Tatar.Бу Хакатон җиңүчесе - Иннополис университетының Nuha AI командасы Сколково Инноваторлар академиясенең 600 проекты арасында Россиянең яшьләр проектларының алдынгы биш команданың берсе итеп билгеләнде.


Ясалма интеллект нигезендә 3D-сканлаштыруны эшләүче Nuha AI командасы октябрьдә Казанда узачак БРИКС саммитында Татарстан Республикасы исеменнән чыгыш ясаячак.

Бүгенге көндә дә ТР Фәннәр академиясе ярдәмендә әлеге технология Татарстанның табигать тарихы музеенда апробация уза


Әлеге эшләнмә белән ТР Фәннәр академиясе стендында һәм Kazan Digital Week кысаларында уза торган Venture Games инвестицияләр чарасында танышырга мөмкин.

Татар теле «Яндекс» сервисларында

Бүген Kazan Digital Week кысаларында Татарстан Фәннәр академиясе белән «Яндекс» арасында шундый килешүгә кул куелды. Документны ТР Фәннәр академиясе президенты Рифкать Миңнеханов һәм компаниянең мәгълүмати технологияләр өлкәсендә региональ хезмәттәшлек буенча директор Антон Москаленков имзалады.
«Фәннәр академиясендә бу юнәлештә шактый тәҗрибә, нәтиҗәләр тупланган. Әлеге нәтиҗәләр нигезендә татар телле «Яндекс» сервисларын киңәйтү – төп максатларыбызның берсе», – диде ТФАнең Гамәли семиотика институты директоры Ринат Гыйльмуллин әлеге чарадан соң.


Фото: «Татар-информ» МА

Абай исемендәге Казах милли педагогика университетында «Төрки телләрнең лингвистика корпуслары: теория һәм практика» халыкара түгәрәк өстәле узды. Аның максаты – төрки телләрдәге лингвистика корпусларын булдыру, куллану һәм үстерүгә заманча алымнарны анализлау

Институт вәкилләре – директор урынбасары Айрат Гатиатуллин һәм әйдәп баручы фәнни хезмәткәр Булат Хәкимовның Гамәли семиотика институтының лингвистика буенча электрон ресурслары, аерым алганда, «Туган тел» татар гомумтел корпусы (https://tugantel.tatar/) турындагы чыгышлары оештыручылар һәм катнашучылар арасында зур кызыксыну уятты.

7-9 ноябрь көннәрендә Казанда Төрки телләрне компьютер ярдәмендә эшкәртү «TurkLang-2024» Халыкара фәнни конференциясе узачак. Быел ул Татарстан Республикасының фәнни-технологик үсеш елы һәм ТР Фәннәр академиясенең Гамәли семиотика институтының 15 еллыгына багышланачак.
Инде 12 ел дәвамында Татарстан Республикасы Фәннәр академиясе Л.Н. Гумилев исемендәге Евразия милли университеты (Казахстан) һәм Истанбул техник университеты (Төркия) белән берлектә әлеге фәнни конференцияне төп оештыручыларның берсе булып тора. Конференциянең генераль партнеры – Яндекс компаниясе.
Конференция эшендә Россиянең күп төбәкләреннән, якын һәм ерак чит илләрдән 100дән артык әйдәп баручы галимнәр һәм уйлап табучылар катнашуы көтелә. Конференция программасына пленар һәм секция утырышлары, түгәрәк өстәлләр, программ эшләнмәләре күргәзмәсе кертелгән.

Фотода "TurkLang - 2017" конференциясендә (Казан) катнашучылар

Бүген «Татар-информ» брифинглар залында Казанда узачак Төрки телләрне компьютерда эшкәртү технологияләре буенча «TurkLang-2024» XII халыкара фәнни конференциясенә багышланган матбугат конференциясе оештырыла.

Исегезгә төшерәбез: Конференция 7-9 ноябрь көннәрендә «Ривьера»комплексында (Казан, Әмирханпроспексты, 1 йорт) үтәчәк һәм Татарстан Республикасында Фәнни-технологик үсеш елы һәм ТР Фәннәр академиясенең Гамәли семиотика институтының 15 еллыгына багышланачак.

Онлайн трансляция сылтама буенча. Башлана 13.00 сәгатьтә.

Фото: https://www.tatar-inform.ru

Казанда Төрки телләрне компьютерда эшкәртү технологияләре буенча «TurkLang-2024» XII халыкара фәнни конференциясе башланды.

Чара ТР Фәннәр академиясе Президенты Рифкать Миннехановның сәламләү сүзе белән башланды.

Конференция эшендә Россия төбәкләреннән, якын һәм ерак чит илләрдән 100дән артык әйдәп баручы галим һәм уйлап табучы катнаша. Конференция программасында пленар һәм секция утырышлары, түгәрәк өстәлләр, программа эшләнмәләре күргәзмәсе бар.

Друзья, очень интересные выступления и дискуссии прямо сейчас в прямой трансляции в рамках круглого стола TurkLang на тему: «ИИ: состояние и перспективы».

Трансляция в ВК: https://vk.com/video-218835013_456239056?list=b108c990a9900007c6

Дуслар, Институт тарафыннан гамәлгә ашырыла торган, сезнең ярдәм белән эшләнгән "Tatsoft" проекты өчен тавыш бирү бара.
Сезнең тавыгыз безгә бик мөһим, ул безгә алга таба сервисны тагын да камилләштерү өчен көч, күәт бирә. Алга таба да бергә булыйк!

Әниләрне фәрештәләр, диләр,
Фәрештәләр була канатлы.
Ә минемчә, газиз әнкәйләрнең
Балаларыдыр ул канаты.

Гөлара Шәрипованың әлеге шигырь юллары белән килешеп, һәр әнигә канатлары сынмауны телибез.

Җиргә матурлыкны, илгә батырлыкны бүләк иткән әниләрнең гомере озын булсын! Һәр әни сау-сәламәт булып, бала, ана, хатын-кыз бәхетенә тиенеп яшәсен!