"ከኢድ እስከ ኢድ መርሐ ግብር ዲያስፖራው ከሃገሩ ጎን መቆሙን የሚያሳይበት ዕድል ነው" - ኡስታዝ አቡበከር አሕመድ
******
(ኢ ፕ ድ)
ከኢድ እስከ ኢድ ሃገራዊ ጥሪ መርሐ ግብር ዲያስፖራው በደስታም ሆነ በኃዘን ወቅት ከሃገሩ ጎን መቆሙን የሚያሳይበትን ዕድል ፈጥሯል ሲሉ የመርሐግብሩ አስተባባሪ ኮሚቴ ሰብሳቢ ኡስታዝ አቡበከር አሕመድ ገለጹ።

ኡስታዝ አቡበከር አሕመድ ለኢትዮጵያ ፕሬስ ድርጅት እንደገለፁት፤ የከኢድ እስከ ኢድ ሃገራዊ ጥሪ መርሐግብር ዲያስፖራ ማኅበረሰብ ወደሃገሩ ገብቶ ከሕዝቡ ጎን መቆሙን የሚያሳይበት ዕድል መፍጠር ይችላል።

ሃገራዊ ጥሪውን ተከትሎ በመርሐ ግብሩ ለመታደም በርካታ ኢትዮጵያውያንና ትውልደ ኢትዮጵያውያን ከተለያዩ የዓለም ክፍሎች ወደኢትዮጵያ እየመጡ መሆኑን የጠቆሙት ኡስታዝ አቡበከር፤ ዲያስፖራዎቹም ወደትውልድ ሃገራቸው ሲመጡም በደስታና በጥሩ መንፈስ መሆኑን ገልጸዋል።

ሃገራዊ ጥሪውን መሠረት አድርገው የተሰናዱት መርሐግብሮችም ዲያስፖራውን ማኅበረሰብ ያማከሉ...

ሙሉውን ለማንበብ ሊንኩን ይጫኑ
https://www.press.et/?p=71668

ኢትዮጵያን እናልማ፣ እንገንባ፣ እንዘጋጅ‼
ሀገርን በዘላቂነት እናልማ‼
የፈረሰውን አብልጠን እንገንባ‼
ለማንኛውም ፈተና እንዘጋጅ‼

የደቡብ ዕዝ ጠቅላይ መመሪያ በምስራቅ ጉጂ ዞን የመልካ ጉባ ወረዳን ከሸኔ ታጣቂ ቡድን ነፃ ማውጣቱን አስታወቀ
***********************
(ኢ ፕ ድ)
የደቡብ ዕዝ ጠቅላይ መምሪያ በኦሮሚያ ክልል ምስራቅ ጉጂ ዞን መልካ ጉባ ወረዳ ባደረገው ዘመቻ አካባቢውን ከሸኔ ታጣቂ ቡድን ነፃ ማድረጉን አስታወቀ።
በዚህ ዘመቻ በአካባቢው ለ4 አመታት ያህል በህዝቡ ላይ ስቃይ ሲያደርሱ ከነበሩ የቡድኑ ታጣቂዎች መካከል በርካታዎቹ መደምሰሳቸው ታውቋል።
የዕዙ የኋላ ደጀን አስተባባሪና የኦፕሬሽኑ መሪ ኮሎኔል ግርማ አየለ በዚህ ውጊያ ከ200 በላይ የሸኔ ታጣቂዎች መገደላቸውን፣ ከ100 በላይ መቁሰላቸውንና 22 መማረካቸውን የገለፁ ሲሆን ከተደመሠሡት ውስጥም የአሸባሪው ህወሀት ታጣቂዎች እንደሚገኙበት ተናግረዋል።
መልካ ጉባ በተፈጥሮው በአስቸጋሪ የመሬት ገፅና ከፍተኛ የውሃ ሙላት ባለው ዳዋ ወንዝ መከበቡ፣ ሸኔን የሚመሩ ከፍተኛ አመራሮች በአካባቢው መገኘታቸው፣ ታጣቂ ቡድኑ ለአመታት በአካባቢው በመንቀሳቀስ ይዞታውን ማስፋቱ በዘመቻው የነበሩ ፈታኝ ሁኔታዎች ነበሩ ያሉት ኮሎኔል ግርማ ሰራዊቱ ሁሉንም ችግሮች እንደአመጣጣቸው በመመከት ድል ማስመዝገብ ችሏልም ብለዋል።
የዳዋ ወንዝ ከፍተኛ የውሃ ሙላትን እንደምሽግ በመጠቀም ለማጥቃት ሙከራ ያደረገውን የሸኔ ቡድንን ለመደምሰስ የሰራዊቱ ተነሳሽነት ከፍተኛ ነበር ያሉት ኮሎኔል ግርማ ዘመቻው የህይወት መስዋዕትነት ያልተከፈለበትና በጥንቃቄ የተመራ ተልዕኮ እንደነበርም ገልፀዋል።
ዘመቻው የጠላትን አንገት ያስደፋ፣ በርካታ የተዘረፉ ንብረቶችን ይዞ እንዳይወጣ ያደረገና ለአመታት ሰላም የጠማቸውን ህዝቦች የሰላም አየር የመለሰ ዘመቻ እንደነበርም ተናግረዋል።
ሽብርተኛው ሸኔ በቦታው በርካታ ዜጎችን በመግደል በጅምላ ቀብሯል ያሉት ኮሎኔል ግርማ መላው ህዝባችን የዚህን አረምኔ ቡድን መጥፎ ተግባር በመረዳት ልጆቹን ከዚህ ሽብርተኛ ቡድን ጥሪ እንዲጠብቅና መከላከያ ኃይሉን እንዲያግዝ ጥሪ አቅርበዋል።
ሶስት ቀናትን በፈጀው ውጊያ ተማርከው እጃቸውን ከሰጡ የሸኔ አባላት መካከል ወጣት ጉዮ አዲ፣ ወጣት መሃመድ ረሽድ እና ወጣት ሰለሞን አምቢሳ እንዳሉት የሸኔ ታጣቂ ቡድን በተለያዩ የማደናገሪያ ስልቶች በመጠቀም ወጣቱን እየመለመለ የቡድኑ መጠቀሚያ ማድረጉን ይናገራሉ።
ቡድኑ የኦሮሞን ህዝብ ከመጨቆንና የኦሮሞን ህዝብ ከመግደል ያለፈ ምንም ፋይዳ የሌለው ስብስብ መሆኑን የተናገሩት ምርኮኞቹ የኦሮሞ ወጣት የዚህ ሽብርተኛ ቡድን መሰረተቢስ ዓላማ ተጋሪና ፈፃሚ መሆን የለበትም ሲሉ መናገራቸውን ከሀገር መከላከያ ሠራዊት ማህብራዊ ገፅ ያገኘነው መረጃ ያመለክታል።

በወልቃይት፣ ጠገዴና ጠለምት ሕዝብ ላይ የዘር ማጥፋት ወንጀል የፈጸሙ አካላት እንዲጠየቁ ዩኒቨርሲቲው አሳሰበ
*****************
(ኢ ፕ ድ)
በወልቃይት፣ ጠገዴና ጠለምት ሕዝብ ላይ የዘር ማጥፋት ወንጀል የፈፀሙ አካላትን በሕግ ተጠያቂ ማድረግና ለቀጣይም ትምህርት በሚሆን መልኩ ጉዳዩን የዓለም አቀፍ ማኅበረሰብ እንዲያውቀው መሥራት እንደሚገባ የጎንደር ዩኒቨርስቲ አሳሰበ።
በጎንደር ዩኒቨርስቲ የወልቃይት፣ ጠገዴና ጠለምት ሕዝብ ላይ የተካሄደውን ጅምላ ጭፍጨፋዎችና የዘር ማጥፋት ወንጀሎች አስመልክቶ ጥናት ያደረገው የጎንደር ዩኒቨርስቲ የጥናት ቡድን መሪ ረዳት ፕሮፌሰር ጌታ አስራደ ለኢትዮጵያ ፕሬስ ድርጅት እንደገለፁት፤ ሕወሓት አካባቢውን መቆጣጠር ከጀመረበት ከ1972 ዓ.ም ጀምሮ በአካባቢው ማኅበረሰብ ላይ ከፍተኛ ኢ-ሰብዓዊና ስነልቦናዊ ግፎች ተፈጽመዋል።
ረዳት ፕሮፌሰሩ እንደገለፁት፤ ሕወሓት በአካባቢው ማኅበረሰብ ላይ በፈፀመው ግፍ የተነሳ ከእያንዳንዱ ቤተሰብ 26 ነጥብ 5 ከመቶ ለስደት ተዳርጓል፤ 19ነጥብ5 ከመቶ ታፍኖ የት እንደገባ አይታወቅም፣ እንዲሁም 29 ከመቶ
https://www.press.et/?p=71786

በኢትዮጵያ የብዝኃ ሕይወት ሀብቶች አስጊ ደረጃ ላይ ናቸው
***************
(ኢ ፕ ድ)
ፈጣን የሕዝብ ቁጥር መጨመርና አብዛኛው ሕዝብ የገቢ ምንጩ የተፈጠረው የተፈጥሮ ሀብት ላይ የተመሠረተ መሆኑ የብዝሐ ሕይወትና የሥርዓተ ምህዳር ስጋት ውስጥ መውደቃቸውን የኢትዮጵያ ብዝሀ ሕይወት ኢንስቲትዩት ገለጸ።
የኢትዮጵያ ብዝሀ ሕይወት ኢንስቲትዩት ዋና ዳይሬክተር ዶክተር መለሰ ማሪዮ ብሔራዊ የብዝሀ ሕይወት መድረክ ምሥረታና የብሔራዊ ስነ-ምህዳር ዳሰሳ ማጠቃለያ አውደ ጥናት በአዳማ ከተማ ከትናንት በስቲያ ሲካሄድ እንደገለፁት፤ ፈጣን የሕዝብ ቁጥር መጨመር የብዝሀ ሕይወትና የሥርዓተ ምህዳርን ስጋት ውስጥ ከትቷል።
አብዛኛው የሕዝብ መተዳደሪያው ከተፈጥሮ ሃብት በሚመነጭ በመሆኑ የብዝሀ ሕይወት ሀብቶች አስጊ ደረጃ ላይ መሆናቸውን አመልክተው፤የመሬት መራቆት፣ የአፈር መሸርሸር፣ ግድቦች እና የውሀ ማጠራቀሚያዎች በደለል መሞላት፣ የአፈር ንጥረ ነገሮች በጎርፍ መሸርሸራቸውና ዝቅተኛ የመሬት ምርታማነት የኢትዮጵያን የብዝሀ ሕይወት እና ስርዓተ ምህዳርን አስጊ ደረጃ ላይ እንዲገኙ
https://www.press.et/?p=71793

በጎንደር በተከሰተው ጥቃት ለድርጊቱ መንስኤ የሆኑ አካላትን መንግስት በፍጥነት ለይቶ ህጋዊ ርምጃ ሊወሰድ እንደሚገባ ተገለጸ
************************
(ኢ ፕ ድ)
የኢትዮጵያ እስልምና ጉዳዮች ጠቅላይ ምክር ቤት ፕሬዚደንት ተቀዳሚ ሃጅ ሙፍቲ ዑመር ኢድሪስ፤ ሰሞኑን በጎንደር በተከሰተው ጥቃት ለድርጊቱ መንስኤ የሆኑ አካላትን መንግስት በፍጥነት ለይቶ ህጋዊ ርምጃ ሊወስድ ይገባል ሲሉ ጠየቁ።
ሙስሊምና ክርስቲያን በሀዘንም በደስታም አብረን አሳልፈናል፣ አሁን የሚታየው የኢትዮጵያ ተግባር ባለመሆኑ ድርጊቱ እንዲቆም እናወግዛለን ብለዋል ሃጅ ሙፍቲ ።
የችግሩን ምክንያት የሚያጣራና ርዳታ የሚያሰባስብ ኮሚቴ እንደሚዋቀር አጣሪ ኮሚቴው ችግሩ ወደ ተከሰተበት ስፍራ እንደሚንቀሳቀስም ተናግረዋል።
ሰሞኑን በጎንደር የተከሰተው ተግባር አሳዝኖናል፣ በድርጊቱ ተብሳጭተናል ያሉት ፕሬዝዳንቱ፤ ከጠቅላይ ሚንስትር ዶ/ር ዐቢይ አሕመድ አንስቶ በየደረጃው የሚገኙ አመራሮች ሕዝቡ ወደ ሰላም እንዲመለስ ማድረግ አለባቸዉ ሲሉም ጠይቀዋል።
ሀጂ ሙፍቲ 1443 ኛ ኢድ እልፈጥር በዓል የሰላም፣ የልማት፣ የመተባበር፣ የመከባበርና የመረዳዳት እንዲሆን ተመኝተዋል።
ያላቸው ወግኖች የሌላቸዉን ወገኖች በመመደገፍ ሁሉም በበዓሉ ተደስቶ እንዲያሳልፍ ሊያደርግ እንደሚገባም ጥሪ አቅርበዋል።
በዘላለም ግዛው

"በጎንደር ከተማ የተከሰተውን ችግር መሰረት በማድረግ ከሃይማኖት አስተምህሮ በተቃረነ መንገድ ጥላቻን የሚያስፋፉ አካላት ከድርጊታቸው ሊቆጠቡ ይገባል"
- የኢትዮጵያ የሃይማኖት ተቋማት ጉባኤ
******************
(ኢ.ፕ.ድ)
በጎንደር ከተማ የተከሰተውን ችግር መሰረት በማድረግ ከሃይማኖት አስተምህሮ በተቃረነ መንገድ ጥላቻን የሚያስፋፉ አካላት ከድርጊታቸው ሊቆጠቡ እንደሚገባ የኢትዮጵያ ሃይማኖት ተቋማት ጉባኤ አሳሰበ።
የኢትዮጵያ የሃይማኖት ተቋማት ጉባኤ ከትናንት በስቲያ በጎንደር ከተማ የተከሰተውን ግጭት አስመልክቶ መግለጫ ሰጥቷል።
መግለጫውን የሰጡት የኢትዮጵያ የሃይማኖት ተቋማት ጠቅላይ ጸሃፊ ቀሲስ ታጋይ ታደለ እንደገለጹት፣ የጐንደር ከተማ በሁሉም የሃይማኖት ተቋማት በመቻቻል፣ በመከባበር የሚታወቅ ከተማ ነው። ይሁን እንጂ ሰሞኑን ከሁሉም የሃይማኖት አስተምህሮ ውጭ የሆነ ድርጊት ተፈጥሯል።
የተፈጠረውን ችግር ምክንያት በማድረግ በተለያዩ የማህበራዊ ገጾች ከእምነቱ አስተምህሮ በተቃረነ መንገድ እያራገቡ ለተጨማሪ ጥፋት የሚቀሰቅሱ አካላት ከድርጊታቸው ሊቆጠቡ ይገባል ብለዋል።
የተፈጠረው ችግር ከየትኛውም የሃይማኖት አስተምህሮ ያፈነገጠ በመሆኑ ጉባኤው አውግዟል።
ጠቅላይ ጸሃፊው በመግለጫቸው፣ የተፈጠረውን ችግር የሃይማኖት ግጭት በማስመሰል ሀገር ለማተራመስ በሚሰሩ አካላት ላይ የክልሉ መንግስት የእርምት እርምጃ እንዲወስድም ጉባኤው አሳስቧል።
በሞገስ ተስፋ

«የካቢኔ አባላት የሕዝብን ችግር ለመፍታት ወደ ክፍለ ከተማዎች ወርደው መሥራት አለባቸው»
ጠቅላይ ሚኒስትር ዐቢይ አሕመድ (ዶ/ር)
****************
(ኢ.ፕ.ድ)
የአዲስ አበባ ካቢኔ አባላት የሕዝብን ችግር ለመፍታት ወደ ክፍለ ከተማዎች ወርደው መሥራት እንዳለባቸው የኢፌዲሪ ጠቅላይ ሚኒስትር ዶክተር ዐቢይ አሕመድ አሳሰቡ።
የአዲስ አበባ ከተማ መስተዳድር የ2014 በጀት ዓመት የዘጠኝ ወራት አፈጻጸም ሪፖርት በጠቅላይ ሚኒስትር ጽሕፈት ቤት አቅርቧል።
በወቅቱ ዶክተር ዐቢይ አሕመድ እንዳስታወቁት፤ በመሬት ጉዳይ፣ በአገልግሎት አሰጣጥ፤ በመኖሪያ ቤትና የደሃውን ኑሮ ለማቃለል በተለይም በምግብ እንዲሁም በአካባቢ ንጽህና በኩል ያሉትን ችግሮች ለመፍታት የአዲስ አበባ ካቢኔ አባላት ምድብ ተሰጥቷቸው ወደ ክፍለ ከተማዎች ወርደው መሥራት...
https://www.press.et/?p=71777

«ኢትዮጵያ የተለያዩ እምነቶች ለዘመናት ተከባብረው የኖሩባት ሀገር ናት»
- አቶ ደመቀ መኮንን
******************
(ኢ.ፕ.ድ)
ኢትዮጵያ የተለያዩ እምነቶች ለዘመናት ተከባብረው የኖሩባት ፤ በኢትዮጵያ የሃይማኖት መቻቻል ዘመናትን ያለፈ ታሪክ አለው ሲሉ ምክትል ጠቅላይ ሚኒስትር እና የውጭ ጉዳይ ሚኒስትር አቶ ደመቀ መኮንን ተናገሩ።
አቶ ደመቀ ከኢድ እስከ ኢድ ወደ አገር ቤት ጉዞ የእንኳን ደህና መጣችሁ መርሐ ግብር በወዳጅነት አደባባይ ትናንት ሲካሄድ እንደገለጹት፤ ኢትዮጵያ የተለያዩ እምነቶች ለዘመናት ተከባብረው የኖሩባት ናት ፤ በኢትዮጵያ የሃይማኖት መቻቻል ዘመናትን ያለፈ ታሪክ አለው።
ከቅርብ ጊዜ ወዲህ ሃይማኖታዊ እሴትን የማይመጥኑ አስተሳሰቦች እየተስተዋሉ እንደሚገኙ አውስተው፤ በኢትዮጵያ የሃይማኖት መቻቻል ዘመናትን ያለፈ ታሪክ ያለው ቢሆንም ፤ ሰሞኑን በጎንደር የተከሰተው እኛን የማይገልጽ ነው...
https://www.press.et/?p=71780

" ግጭቶችን ሚያባብሱና ግጭት አባባሽ የሆኑ መልዕክቶችን የሚያሰራጩት አካላትን መንግስት አይታገስም"
- የመንግስት ኮሙኒኬሽን አገልግሎት
*******
(ኢ ፕ ድ)

ማንኛውንም ግጭቶችን ሚያባብሱና ግጭት አባባሽ የሆኑ መልዕክቶችን የሚያሰራጩት አካላትን መንግስት እንደማይታገስ ኢፌዴሪ የመንግስት ኮሙኒኬሽን አገልግሎት አስታወቀ።

የመንግስት ኮሙኒኬሽን አገልግሎት ሚኒስትር ለገሰ ቱሉ (ዶክተር) በአገራዊ ወቅታዊ የጸጥታ፣ የሰብአዊ ድጋፍና የልማት እንቅስቃሴዎችን አስመልክቶ መግለጫ ሰጥቷል።

ሚኒስትሩ በመግለጫቸው፣ ከሰሞኑ በጎንደር ከተማ የተከሰተው ግጭት የሁሉንም የሃይማኖት ተከታይ የማይወክል ነው።

ግጭት ለማስፋፋት ታዋቂ የማህብራዊ አንቂዎች ሳይቀር ግጭት አባባሽ የሆኑ መልዕክቶችን ሲያስራጩ ታይቷል ያሉት ሚኒስትሩ መንግስት ታሪካዊ የሆኑ ጠላቶቻችን አጀንዳ ይዘው በሚሰሩ አካላት ላይ ጥብቅ እርምጃ ይወስዳል ብለዋል።

በኦሮሚያ ክልል በሚንቀሳቀስው የሸኔ ቡድን ላይ የስንቅና የሎጂስቲክስ ማቅረቢያውን ጨምሮ በበርካታ የሸኔ ቡድን አባላት ላይ እርምጃ ተወስዷል ብለዋል።

በትግራይ ክልልል የሰብአዊ ድጋፍ ሲባል የግጭት ማቆምን ተከትሎ በርካታ ተሽከርካሪዎች የተለያዩ ሰብአዊ ድጋፍ በመያዝ ወደክልሉ ገብተዋል ብለዋል።

እስካሁን የሰብአዊ ድጋፍ ጭነው መቀሌ ከገቡት ተሽከርካሪዎች አንድ ሺ 99 ተሽከርካሪዎች የተመለሱት ከ40 በታች ናቸው። ይህም የሽብር ቡድኑ ለጥፋት እየተጠቀመባቸው መሆኑ አመላካች ነው ብለዋል።

አለም አቀፉ ማህበረሰብ የሽብር ቡድኑ ለትግራይ ህዝብ ሰብአዊ ድጋፍ የላከውን መድሃኒት ለግል ጥቅም እያዋለ መሆኑን ሊገነዝብ ይገባል ብለዋል ለገሰ ቱሉ(ዶክተር) በመግለጫው።

በሞገስ ተስፋ

አለም አቀፉ ማህበረሰብ አሸባሪው ህወሃት በጉልበት ከያዛቸው አካባቢዎች እንዲወጣ ግፊት ማድረግ አለባቸው
*****
(ኢ ፕ ድ)

አለም አቀፉ ማህበረሰብ የሰብዓዊ ድጋፍ በመስጠትና አሸባሪው ህወሃት በጉልበት ከያዛቸው አካባቢዎች እንዲወጣ ግፊት ማድረግ አለባቸው እንዳለባቸው የውጭ ጉዳይ ሚኒስቴር ቃል አቀባይ አምባሳደር ዲና ሙፍቲ አሰታወቁ።

አምባሳደር ዲና ሙፍቲ በሰጡት ሳምንታዊ መግለጫ መንግሥት ወደ ትግራይ ክልል ያለምንም ገደብ እንቅስቃሴዎችን
ማድረግ መፍቀዱን ገልፀዋል።

ሆኖም በጦርነቱ ምክንያት የሰብዓዊ ዕርዳታ ከሚፈልጉት በተጨማሪ በድርቅና በሌሎች ምክንያቶች ዕርዳታ የሚፈልጉ ዜጎች በመኖራቸው የዕርዳታ ድርጅቶች ዕጅ ማጠር ታይቷል ብለዋል።

ዕርዳታው ሳይስተጓጎል እንዲቀጥል አሸባሪው ህውሓት አሁንም ከያዛቸው የአማራና የአፋር ክልል ወረዳዎች ለቆ እንዲወጣ ዓለም አቀፉ ማህበረሰብ ከሚያቀርበው ዕርዳታ ጎን ለጎን ግፊት ሊያደርግ ይገባል ተብሏል።

በውብሸት ሰንደቁ

"በትግራይ የመድኃኒት እጥረት ቢኖርም አዳዲስ ፋርማሲ ቤቶች ተከፍተው መድኃኒት ሲሸጡ አይተናል"
-ዶክተር አረጋዊ ሐጎስ
*****
(ኢ ፕ ድ)

በትግራይ ክልል የመድኃኒት እጥረት ቢኖርም መቀሌ ከተማ ውስጥ ግን አዳዲስ ፋርማሲ ቤቶች ተከፍተው መድኃኒት ሲሸጡ አይተናል ሲሉ የዓይደር ሆስፒታል ሃኪም ዶክተር አረጋዊ ሐጎስ ገለፁ፡፡

ዶክተር አረጋዊ ሐጎስ ‹‹ስለ ሀገር›› በተሰኘው የኢቢሲ ፕሮግራም ላይ ባደረጉት ቆይታ እንደገለፁት፤በመቀሌ በህዝብ ሆስፒታሎች የመድኃኒት እጥረት ቢኖርም በእርዳታ የመጡ መድኃኒቶች አዳዲስ ፋርማሲ ቤቶች ተከፍተው እየተሸጡ ነው፡፡

የምግብ እርዳታዎችና መድኃኒቶች ወደ ህዝብ ተደራሽ ይሆናሉ ወይ የሚል ጥያቄ አለኝ? ያሉት ዶክተሩ፤ለአንድ ሰው 15 ኪሎ ግራም ስንዴ ቢሰጥም እንጀራ ከተጋገረ በኋላ የአሸባሪው የሕወሓት ቡድኖች ህዝቡን ለታጣቂ ሀይላቸው አዋጡ እያሉ በዕርዳታ ያገኘውን እህል በእንጀራ መልክ መልሰው ስለሚወስዱት ህዝቡ በከባድ ችግር ውስጥ ይገኛል ብለዋል፡፡

ትምህርት ቤቶችና የምርምር ተቋማት (አምአይቲ) የቁስለኞች መናኸሪያ ሁነዋል ያሉት ዶክተሩ፤እንደዛም ሆኖ መድኃኒትና የህክምና አገልግሎት የለም፤ይህን ተከትሎ ቁስለኞቹ የሚያነሷቸው....

ሙሉውን ለማንበብ ሊንኩን ይጫኑ
https://www.press.et/?p=71864

ኢትዮጵያን እናልማ፣ እንገንባ፣ እንዘጋጅ‼
ሀገርን በዘላቂነት እናልማ‼
የፈረሰውን አብልጠን እንገንባ‼
ለማንኛውም ፈተና እንዘጋጅ‼

ሰባት ሚሊየን ኩንታል የአፈር ማዳበሪያ ለአርሶ አደሩ መሰራጨቱን ሚኒስቴሩ አስታወቀ
******
(ኢ ፕ ድ)

ለ2014/15 የምርት ዘመን እስካሁን ከሰባት ሚሊየን በላይ ኩንታል የአፈር ማዳበሪያ ለአርሶ አደሩ መሰራጨቱን ግብርና ሚኒስቴር አስታወቀ። 112 ሺህ ኩንታል ምርጥ ዘር ቀርቦ 105 ሺህ ኩንታሉ ለአርሶ አደሩ መሰራጨቱ ተጠቁሟል።

የሚኒስቴሩ የሕዝብ ግንኙነት ዳይሬክተር አቶ አበራ ለማ ለኢትዮጵያ ፕሬስ ድርጅት እንዳስታወቁት፤ በምርት ዘመኑ ከአራት ነጥብ ሰባት ሚሊየን በላይ ኩንታል የአፈር ማዳበሪያ ከጂቡቲ ወደ ሀገር ቤት በማጓጓዝ እና አምና ጥቅም ላይ ውሎ ከተረፈው ሁለት ነጥብ 36 ሚሊየን ኩንታል ጋር እስካሁን ከሰባት ሚሊየን ኩንታል በላይ የአፈር ማዳበሪያ ለአርሶ አደሩ እየተሰራጨ ነው።

ክልሎች ቀደም ሲል ባቀረቡት የአፈር ማዳበሪያ ፍላጎት ኮታ መሰረት መስከረም እና ጥቅምት ላይ ጨረታ እና ግዢ የተጠናቀቀ ሲሆን የማጓጓዝ ሥራው በተያዘለት ጊዜ እየተከናወነ ነው ብለዋል።

በምርት ዘመኑ 19 ነጥብ 56 ሚሊየን ኩንታል ማዳበሪያ ለመጠቀም...

ሙሉውን ለማንበብ ሊንኩን ይጫኑ
https://www.press.et/?p=71847

ኢትዮጵያን እናልማ፣ እንገንባ፣ እንዘጋጅ‼
ሀገርን በዘላቂነት እናልማ‼
የፈረሰውን አብልጠን እንገንባ‼