ብሔራዊ ትርክት – አሰባሳቢው ጥላ
******
(ኢ ፕ ድ)

....... ትርክት ብዙ ጊዜ ታሪክን፣ እምነትን፣ ባህልን እና አመለካከትን የሚይዝ ሲሆን፤ የሚነገርበት ምክንያትም አለው። የሚዘጋጀውም ለዚያ ምክንያት ሲባል ነው። የሚካተቱት ከተዘጋጀበት ዓላማ ጋር የሚሄዱ ሃሳቦችና ታሪኮች ናቸው።

ብዙ ጊዜ የትርክቶች በጎነትና እኩይነት በትርክት ቀራፂዎቹ እጅና ፍቃድ ወይም ቁጥጥር ስር ሊወድቅ እንደሚችል የሚያመላክቱት ፀሐፊው፤ በበጎ ዓላማ ከተዘጋጁ በአንድ ሀገር ሕዝቦች መካከል መግባባትና አንድነት እንደሚፈጥሩ ሁሉ፣ በዕኩይ ዓላማ ከተዘጋጁ ደግሞ መቃቃር በመፍጠር የግጭት አዙሪት ውስጥ ያስገባሉ ነው የሚሉት።

ለአንድ ወገን ዓላማ የተቀረፀ፣ ልዩነትንና ብዝሃነትን ያልተቀበለ፤ ማቀራረብና ማግባባት ዓላማው ያልሆነ ኅብረ ብሔራዊነትን የማይፈጥር ትርክት፣ ባለፉት ዘመናት ኢትዮጵያን ብዙ ፈትኗታል። ብዙ ዋጋም አስከፍሏታል።

በአዲስ አበባ እና በሲቪል ሰርቪስ ዩኒቨርሲቲዎች የሚያስተምሩት የፖለቲካ ተመራማሪው ሙሉጌታ ደበበ (ዶ/ር) ብሔራዊ ትርክት የአንድ ሀገር ሕዝብ በጋራ የሚኖረው እሴት፣ ግንዛቤ እና አስተሳሰብ ነው ይላሉ።

ዶክተር ሙሉጌታ እንደሚሉት፤ ብሔራዊ ትርክት ስንል ኢትዮጵያ ሳይሆን ኢትዮጵያዊነት ማለታችን ነው። ጥቃቅን ልዩነቶችን ትተን የጋራ በሆኑ ነገሮች ላይ ስንሰባሰብ የሚመጣ ጥላ ነው። ኢትዮጵያ የውጭ ወራሪዎችን ከመመከት አንጻር በምሥራቅ አፍሪካ ስትጫወት የነበረው ሚና ቀላል አይደለም። በቀጥታና በጎረቤቶቿ አማካኝነት በውክልና የሚመጡባትን ሃይማኖታዊ እና ጎሳዊ ግጭቶችን የመፍጠር ሙከራዎችን ሁሉ ተቋቁማ የኖረች......

https://press.et/?p=136883

በትምህርት ዘመኑ የተሻለ ውጤት የማስመዝገብ ውጥን
******
(ኢ ፕ ድ)

...........በ2017 ዓ.ም የትምህርት ዘመን ተማሪዎች የተሻለ ውጤት እንዲያስመዘግቡ የዝግጀት ሥራ መሠራታቸውን የደጅ አዝማች በላይ ዘለቀ 2ኛ ደረጃና የብሔራዊ ቤተ መንግሥት አንደኛና መካከለኛ ደረጃ ትምህርት ቤቶች ገልጸዋል።

የደጅ አዝማች በላይ ዘለቀ 2ኛ ደረጃ ትምህርት ቤት ርዕሰ መምህር አዲስዓለም ታዬ እንዳሉት፤ በ2017 ዓ.ም የትምህርት ዘመን ተማሪዎች የተሻለ ውጤት እንዲያስመዘግቡ ከወላጆች፣ ከመምህራንና ከባለ ድርሻ አካላት ጋር በመወያየት የዝግጅት ሥራዎች ተከናውነዋል።

በትምህርት ቤቱ በባለፈው የትምህርት ዘመን 94 በመቶ የሚሆኑ ተማሪዎች የክፍል ውጤታቸው ከግማሽ በላይ መሆኑን ገልጸው፤ በ2017 የትምህርት ዘመን ውጤቱን በማሻሻል 97 በመቶ የሚሆኑ ተማሪዎችን ለማሳለፍና ጥሩ ውጤት እንዲያስመዘግቡ ታቅዷል ይላሉ።

የመማር ማስተማር ሥራዎችን የሚያሳልጡ የተማሪዎች የደንብ ልብስ (ዩኒፎርም)ና የትምህርት ቁሳቁሶችን የማሟላት ሥራዎች መሠራታቸውን ጠቁመው፤ የተማሪ ወላጆች በትምህርት ቤት ሁለንተናዊ.....

https://press.et/?p=136884

የሚኒስቴሩ ተግባር በፈተና የወደቁ ተማሪዎችን በመቶኛ ከመግለጽ የዘለለ መሆኑ ሊታወቅ ይገባል ‼️

....ከሦስት ዓመታት በላይ የተጓዘው የትምህርት ዘርፉን ስብራት ለይቶ የማከም ጉዞ ግን፤ ዛሬም ላይ ይሄ ነው የሚባል ለውጥ ሳይታይበት በየዓመቱ ፈተና ያላለፉ ተማሪዎች ቁጥር በመቶኛ እያሰሉ በማቅረብ የታጀበ አካሄድ ላይ ተቸክሎ ቆሟል፡፡

ምክንያቱም ዛሬም ሚኒስቴር መሥሪያ ቤቱ ከተፈታኝ ተማሪዎች 97 በመቶዎቹ አላለፉም ከሚለው የመጀመሪያ መግለጫው፤ ዘንድሮ ከተፈታኝ ተማሪዎች 94 ነጥብ ስድስት በመቶዎቹ አላለፉም የሚል መጠነኛ የቁጥር ማሻሻያ ላይ ደርሶ ከመገለጥ የዘለለ የሚጨበጥ ርምጃ አልታየበትም፡፡

ይሄ ደግሞ ፖሊሲ ለውጦና አዲስ የትምህርት ፍኖተ ካርታም ቀርጾ ላለፉት ሦስትና አራት ዓመታት እየተገበረ እንዳለም ሆነ፤ የትምህርት ጥራትና ተደራሽነትን አጣምሮ በዘርፉ ውጤት ማሳየት ሥራው እንደሆነ አንድ ሚኒስቴር መሥሪያ ቤት ቆም ብሎ ራሱን እንዲፈትሽ፤ እየተመዘገበ ባለው ውጤትም ተማሪዎችን ተጠያቂ ሊያደርግ ሳይሆን የራሱን የሥራ ውጤት ሊገመገምበት የሚገባው ነው...

ሙሉውን ለማንበብ ሊንኩን ይጫኑ
https://press.et/?p=136905

ኢትዮቴሌኮም በ2017 በጀት ዓመት‼️

👉 ገቢውን 163 ነጥብ 7 ቢሊዮን ብር ለማድረስ አቅዷል፣

👉 የደበኞቹን ቁጥር 83 ሚሊየን ለማድረስ አቅዷል፣

👉 282 ነጥብ 85 ሚሊየን ዶላር ለማግኘት አቅዷል፣
*****
(ኢ ፕ ድ)

የኢትዮ ቴሌኮም ዋና ስራ አስፈጻሚ ፍሬህይወት ታምሩ ለጋዜጠኞች በሰጡት መግለጫ እንደገለጹት፣ በ2017 በጀት ዓመት አጠቃላይ ገቢውን 163 ነጥብ 7 ቢሊዮን ብር ለማድረስ አቅዷል።

የደበኞችን ቁጥር ከ78 ሚሊየን ወደ 83 ሚሊየን፤ የቴሌብር ተጠቃሚዎችን ቁጥር ከ47 ነጥብ 5 ሚሊየን ወደ 55 ሚሊየን ለማድረስ ማቀዱን ገልጸዋል።

በበጀት ዓመቱ 1 ሺህ 298 አዲስ የሞባይል ጣቢያዎች እንደሚገነቡ ጠቅሰው በ500 ከተሞች 4ጂ እና በ15 ከተሞች 5ጂ የሞባይል ኔትወርክ ማስፋፊያ ይደረጋል ብለዋል።

በተጨማሪም 282 ነጥብ 85 ሚሊየን ዶላር የውጭ ምንዛሬን ለማስገኘት መታቀዱንም ገልጸዋል።

ኩባንያው በ2016 በጀት ዓመት 93 ነጥብ 7 ቢሊየን ብር ገቢ ማግኘቱም ይታወሳል።

በማርቆስ በላይ

መስከረም 9 ቀን 2017 ዓም

ኢትዮጵያ መርህን መሠረት ያደረገ ዲፕሎማሲ ላይ አትኩራ ትሰራለች - የውጭ ጉዳይ ሚኒስቴር
*****************************
(ኢ ፕ ድ)
ኢትዮጵያ መርህን መሠረት ያደረገ ዲፕሎማሲ ላይ አትኩራ ትሰራለች ሲል የውጭ ጉዳይ ሚኒስቴር ገለፀ።

የውጭ ጉዳይ ሚኒስቴር ቃል አቀባይ አምባሳደር ነብያት ጌታቸው ዛሬ በሰጡት መግለጫ፣ የኢትዮጵያ ውጭ ጉዳይ ፖሊሲ ለጎረቤት ሀገራት ልዩ ትኩረት እንደሚሰጥ ጠቁመው፣ መርህን መሠረት ያደረገ በበጎ መንፈስ የተቃኘ ዘላቂ ዲፕሎማሲ ላይ አተኩራ ትሰራለች ብለዋል።

የአፍሪካ ቀንድ ቀጣናን የትርምስ ማዕከል ለማድረግ የሚደረግ እንቅስቃሴም ሊቆም ይገባል ብለዋል።

ኢትዮጵያ ከጎረቤት ሀገራት ጋር የሚደረጉ የዲፕሎማሲ ግንኙነቶችን በቅርበት እንደምትከታተልና አስፈላጊ በሆነበት ጊዜም ተገቢውን ምላሽ እንደምትሰጥ ገልፀዋል።

ከአውሮፓ ህብረት፣ ከአሜሪካና ከተመድ ልዩ መልዕክተኞች ጋር ውይይቶች መካሄዳቸውን ያነሱት አምባሳደር ነብያት፤ ለሁሉም መልዕክተኞች ኢትዮጵያ የአፍሪካ ቀንድ ሰላምና መረጋጋት የሰፈነበት ሆኖ የኢኮኖሚ ሽግግር እንዲኖር ለማድረግ የምታደርገውን ጥረት ላይ ማብራሪያ ተሰጥቷል ብለዋል።

ኢትዮጵያ ከመስከረም 14 እስከ 20 ቀን 2017 ዓም በኒውዮርክ በሚካሄደው 79ኛው የተመድ ጠቅላላ ጉባኤ ላይ መሳተፍ የሚያስችላትን ዝግጅት ማጠናቀቋንም ገልጸዋል።

በተስፋ ፈሩ
መስከረም 9 ቀን 2017 ዓም