Արցախի պետնախարար Ռուբեն Վարդանյանը զարմանում է, որ Հայաստանի դե-ֆակտո թուրքամետ իշխանությունը Արցախի հարցում պրոթուրքական դիրքորոշում ունեն. «Հայաստանը չի արձագանքում այնպես, ինչպես ես սպասում էի, ես զարմացած եմ։ Իսկապես ինձ համար անսպասելի է տեսնել այդպիսի անտարբերություն»։
Այ եթե ժամանակին Ռուբեն Վարդանյանը արձանագրեր ու պայքարեր թուրքամետների դեմ, ապա այսօր միջանցքի փակման խնդիր հավանաբար չէինք ունենա։
Բայց էլի ուշ չէ։

պ.գ.թ., թյուրքագետ Վարուժան Գեղամյան | @varuzhandragoman

Այսօր 19:30-ին լինելու եմ Ազատության հրապարակում։ Նախատեսվում է ինքնաբուխ հավաք ի պաշտպանություն Արցախի։
Մասնակցելու եմ միայն բուն հավաքին, որևէ դեսպանատան դիմաց քայլերթին չեմ մասնակցելու։ Քանի Հայաստանում կապիտուլյանտներն են իշխանության, ոչ մի դեսպանատուն որևէ կերպ մեզ չի կարողանա օգնել, եթե նույնիսկ այդպիսի ցանկություն լինի (զոր օրինակ Իրանի համառ ջանքերը ՀՀ հետ նոր որակի հարաբերություններ սկսելու, որոնք արժանի պատասխան չեն ստանում)։ Ավելին՝ ՀՀ դե-ֆակտո իշխանությունն է արել ամեն ինչ, որ Արցախը նորից դիտարկվի Ադրբեջանի մաս, իսկ մեր բանակը լքի Արցախը։
Մինչև չունենանք ազգային իշխանություն, ոչինչ չի ստացվելու։

պ.գ.թ., թյուրքագետ Վարուժան Գեղամյան | @varuzhandragoman

Թուրքիայի ներքաղաքական դաշտում շատ հետաքրքիր գործընթացներ են տեղի ունենում այս օրերին, որոնք կարող են ճակատագրական նշանակություն ունենալ Թուրքիայի թե՛ ներքին, թե՛ արտաքին քաղաքականության որոշ դրվագների վրա։
Սա կարող է նաև որոշակի հնարավորությունների պատուհան ստեղծել մեզ համար, բայց դրանից օգտվել կարողանալու համար պետք է ունենալ ազգային իշխանություն։
Առանց վերջին պայմանի՝ ցանկացած բան անիմաստ է դառնում։

պ.գ.թ., թյուրքագետ Վարուժան Գեղամյան | @varuzhandragoman

Արցախի շրջափակումը շարունակվում է։
Որևէ էական զարգացում անցնող 9 օրերի ընթացքում տեղի չի ունեցել և Ադրբեջանի ու Թուրքիայի կողմից փակված ճանապարհը շարունակում է մնալ նրանց վերահսկողության ներքո։ ՀՀ դե-ֆակտո իշխանությունները սահմանափակվել են բացառապես մտահոգություն հայտնելով և այլ պետություններին կոչեր հղելով։
Երեկ Ստեփանակերտի հիվանդանոցում մահացել է ծանր հիվանդներից մեկը, որին ճանապարհի փակ լինելու պատճառով չեն կարողացել տեղափոխել Երևան։
«Հայկական ալիքը» շարունակում է հետևել իրադարձություններին՝ արձանագրելով, որ ճանապարհի փակ լինելու խնդիր թիվ մեկ օրակարգն է ողջ հայության համար։

Հայկական ալիք | @hayaliq

Առավոտյան Ադրբեջանում Թուրքիայի դեսպան Ջ. Բաղջըն այցելել է Շուշի-Ստեփանակերտ ճանապարհի փակված հատվածը` աջակցելով թուրք-ադրբեջանական պետական հանցագործությանը, որի արդյունքում 10 օր է` Արցախը շրջափակված է:
Անցնող 10 օրերի ընթացքում ՀՀ դե-ֆակտո իշխանության որևէ ներկայացուցիչ չի էլ փորձել նույնիսկ մոտենալ իրադարձությունների կիզակետին: Իսկ մենք սպասում ենք, որ որևէ այլ երկրից մեկը մեզ համար կբացի ճամփան:

պ.գ.թ., թյուրքագետ Վարուժան Գեղամյան | @varuzhandrgoman

Հարգելի հետևորդներ, տեղեկատվական պատերազմի էսկալացիայի այս փուլում, ինչպես գիտեք, Telegram ալիքները բավական մեծ դերակատարում են եսկսել ունենալ։ Ընդսմին ուզում եմ խորհուրդ տալ մի քանի ալիք, որտեղ որակյալ և ամենակարևորը՝ անվտանգ բովանդակություն կա։ Ֆիլտրեք տեղեկատվություն ստանալու ձեր աղբյուրները և նույնը խորհուրդ տվեք ձեր ընկերներին։ Հավատացեք՝ հատկապես հիմա դա շատ կարևոր է։

Սկսեմ թերևս այն ալիքներից, որոնց աշխատանքներին մասնակցում եմ նաև ես։

1. «Ոսկանապատ» վերլուծական կենտրոն - @Voskanapat
2. Պատերազմներ v.5 - @Paterazmner

Փորձագետներ
1. Վարդան Ոսկանյան - @Vardan_Voskanyan
2. Վարուժան Գեղամյան - @Varuzhandragoman
3. Լիկա Թումանյան - @Likatumanyan
4. Հրանտ Միքայելյան - @Dataarm
5. Վահե Հովհաննիսյան - @Vahehovhannisyan
6. Էդգար Էլբակյան - @Elbakyan_Edgar
7. Աբրահամ Գասպարյան - @AbrahamGasparyan
8. Միկա Բադալյան - @Mikayelbad

Լրատվական-վերլուծական ալիքներ
1. Yerevan Live! - @LiveYerevan
2. Армянская вендетта - @Armenianvendetta
3. Melik Adamyan, 2 - @Melikadamyan2
4. Армения Сенсации-Reconquis - @armsens
5. Panorama.am - @Panorama_russ
6. Новости-Армения - @NovostiArmenia
7. Yerevan.Today Rus - @rusyerevantoday

Իհարկե, սա ամբողջական ցանկ չէ, բայց Telegram-ում կողմնորոշվելու և հետաքրքիր բովանդակություն ստանալու համար բավական լավ ալիքներ են։ Հետագայում այլ ալիքներ էլ խորհուրդ կտամ։

Բավական ծավալուն հարցազրույց այն մասին ստեղծված իրավիճակի մասին՝ միջանցքից մինչև դեսպանատնային արշավներ։
https://youtu.be/3UQqFtPHgJQ

Արցախի Մարտունու շրջանի Մսմնա գյուղից անչափահաս եղբայրներ Ալենն ու Էրիկն ապրում են շրջափակման մեջ։ Նրանց ծնողները և մյուս երկու եղբայրները մնացել են Գորիսում։
Տեսանյութը պատրաստել է ԱՄՆ-ից հայրենադարձ Շանթ Չարշաֆյանը։

ՀՀ դե-ֆակտո իշխանությունները չեն ապահովում ՀՀ քաղաքացի հանդիսացող և իրենց հայրենիք Հայկական լեռնաշխարհի տարածքում ապրող անձանց անվտանգությունն ու ֆիզիկական գոյության երաշխիքները, հետևաբար՝ այդ իշխանությունները հակաժողովրդական են և լեգիտիմ չեն։

Հայկական ալիք | @hayaliq

Նկատում եմ ոգևորություն ինչ-որ դատարանի ինչ-որ անատամ որոշման հետ կապված։
Որևէ բան դա չի փոխելու։ Որքան Սևրի պայմանագիրն ունի ուժ, այնքան էլ միջազգային որևէ դատարանի թղթի կտորը կազատի մեր հայրենակիցներին, որոնք 10 օր է՝ լիարժեք շրջափակման մեջ են Ադրբեջանի ու Թուրքիայի կողմից։
Իմիջիայլոց, 1915 թվականին էլ ցեղասպանության ժամանակ եղան բազմաթիվ մտահոգ կոչեր։

պ.գ.թ., թյուրքագետ Վարուժան Գեղամյան | @varuzhandrgoman

ԷԼԻ ՄԻ ԹՐՔՈՒԹՅՈՒՆ

• Կապիտուլյացիայի 5-րդ կետով ֆիքսված է խաղաղապահների պարտականությունը, այն է՝ «հրադադարի վերահսկում»։ Նրանք դա գրեթե միշտ հասցեական անում են, երբ Ադրբեջանը խախտում է զինադադարը։ Փառուխի ժամանակ անգամ նշել էին, որ «Բայրակթարներ» են կիրառվել։

• Կապիտուլյացիայի 6-րդ կետով Ադրբեջանի վրա է պատասխանատվություն դրված ապահովելու «Լաչինի միջանցքով քաղաքացիների, տրանսպորտային միջոցների և բեռների երկկողմանի անցման անվտանգությունը երաշխավորելու»։

• Իսկ հիմա 1 անգամից գուշակե՛ք, թե ՀՀ դե-ֆակտո թուրքական իշխանություններն ում են մեղադրում եռակողմ հայտարարությունը չպահելու մեջ, երբ փակ է Բերձորի միջանցքը։ Իհարկե, իրենց թուրք-արևմտյան տերերի թշնամի Ռուսաստանին, և ոչ հայության թշնամի Ադրբեջանին, որը փակել է ճանապարհը։

• Դե բա հո իզուր չի տասնամյակներով Ռուսաստանին «զսպելու» իր քաղաքականության մեջ արևմուտքը Հայաստանի ներսում բուծել սրանց։ Էս օրերի համար է բուծել։

քաղաքագետ Էդգար Էլբակյան
@elbakyan_edgar

Մեզանում Ֆրանսիայով հիացմունքի հերթական ալիքն է հասունանում, որը, բնականաբար, խիստ կազմակերպված է և անհրաժեշտ քաղաքական ուղերձներներ է պարունակում։
Հայաստանի համար փաստացի երբեք ոչ մի իրական քայլ չարած (իրական քայլ, այլ ոչ թե ոչինչ չասող հայտարարություն, մտահոգություն կամ այլ նմանատիպ հույզ առաջացնող քայլ) Ֆրանսիան այս նույն տարիներին սկսել է ռազմական բնույթի արտադրանք վաճառել Հայաստանի թշնամի Ադրբեջանին։
Այսպես, 2013-2019 թթ. Ֆրանսիան 148 մլն եվրոյի ռազմական բնույթի վաճառք է արտահանել Ադրբեջան։ Դրա մեծ մասը ընկնում է այն արբանյակային համակարգերին, որոնց շնորհիվ Ադրբեջանը Արցախյան երրորդ՝ 44-օրյա պատերազմի ընթացքում կարողանում էր լիարժեք դիտարկել մեր տարածքները։ Հայաստանը Ֆրանսիայից ստացել է 4500 եվրոյի ռազմամթերք։ Այսինքն՝ գրեթե ոչինչ։
Իմիջիայլոց, եթե դեռ մինչև 2000-ականների կեսը ֆրանսիացիները խուսափում էին զինել Ադրբեջանին, ապա վերջին տարիներին ճիշտ հակառակն է։ Միաժամանակ շատացել են հայերին ուղղված դրական կոչերը։ Ինչպես միշտ՝ մեզ բարի խոսքեր, Ադրբեջանին՝ իրական օգնություն։

պ.գ.թ., թյուրքագետ Վարուժան Գեղամյան | @varuzhandragoman

Այս թեմային առնչվող մի հարցազրույց կցեմ՝ https://www.youtube.com/watch?v=uvvV7LHjQ-k&t=1780

Արցախի շրջափակումը շարունակվում է:

Այսօր առավոտյան հերթական անգամ մի գրառում է արվել կապիտուլյնատների կողմից, որը կոչված է մեզ նյարդայնացնելու և շեղելու միակ իրական օրակարգից՝ Արցախի արդեն երկու շաբաթ շարունակվող շրջափակումից։
Պետք չէ քննարկել գրառումը. պարզից էլ պարզ է, որ Արցախի շրջափակումով ուրախանում են միայն թուրքերը՝ անկախ նրանից, թե նրանք որտեղ են ապրում՝ Բաքվում, Անկարայում, թե Երևանի կենտրոնում։ Ու այդ գրառումը ընդունեք որպես թուրքական գրառում. չէ՞ որ առանձնապես չեք զարմանում, երբ Արցախում հումանիտար ճգնաժամով ուրախանում է, օրինակ, Մեհրիբան Ալիևան։
Մեզ պետք է կենտրոնանալ Արցախը պահելու ու Հայաստանը թուրքական դե-ֆակտո իշխանությունից ազատագրելու վրա։ Այլ օրակարգ ու խնդիր չկա։

պ.գ.թ., թյուրքագետ Վարուժան Գեղամյան | @varuzhandragoman

Արցախը հիմա

ԴԱՇՆԱԿԻՑՆԵՐ ՍՏԵՂԾԵԼՈՒ ՄԱՍԻՆ

■ Ս․ թ․ դեկտեմբերի 8-11 մեր «Հայկական նախագիծը» Գորիս քաղաքում համակազմակերպել էր «Որոտան» միջազգային փորձագիտական ֆորումը։ Մեկտեղվել էին ռուս, իրանցի, հնդիկ փորձագետներ՝ ֆորմալ և ոչ ֆորմալ պայմաններում քննարկելու համատեղ հետաքրքրություն ներկայացնող հարցեր, այդ թվում՝ տարածաշրջանում պանթուրքիստական պատուհասը կանգնեցնելու անհրաժեշտության մասին։

■ Մեր իրանցի գործընկերներից միջազգայնագետ, Թաբաթաբաիի անվան համալսարանի դասախոս Էհսան Մովահեդյանը, որ մասնակցում էր «Որոտան» ֆորումին, օրերս հարցազրույց է տվել իրանական «Լրատվացանց» առաջատար լրատվահաղորդմանը՝ խոսելով Հայաստանի (չշփոթել ՀՀ դե-ֆակտո թուրքական իշխանությունների հետ) և Իրանի համար կարևոր հարցերից, այդ թվում՝ կիրառելով «Արցախ» տեղանունը, որ գրեթե աննախադեպ երևույթ է իրանական պաշտոնական խոսույթում։ Պարոն Է․ Մովահեդյանի հիմնական թեզերն են՝
• Ադրբեջանը փակել է Լաչինի միջանցքը՝ ստեղծելով հումանիտար ճգնաժամ,
• Ադրբեջանական կողմից ճանապարհը փակել են քաղաքացիական հագուստով զինվորականները,
• Այս վիճակն ստեղծվել է Հայաստանի իշխանությունների քաղաքականության արդյունքում,
• Հայաստանի իշխանությունները հանրային դժգոհությունը կասեցնելու համար հրահրում են հակառուսական տրամադրություններ՝ իրենց վրայից մեղքը բարդելով Ռուսաստանի վրա,
• Ռուսաստանում եռակողմ հանդիպումից հրաժարվելը վնասելու է Հայաստանին, քանի որ այս ամենը հարվածում է ռուս խաղաղապահների հեղինակությանը՝ ճամփա բացելով տարածաշրջանում ՆԱՏՕ-յական, այդ թվում՝ բրիտանական և, իհարկե, թուրքական ուժերի առաջ,
• ՆԱՏՕ-ն այսպիսով փորձում է ուկրաինականից զատ՝ նոր ճակատ բացել Ռուսաստանի դեմ՝ հրահրելով կոնֆլիկտի նոր օջախ,
• Ռուսաստանն ու Իրանը պետք է խորացնեն իրենց համագործակցությունը արևմտյան-ՆԱՏՕ-այական հարձակմանը դիմակայելու համար։

■ Արձանագրենք, որ Իրանը շահագրգռված է հենց իրակա՛ն՝ հայկակա՛ն Հայաստանի հետ համագործակցության մեջ, ոչ թե թուրքական իշխանություններով Հայաստանի։ Այս ուղղությամբ մենք շարունակելու ենք «քիչ խոսք, շատ գործ» սկզբունքով մեր անխոնջ աշխատանքը։

քաղաքագետ Էդգար Էլբակյան
@elbakyan_edgar

ԴԵ-ՖԱԿՏՈ ԹՈՒՐՔԱԿԱՆ ԻՇԽԱՆՈՒԹՅՈՒՆՆԵՐՆ ԸՆԴԴԵՄ ԱՐՑԱԽԻ

• Կուսակցական որևէ պատկանելություն չունեցող, նույնիսկ Արցախի համար իրենց քաղաքական ակցիան «ապաքաղաքական» հռչակած դերասանուհի Թամարա Պետրոսյանին դե-ֆակտո թուրքական ՊԵԿ-ը տուգանել է 1.000.000 ՀՀ դրամի չափով (մոտ 2500 ԱՄՆ դոլլար)։

• Սա ևս մի ապացույց է, որ դե-ֆակտո թուրքական իշխանությունների խնդիրը ոչ թե անհատների հետ է, ոչ թե իրենց քաղաքական հակառակորդ «նախկինների» հետ է, այլ ՅՈՒՐԱՔԱՆՉՅՈՒՐԻ, որ ազգային օրակարգի, այն է՝ Արցախի դատին սատար է կանգնում՝ առանց անգամ դե-ֆակտո իշխանությունների հասցեին թթու խոսք ասելու։

• Պատճառն այն է, որ սրանց իշխանությունը միայն իրենց իշխանությունը չէ, այլ թուրքերի իշխանությունը, ուստի՝ անգամ եթե իրենց իշխանությանը խնդիր չի սպառնում, բայց խնդիր է սպառնում թուրքերին, իրենք պիտի գործեն։

• Հայաստանն օկուպացված է թուրքական վարչակարգի կողմից։ Հայաստանը պետք է ազատագրվի քաղաքական հայերի կողմից։

քաղաքագետ Էդգար Էլբակյան
@elbakyan_edgar

Երեկ՝ դեկտեմբերի 25-ին Արցախում՝ Ստեփանակերտում տեղի է ունեցել մեծ հանրահավաք։ Հանրահավաքի հիմնական ուղերձն այն էր, որ Արցախի ժողովրդի՝ հայերի պայքարը քաղաքական ինքնիշխանության համար շարունակվում է՝ չնայած դժվարություններին։
Այսօր լրացավ Արցախի՝ Ադրբեջանի ու Թուրքիայի կողմից շրջափակման 2-օրդ շաբաթը։

«Հայկական ալիք» | @hayaliq

Արցախի Ասկերանում շաքարավազի, բանջարեղենի պակաս կա, ձավարեղեն չկա, սպառման եզրին են ծխախոտն ու հիգիենայի պարագաները

Արցախում սպառման եզրին են ծխախոտն ու հիգիենայի պարագաները

@YerevanTodaynews

Վաղը՝ չորեքշաբթի օրը` դեկ. 28-ին Մատենադարանից դեպի ՀՀ կառավարության շենք:

Կազմակերպիչ՝ ՀՅԴ Հայաստանի Երիտասարդական Միություն

Մանրամասները՝
https://www.facebook.com/events/1073911064005142

@hartak22

ԷԼԻ ՄԻ ԹՐՔՈՒԹՅՈՒՆ

• Այսօր թշնամի Ադրբեջանի ԱԳՆ ղեկավարն ասել է, որ Հայաստան ուղարկվելիք ԵՄ առաքելության հարցերը պետք է համաձայնեցվեն Ադրբեջանի հետ, որովհետև թեպետև նրանք Հայաստանում են տեղակայվելու, սակայն դա Ադրբեջանի շահերին էլ է վերաբերում։

• Սա այն է, ինչի մասին ես և գործընկերներս զգուշացնում ենք 2020 թ․ նոյեմբերի 10-ից, որ Ադրբեջաանը ոչնչի առաջ կանգ չի առնելու, մինչև չվերացնի Հայաստանը։ Իսկ որպես հայտարարություն՝ սա միջամտություն է երկրի ներքին գործերին և ինքնիշխան որոշումների կայացմանը։

• Վստահեցնում եմ ձեզ, որ իբր ինքնիշխանության դիրքերից հանդես եկող ՀՀ դե-ֆակտո թուրքական իշխանությունները սրա դեմ որևէ քայլ չեն անելու։ Անգամ եթե մի հատ տրամվայի տակ ընկած հայտարարություն տարածի դե-ֆակտո ԱԳՆ-ն, դրանով էլ ամեն ինչ կսահմանափակվի։ Ասենք՝ հանրության շրջանում այնպիսի մոբիլիզացիոն ագրեսիա չի գեներացվի, ինչպես արվում է Ռուսաստանի դեպքում։

• Ինչո՞ւ։ Որովհետև գաղափարական-ստրուկտուրալ ծագմամբ սրանք թուրքական էլիտա են, դրա համար իրենց համար Ադրբեջանը թշնամի չէ, իսկ Ռուսաստանը թշնամի է։

• Վաղը՝ ժ․ 15։00-ին, Մատենադարանի մոտից երթ դեպի ՀՀ դե-ֆակտո կառավարության նստավայր։

քաղաքագետ Էդգար Էլբակյան
@elbakyan_edgar