ሥራ ፈላጊ ነዎት❓
መልካም ዕድል‼️

ለቱሪዝም ማስተር ፕላን ተግባራዊነት ኢትዮጵያ በቁርጠኝነት እንደምትሰራ አስታወቀች

👉 አባል ሀገራቱ ያዘጋጁት የ10 ዓመት ዘላቂ የቱሪዝም ማስተር ፕላን ይፋ ሆነ
*****************
(ኢ ፕ ድ)
የኢጋድ አባል ሀገራት ያዘጋጁት የቱሪዝም ማስተር ፕላን ተግባራዊ እንዲሆን ኢትዮጵያ በቁርጠኝነት እንደምትሰራ አስታወቀች።

ኢጋድና አባል ሀገራቱ ዘላቂ የቱሪዝም ልማትን እውን ለማድረግ ያዘጋጁት የ10 ዓመት ዘላቂ የቱሪዝም ማስተር ፕላን በአድዋ ድል መታሰቢያ ዛሬ ይፋ ተደርጓል።

እኤአ ከ2024 እሰከ 2030 የሚተገበር ሲሆን፤ ለቱሪዝም መሰረተ ልማት ልማትና መስፋፋት፣ ለመረጃ ልውውጥጥ፣ የዘርፉን ተግዳሮት ለመፍታት፣ በአባል ሀገራቱ መካከል ነጻ የቪዛ ስርዓት፣ ወጥ የሆነ የቱሪዝም ፖሊሲና አሰራር እንዲኖሮ ያስችላል ተብሏል።

በመድረኩ የኢጋድ ዋና ጸሀፊ ወርቅነህ ገበየሁ (ዶ/ር)፣ የቀጣናው ሀገራት ያላቸውን እምቅ የቱሪስት መዳረሻ በማልማት ለተተኪው ትውልድ ለማስተላለፍ የተዘጋጀው ማስተር ፕላን ተፈጻሚ እንዲሆን በትብብር መስራት ይገባል ብለዋል።

የቱሪዝም ሚኒስትር አምባሳደር ናሲሴ ጫሊ በበኩላቸው፤ ኢትዮጵያ የኢጋድና አባል ሀገራቱን የ10 ዓመት ዘላቂ የቱሪዝም ማስተር ፕላንን ለማዘጋጀት ስትሰራ መቆየቷን ጠቅሰው ለተግባራዊነቱ ኢትዮጵያ በቁርጠኝነት እንደምትሰራ አስታውቀዋል።

ከቱሪዝም ዘርፉ ተጠቃሚ ለመሆን የቱሪዝም መሰረተ ልማትን በማስፋፋ፣ መዳረሻዎችን በማልማትና በማስተዋወቅየሀገር ውስጥና ዓለም አቀፍ ጎብኝዎችን ለመሳብ በትብብር መስራት ይጠበቅብናል ብለዋል።

በሄለን ወንድምነው
መስከረም 9 ቀን 2017 ዓም

የኢትዮጵያ አየር መንገድ ከዛምቢያ ኤርፖርቶች ኮርፖሬሽን የእውቅና ሽልማት ተበረከተለት።

የኢትዮጵያ አየር መንገድ ከዛምቢያ ኤርፖርቶች ኮርፖሬሽን ላባረከተው የላቀ አገልግሎትና የላቀ የስራ አጋርነት የእውቅና ሽልማት ተበረከተለት።

ሽልማቱ ዛምቢያ ኤርፖርቶች ኮርፖሬሽን 35ኛ ዓመቱን ባከበረበት መርሐግብር ላይ እንደተበረከተለት ተገልጿል።

ለዛምቢያ ኤርፖርት ዕድገት በመንገደኛና በዕቃ ጭነት የአገልግሎት ዘርፎች የኢትዮጵያ አየር መንገድ ያበረከተው አስተዋፅዖ እና ያልተቋረጠ ድጋፍ ማሳያ መሆኑን ከኢትዮጵያ አየር መንገድ ያገኘነው መረጃ ያመለክታል።

መስከረም 9 ቀን 2017 ዓም

የበየነ ጴጥሮስ (ፕ/ር) ስርዓተ ቀብር ተፈፀመ
***
(ኢ ፕ ድ)

የሰላማዊ ትግል ተምሳሌት የነበሩት የበየነ ጴጥሮስ (ፕ/ር) ስርዓተቀብር በጴጥሮስ ወጳውሎስ መካነ መቃብር ተፈፅሟል፡፡

ጠቅላይ ሚኒስትር ዐቢይ አሕመድ በተገኙበት በሚሊኒየም አዳራሽ ሽኝት ከተደረገላቸው በኋላ ከፍተኛ የመንግሥት የስራ ኃላፊዎች፣ ቤተሶቦቻቸውና ወዳጆቻቸው በተገኙበት ሥርዓተ ቀብራቸው ተፈጽሟል።

በየነ ጴጥሮስ (ፕ/ር) ጳጉሜን 4 ቀን 2012 ዓ.ም የፖሊሲ ጥናት ኢንስቲትዩት በዋና ዳይሬክተርነት ሲያገለግሉ መቆየታቸው ይታወሳል። በየነ ጴጥሮስ (ፕ/ር) ባደረባቸው ህመም ምክንያት በሕክምና ሲረዱ ቆይተው መስከረም 7 ቀን 2017 ዓ.ም ሕይወታቸው ማለፉ ይታወሳል።

በፋንታነሽ ክንዴ

መስከረም 9 ቀን 2017 ዓም