የጠቅላይ ሚኒስትር ዐቢይ አሕመድ (ዶ/ር) መልዕክት‼️

የሉሲ(ድንቅነሽ) ግኝት የሳይንሱን ማኅበረሰብ ብሎም መላውን አለም ስለምድራችን እና ስላሳለፈችው የሕይወት መልክ ለማወቅ ያስቻለ መሥራች ሁነት ነበር። ግኝቱ ብዙ ጥያቄዎችን የመለሰ ብዙ አዳዲስ ጥያቄዎችን ያነሳሳ ሲሆን በጥያቄዎቹም ለብዙ ምርምሮች መነሻ መሆኑ እስከዛሬ እንደቀጠለ ነው።

ሐምሌ 22 ቀን 2016 ዓም

“ቀደምት የሠው ልጆች መገኛ የሆነችውን ድንቅ ሀገር እንድትጎበኙ ጥሪ አቀርባለሁ”
- ጠቅላይ ሚኒስትር ዐቢይ አሕመድ (ዶ/ር)
*******
(ኢ ፕ ድ)

በመላው ዓለም የምትገኙ ሁሉ ቀደምት የሠው ልጆች መገኛ የሆነችውን ድንቅ ሀገር ኢትዮጵያን ጎብኙ ሲሉ ጠቅላይ ሚኒስትር ዐቢይ አሕመድ (ዶ/ር) ጥሪ አቀረቡ።

“የድንቅ ግኝት ግማሽ ምዕት ዓመት” በሚል መሪ ሃሳብ የድንቅነሽ ቅሪተ አካል የተገኘበት 50ኛ ዓመት በዓል በቱሪዝም ሚኒስቴር አስተባባሪነት በዓድዋ ድል መታሰቢያ ዛሬ ተከብሯል።

በወቅቱ ጠቅላይ ሚኒስትሩ ድንቅ ሀገር በሆነችው ኢትዮጵያ በርካታ የዓለም ቅርሶች አሉ፤ ይህንን መጎብኘት ያስፈልጋል ብለዋል።

ኢትዮጵያ በዩኔስኮ የተመዘገቡና በርካታ ተፈጥሯዊና ሰው ሰራሽ መስህቦች አሏት፤ ባለፉት 5 ዓመታት በቱሪዝም ዘርፍ በርካታ ስራዎች ተሰርተዋል።

ድንቅነሽ የተገኘችበት 50 ዓመት ሲከበርም ኢትዮጵያ እንደ ፕሮፌሰር ዮሐንስ ያሉ በዓለም ምርጥ የተባሉ የቅሪተ አካላት ግኝት ያላቸው ተመራማሪዎችን የያዘች ሀገር በመሆኗ በቀጣይ በዘርፉ ብዙ ምርምር ይደረጋል ብለዋል።

በመድረኩ የሉሲ ቅሪተ አካልን ያገኙት ፕሮፌሰር ዶናልድ ጆንሰንና ኢትዮጵያዊው የቅሪተ አካላትና የሰው ዘር አመጣጥ ተመራማሪው ፕሮፌሰር ዮሐንስ ኃይለሥላሴ እንዲሁም የዘርፉ ተመራማሪዎችና ጥሪ የተደረገላቸው እንግዶች ተገኝተዋል።

በጌትነት ተስፋማርያም

ሐምሌ 22 ቀን 2016 ዓም

የጠቅላይ ሚኒስትር ዐቢይ አሕመድ(ዶ/ር) መልዕክት‼️

ዛሬ ሃያ ስምንት ዩኒቨርሲቲዎቻችን የትምህርት ጥራትን አስመልክቶ ባካሄዱት የኦን ላይን ስልጠና መክፈቻ ወቅት የትውልድ ቅብብል የተሳካ የሚሆነው እንደነርሱ ያሉ መምህራን በሚወጡት እጅግ ጠቃሚ ሚና መሆኑን ገልጫለሁ።

ሐምሌ 22 ቀን 2016 ዓም

በደቡብ ኢትዮጵያ ክልል ጎፋ ዞን፣ ገዜ ጎፋ ወረዳ፣ ኬንቾ ሻቻ ጎዝዲ ቀበሌ ሐምሌ 15 ቀን 2016 ዓ.ም በደረሰዉ የመሬት መንሸራተት አደጋ ህይወታቸዉ ላጡ ወገኖች የሻማ ማብራት ስነ-ስርዓት በጎፋ ዞን ሳዉላ ከተማ ተካሄደ።

ሐምሌ 2 ቀን 2016 ዓም