በጎፋ ዞን በመሬት ናዳ አደጋ ለተጎዱ ዜጎች አፋጣኝ ምላሽ እየተሰጠ ነው
****
(ኢ.ፕ.ድ)

በደቡብ ኢትዮጵያ ክልል ጎፋ ዞን በደረሰው የመሬት ናዳ አደጋ ለተጎዱና ለተፈናቀሉ ወገኖች አፋጣኝ ምላሽ እየተሰጠ መሆኑን የአደጋ ስጋት አመራር ኮሚሽን አስታወቀ።

የአደጋ ስጋት አመራር ኮሚሽነር አምባሳደር ሽፈራው ተክለማርያም (ዶ/ር) በሰጡት መግለጫ እንዳሉት በዞኑ በተከሰተው የመሬት ናዳ አደጋ በሰው እና በንብረት ላይ ጉዳት ደርሷል።

ሀምሌ 14 ቀን 2016 ዓ.ም በነበረው ከፍተኛ ዝናብ ምክንያት የመሬት ናዳው ማጋጠሙን ጠቁመዋል።

በመጀመሪያው ናዳ 4 ሰዎች መሞታቸውን እና እነዚህን ለማውጣት የሄዱ ወገኖች የሁለተኛው ናዳ ሰለባ መሆናቸውን አመላክተዋል።

ጉዳቱ ከተከሰተ ጀምሮ ፈጣን ምላሽ ለመስጠት የሚያስችሉ ስራዎች መሰራታቸውን ተናግረዋል።

በጉዳቱ 400 የሚሆኑ ዜጎች መፈናቀላቸውን ጠቅሰው፤ የሚያስፈልጋቸውን ምግብ እና ምግብ ነክ ያልሆኑ ቁሳቁሶች ድጋፍ እየተደረገላቸው መሆኑን አንስተዋል።

አሁንም ተጨማሪ ጉዳት እንዳይፈጠር ከበርካታ ተቋማት የተውጣጡ የባለሙያዎች ቡድን ወደስፍራው መላኩን ገልጸዋል፡፡

ተፈናቃዮችን ወደ ምቹ አካባቢ የማስፈርና አስፈላጊውን ድጋፍ የማቅረብ ስራዎች ጎን ለጎን እየተሰሩ መሆኑን መናገራቸውን ኢዜአ ዘግቧል፡፡

ሐምሌ 16 ቀን 2016 ዓ.ም

ሥራ ፈላጊ ነዎት❓
መልካም ዕድል‼️

ኮሚሽኑ ከልማት አጋር ተቋማት ጋር ተወያየ
***********
(ኢ ፕ ድ)
የኢትዮጵያ ሀገራዊ ምክክር ኮሚሽን በተባበሩት መንግስታት የልማት ድርጅት (ዩኤን.ዲ.ፒ) በኩል ድጋፍ ከሚያደርጉ የውጪ የልማት አጋር አካላት ጋር አምስተኛ ዙር ውይይት አድርጓል፡፡
የኮሚሽኑ ዋና ኮሚሽነር መስፍን አርዓያ (ፕሮፌሰር) ኮሚሽኑ ከአራተኛው ዙር ውይይት በኋላ ያከናወናቸውን አበይት ተግባራትን በተመለከተ ለተሳታፊዎች ሰፊ ገለፃና ማብራሪያ ሰጥተዋል፡፡
ገለፃውን የተከታተሉት የልማት አጋሮች የቀረበውን ማብራሪያ መነሻ አድርገው ጥያቄዎችንና አስተያየቶችን አንስተዋል፡፡
በኮሚሽኑና በምክክሩ ዙሪያ ከተሳታፊ አጋር ድርጅቶች ለተነሱ ጥያቄዎች እና አስተያየቶች አባል ኮሚሽነሮች ምላሽና ማብራሪያ መስጠታቸውን ከኮሚሽኑ ያገኘነው መረጃ ያመላክታል፡፡
ሀምሌ 17 ቀን 2016 ዓ.ም

የህዝብ ተወካዮች ምክር ቤት አፈ ጉባኤ ታገሰ ጫፎ በገዜ ጎፋ ወረዳ ጉዳት የደረሰባቸውን ወገኖች አጽናኑ
***************
(ኢ.ፕ.ድ)
የኢፌዴሪ የህዝብ ተወካዮች ምክር ቤት አፌ ጉባኤ አቶ ታገሰ ጫፎን ጨምሮ ከፍተኛ የፌዴራል መንግስት የስራ ኃላፊዎች በጎፋ ዞን ገዜ ጎፋ ወረዳ በተከሰተው የመሬት መንሸራተት ጉዳት የደረሰባቸውን ዜጎች አደጋው በደረሰበት ቦታ በመገኘት አጽናንተዋል።
በደቡብ ኢትዮጵያ ክልል በጎፋ ዞን ገዜ ጎፋ ወረዳ ኬንቾ ሳቻ ጎዝዲ ቀበሌ ከትናንት በስቲያ በጣለው ከባድ ዝናብ ሳቢያ የተከሰተው የመሬት መንሸራተት በሰውና በንብረት ላይ ከባድ ጉዳት ማስከተሉ ይታወሳል።
አፈ ጉባኤውን ጨምሮ ከፍተኛ የፌዴራል መንግስት የስራ ኃላፊዎች ጉዳት የደረሰባቸውን ዜጎች በቦታው በመገኘት አጽናንተዋል።
የክልሉ መንግስትና የአካባቢው ነዋሪዎች በአሁኑ ሰዓት የነፍስ አድንና ተጨማሪ አደጋ እንዳይከሰት ማድረግ የሚያስችሉ ተግባራትን በርብርብ እያከናወኑ ይገኛሉ።
እንደ ኢዜአ ዘገባ፤ ጉዳት ለደረሰባቸው ዜጎች የሚደረጉ የሰብዓዊ ድጋፍ ስራዎችም በቅንጅት በመከናወን ላይ ናቸው።
ሐምሌ 17 ቀን 2016 ዓ.ም