከለማው መሬት መሆኑን ተናግረዋል።

ለስንዴ ልማቱ ውጤታማነትም 16 ሺህ 942 ኩንታል ምርጥ ዘር እና 14 ሺ 622 ኩንታል ማዳበሪያ ለአርሶ አደሩ በማቅረብ በወቅቱ ጥቅም ላይ መዋሉን አስረድተዋል።

የስንዴ ምርቱም እንደ አገር ስንዴን በአገር ውስጥ በስፋት በማምረት እራስን ለመቻል የተያዘውን ግብ ለማሳካት እንደሚያግዝ አመልክተዋል።

በልማቱ ከተሳተፉ የዞኑ አርሶ አደሮች መካከል ማርዬ ፀጋው በሰጡት አስተያየት፤ በበጋው ወራት በመስኖ ካለሙት ግማሽ ሄክታር መሬት 13 ኩንታል ምርት ማግኘት እንደቻሉ ተናግረዋል።

የስዴ ምርት አዋጭነቱ ጥሩ መሆኑን ተገንዝበናል፣ ወደ ፊት ከባለሙያዎች ጋር በመመካከር የተሻለ ምርት ለማምረት ጥረት እናደርጋለን ሲሉም ገልጸዋል።

በበጋው ወራት ባደረጉት የመስኖ ልማት እንቅስቃሴ በአንድ ሄክታር ካለሙት መሬት 26 ኩንታል ምርት ማግኘታቸውን የተናገሩት ደግሞ ሌላው አርሶ አደር አበራ ሞሌ ናቸው።

የስንዴ ምርት ማምረት ከጀመሩ ሁለተኛ ዓመት እንደሆናቸው ጠቅሰው፤ የዘንድሮ ምርታቸው ከአምናው በሁለት ኩንታል ጭማሪ ማግኘት እንደቻሉ አመልክተዋል።

ለዚህም የምርጥ ዘርና የማዳበሪያ አጠቃቀምን የተሻለ ከመሆኑም በላይ ስንዴን በማልማት ልምድ በማግኘታቸው የተገኘ ውጤት መሆኑን ገልጸዋል።
ሐምሌ 16 ቀን 2016 ዓም

“የኮሪደር ልማቱ ለዜጎች ምቹ ከተማ በመገንባት ሂደት ምሳሌ መሆን ይችላል”
– ዳንኤል ሊሬቦ (ዶ/ር) በኢትዮጵያ ሲቪል ሰርቪስ ዩኒቨርሲቲ የከተማ ዲዛይንና ፕላን ምሑር
***********************
(ኢ ፕ ድ)
በአዲስ አበባ እየተከናወነ የሚገኘው የኮሪደር ልማት ለዜጎች ምቹ የሆነ ከተማን በመገንባት ሂደት ምሳሌ መሆን የሚችል ሥራ ነው ሲሉ በኢትዮጵያ ሲቪል ሰርቪስ ዩኒቨርሲቲ የከተማ ዲዛይንና ፕላን ምሑሩ ዳንኤል ሊሬቦ (ዶ/ር) አስታወቁ።

በአዲስ አበባ እየተካሄደ ባለው የኮሪደር ልማት ላይ ሃሳባቸውን ለኢፕድ ያጋሩት ዳንኤል ሊሬቦ (ዶ/ር)፤ አዲስ አበባ ከነበረችበት ውስብስብ ችግሮች ተላቃ ደረጃዋን በሚመጥን መልኩ ዳግም እየለማች ነው ብለዋል።

ተገቢ የሆኑ የተሽከርካሪ መንገዶች፣ የእግረኛ መሄጃዎች፣ የፍሳሽና የቆሻሻ ፍሳሽ ማስወገጃ ቱቦዎች፣ የንፁሕ መጠጥ ውሃ መስመር፣ የመብራትና የቴሌ መስመሮች በሙሉ በተናበበ መልኩ እየተሠሩ መሆናቸውን የኮሪደር ልማቱ ውጤታማ መሆኑን ያሳያል ሲሉ ተናግረዋል።

የኮሪደር ልማቱ ዘላቂ የሆነ የተቀናጀ የመሠረተ ልማት ፕላን እንዲዘጋጅ አድርጓል ያሉት ምሑሩ፤ ኮሪደሩ በግራና ቀኝ የኪነ ሕንፃ ጥበባቸውን የተጠበቁ ፣ ለዓይን ማራኪ ….
ሙሉውን ለማንበብ ሊንኩን ይጫኑ https://press.et/?p=132773