“ሕንድ ዲጂታል ኢትዮጵያ እውን እንዲሆን ልምዷን ታካፍላለች”

- ናሬንድራ ሞዲ
+++++++++++++++++++++++

#ጋዜጣ_ፕላስ | የዲጂታል ቴክኖሎጂ ስኬት ተሞክሮ በማካፈል "ዲጂታል ኢትዮጵያ" እውን እንዲሆን ለማገዝ ዝግጁ መሆኗን የሕንዱ ጠቅላይ ሚኒስትር ናሬንድራ ሞዲ ገለጹ።

የሕንዱ ጠቅላይ ሚኒስትር ናሬንድራ ሞዲ በኢፌዴሪ 6ኛው የሕዝብ ተወካዮች እና የፌዴሬሽን ምክር ቤቶች 5ኛ ዓመት የሥራ ዘመን የጋራ ስብሰባ ላይ ተገኝተው ንግግር አድርገዋል።

ጠቅላይ ሚኒስትር ናሬንድራ ሞዲ በንግግራቸው፤ በአሁኑ ወቅት በሕንድ እያንዳንዱ ዜጋ የአገልግሎት ክፍያን ለመፈጸም ሙሉ በሙሉ የዲጂታል ቴክኖሎጂን እየተጠቀመ እንደሚገኝ ገልጸዋል።

በሕንድ በዓመት ሦስት ጊዜ በመቶ ሚሊዮን የሚቆጠሩ አርሶ አደሮች የዲጂታል ፋይናንስ አጠቃቀም ድጋፍ እንደሚያገኙ የጠቀሱት ጠቅላይ ሚኒስትሩ፤ ይህ አሠራር አገሪቱን በከፍተኛ ሁኔታ ተጠቃሚ ማድረጉን አመላክተዋል።

ይህንን የቴክኖሎጂ ተሞክሮ ለኢትዮጵያ ለማካፈል አገራቸው ዝግጁ መሆኗንም ናሬንድራ ሞዲ አረጋግጠዋል።

በልጅዓለም ፍቅሬ

#ጋዜጣ_ፕላስ #ናሬንድራ_ሞዲ #ዲጂታል_ኢትዮጵያ #ዲጂታል_ፋይናንስ #ቴክኖሎጂ #ሕንድ

የህንድን አዲስ ታሪክ የከተቡት ታላቅ ሰው
+++++++++++

#ጋዜጣ_ፕላስ | እ.ኤ.አ በ1943 በቫድናጋር በምትገኝ አንዲት ጠባብ ቤት ውስጥ የተወለዱት ናሬንድራ ሞዲ፣ የዛሬው የፖለቲካ ቁመናቸው ትላንት ካለፉበት የሕይወት ውጣ ውረድ የተቀዳ ነው።

በቤተሰብ የሻይ መሸጫ ውስጥ እየረዱ፣ የሻይ ማፍያው እንፋሎትና የኑሮ ፈተና እያጠነከራቸው ያደጉት ሞዲ፣ ለድሆችና ለተገፉት ያላቸው ርኅራኄ መነሻው ይኸው ትሑት የቤተሰብ አስተዳደጋቸው ነው።

ገና በአፍላነታቸው ከመጻሕፍት ጋር የነበራቸው ጥብቅ ቁርኝትና በሂማላያ ተራሮችና ገዳማት ውስጥ ያሳለፉት መንፈሳዊ ሕይወት "ለሌላው መኖር" የሚለውን ትልቅ እውነት እንዲረዱ አድርጓቸዋል።

ሞዲ በፖለቲካው ዓለም ውስጥ ያሳዩት ብቃትና ጥንካሬ በሥራ የተገነባ ነው እየተባለም ይነገርላቸዋል።

በፖለቲካል ሳይንስ የመጀመርያና ሁለተኛ ዲግሪያቸውን ከዴልሂና ከጉጂራት ዩኒቨርሲቲዎች ካገኙ በኋላ፣ በ1980ዎቹ የሕንድ ሕዝቦች ፓርቲን (BJP) ተቀላቅለዋል።


ከ2001 እስከ 2014 ድረስ በጉጃራት ግዛት ዋና ሥራ አስፈጻሚ በመሆን ያሳለፏቸው 13 ዓመታት፣ በግዛቲቱ ላይ ያመጡት ታላቅ ለውጥ ለሀገር መሪነታቸው እንደ ትልቅ ድልድይ ሆኖ አገልግሏል።

የጠቅላይ ሚኒስትሩ የሥራ ዲሲፕሊን የሚደነቅ ነው። ንጋት 11 ሰዓት ላይ ሥራቸውን በመጀመር እስከ እኩለ ሌሊት የሚዘልቁት ሞዲ፣ የሥራ መርሃቸው ብበዙዎች ዘንድ ተቀባይነት እንዲያገኙ አድርጓቸዋል።

ለእሳቸው መንግሥት በሰዎች ሕይወት ውስጥ እንቅፋት ሳይሆን የሥኬት ድልድይ መሆን አለበት።

ይህ በቢሮክራሲ ያልታጠረና ሕዝብን በቀጥታ የሚያገለግል አመራራቸው፣ ሕንድን ወደ ቀድሞ ክብሯ የመመለስ ራዕይ የሰነቀ ነው።

በዳግማዊት ግርማ
#ኢትዮጵያ #ህንድ #ጋዜጣ_ፕላስ #ወዳጅነት #ዲፕሎማሲ #ናሬንድራ_ሞዲ #ሕንድ

በውሃ ላይ የሚያርፉ አውሮፕላኖች ወደ ሀገር ውስጥ ሊገቡ ነው
+++++++++++++++++++++++++

ጋዜጣ_ፕላስ | የኢትዮጵያ አየር መንገድ ለቱሪዝም አገልግሎት የሚውሉና በውሃ ላይ ማረፍ የሚችሉ አውሮፕላኖችን በቀጣይ ጥቂት ወራት ወደ ሀገር ውስጥ ሊያስገባ መሆኑን አስታወቀ።

የኢትዮጵያ አየር መንገድ ዋና ሥራ አስፈፃሚ መስፍን ጣሰው ለጋዜጣ ፕላስ እንደገለፁት፤ አየር መንገዱ የቱሪዝም ዘርፉን ለማሳደግና በቂ የአውሮፕላን ማረፊያ በሌላቸው የቱሪስት መዳረሻዎች አገልግሎት ለመስጠት የሚያስችሉ በውሃ ላይ የሚያርፉ አውሮፕላኖችን በቅርቡ ወደ ሀገር ውስጥ ያስገባል።

አውሮፕላኖቹ በመጋቢትና ሰኔ ወራት ወደ ሀገር ውስጥ እንደሚገቡና የሙከራ አገልግሎት እንደሚጀምሩም ገልጸዋል።

እነዚህ አውሮፕላኖች በውሃም ሆነ በመሬት ላይ ማረፍ የሚችሉ መሆናቸውን የገለጹት ዋና ሥራ አስፈፃሚው፤ በቅርቡ የሚጀመረው የሙከራ አገልግሎት ስኬታማ ከሆነ ተጨማሪ አውሮፕላኖች እንደሚታዘዙ አስረድተዋል።

ይህም ወደ ቱሪዝም መዳረሻዎች በአውሮፕላን ለመጓዝ ለሚፈልጉ መንገደኞች ትልቅ አማራጭ እንደሚፈጥር ጠቁመዋል።

በክብረአብ በላቸው
#ጋዜጣ_ፕላስ #ኢትዮጵያ #አየር_መንገድ #ቱሪዝም #አቪዬሽን

ከአውድ ውጪ የተሰራጨ መረጃ
+++++++++++++
#የፕሬስ_መረጃ_ማጣሪያ- ከሰሞኑ ጠቅላይ ሚኒስትር ዐቢይ አሕመድ(ዶ/ር) የዲጂታል መታወቂያ ይዘው የሚታዩበት ፎቶግራፍ በማህበራዊ ሚዲያ ላይ ሲዘዋወር ተመልክተናል። ይሁን እንጂ ይህ ትክክለኛ ፎቶግራፍ አለመሆኑን የኢፕድ የመረጃ ማጣሪያ አረጋግጧል። https://m.facebook.com/story.php?story_fbid=pfbid0k5kskAzdQifV2J7McFNfY9WcxogXbS7U9vMDrJaVVgFctNSzXkt1QCZrnQFmT44fl&id=61550238885521&sfnsn=mo

#fakeimages  #fakeNewsAlert  #የፕሬስ_መረጃ_ማጣሪያ