Իրանի խորհրդարանի հայ պատգամավոր Ռոբերտ Բեգլարյանը հայտնել է, որ Իրանի կառավարությունը նախապատրաստական ​​աշխատանքներ է իրականացնում՝ մարդասիրական օգնություն ուղարկելու Հայաստան։

պ.գ.թ., թյուրքագետ Վարուժան Գեղամյան | @varuzhandragoman

«Մինչև 2024թ․ հունվարի 1-ը լուծարել իրենց գերատեսչական ենթակայության բոլոր պետական ​​հիմնարկները և կազմակերպությունները, և ԼՂ (Արցախի) Հանրապետությունը դադարում է գոյություն ունենալ»։

Սա Արցախի պետական վերջին որոշումն է։ «Կադաստրի թղթի» անվան տակ իրական գոյություն ունեցող մեր պետությունը դադարում է գոյություն ունենալ։ Շնորհավորում եմ սա երազողներին, ինչպես նաև բոլոր նրանց, ովքեր իրենց քաղաքական անտարբերությամբ ու քմահաճությամբ («սրան չեմ ուզում», «նա լավը չի» և այլ հիմարություններ) թույլ տվեցին, որ սա դառնա անխուսափելի։

պ.գ.թ., թյուրքագետ Վարուժան Գեղամյան | @varuzhandragoman

Ադրբեջանի կողմից գերեվարված Ռուբեն Վարդանյանին առաջադրվել է մեղադրանք «ահաբեկչության» և «անօրինական զինված խմբավորումներ ստեղծելու և ղեկավարելու» համար։
Եվ նորից եմ ուզում կրկնել այս գրառումս.

«Դեռ պատերազմի ավարտից հետո եմ ասել, ևս մեկ անգամ արժե կրկնել։ Այն բանից հետո, երբ Հայաստանի դե-ֆակտո իշխանությունը թղթով ճանաչի Ադրբեջանի տարածքային ամբողջականությունը, Հայաստանի Հանրապետության բազմաթիվ քաղաքացիներ հետապնդվելու են՝ «Ադրբեջանի տարածքային ամբողջականության դեմ» գործած հանցանքների (այսինքն բանակում ծառայելու) համար։
Այլ բառերով՝ Ադրբեջանը քրեական հետապնդում է սկսելու ցանկացած հայի նկատմամբ, ով երբևէ որևէ կապ է ունեցել Արցախի հետ` սովորական ժամկետային զինծառայողից մինչև նախագահ: Ռուբեն Վարդանյանի, Վագիֆ Խաչատրյանի ձերբակալությունները հենց այդ շարքից են»։

պ.գ.թ., թյուրքագետ Վարուժան Գեղամյան | @varuzhandragoman

Արցախում կային մելիքություններ, երբ չկար որևէ այլ պետական միավոր Հայաստանի մնացյալ հատվածում։
Արցախը պայքարեց գոնե ինքնավարության կարգավիճակի համար, երբ ստեղծվեց խորհրդային Ադրբեջանը։
Ադրբեջանը պատերազմներով պահեց 32 տարվա անկախությունը։
Ու հայոց պետականության ջահը բառի ուղիղ և փոխաբերական իմաստներով շատ դեպքերում գալիս էր Արցախից։ Այ հենց սա է կոտրվել։

պ.գ.թ., թյուրքագետ Վարուժան Գեղամյան | @varuzhandragoman

Հանրային տարբեր գործիչներ, իրավաբաններ և փորձագետներ նշում են, որ Արցախի Հանրապետության լուծարման մասին այսօրվա հայտարարությունը իրավական ուժ չունի, քանի որ կատարված է ուժի կիրառման սպառնալիքի տակ։ Սա, թերևս, ճիշտ է։
Սակայն ավելի կարևոր է հասկանալ, որ այդ իրողությունը պետական/իրավական մակարդակով կարող է արծարծվել միայն Հայաստանի Հանրապետության կողմից։ Բնականաբար, այսօր իշխանությունը ոչ միայն դա չի անելու, այլ նաև ուրախ է այս իրողության առթիվ՝ իր քարոզչության մեջ մեղքը գցելով Արցախի Հանրապետության վերնախավի վրա։
Հետևաբար՝ նույնիսկ Արցախի համար մեր հետագա ազատագրական պայքարի համար անհրաժեշտ է, որ այսօր փոխվի Հայաստանի իշխանությունը։

պ.գ.թ., թյուրքագետ Վարուժան Գեղամյան | @varuzhandragoman

Սերունդների բռնագաղթ:

Լուսանկարը՝ Դավիթ Հակոբյանի

պ.գ.թ., թյուրքագետ Վարուժան Գեղամյան | @varuzhandragoman

Թուրքական ամենախոշոր ընդդիմադիր օրաթերթերից «Korkusuz»-ում («Քորքուսուզ») հայտնվել է հետաքրքրիր մի հոդված, որը նվիրված է «Զանգեզուրի միջանցքին»։
Սյունակում հեղինակը նշում է, որ չնայած Թուրքիայի իշխանությունները փորձում են միջանցքը ներկայացնել որպես Ռուսաստանից ու ԱՄՆ-ից անկախ նախագիծ, սակայն իրականում «ԱՄՆ-ն է միջանցքի ճարտարապետը»։ Հեղինակը գրում է.
«Ճիշտ է, որ այդ միջանցքը Ռուսաստանից անկախ է, սակայն ԱՄՆ այդ նախագծի գլխավոր ճարտարապետն է։... Միջանցքով կնախապատրաստվի տարածաշրջանում ԱՄՆ-ին դիմադրել փորձող Իրանի մասնատումը։ Ստեղծվել է մի միջանցք, որը խթանելու է Իրանի հյուսիսում ազարիների, իսկ արևմուտքում քրդերի անջատողականությունը»։
Ըստ էության՝ իրականությունը լիարժեք բացահայտող գրառում է։ ԱՄՆ դեռ 2000-ականների սկզբին էր փորձում առաջ մղել Թուրքիան Ադրբեջանին կապող և հյուսիսից Իրանին սպառնացող այս ցամաքային կապը, որը ստացել է միջանցքը անունը։
Եվ ինչ-որ «պատահականությամբ» Հայաստանում ոչ մեկ չի խոսում այն մասին, թե ինչ կարծիք ունի միջանցքի մասին ԱՄՆ և ընդհակառակը, ԱՄՆ բոլոր կողմնակիցները (արևմտամետները) պնդում են, որ միջանցքը Ռուսաստանի է պետք՝ չբերելով ոչ մի լուրջ հիմնավորում։
Այս մասին երեկոյան թելեգրամյան լայվի ձևաչափով կպատմեմ ավելի մանրամասն։

պ.գ.թ., թյուրքագետ Վարուժան Գեղամյան | @varuzhandragoman

Թուրքական իշխանական գլխավոր «Sabah» մեդիայի («Սաբահ») վերջին բացատրական տեսանյութն է միջանցքի մասին։
Ողջ թուրքական մեդիան լցված է այսպես կոչված «Զանգեզուրի միջանցքի» լուսաբանման և հանրայնացման թեմայով։
Հանրային կարծիքի կառուցարկումը շարունակվում է։ Իսկ թե ինչու է անհրաժեշտ, որ թուրքական հանրային կարծիքի համար միջանցքի թեման դառնա առաջնայինններից մեկը, կարծում եմ՝ կռահում եք։

պ.գ.թ., թյուրքագետ Վարուժան Գեղամյան | @varuzhandragoman

#միջանցք