Էն որ Գրիգորի Խաչատուրովի ետևից դավաճանների այս իշխանությունը գալու էր, կարծում եմ, ոչ ոք չէր կասկածում։ Ախր ո՞նց կարող էր Նիկոլը ներեր Խաչատուրովին, օրինակ, 2020թ. հուլիսյան մարտերի հաղթական ավարտը։ Կամ այն փաստը, որ Խաչատուրովն, ի տարբերություն շալվար հագնող բազմաթիվ այլ «գեներալների», Նիկոլի հրաժարականը պահանջելուց հետո չեկավ կանգնեց շտաբում ու պատվի չառավ դավաճանին։ Չէր կարող։ Ու հիմա վաղեմության ժամկետն անցած գործով, սուտ մեղադրանքներ հորինելով, գալիս ու ձերբակալում են Խաչատուրովին։

Իսկ ամենաշատը գիտե՞ք ինչն է վրդովեցնում։ Այն, որ կարողանում են դա անել։ Այն, որ կարծում են, թե ժողովուրդը չի կանգնի իր հերոսի թիկունքին։ Որովհետև իրենց արդեն շատ բան է թույլ տրվել։ Շատ բան են մարսել։ Մտածում են՝ Խաչատուրովին էլ կարող են մարսել։

‼️Մերժվել է Գրիգորի Խաչատուրովին կալանավորելու միջնորդությունը:

🔻Միջնորդությունը մերժելու որոշումը կայացրել է Հակակոռուպցիոն դատարանի դատավոր Տիգրան Դավթյանը։

🔻Գ. Խաչատուրովը ազատ կարձակվի դատարանի դահլիճից:

Հայկական ալիք | @hayaliq

Հետևելով ՀՀ դե-ֆակտ թուրքամետ իշխանությունների վերջին շաբաթների քարոզչությանը` կարելի է տեսնել մի նոր հետաքրքիր միտում: Կապիտուլյանտները առանձնացնում են Թուրքիան` Ադրբեջանի վարած հակահայ քաղաքականությունից: Այլ բառերով` փորձում են հայ հանրությանը մոլորեցնել` պնդելով, թե Թուրքիան լավն է, իսկ Ադրբեջանը` վատ: Կապիտուլյանտական մեդիա-կայսրությունը հենց այս թեզն է պտտում օրն ի բուն: Սա ոչ միայն կեղծիք է, այլև հերթական կործանարար մանիպուլիացիան:
Առաջիկա օրերին մի քանի օրինակներով ավելի մանրամասն կանդրադառնամ թեմային, սակայն մինչ այդ նշեմ, որ Ադրբեջանն ու Թուրքիան ոչ միայն լիարժեք համադրում են իրենց հակահայկական գործոզությունները, այլև կարող ենք ասել, որ հենց Թուրքիան է հիմնական համակարգողն ու թելադրողը ու վերջինիս կենսական շահերին է ծառայում ոչ միայն հակահայկականությունը, այլև ինքնին Ադրբեջան պետության գոյությունը:

պ.գ.թ., թյուրքագետ Վարուժան Գեղամյան | @varuzhandragoman

‼️Արցախի պետնախարար Ռուբեն Վարդանյանը ազատվեց պաշտոնից:

📃Արցախի նախագահ Արայիկ Հարությունյանը ստորագրել է վերջինիս պաշտոնից ազատելու հրամանագիրը:

Հայկական ալիք | @hayaliq

Նկարում վերջերս Կիպրոսի օկուպացված հատվածում Թուրքիայի, Ադրբեջանի և տեղական թուրքական բնակչության իշխող կուսակցությունների ներկայացուցիչների համատեղ ելույթից մի դրվագ է: Ֆոնին գրված է «3 պետություն, մեկ ազգ»:
Թուրքիան անօրինական կերպով 1974թ. գրավել և մինչ այսօր օկուպացված է պահում հունական Կիպրոսի հյուսիսային հատվածը` կղզու շուրջ 40 %-ը:
Ոչ մի երկիր այդ փաստը չի ճանաչում: Բայց այդ հանգամանքը չի խանգարում Թուրքիային շարունակել գրաված տարածքում կառուցել նոր թուրքական պետություն` «Հյուսիսային Կիպրոսի Թուրքական Հանրապետությունը» (իրականում` փաստացի Թուրքիայի նահանգներից մեկը): Այսօր Հյուսիսային Կիպրոսի և Ադրբեջանի հետ միասին Թուրքիան առաջ է մղում «Երեք պետություն, մի ազգ» հայեցակարգը, փաստացի մեծացնելով իր տարածքը ի հաշիվ այլ ու հաճախ ճանաչված պետությունների: Այս պահին այս հայեցակարգի նպատակին` թուրքական պետությունների միավորմանը խանգարող մեկ լիարժեք գործոն կա` անկախ Հայաստան պետությունը, որն էլ ոչնչացնելու են ուղղված Թուրքիայի և Ադրբեջանի ջանքերը:

պ.գ.թ., թյուրքագետ Վարուժան Գեղամյան | @varuzhandragoman

Բրաունի համալսարանի Վաթսոնի ինստիուտի (Brown University Watson Institute) վերջերս հրապարակված զեկույցի համաձայն, 2001-2023 թթ. ընթացքում ԱՄՆ կողմից հիմնականում մեր տարածաշրջանում՝ Մերձավոր Արևելքում վարած պատերազմների և այլ ռազմական գործողությունների արդյունքում 8 երկրում 38 միլիոն մարդ տեղահանվել է և դարձել գաղթական։ Այդ երկրներն են՝ Սիրիա, Աֆղանստան, Իրաք, Պակիստան, Եմեն, Սոմալի, Ֆիլիպիններ, Լիբիա։
38 միլիոնը նվազագույն հաշվարկն է և այս թվին գերազանցում է միայն Երկրորդ համաշխարհային պատերազմի ընթացքում տեղահանվածների քանակը։


պ.գ.թ., թյուրքագետ Վարուժան Գեղամյան | @varuzhandragoman

🇦🇿 Ադրբեջանի պետական «Az Tv» լրատվականը պարբերաբար թողարկումներ է պատրաստում և հրապարակում Երևանի պատմամշակութային հուշարձանների ու շինությունների մասին՝ հայտարարելով դրանց ադրբեջանապատկան լինելու մասին և հավակնություններ հայտնելով վերադառնալու, այսպես կոչված, «Արևմտյան Ադրբեջան», այսինքն՝ Հայաստան։

🔻Տեսանյութերում որպես ադրբեջանական են ներկայացվում մի շարք պատմամշակութային կառույցներ, այդ թվում՝ իրանական Կապույտ մզկիթը և Արգավանդ գյուղում գտնվող Կարա-կոյունլուների թուրքմենական դամբարանը, Կոնդ թաղամասը և մի շարք այլ մզկիթներ, որոնք իբրև թե ոչնչացվել են Հայաստեանի կողմից։

📌 ՀՀ դե-ֆակտո իշխանությունների անգործության և լուռ համաձայնության պայմաններում Ադրբեջանի իշխանությունները շարունակում են հավակնություններ դրսևորել Հայաստանի Հանրապետության՝ միջազգայնորեն ճանաչված տարածքների ու մշակութային կառույցների նկատմամբ։ Ընդ որում, այդ հավակնությունները բարձրաձայնվում են ոչ միայն ներքին լսարանի առջև՝ այդպիսով ապահովելով հակահայկական տրամադրությունների բարձր մակարդակը, այլև միջազգային հարթակում, ինչն էլ կապված է ՀՀ նկատմամբ ծավալապաշտության արտաքին լեգիտումթյան ապահովման հետ։

❗️Մշակութային յուրացման գործընթացը Արցախյան երրորդ պատերազմից հետո նոր՝ ավելի մեծ մասշտաբներ է ընդունել։ Հիշեցնենք, որ Ադրբեջանի նախագահ Ի. Ալիևը հուլիսի 14-ին հրամանագիր էր ստորագրել պետական մակարդակով նշելու «Իրևանի (Երևանի) պետական ադրբեջանական դրամատիկական թատրոնի» 140-ամյակը՝ փաստացի ոտնձգություն կատարելով Հայաստանի տարածքային ամբողջականության նկատմամբ։

❗️Նմանօրինակ մեկ այլ դրսևորում էր «Թեփեբաշի» (Կոնդ) թաղամասը «հնագույն Իրևան քաղաքի» պատմական թաղամասերից մեկը հայտարարելը. մի շարք ադրբեջանցի գիտնականներ դիմել էին ՅՈՒՆԵՍԿՕ-ին Երևանի «Թեփեբաշի» թաղամաս առաքելություն ուղարկելու խնդրանքով, քանի որ այնտեղ «ոչնչացվում են ադրբեջանական պատմական հուշարձանները»։

Հայկական ալիք | @hayaliq

Թուրքիայի հետ այսպես կոչված հարաբերությունների կարգավորումն իրականում Հայաստանի Հանրապետության նոր կապիտուլիացիան է՝ քողարկված «բարիդրացիականության» վերաբերյալ հայտարարությունների տակ։
Ինչո՞ւ և ինչպե՞ս՝ պատմում եմ այս հարցազրույցում։

https://www.youtube.com/watch?v=joy_Z6HLcA4

Մի հատ էլ մեծ հարցազրույց՝ ստեղված իրավիճակի և դրանից ելքերի մասին՝ https://youtu.be/p53aEqoYcRU

🇹🇷Փետրվարի 6-ին Թուրքիայում տեղի ունեցած ավերիչ երկրաշարժից հետո, բացի հումանիտար և այլ խնդիրներից, Թուրքիայի և միջազգային քաղաքական ու քաղաքագիտական շրջանակներում սկզբում ավելի քիչ ինտենսիվությամբ, իսկ օրեր անց արդեն ակտիվորեն սկսեց շրջանառվել երկու կարևոր հարց.

1️⃣ մայիսի 14-ին նախատեսված նախագահական և խորհրդարանական ընտրությունները տեղիկունենան թե՞ կհետաձգվեն.

2️⃣ նախագահ Էրդողանը կկարողանա այս հարվածին դիմագրավել նաև քաղաքական առումով, թե՞ Թուրքիայի էրդողանական փուլը մոտենում է ավարտին:

🌊«Հայկական ալիք»-ը ներկայացնում է երկրաշարժից անմիջապես հետո և ներկայումս տեղի ունեցող զարգացումների վերաբերյալ թուրքագետ, պատմական գիտությունների դոկտոր, պրոֆեսոր Ռուբեն Մելքոնյանի դիտարկումներն և կանխատեսումները: Մանրամասներին ծանոթացե՛ք` անցնելով հղումով⤵️
https://hayaliq.com/turkeyearthquakeelections/

Հայկական ալիք | @hayaliq

⚡️⚡️⚡️ Ժամեր առաջ ադրբեջանական ԶՈՒ դիվերսիոան խումբը մտել է Արցախի տարածք և սպանել երեք հայ ոստիկանի (նկարում գնդակոծված հայկական մեքենան է)։ 3 հայ սպա զոհվել է թուրքերի պլանավորած հարձակումից այն պահին, երբ ՀՀ դե-ֆակտո ղեկավարն օգնում է Թուրքիային և պատրաստվում Ադրբեջանի հետ խաղաղության։
Ադրբեջանը և Թուրքիային Հայաստանի հետ խաղաղ ապրելու մտադրություն չունեն։ Խաղաղության միակ ձևը նորից թշնամուն հաղթելն է։ Դրանից առաջ պետք է հաղթել ՀՀ դե ֆակտո թուրքամետների իշխանությանը, որ մեզ տանում է ցեղասպանության։

պ.գ.թ., թյուրքագետ Վարուժան Գեղամյան | @varuzhandragoman

Ադրբեջանի դիվերսիոն ներթափանցման հետևանքով զոհվել է ոստիկանության 3 ծառայող.
Փոխգնդապետ՝ Արմեն Մայորի Բաբայան
Մայոր՝ Դավիթ Վալերիի Դանիելյան
Լեյտենանտ՝ Արարատ Թելմանի Գասպարյան:

Արմենը, Դավիթն ու Արարատը արել են իրենց գործը՝ պահել են մեր հողը ու հերոսաբար ընկել։
Կամ մենք կշարունակենք իրենց գործն ու նոր հաղթանակներ կգրանցենք, կամ…

Թշնամական Ադրբեջանի պաշտպանության նախարարությունը ևս հաստատում է Արցախում մարտերի իրողությունը, ինչպես նաև նշում է, որ «երկու կողմերից էլ կան զոհեր և վիրավորներ»։

պ.գ.թ., թյուրքագետ Վարուժան Գեղամյան | @varuzhandragoman

Արցախում այսօր հերթական ռազմական սրացման և Հայաստանի շարունակական անկման փուլում պետք է սկսել ազնիվ խոսել այն մասին, որ «դասական քաղաքականությունն» ավարտվել է, և պետք գործել իրական քաղաքականության, այսինքն՝ ազգային ազատագրական պայքարի տրամաբանությամբ գործել։
Կից տեսանյութում բացատրում է ազգային ազատագրական պայքարի անհրաժեշտությունը։ Իսկ ամբողջական հիմնավորումը կարող եք գտնել լրագրող Լիլիթ Թումանյանի «Լիկբեզ» հաղորդման հերթական թողարկման մեջ այս հղումով՝ https://youtu.be/pcWFCRt2i3o?t=390

պ.գ.թ., թյուրքագետ Վարուժան Գեղամյան | @varuzhandragoman

Հայկական տեղեկատվական դաշտի հակիրճ մոնիտորինգից մեկ տպավորություն-դիտարկում

Կյանքում Թուրքիայի և Ադրբեջանի քաղաքական համակարգը և քաղաքական մշակույթը երբևէ խորությամբ չուսումնասիրած, քաղաքագիտության մասին բուկլետներից կամ էլ մի քանի հանրամատչելի տեսանյութից պատկերացում կազմած, քաղաքական աշխարհագրության գոյության մասին պատկերացում չունեցող, էլ չեմ ասում թուրքերեն և ադրբեջաներեն աղբյուրները կարդալու ունակություն չունեցողներն այսօր պնդում են, որ «Թուրքիան և Ադրբեջանը սպառնալիք չեն»։ Այս նույն բանն արվում էր 2020 թ. ողջ ընթացքում, երբ թուրքագետներս զգուշացնում էինք, թե ինչ է սպասվում։
Հիմա էլ մեծ արհավիրքից առաջ իրենք իրենց փորձագետ, էքսպերտ և կամ այլ կոչումներ տվածները մանիպուլացնում են հայ հասարակությանն՝ ուղղորդելով դեպի նոր արհավիրք։
Լսեք բանիմաց մարդկանց, ականջալուր եղեք մասնագետների, ոչ թե ինքնահռչակների, որոնց մեծ մասն այսօր դե-ֆակտո իշխանություն է Հայաստանում։

Ինչպես որ քաղցկեղը չեն բուժում սոդայով, այնպես էլ Թուրքիան չեն հասկանում մի անգամ Ստամբուլ գնալով կամ մի երկու հոդված կարդալով։

Իսկ ով որպես մասնագետ գիտակցաբար է այդպես անում, ապա դավաճանի պիտակը դիպչելու է նաև իրեն։

պ.գ.թ., թյուրքագետ Վարուժան Գեղամյան | @varuzhandragoman

Մեր տարածաշրջանում Թուրքիայի իրական ցանկությունների ու ծրագրերի մասին գիտական, բայց հանրամատչելի կարող եք կարդալ «Հայկական ուսումնասիրություններ» շարքի այս զեկույցում։
Զեկույցի երրորդ գլուխը («Թուրքիայի «Մեծ խաղը». տարածաշրջանային աշխարհաքաղաքական իրականությունը և Լեռնային Ղարաբաղի հակամարտությունը») ամբողջությամբ քննում է Թուրքիայի քաղաքական նպատակները։

Թուրքիայի Դիյարբաքըր քաղաքը ներկայացնող «Ամեդսփոր» ֆուտբոլային թիմի մարզիկներին այսօր Բուրսայում ֆուտբոլային խաղի ժամանակ թուրք ֆուտբոլասերները ահա այսպես փաստացի հարձակման են ենթարկել, ծեծել երկրպագուներին։
Միակ պատճառը «Ամեդսփոր»-ի՝ գերազանցապես քրդական թիմ լինելու ընկալումն է։

#խաղաղության_վկաները

https://www.youtube.com/watch?v=ySNYqIoifIU

Հայաստանը պետք է նպատակ դնի չեզոքացնել ադրբեջանական և թուրքական սպառնալիքը. թուրքագետ

Թուրքիան 1991–ից 2018 թվականը Հայաստանի վրա չի հարձակվել ոչ թե որովհետև չի ուզել, այլ որովհետև չի կարողացել։ Այս մասին «Աբովյան Time» հաղորդմանն ասաց թուրքագետ Վարուժան Գեղամյանը։

«Հայկական պետությունը` իր բոլոր թերություններով հանդերձ, իր ամբողջ հասարակությամբ և ամբողջ պետական ապարատով աշխատում էր այդ սպառնալիքը քիչ թե շատ չեզոքացնելու վրա»,–ասաց թուրքագետը։

Թուրքիան բազմիցս է փորձել ներգրավվել որպես Մինսկի խմբի համանախագահ երկիր, բայց դիվանագիտական հարթակում ՀՀ–ն կարողացել է կանխել։ Միևնույն ժամանակ դաշնակիցների, ռազմավարական գործընկերների հետ ՀՀ–ն չեզոքացրել է նաև ռազմական տեսանկյունից Թուրքիայի ներգրավումը Արցախյան խնդրին, որը հաջողվել է։
Հետևաբար, թուրքագետը վստահ է, որ հաջող և գրագետ աշխատանքի պարագայում անգամ զորեղ թվացող Թուրքիային հնարավոր է դիմադրել ճշգրիտ կառուցված անվտանգային ճարտարապետությամբ։

@ArmeniaSputnik

Վրաստանում կատարվողը պետք է ոչ թե առաջացնի ցնծություն կամ ոգևորություն, այլ հակառակը՝ խորը մտահոգություն։ Եթե իրավիճակը սրվեց, կամ, ավելի վատ, եթե իշխանափոխություն եղավ, որի արդյունքում Վրաստանը գրեթե անխուսափելիորեն կվերածվի Ռուսաստանի դեմ պատերազմի նոր ճակատի, ապա շատ մեծ հավանականությամբ կփակվի Վերին Լարսը։ Իսկ թե ինչ կլինի, եթե փակվի Լարսի ճանապարհը, որը մեր գլխավոր տրանսպորտային զարկերակներից է, կարծում եմ կարիք չկա ներկայացնելու։

պ.գ.թ., թյուրքագետ Վարուժան Գեղամյան | @varuzhandragoman