በመስቀል አደባባይ ለሚከናወነው የኢፍጣር ፕሮግራም የሚዘጉ መንገዶች ይፋ ሆኑ
*******
(ኢ ፕ ድ)
በዛሬው ዕለት በመስቀል አደባባይ ለሚከናወነው የኢፍጣር ፕሮግራም ዝግ የሚሆኑ መንገዶችን የአዲስ አበባ ፖሊስ ይፋ አድርጓል፡፡

በዚህም ዛሬ ከቀኑ 5 ሠዓት ጀምሮ በመስቀል አደባባይ በሚከናወነውን የኢፍጣር ፕሮግራም ምክንያት በማድረግ

👉 ከኦሎምፒያ ወደ መስቀል አደባባይ (ኦሎምፒያ አደባባይ ላይ)

👉 ከጥላሁን አደባባይ ወደ ሳንጆሴፍ መብራት (ጥላሁን አደባባይ ሲሆን ከባድ ተሽከርካሪ አጎና ላይ)

👉 ከለገሃር መብራት ወደ መሰቀል አደባባይ (ለገሃር መብራት)

👉 ከቴሌ ማቋረጫ ወደ ስታድየም (ቴሌ ማቋረጫ ላይ)

👉 ከሀራምቤ መብራት ወደ መስቀል አደባባይ (ሀራምቤ መብራት ላይ)

👉 ከብሔራዊ ቤተ መንግሥት ወደ መስቀል አደባባይ (ብሔራዊ ቤተመንግሥት ላይ)

👉 ከቅዱስ ዑራኤል አደባባይ ወደ መስቀል አደባባይ (ባምቢስ መቅረዝ ሆስፒታል መታጠፊያ ድረስ) የሚዘጋ መሆኑን በመገንዘብ አሽከርካሪዎች አማራጭ መንገዶችን እንዲጠቀሙ ፖሊስ አሳስቧል፡፡

መጋቢት 7 ቀን 2017 ዓም

ኢትዮጵያ የኮሙዩኒኬሽን ሳተላይት ወደ ኅዋ ለማምጠቅ ሥራ ጀምራለች
****
(ኢ ፕ ድ)

ኢትዮጵያ ሦስተኛዋን የመሬት ምልከታ ሳተላይት ለማምጠቅ ሻንጋይ ኢንጂነሪንግ ማይክሮ ሳተላይት ከተሰኘው የቻይና ኩባንያ ጋር የውል ስምምነት ተደርጎ ሥራው መጀመሩን የስፔስ ሳይንስና ጂኦ ስፓሻል ኢንስቲትዩት አስታወቀ።

የኮሙዩኒኬሽን ሳተላይትም ወደ ኅዋ ለማምጠቅ እየሠራች መሆኑ ተገልጿል።

የኢንስቲትዩቱ ዋና ዳይሬክተር አቶ አብዲሳ ይልማ ለኢፕድ እንደገለፁት፤ ኢትዮጵያውያን መሐንዲሶች ቻይና ሄደው ከኩባንያው ጋር የተልዕኮ ትንተና ሥራዎችን አጠናቀዋል። ከስምምነቱ ጀምሮ ሳተላይቷን አልምቶ ለማምጠቅ አስራ ስምንት ወራት እንደሚፈጅ ጠቅሰው፣ የማምጠቂያ ቀን ገደቡ ሊለያይ እንደሚችል ገልጸዋል።

ቀደም ሲል ወደ ሕዋ ከመጠቁት ሁለት ሳተላይቶች የአሁኗ ከፍተኛ የምስል ጥራት ያላቸው መረጃዎችን መላክ የምትችል መሆኑንም የተናገሩት ዋና ዳይሬክተሩ፤ የምስል ጥራቱ ከፍተኛ በሆነ መጠን ግልጋሎት ላይ ይውላሉ ብለዋል።

የመሬት ምልከታ ሳተላይቶች በዋናነት ተግባራቸው በመሬት ዙሪያ እየዞሩ ምስል በማንሳት ወደ መሬት መላክ ነው ያሉት ዋና ዳይሬክተሩ ይህ የምስል መረጃ እየተተነተነ የግብርና፣ ደን፣ ውሃ፣ የተፈጥሮ አደጋዎችንና ሌሎች ሥራዎችን ለመከታተልና ለመቆጣጠር እንደሚውል ገልፀዋል።

ኢትዮጵያ ወደ ሕዋ የምታመጥቃት የመሬት ምልከታ ሳተላይት ከፍተኛ ፋይዳ እንደሚኖራት ዋና ዳይሬክተሩ ጠቁመዋል።

በተመሳሳይ ኢትዮጵያ የኮሙዩኒኬሽን ሳተላይትም ወደ ኅዋ ለማምጠቅ እየሠራች መሆኑን የተናገሩት ዋና ዳይሬክተሩ፤ አሁን ላይ የአዋጭነት ጥናት ተጠናቆ የፋይናንስ ምንጮችን የማፈላለግ ሥራ እየተካሄደ እንደሚገኝ ጠቁመዋል።

ኢትዮጵያ ለሦስተኛ ጊዜ ወደ ኅዋ የምታመጥቃት ሳተላይት ለአምስት ዓመታት እንደምትቆይና ቀደም ሲል በ2012 ዓ.ም እና በ2013 ዓ.ም ወደኅዋ የመጠቁት የመሬት ምልከታ ሳተላይቶች የአገልግሎት ጊዜያቸውን መጨረሳቸውን ተከትሎ እንደሆነ https://press.et/?p=147634