ለጠቅላይ ሚኒስትር ዐቢይ አሕመድ(ዶ/ር) በማሌዢያ ኳላላምፑር የተደረገላቸው አቀባበል‼️

ጥቅምት 15 ቀን 2017 ዓም

ኢትዮጵያ ከኤርትራ ሊያደርጉት የነበረው ጨዋታ ተሰርዟል
*****
(ኢ.ፕ.ድ)

በቻን ማጣርያ የመጀመርያ ዙር ኢትዮጵያ ከ ኤርትራ ሊያደርጉት መርሐ ግብር ወጥቶላቸው የነበረው ጨዋታ ኤርትራ ከውድድሩ ራሷን ማግለሏን ካፍ በማሳወቁ ተሰርዟል።

ኢትዮጵያ በቀጣይ ዙር የሱዳን እና ታንዛንያ አሸናፊን እንደምትገጥም የኢትዮጵያ እግርኳስ ፌዴሬሽን አስታውቋል።

ጥቅምት 16 ቀን 2017 ዓ.ም

ኢትዮጵያ በብሪክስ ያላት ተሳትፎ ለጋራ እድገት አዎንታዊ ሚና ይጫወታል-አምባሳደር ኤቭጌኒ
*******
(ኢ ፕ ድ)

ኢትዮጵያ በብሪክስ ያላት ተሳትፎ ለጋራ እድገት አዎንታዊ ሚና እንደሚጫወት በኢትዮጵያ የሩስያ አምባሳደር ኤቭጌኒ ቴሬክሂን ገለጹ።

ከሰሞኑ በሩሲያ ካዛን ከተማ ለሦስት ቀናት ሲካሄድ የቆየው 16ኛው የብሪክስ ጉባዔ በተለያዩ ርዕሰ ጉዳዮች ምክክር በማድረግ መግባባቶች ላይ በመድረስ መጠናቀቁ ይታወሳል።

ኢትዮጵያ ጥምረቱን ከተቀላቀለች በኋላ ለመጀመሪያ ጊዜ በተሳተፈችበት በዚሁ ጉባኤ ብሪክስ በቀጣይ ፍትኃዊ የዓለም ሥርዓት ለመፍጠር የሚያስችሉ አቅጣጫዎች ተቀምጠዋል።

በኢትዮጵያ የሩሲያ አምባሳደር ኢቭጌኒ ተሬክሂን ከኢዜአ ጋር ባደረጉት ቆይታ፤ ብሪክስ እንደ ብራዚል፣ ሩሲያ፣ ሕንድ፤ ቻይናና ደቡብ አፍሪካ በቀዳሚነት የጀመሩት ግዙፍ ጥምረት ነው ብለዋል።

እነዚህን አገራት ተከትሎ ወደ ጥምረቱ ከተቀላቀሉት ሃገራት መካከል ኢትዮጵያ አንዷ መሆኗን ገልጸው፥ ማዕቀፍ ውስጥ ኢትዮጵያ መካተቷ ለጋራ እድገቷ አስተዋጽዖ ያበረክታል ነው ያሉት።

የብሪክስ አባል አገራት በምጣኔ ኃብትና በሕዝብ ለሕዝብ በመሳሰሉ ጉዳዮች በጋራ የሚሰሩ ሲሆን ይህም የአባል አገራት ሁለንተናዊ እድገት ለማሳለጥ የሚያስችላቸው መሆኑን አንስተዋል።

ኢትዮጵያ በብሪክስ ያላት ተሳትፎ ለራሷ ምጣኔ ኃብታዊ እድገት የራሱ አስተዋጽዖ እንደሚያበረክት ገልጸው፥እንዲሁም ኢትዮጵያ ለብሪክስ ዓላማ መሳካት የራሷን አስተዋጽኦ እንደምታበረክትም ያላቸውን እምነት ገልጸዋል።

የብሪክስ አባል አገራት የዓለምን አንድ ሦስተኛው ኢኮኖሚና 50 በመቶ የሚጠጋውን የዓለም ሕዝብ የያዙ ሲሆን አሁን ላይ ከ30 በላይ አገራት ብሪክስን ለመቀላቀል ጥያቄ አቅርበዋል።

ይህንንም ተከትሎ ኅብረቱ ወደፊት አድማሱን ይበልጥ እያሰፋ እንደሚቀጥል ነው ከወዲሁ ከፍተኛ ግምት የተሰጠው።

በዚህም ኅብረቱ በቀጣይ የኢኮኖሚ ትብብርን በማጠናከርና የሕዝብ ለሕዝብ ትስስርን በማሳደግ ሚዛናዊ የዓለም ሥርዓት ለመፍጠር አይነተኛ ሚና እንደሚጫወት ይጠበቃል።

ጥቅምት 16 ቀን 2017 ዓም

ለተጨማሪ የመረጃ አማራጮች‼️
ትዊተር https://twitter.com/PressEthio
ቲክቶክ https://www.tiktok.com/@ethiopianpressagency...
ድረ ገጽ https://www.press.et