አለም አቀፍ የሠራተኞች ስምምነት በኢትዮጵያ የህግ ስርዓት ውስጥ ተካተው እንዲተገበሩ የማስጀመሪያ ፕሮግራም ተካሄደ
************************
(ኢ ፕ ድ)
የኢትዮጵያ ሠራተኞች ማህበራት ኮንፌዴሬሽን የሠራተኞች ፍልሰትን አስመልክቶ በአለም የሥራ ድርጅት በኩል የወጡት አለም አቀፍ ስምምነቶች በኢትዮጵያ የህግ አካል ሆነው ተግባራዊ ለማድረግ የግንዛቤ ማስጨበጫ ዘመቻ ማስጀመሪያ መርሐግብር አካሄደ።
በመረሐግብሩ ላይ በስራ ቦታ ላይ የሚደርስ ጥቃትንና ትንኮሳን መከላከል ስምምነት ቁጥር 190፤ የቤት ሠራተኞች ላይ የሚደርስ የመብት ጥሰትና እንግልትን ስለማስቆም ስምምነት ቁጥር 189፣ ከሰራተኛዉ መብት ጋር ተያያዥነት ያላቸዉ ስምምነት ቁጥር 97 እና 143 ተዋውቀዋል።
እነዚህ ህጎቹ ተቀባይነት አግኝተው በመጽቃቸው በአገሪቱ ስራ ቦታ ላይ የሚደርሱ ችግሮችን በመቅረፍና የሰራተኛውን መብት በማስከበር ትልቅ ሚና እንደሚጫወት በመድረኩ ተገልጿል።
ለመንግስትም ሰራተኛ ተቀባይ ከሆኑ ሀገራት ጋር ለመደራደር ትልቅ አቅም እንደሚሆነም ተገልጿል።
በማስጀመሪያ ፕሮግራሙ ንግግር ያደረጉት የኢትዮጵያ ሠራተኞች ማህበራት ኮንፌዴሬሽን ፕሬዚዳንት አቶ ካሳሁን ፎሎ፣ የሠራተኞች ፍልሰትን በአገር ውስጥም የሚሰሩ ሰራተኞችም መብታቸዉ ሊጠበቅ ይገባል። መንግስት ኮንቬንሽኖቹን በማጽደቅ ከኢሠማኮ ጎን እንዲሆን ጠይቀዋል።
በአለም አቀፍ የሥራ ድርጅት የምስራቅ አፍሪካ ዋና ዳይሬክተር አሌክሶ ሙሴንዶ በበኩላቸው፣ የኮንቬንሽኖቹ መጽደቅ የሰራተኛውን መብት በማስከበር ትልቅ አስተዋጾ እንደሚኖረዉ ተናግረዋል።
የአለም ስራ ድርጅት የምስራቅ አፍሪካ ዳይሬክተር አሌክሶ ሙሲንዶ፣ የኢሠማኮ ፕሬዚዳንት አቶ ካሳሁን ፎሎ፣ የኢትዮጵያ አሠሪዎች ፌዴሬሽኖች ኮንፌዴሬሽን ፕሬዚዳንት አቶ ታደሰ ይመር እና የሚመለከታቸዉ አካላት በጋራ በይፋ አስጀምረውታል።
በመዓዛ ማሞ
ኢትዮጵያን እናልማ፣ እንገንባ፣ እንዘጋጅ‼️
ሀገርን በዘላቂነት እናልማ‼️
የፈረሰውን አብልጠን እንገንባ‼️
ለማንኛውም ፈተና እንዘጋጅ‼️

አቶ ኃይለማርያም ደሳለኝ ለጥቁር ህዝቦች ታሪክ፣ ቅርስ ማቆያና የትምህርት ማዕከል ምስረታ ድጋፍ እንደሚያደርጉ ተናገሩ
********************
(ኢ ፕ ድ)
በለንደን የኢትዮጵያ ኤምባሲ የቀድሞው ጠቅላይ ሚኒስትር አቶ ኃይለማሪያም ደሳለኝ ከጥቁር ህዝቦች የህግ፣ የታሪክና የማህበራዊ ሳይንስ ምሁራን ጋር ባካሄዱት ውይይት የጥቁር ህዝቦች የታሪክ፣ የቅርስ ማቆያና የትምህርት ማእከል በአዲስ አበባ ላይ ለማቋቋም የሚያደርጉትን እንቅስቃሴ እንደሚደግፉ ተናግረዋል።
ጠቅላይ ሚኒስትር ዶ/ር ዐቢይ አሕመድ በፓን አፍሪካን እንቅስቃሴ ከፍተኛ ፍላጎት ያላቸው በመሆኑና ጉዳዩን በቁርጠኝነት የሚከታተሉት ስለሆነም ለምስረታው ድጋፍ የሚያገኙበትን ሁኔታ እንደሚያመቻቹ ተናግረዋል።
የጥቁር ህዝቦች ታሪክ ስፔሻሊስትና ደራሲ ሮቢን ዎከር በበኩላቸው ከድህረ ቅኝ አገዛዝ በኋላ ያለው በጥቁር ህዝቦች ላይ ያተኮረ ትርክት እጅግ የተዛባና ነው። በዚህ ወቅት ግን ምሁራን በሚያደርጉት ያላሰለሰ ጥረት በራስ መተማመን ላይ የተመሰረተ ስነ ልቦና መላበስ ለጥቁር ህዝቦች ወቅቱ የሚጠይቀው ጉዳይ መሆኑን ገልጸዋል።
ይህን የጥቁር ህዝቦች በራስ የመተማመን ስነልቡና ለማጎልበት ቅድመ ቅኝ አገዛዝ የጥቁር ህዝቦችን ታሪክና ቅርስ መመርመር የሚያስችል ማእከል አዲስ አበባ ላይ መመስረት ወሳኝ መሆኑን ገልጸዋል።
በዩናትድ ኪንግደም የኢትዮጵያ ባለሙሉ ስልጣን አምባሳደር ቡድኑ ማእከሉን በአዲስ አበባ ለማቋቋም በኤምባሲው ተደጋጋሚ ውይይቶች መካሄዳቸውን አስታውሰው ለስኬታማነቱ የበኩላቸውን ጥረት እንደሚያደርጉ ተናገረዋል፡፡
የቡድኑ አስተባባሪ ትውልደ ኢትዮጵያዊው አቶ ጸጋዬ ጫማ እንደገለፁት ቡድኑ የማእከሉን ምስረታ ለማቀላጠፍ ወደ አዲስ አበባ በርካታ አባላቱን በመያዝ ይጓዛል። ኤምባሲው ለዚህ አላማ ስኬት ከፍተኛ ድጋፍ እያደረገ በመሆኑ ሊመሰገን ይገባዋል ብለዋል፡።
ኢትዮጵያን እናልማ፣ እንገንባ፣ እንዘጋጅ‼️
ሀገርን በዘላቂነት እናልማ‼️
የፈረሰውን አብልጠን እንገንባ‼️
ለማንኛውም ፈተና እንዘጋጅ‼️

ከሁለት ሚሊዮን በላይ ሴቶች የሚሳተፉበት የውይይት መድረክ እንደሚያካሂድ የብልፅግና ፓርቲ ሴቶች ሊግ አሰታወቀ
********************
(ኢ ፕ ድ)
የኦሮሚያ ብልፅግና ፓርቲ ሴቶች ሊግ ፓርቲው ባከናወነው አንደኛ መደበኛ ጉባኤ ያስተላለፋቸውን ውሳኔዎችና ምግቤን ከጓሮዬ በሚል ከሁለት ሚሊዮን በላይ ሴቶች የሚሳተፉበት ንቅናቄ ከሚያዚያ 8/8/2014 አስከ 25/8/2014 ዓ.ም እንደሚያከነውን አስታወቀ።
ውይይቱ የሴቶች ሁለንተናዊ ተጠቃሚነትና ተሳትፎ፤ በቀጣይ ለሚደረገው የኦሮሚያ ብልፅግና ፓርቲ ሴቶች ሊግ አንደኛ መደበኛ ጉባኤ እንደ ግበዓት እንደሚያገለግል የኦሮሚያ ብልፅግና ፓርቲ ሴቶች ሊግ ሀላፊ ወ/ሮ መብራት ባጫ ተናግረዋል።
በዕለቱ ምግቤን ከጓሮዬ ንቅናቄ በ21 ዞኖች፣19 ከተሞችና በ312 ወረዳዎች እንደሚካሄድ ሀላፊዋ ገልፀዋል።
ለመርሀ ግብሮቹ መሳካት ባለድርሻ አካላትና ህብረተሰቡ ቀና ትብብር እንዲያደርግ ወ/ሮ መብራት ጥሪ አቅርበዋል።
የመርሀ ግብሮቹ ማስጀመሪያ ስነስረዓት ሚያዚያ ስምንት ሚያዚያ 8/8/2014 ዓ ም በገላን ከተማ እንደሚካሄድ የኦቢኤን ዘገባ ያመለክታል።
ኢትዮጵያን እናልማ፣ እንገንባ፣ እንዘጋጅ‼️
ሀገርን በዘላቂነት እናልማ‼️
የፈረሰውን አብልጠን እንገንባ‼️
ለማንኛውም ፈተና እንዘጋጅ‼️