ጠቅላይ ሚኒስትር ዐቢይ አሕመድ (ዶ/ር) ከአልጀሪያ ከፕሬዝዳንት አብዱልመጅድ ቴቡኔ የተላከ መልዕክት ተቀበሉ‼️

#አዲስ_ዘመን_ዛሬ‼️
የታህሳስ 8 ቀን 2017 ዓ.ም አዲስ ዘመን ጋዜጣ
https://press.et/?p=143135

ቻይና አረንጓዴ ኢኮኖሚያዊ እድገት ለመገንባት በሚደረገው ጥረት በንቃት እየተሳተፈች ነው
*****
(ኢ ፕ ድ)

ቻይና በኢትዮጵያ ብሎም በአፍሪካ ቀጣይነት ያለው የአረንጓዴ ልማት ለመገንባት በሚደረገው ጥረት በንቃት እየተሳተፈችና ድጋፍ እያደረገች መሆኑን በኢትዮጵያ የቻይና አምባሳደር ቸን ሃይ ገለጹ።

አምባሳደሩ ከኢትዮጵያ ፕሬስ ድርጅት ጋር በነበራቸው ቆይታ እንዳሉት፤ ቻይና እኤአ በ2030 የካርቦን ልቀትን ለመቀነስና በ2060 ካርቦን ነፃ የሆነ ኢኮኖሚ ለመገንባት የተለያዩ ስትራቴጂዎችንና ፖሊሲዎችን ቀርጻ በመተግበር ላይ ትገኛለች። በኢትዮጵያ ብሎም በአፍሪካ ደረጃ ቀጣይነት ያለው አረንጓዴ ኢኮኖሚያዊ እድገት ለመገንባት በሚደረገው ጥረት ውስጥም በንቃት እየተሳተፈችና ድጋፍ እያደረገች ነው ብለዋል።

በጠቅላይ ሚኒስትር ዐቢይ አሕመድ (ዶ/ር) የተነደፈው የአረንጓዴ ዐሻራ መርሐ ግብርም በፕሬዚዳንት ዢ ጂንፒንግ ይፋ ከተደረገው ሥርዓተ ምሕዳርን የጠበቀ እድገት ማ ስመዝገብ ጋር የሚጣጣም መሆኑንም ጠቁመዋል።

ሁለቱ ሀገራት ቃላቸውን ወደ ተግባር በመቀየር ላይ የሚገኙና ለአየር ንብረት ለውጥ የማይበገር ኢኮኖሚ በመገንባት ምሳሌ የሚሆን ሥራ እየሠሩ ነው ያሉት አምባሳደር ቸን፤ የቻይና ባለሀብቶች የአረንጓዴ ዐሻራ....https://press.et/?p=143140

ኢትዮጵያ ከአውሮፓ ኅብረት ጋር ያላትን ሁለንተናዊ ግንኙነት ማጠናከር ትሻለች
******
(ኢ ፕ ድ)
ኢትዮጵያ ከአውሮፓ ኅብረት ጋር ያላትን ሁለንተናዊ ግንኙነት ማጠናከር እንደምትሻ የውጭ ጉዳይ ሚኒስትር ጌዲዮን ጢሞቲዎስ (ዶ/ር) አስታወቁ።

የውጭ ጉዳይ ሚኒስትሩ ይህን ያሉት ዛሬ በአዲስ አበባ መካሄድ በጀመረው የኢትዮጵያና የአውሮፓ ኅብረት የስትራቴጂክ አጋርነት መድረክ ላይ ነው።

በመድረኩ በውጭ ጉዳይ ሚኒስትር ጌዲዮን ጢሞቲዎስ (ዶ/ር) የሚመራ የኢትዮጵያ ልዑክ እና በአዲስ አበባ የሚገኙ የአውሮፓ ኅብረት አባል አገራት አምባሳደሮች እና ተወካዮች እየተሳተፉ ናቸው።

የውጭ ጉዳይ ሚኒስትሩ በዚሁ ጊዜ የአውሮፓ ኅብረት የኢትዮጵያ ቁልፍ የሠላምና የልማት አጋር መሆኑን ገልጸዋል።

አጋርነቱን ተጠቅማ ኢትዮጵያ ከኅብረቱ ጋር ያላትን ሁለንተናዊ ግንኙነት ይበልጥ ማጠናከር እንደምትሻ ሚኒስትሩ ተናግረዋል።

ከአውሮፖ ኅብረት አምባሳደሮችና ተወካዮች ጋር የሚደረገው ውይይትም በሠላምና ጸጥታ፣ በኢኮኖሚ ልማትና በባለብዙ ወገን ትብብር ላይ ያተኮረ መሆኑን አመልክተዋል።

በኢትዮጵያ የአውሮፓ ኅብረት አምባሳደር ሶፊ ፍሮም ኢመስበርገር በበኩላቸው፤ ኢትዮጵያ ለቀጣናው ሠላምና መረጋጋት ወሳኝ ሚና እንዳላት አስረድተዋል።

የአውሮፓ ኅብረት በቀጣናው ሠላምና ደህንነት እንዲሰፍን የበኩልን ድርሻ እንዳለውም መናገራቸውን ውይይቱን የተከታተሉት የውጭ ጉዳይ ሚኒስቴር ቃል አቀባይ አምባሳደር ነብያት ጌታቸው ገልጸዋል።

ኢትዮጵያና የአውሮፓ ኅብረት ያላቸውን ትስስር ለማጠናከር እንደ አውሮፓውያን የዘመን አቆጣጠር በ2016 የስትራቴጂክ አጋርነት ትብብር መፈራረማቸው ይታወቃል ሲል ኢዜአ ዘግቧል።

ታህሳስ 8 ቀን 2017 ዓም