የኢትዮጵያ አየር መንገድ የበረራ መዳረሻዎች ቁጥር 140 መድረሱ ተገለጸ
**************
(ኢ ፕ ድ)
የኢትዮጵያ ሲቪል አቪዬሽን 80ኛ የምስረታ በዓልን አስመልከቶ የትራንሰፖርትና ሎጂስቲክስና የኢትዮጵያ ሲቪል አቪዬሽን ባለስልጣን በጋራ ጋዜጣዊ መግለጫ ሰጥተዋል።

የኢትዮጵያ ሲቪል አቪየሽን ባለስልጣን ዋና ዳይሬክተር አቶ ጌታቸው መንግስቴ እንደገለፁት፤ ባለስልጣን መስሪያ ቤቱ ከ114 አገራት ጋር የሁለትዮሽ የአየር ትራንስፖርት ስምምነት ተፈራርሟል።

በዚህም የአየር መንገዱ የበረራ መዳረሻዎች ቁጥር 140 ደርሷል ብለዋል::

ኢትጵያን ከተቀረው ዓለም ጋር በማገናኘት፣ ንግድና ቱሪዝምን በማቀላጠፍ ረገድ ለሚደረገው ሥራ የአቪዬሽን ባለስልጣን ድርሻ ትልቅ ነው ያሉት ዋና ዳይሬክተሩ፤ የኢትዮጵያ የአየር ትራንስፖርት ጥራትና ደህንነቱ የጠበቀ እንዲሆን የባለስልጣኑ ሚና ትልቅ መሆኑን ጠቅሰዋል።

ዓለም አቀፍ የሲቪል አቪዬሽን ድርጅት መሰረት በዓለም ላይ ጥራቱ የተጠበቀ የአየር ትራንስፖርት አገልግሎት ከሚሰጡ ጥቂት ሀገራት መካከል የኢትዮጵያ ሲቪል አቪዬሽን ባለስልጣን አንዱ ነው ሲሉ ገልፀዋል::

የትራንሰፖርት እና ሎጂስቲክስ ሚኒስትር ደኤታ አቶ ደንጌ ቦሩ በበኩላቸው፤ የኢትዮጵያ ሲቪል አቪዬሽን የምስረታ በአል ከህዳር 30 እስከ ታህሳስ 3 ቀን 2017 ዓ.ም በተለያዩ ፕሮግራሞች ያከብራል ብለዋል።

የኢትዮጵያ ሲቪል አቪዬሽን ምስረታን የተቀላቀለችው የአየር ትራንስፖርት በተጀመረበት ጊዜ ነው ያሉት ሚኒስትር ድኤታው፤ ላለፉት 80 ዓመት በስኬት ቆይቷል ብለዋል።

ትልቅ አየር መንገድ በማቋቋም ዓለምን የማገናኘት ሥራ አየተሠራ መሆኑን ጠቅሰው፤ ከዚህ ስኬት ጀርባ የኢትዮጵያ ሲቪል አቪዬን ባለስልጣን ትልቅ ሚና አለው ብለዋል።

ጥራቱና ደህነቱ የተረጋገጠ የአየር ትራንስፖርት እንዲኖር በማድረግ ረገድ የተጫወተው ሚና ጉልህ መሆኑንም ጠቅሰዋል።

ኢትዮጵያ ተወዳዳሪና ተመራጭ አዬር መንገድ አንድኖራት ማስቻሉንም ገልፀዋል::

ከአቪዬሽን ኢንዱስትሪውን ፊት የኢትዮጵያ አየር መንገድ ይታያል ያሉት ሚኒስትር ድኤታው፤ ከጀርባ ደግሞ የኢትዮጵያ ሲቪል አቪዬሽን ባለስልጣን ያለው ድርሻ ትልቅ ነው።

ባለፉት 80 ዓመታት ውስጥም ስኬታማ አየር መንገድ አብዲኖር የባለስልጣኑ ድርሻ ጉልህ መሆኑን ገልፀዋል።

በኢትዮጵያ የኤርፖርቶች ቁጥር 23 ሲሆን ከዚህ ውስጥ 4ቱ ዓለም አቀፍ ደረጃ የያዙ መሆናቸውም ተጠቅሷል።

በሞገስ ፀጋዬ
ህዳር 23 ቀን 2017 ዓም

የዓለምና አህጉር አቀፍ ጉባዔዎች መበራከት የሚያስገኙት ፉይዳዎች
****
(ኢ ፕ ድ)

የኮንፈረንስ ቱሪዝም ዘርፍ በዓለም ከፍተኛ ገንዘብ መጠን ከሚንቀሳቀስባቸው መካከል አንዱ እንደሆነ ይገለጻል። ኢትዮጵያ የአፍሪካ ህብረት መቀመጫና የልዩ ልዩ ዓለም አቀፍ ተቋማት ቢሮዎች ያሉባት ለኮንፈረንስ ቱሪዝም ምቹ መናኸሪያ ያደርጋታል።

ዘርፉ በዋናነት የጉባዔ፣ የአውደ ርእይና ባዛር፣ የንግድ ውይይትና ዓለም አቀፍ ሁነቶች ዋና ማጠንጠኛው በመሆኑ ሀገሪቱ ምጣኔ ሀብቷን እንድታሳድግ፣ ተመራጭ የስብሰባ ቱሪዝም ከተማ እንድትሆንና ያንን ተከትሎ ዜጎች በሚፈጠረው የሥራ እድል ተጠቃሚ እንዲሆኑ ልዩ እድል የሚሰጥ መሆኑን የዘርፉ ምሁራን ያብራራሉ።

የኮንፈረንስ (የማይስ) ቱሪዝም ፅንሰ ሃሳብ ትግበራ ካለፉት አስር ዓመታት በላይ በኢትዮጵያ ውስጥ እየተተገበረ ይገኛል። መንግሥት ለቱሪዝም ዘርፉ የሰጠውን ልዩ ትኩረት ተከትሎም የማይስ ኢትዮጵያ የኮንቬንሽን ቢሮ መክፈቱም ይታወቃል። ይህ ቢሮም ኢትዮጵያን ከዓለም አቀፍ ጉባዔዎች እና ሁነቶች የቱሪዝም ተጠቃሚ ለማድረግ ታሳቢ ያደረገ እንደሆነም ተደጋግሞ ተነግሯል። ባለፉት ጥቂት ዓመታት ወዲህ ደግሞ በሀገሪቱ የተለያዩ አህጉር አቀፍና ዓለም አቀፍ ሁነቶች......

https://press.et/?p=142094