5ኛው ሀገር አቀፍ የሳይበር ደህንነት ወር ከጥቅምት አንድ እስከ 30 ቀን 2017 ዓም ድረስ ይካሄዳል
****
(ኢ ፕ ድ)
5ኛው ሀገርአቀፍ የሳይበር ደህንነት ወር "የቁልፍ መሰረተ-ልማት ደህንነት ለዲጂታል ሉዓላዊነት"በሚል መሪ ቃል ከጥቅምት 1 እስከ 30 ቀን 2017 ዓም ድረስ ለአንድ ወር እንደሚካሄድ ተገለፀ።

የኢንፎርሜሽን መረብ ደህንነት አስተዳደር ዋና ዳይሬክተር ትዕግስት ሀሚድ በሰጡት መግለጫ፤በሀገሪቱ የተቋማት የቴክኖሎጂ ተጠቃሚነት ከማደጉ ጋር ተያይዞ የሳይበር ጥቃት በከፍተኛ ሁኔታ እየጨመረ ይገኛል።

በሳይበር ደህንነት ወር የሚከናወኑ መርሀግብሮች የተቋማትንና የማህበረሰብን የሳይበር ደህንነት ንቃተህሊና በማጎልበት ለሳይበር ደህንነት ትኩረት እንዲሰጡና ራሳቸውን ከሳይበር ጥቃት መከላከል እንዲችሉ ያስችላል ብለዋል።

በሳይበር ደህንነት ወር መክፈቻ በሳይንስ ሙዚየም ይካሄዳል። "የቁልፍ መሰረተ ልማት የሳይበር ደህንነት ለዲጂታል ሉአላዊነት "በሚል ርዕስ ውይይትና የግንዛቤ መለካት የሚያስችል ውድድር የሚካሄድ መሆኑን አስታውቀዋል።

በተጨማሪም በሳይበር ደህንነት ወር ባሉት ቀናትም በሳይበር ደህንነት ፖሊሲ፣የኮደርስ ኢኒሼቲቭ ለሳይበር ደህንነት ሚና፣ በስማርት ስቲ የሳይበር ደህንነት ሚና ዙሪያ ከተለያዩ ባለድርሻ አካላት ጋር ውይይት የሚካሄድ መሆኑን ገልጸዋል።

የኢንፎርሜሽን ደህንነት ማረጋገጥ ስራን ሁሉም ባለድርሻ በቅንጅት መስራት እንደሚገባም አስታውቀዋል።

ኢመድአ ባለፋት አራት አመታት የሳይበር ደህንነት ወሮችን በማዘጋጀት የንቅናቄ ስራዎች የተሰሩ መሆኑን አንስተው፤ በዚህም ለሳይበር ደህንነት ትኩረት እንዲሰጡ ንቃተ ህሊናን የመገንባት ስራን ተደራሽ ማድረግ መቻሉን ገልፀዋል።

በማህሌት ብዙነህ

መስከረም 28 ቀን 2017 ዓም