በትግራይ ክልል ህዝብን ችግር ውስጥ የሚከቱ ድርጊቶች መቆም ይኖርባቸዋል - የትግራይ ዴሞክራሲያዊ ፓርቲ
*****
(ኢ ፕ ድ)

በትግራይ ክልል የሕወሃት አንደኛው አንጃ ለራሱ ጥቅም ሲል እየፈጠራቸው ያሉ ድርጊቶች ተገቢነት የሌላቸውና ህዝብን ችግር ውስጥ የሚከቱ በመሆናቸው መቆም እንዳለባቸው የትግራይ ዴሞክራሲያዊ ፓርቲ አሳስቧል።

"የፓርቲው ሊቀ መንበር አረጋዊ በርሔ (ዶ/ር) በሰጡት መግለጫ፣ በፕሪቶሪያው ስምምነት መሰረት ሁሉንም አካታች የሆነ አስተዳደር በክልሉ መተግበር አንዳለበት ጠቅሰው፣ የትግራይ ህዝብ ከመጠን በላይ በጦርነት ተጎድቷል ብለዋል።

ከፕሪቶሪያው ስምምነት ወዲህ በክልሉ የተቋቋመው ጊዜያዊ አስተዳደር በህወሃት አንጃ እንዲጨናገፍ ተደርጓል።

በመሆኑም የፌደራል መንግስት በፕሪቶሪያው ስምምነት መሰረት ሁሉንም ያካተተ አስተዳደር ተመስርቶ ህዝቡን ከዳግም መከራ ሊታደገው ይገባል ሲሉ ገልፀዋል።

ሔርሞን ፍቃዱ

መጋቢት 6 ቀን 2017 ዓም

በመስቀል አደባባይ ለሚከናወነው የኢፍጣር ፕሮግራም የሚዘጉ መንገዶች ይፋ ሆኑ
*******
(ኢ ፕ ድ)
በዛሬው ዕለት በመስቀል አደባባይ ለሚከናወነው የኢፍጣር ፕሮግራም ዝግ የሚሆኑ መንገዶችን የአዲስ አበባ ፖሊስ ይፋ አድርጓል፡፡

በዚህም ዛሬ ከቀኑ 5 ሠዓት ጀምሮ በመስቀል አደባባይ በሚከናወነውን የኢፍጣር ፕሮግራም ምክንያት በማድረግ

👉 ከኦሎምፒያ ወደ መስቀል አደባባይ (ኦሎምፒያ አደባባይ ላይ)

👉 ከጥላሁን አደባባይ ወደ ሳንጆሴፍ መብራት (ጥላሁን አደባባይ ሲሆን ከባድ ተሽከርካሪ አጎና ላይ)

👉 ከለገሃር መብራት ወደ መሰቀል አደባባይ (ለገሃር መብራት)

👉 ከቴሌ ማቋረጫ ወደ ስታድየም (ቴሌ ማቋረጫ ላይ)

👉 ከሀራምቤ መብራት ወደ መስቀል አደባባይ (ሀራምቤ መብራት ላይ)

👉 ከብሔራዊ ቤተ መንግሥት ወደ መስቀል አደባባይ (ብሔራዊ ቤተመንግሥት ላይ)

👉 ከቅዱስ ዑራኤል አደባባይ ወደ መስቀል አደባባይ (ባምቢስ መቅረዝ ሆስፒታል መታጠፊያ ድረስ) የሚዘጋ መሆኑን በመገንዘብ አሽከርካሪዎች አማራጭ መንገዶችን እንዲጠቀሙ ፖሊስ አሳስቧል፡፡

መጋቢት 7 ቀን 2017 ዓም