Արցախը շրջափակված է արդեն 40 օր։
40 օրն ու շրջափակումը հիշեցնում են Վերֆելի հայտնի «Մուսա լեռան քառասուն օրը» վեպը, որի հիմքում ընկած էր պատմական Կիլիկայի Մուսա լեռան վրա թուրքական զորքերի կողմից շրջափակված հայերի ավելի քան 50-օրյա հերոսամարտի պատմությունը։

Միայն պայքարն է, որ անխուսափելի հաղթանակ է տալիս։ Թուլանալով, ուրիշին ապավինելով երբևէ չեն հաղթում։

պ.գ.թ., թյուրքագետ Վարուժան Գեղամյան | @varuzhandragoman

Երբ «Հայկական ալիքի» խմբագրությունից առաջարկ ստացա՝ փաստերով հերքելու «Թուրքիան Հայաստանին չի սպառնացել» սուտը, ընդհանրապես չտատանվեցի, որովհետև համոզված եմ, որ թեպետ «դրանց մի՛ անդրադարձեք», «ով պետք ա, ամեն ինչ վաղուց հասկացել ա» մոտեցումներն առաջին հայացքից ճշմարտացի են թվում, բայց տեղեկատվական պատերազմի տեսանկյունից սխալ են, որովհետև «ինֆորմացիոն ուժերի բալանսը» նույնպես ստատիկ չէ, դինամիկ է, ամեն օր փոփոխվող, և թշնամին ամեն օր պետք է հակահարված ստանա։

https://hayaliq.com/threatsturkey/

Մեր 15 զինվորների զոհվելու հանգամանքներից ճակատագրական էր թերևս ոչ թե հրդեհի բռնկումը, այլ այն փաստը, որ տղաները փակված են մնացել իրենց կացարանում և չեն կարողացել դուրս գալ այնտեղից։

Պատուհանների ճաղավանդակները, արգելափակված մուտքը… Զինվորները հայտնվել էին ճիշտ նույն վիճակում, ինչ Արցախի 120 հազար մեր հայրենակիցներն են գտնվում այսօր։

Երկու օր առաջ Լավրովը կարևոր նոր հայտարարություն արեց։ Ասաց, որ նոյեմբերի 9-ի եռակողմ հայտարարությունից բացի այսպես կոչված Լաչինի միջանցքի մասով բանավոր պայմանավորվածություններ էլ կան՝ ակնարկելով, որ հայկական կողմից դրանց խախտելու պատճառով է Ադրբեջանը փակել Արցախի կյանքի ճանապարհը։

Լավրովն, իհարկե, իր մաշկն է փորձում ազատել պատասխանատվությունից։ Բայց այդ «բանավոր պայմանավորվածությունները», որոնք արդեն իսկ շատ ծանր են նստել մեր երկրի վրա, շարունակում են կործանել Արցախն ու Հայաստանը։ Դրանք բոլորը պետք է կասեցվեն։

Ինչ վերաբերվում է Արցախին ու այնտեղ բնակվող մեր հայրենակիցներին, ապա ասեմ, որ նրանց պատուհաններին ճաղավանդակ դնողն էլ, մուտքն արգելափակողն էլ Նիկոլ Փաշինյանն ու դավաճանների իր խմբակն է։ Սրանց գործողությունների հետևանքն է Արցախի այս վիճակը։ Ու իրենք շարունակելու են իրենց սև գործը։ Այստեղ ամեն ինչ հստակ է։ Հարցականը միայն մեկն է՝ թե որքա՞ն ենք դեռ հանդուրժելու պետականակործան այս իշխանությունը։

🔺Անցնող շաբաթ Գեղարքունիքի մարզի սահմանամերձ զորամասում տեղի ունեցած աղետը, որի արդյունքում առնվազն 15 հայ զինվոր ողջակիզվեց, հասարակական լայն արձագանք ստացավ։ Մեկ այլ երկրում սա կստիպեր իշխանություններին առնվազն հրաժարական տալ: Սակայն դա տեղի չունեցավ, ավելին` դեպքն աստիճանաբար դադարեց քննարկվել հանրային տիրույթում:

☝️Պատճառը մեկն է. Հայաստանում հանրային տիրույթում ստեղծված է այնպիսի տեղեկատվական իրականություն, որում թելադրողը իշխանությունն է, ինչի շնորհիվ էլ կարողանում է ցանկացած քննարկում թեքել ցանկալի հունով։ Սա հնարավոր է դառնում ստեղծված հարյուր-հազարավոր մեդիա-ռեսուրսների միջոցով՝ մեդիակայսրության, որի մեջ են մտնում թե՛ դասական զլմներ (թերթեր, հեռուստաալիքներ և ռադիոկայաններ), թե՛ նորագույն մեդիաներ (փորձագետ-բլոգերներ, յութուբյան անոնիմ ալիքներ, կեղծ էջեր և այլն)։

🎬Առաջարկում ենք դիտել երեք գեղարվեստական ֆիլմ, որոնք կօգնեն հասկանալ Հայաստանում տիրող ներքաղաքական իրավիճակի բնույթն ու առկա ճգնաժամի պատճառները։
https://hayaliq.com/3moviesonmediamanipulation/

Հայկական ալիք | @hayaliq

Այս գրառումս արել եմ 2021 թ. այս օրը՝ հունվարի 21-ին։ Սրանից երկու տարի անց ունենք գրավված հսկայական տարածքներ Սյունիքի, Վայոց Ձորի ու Գեղարքունիքի մարզերում, բանակի շարունակական կազմաքանդում ու աղետներ (օրինակ՝ 15 զինվորի ողջակիզում), բարձր գնաճ, շարունակվող արտագաղթ և տարածաշրջանային մեծ պատերազմի իրական վտանգ Հայաստանի տարածքում։
Այս ամենը կարելի էր և դեռ կարելի է կանգնացնել. պետք է ազգային իշխանափոխություն և տքնաջան աշխատանք։

պ.գ.թ., թյուրքագետ Վարուժան Գեղամյան | @varuzhandragoman

Հայաստանում տեղի ունեցողը կարելի է բնորոշել նաև քաղաքագիտական գրականության մեջ վերջերս ներմուծմված «անարժան կառավարում» (Bad governance) եզրույթով. երբ կա ավելի շատ ռեսուրս ու հնարավորություն ավելին անելու, բայց թույլ ու անարժան կառավարչական դեմքերը չեն կարողանում այդ եղած հնարավորություններից լիարժեք օգտվել։
Թեև մեզ ներկայացնում են, որ իրավիճակի ներկա ընթացքը այլընտրանք չունի, իրականությունը հակառակն է՝ Հայաստանն ունի բոլոր հնարավորությունները ոտքի կանգնելու և վերաազատագրելու թե՛ Արցախը, և թե՛ կառուցելու ամրագույն պետություն։ Սա չի արվում, քանի որ կա անարժան կառավարում։
Մեր դեպքում «անարժան կառավարումից» զատ կա նաև անարժան կառավարություն, երբ դե-ֆակտո թուրքամետ իշխանությունը ոչ միայն պարզապես վատ է կառավարում (վկա բազմաթիվ աղետները և տապալումները), այլ չի էլ ցանկանում որևէ կերպ Հայաստանը հզորացնել ու արժանի չէ լինելու մեր պետության գլուխը։
Ահա այս մասին բավական մանրամասն ու առանց ավելորդ գիտական տերմինների խոսել եմ կից հարցազրույցում։ Խնդրում եմ նաև տարածել։
Ուրախ կլինեմ լսել ձեր կարծիքը։

https://www.youtube.com/watch?v=ujjNKjpgLZs

պ.գ.թ., թյուրքագետ Վարուժան Գեղամյան | @varuzhandragoman

Ըստ բազմակողմանի հաստատված տվյալների՝ Թեհրանում ադրբեջանական դեսպանատան տարածքում ոչնչացվել է մեկ մարդ՝ անվտանգության ծառայության պետը, ևս երկու մարդ վիրավոր է։

Հայկական ալիք | @hayaliq

Ամենայն Հայոց կաթողիկոս Գարեգին Բ-ի ուղերձը Հայոց բանակի օրվա կապակցությամբ.

«...Առաջնային և հրատապ է ազգային ողջ ներուժի համախմբումը, որպեսզի Հայոց բանակը շուտափույթ հաղթահարի պատերազմի պատճառած աղետալի հետևանքները, ամոքում գտնեն անդառնալի կորուստների վերքերն ու ցավերը, և բացառվեն այնպիսի ողբերգություններ, որ ապրեցինք շաբաթներ առաջ։ Հավատում ենք, որ Հայոց բանակը պիտի վերագտնի փառքի իր ճանապարհը և կարող լինի աննկուն ու հաղթական իրագործել իր սրբազան առաքելությունը»։

Հայոց բանակը պետք է դառնա հայկական նոր ինքնապաշտպանության և վերաազատագրման գլխավոր հենասյունը։
Շնորհավոր Հունվարի 28։

պ.գ.թ., թյուրքագետ Վարուժան Գեղամյան | @varuzhandragoman

«Առանց բանակ չկա հայկական պետություն». ազգային պատգամավոր Քրիստինե Վարդանյան։

Գիշերը հարվածային անօդաչուներով գրոհ է եղել հարևան Իրանի վրա. փորձ է կատարվել խոցել մի քանի կարևորագույն ռազմական օբյեկտներ մի շարք քաղաքներում (այդ թվում Թավրիզ, Սպահան), այդ թվում՝ Իրանի պաշտպանության նախարարության օբյեկտներից մեկը։
Իրանը պաշտոնապես հաստատել է հարձակման փորձը և նշել, որ անօդաչուները խոցվել են հակաօդային համակարգի կողմից և զոհեր չկան։
Թեև այս պահին համաշխարհային մեդիայում շրջանառվում են տեղի ունեցածի բազմաթիվ վարկածներ, այդ թվում՝ Իսրայելի կողմից Իրանի դեմ լայնածավալ պատերազմի մեկնարկ, սակայն խոսել լիարժեք պատկերի մասին դեռ վաղ է, պատերազմի մասին՝ ևս։
Սակայն նաև հստակ է երկու բան։
Առաջին. մեր տարածաշրջանում հասունանում է մեծ պատերազմ, որը անխուսափելիորեն ազդելու է կամ գուցե ընթանալու է մեր տարածքում։ Այս հարձակումը այդ պատերազմի ազդանշաններից հերթականն է։
Երկրորդ. Իրանի թուլացումը ուղիղ կերպով ազդելու է Հայաստանի ու Արցախի հանրապետությունների անվտանգության վրա՝ բացասական իմաստով։ Այլ բառերով՝ ինչքան թուլանա Իրանը, այնքան թուլանալու է Հայաստանը և հատկապես Սյունիքը։
Այնպես որ գիշերը տեղի ունեցածը ևս մեկ մտահոգիչ ազդանշան է։

պ.գ.թ., թյուրքագետ Վարուժան Գեղամյան | @varuzhandragoman

Ըստ տարածվող լուրերի՝ տեսանյութում Սպահանում ԱԹՍ հարձակման արդյունքում առաջացած պայթյունն է։

Հակաիրանական լրատվամիջոցներով այս պահին փորձ է կատարվում հնարավորին ուռճացնել անօդաչուներով Իրանի վրա գիշերային տեղային հարձակումները՝ փորձելով ցույց տալ, թե այս երկիրն իբր անպաշտպան է և հրահրել խուճապ, մինչդեռ իրանական ՀՕՊ-ը, դատելով առկա տեղեկատվությունից, աշխատել է հնարավորին արդյունավետ, իսկ վնասված մի քանի օբյեկտները չունեն խիստ կենսական նշանակություն Իրանի պաշտպանական համակարգի համար։

Ուշագրավ է, որ մեր հարևան և բարեկամ պետությունը հարձակման է ենթարկվել հենց այն ժամանակ, երբ Իրանի փրկարարական ծառայությունները ներգրավված են եղել Խոյում տեղի ունեցած երկրաշարժի հետևանքների վերացման գործում։

#մերբարեկամԻրանը

🆔 @vardan_voskanyan

ՀՀ դե-ֆակտո թուրքամետների իշխանությունը հերթական հային թույլ չի տվել, որ մտնի Հայաստան, որովհետև էդ երիտասարդ տղան՝ Նժդեհը Սփյուռքում ու Հայաստանում պայքարում է թուրքական հարձակման դեմ։ Նժդեհին ու նժդեհներին ՀՀ դե-ֆակտո թուրքամետների իշխանությունը «անցանկալի անձ» է համարում։
Հայաստանը վերածվել է թուրքական բռնապետության՝ ֆաշիզմի երանգներով։ Այլ բառեով՝ փաշիզմ։
Պետք է ազատվել այս ռեժիմից, որպեսզի Հայաստանը նորից դառնա հայերի հայրենիքը։

Իմիջիյալոց, ինչպես լավ է նկատել իրավապաշտպան Ռուբեն Մելիքյանը, ինչ տարբերություն կա՞ Արցախը արդեն 50 օր շրջափակման մեջ պահող Ադրբեջանի ղեկավարության և սեփական հայրենիքի մուտքը հայրենասար հայ երիտասարդի առջև փակած ՀՀ դե-ֆակտո իշխանությունների միջև։

1896-2023 ԹԹ․

• 1896 թ․-ին Վանի ինքնապաշտպանության հանգուցալուծման օրերին քաղաքի ռուսական հյուպատոսը հայերին հորդորում էր չլքել քաղաքը, իսկ անգլիական հյուպատոսը հավաստիացնում էր, որ կարող են անվտանգ հեռանալ։ Արդյունքում հայերը հեռացան, բայց ոչ անվտանգ, որովհետև Պարսկաստան չհասած՝ Գարահիսար լեռան կրծքին, քրդական մազրիկ ցեղը հարձակվեց և գրեթե բոլորին կոտորեց։ Այդ կոտորածի համար 1 տարի անց վրեժ լուծեցին և հայի զինական պատիվը վերականգնեցին ԱՐՑԱԽՑԻ Նիկոլ Դումանն ու Վարդանը՝ Խանասորի կանաչ դաշտում մեկ ժամվա մեջ ոչնչացնելով քրդական մազրիկ ցեղը։

• Այսօր էլ շատ բան չի փոխվել։ Հիմա էլ անգլոամերիկյան նեոգաղութատիրությունը, Ռուսաստանին ինադու, հայերին համոզում է լքել Արցախը, նույնիսկ բաց տեքստով դա հնչեցնում են Արցախի պետնախարարի հետ հարցազրույցում։

• Պա՞րզ է, չէ՞, որ դա ձեռնտու է նաև Հայաստանի ներքին թշնամիներին՝ դե-ֆակտո իշխանություններին, որովհետև եթե Արցախն ու արցախականությունը չլինեն, մեր թշնամիներից վրեժ լուծող և հայության զինական արժանապատվությունը վերականգնող էլ չի լինի…

քաղաքագետ Էդգար Էլբակյան
@elbakyan_edgar

⬛️ Այս գիշեր 7,8 մագնիտուդ ուժգնությամբ երկրաշարժ է տեղի ունեցել Թուրքիայի հարավ-արևելքում և Սիրիայի հյուսիսում։ Հազարավոր վիրավորներ կան, զոհերի թիվն աճում է։

🇸🇾 Այս պահի դրությամբ Սիրիայում երկրաշարժի զոհերի թիվը հասել է 237-ի։ Եվս 639 մարդ վիրավորվել է։ Հալեպում երկրաշարժի հետևանքով մահացել են հալեպահայեր՝ մայր և որդի։

🇹🇷 Թուրքիայում տեղի ունեցած երկրաշարժի հետևանքով զոհվել է 284, վիրավորվել՝ 2383 մարդ:

Հայկական ալիք | @hayaliq

Թուրքիա-Հայաստան սահմանի «Մարգարա» անցակետով Հայաստանի դե-ֆակտո իշխանության ուղարկած նվերը հասել է Թուրքիա։ Կտեսնեք, թե թուրքերը ինչպես են թեման շուռ տալու որպես Հայաստանին արված բացառիկ դրական քայլ։ Ու դրանով փորձեն կոծկել Արցախի արդեն ավելի քան 60 օր տևած լիարժեք շրջափակումը։

պ.գ.թ., թյուրքագետ Վարուժան Գեղամյան | @varuzhandragoman

Կուզեի՞ք ապրել մի պետությունում, որտեղ պետության ղեկավարն օգնում է թշնամուն, բայց չի օգնում այդ պետության քաղաքացուն։ Հավանաբար կասեք ոչ։
Շնորհավորում եմ, մենք հիմա ապրում ենք Հայաստանում, որը չի օգնում հային, ավելի ճիշտ՝ օրինակ Արցախում թուրքի կողմից շրջափակված 120 հազար հային, կամ Բավքի բանտում Թուրքիայի աջակցությամբ պահվող մոտ 100 հայ տղուն, բայց օգնում ա Թուրքիային։
Սա կոչվում է օկուպացիա՝ «ինքնիշխանության» սոուսի տակ։
Վայելե՛ք։ Սա դեռ սկիզբն է։

պ.գ.թ., թյուրքագետ Վարուժան Գեղամյան | @varuzhandragoman

​Հայաստան-Թուրքիա սահմանը չի բացվել։
Հայաստանի շրջափակումը, որը սկսվել է 1993 թվականին և դրսևորվել է Թուրքիայի կողմից Հայաստանի Հանրապետության հետ սահմանի միակողմանի կերպով փակմամբ, շարունակվում է և դեռ շարունակվելու է։
Հետևաբար, Հայաստանի Հանրապետությունից դուրս եկած բեռնատարը Թուրքիայի թույլտվությամբ է մտել Թուրքիայի կողմից փակված սահմանով։
Իսկ ինչո՞ւ է Թուրքիան թույլատրել հայկական մեքենայի մուտքը «Մարգարա» անցակետով և այսչափ գովազդում այդ իրադարձությունը։
Երկու հիմնարար պատճառով.
1. «Մարգար» անցակետով մի քանի բեռնատարի երթևեկությունը ներկայացվելու է արտաքին լսարանին որպես Հայաստան-Թուրքիա հակամարտության կարգավորման ապացույց և կոչ է արվելու որևէ կերպ չմիջամտել այդ հարցին, իսկ իրականում՝ չճնշել Թուրքիային Հայաստանի վրա ճնշում գործադրելու հարցերում։
2. Անցակետի բացումը թուրքական կողմը ՀՀ դե-ֆակտո թուրքամետ իշխանությունների հետ միասնաբար հայկական լսարանում ներկայացվելու(ում) է որպես տխրահռչակ «խաղաղության» գործընթացի մեկնակետ, որը նպատակ է հետապնդելու թուլացնել հայ հասարակության զգոնությունը թուրքական վտանգի առջև։
Դե իսկ հայերի կողմից ստացված անվճար օգնությունը այս դեպքում դառնում է պարզապես հաճելի «բոնուս» վերոնշյալ փաթեթում։
Թուրքիան և Ադրբեջանը շարունակում են շրջափակված պահել Հայաստանի Հանրապետությունը իր հիմնադրման օրվանից, որը միջազգային իրավունքում փաստացի պատերազմական գործողություն է։
Ադրբեջանը, Թուրքիայի օգնությամբ, 2022 թ. դեկտեմբերի 12-ից՝ ավելի քան 2 ամիս՝ լիարժեք շրջափկման մեջ է պահում հայկական Արցախը։
Սա է մեծ պատկերը, որտեղ շահում են թուրքերը։
Մի՛ տրվեք մանիպուլիացիայի։

պ.գ.թ., թյուրքագետ Վարուժան Գեղամյան | @varuzhandragoman

ՀՀ դե-ֆակտո արտգործնախարար ա. միրզոյանը վաղը՝ փետրվարի 15-ին այցելելու է Թուրքիա՝ երկրաշարժից տուժած գոտի թուրքերին կարեկցելու ու օգնություն առաջարկելու։
ՀՀ ոչ մի պաշտոնյա արդեն 2 ամսից ավել Արցախում լիակատար շրջափակման մեջ գտնվող հայերին որևէ կերպ չկարեկցեց ու չփորձեց մոտենալ Արցախի սահմանին։
Հայկական իշխանություն չկա, կան թուրքամետներ։

Թ- թուրքամետ դե-ֆակտո իշխանություն
Օ - օկուպացիա

պ.գ.թ., թյուրքագետ Վարուժան Գեղամյան | @varuzhandragoman

Իմիջիայլոց, եթե դե-ֆակտո իշխանության սատարողների մոտ գավառական մտածողությամբ եթե կա պատրանք, որ այսպիսի քայլերով թուրքերին սիրաշահելով՝ խուսափելու ենք Թուրքիայի և Ադրբեջանի համատեղ հաջորդ հարձակումից, ապա դա հերթական պատրանքն է։ Թուրքիան, ի տարբերություն տեղական գավառամիտների, լուրջ պետություն է, որն անշեղորեն իրականացնում է սեփական շահերից բխող քաղաքականությունը, որն էլ, իր հերթին, նպատակ ունի վերացնել տարածաշրջանում հայկական ինքնիշխան քաղաքական գործոնը։

պ.գ.թ., թյուրքագետ Վարուժան Գեղամյան | @varuzhandragoman