📚 James Clear bilan suhbat 🤔

Kitob o’qisangiz, shu kitob muallifi bilan gaplashgandek, undan bilimlar olgandek bo’lasiz deyishadi.
Kitobxon birodarlarimiz bilan birgalikda Fevral oyida o’qish uchun ‘’Atom Odatlar’’ kitobini tanladik.

Inshaallah, James Clear bilan manfaatli suhbat qilamiz degan umiddaman😁😊

👉@lidernotes

❇️ Nega yomon odatlarni takroriy qilish oson, va aksincha, nega yaxshi odatlarni shakllantirish qiyin❓

👉@lidernotes

❇️ Katta hajmda online kurslar taqdim etadigan dunyodagi top platformalardan biri Coursera qilgan so’rovnomaga ko’ra, 31% ishtirokchilar hozirgi kunda ‘’Yechim topuvchi’’ liderlik uslubini jamoani boshqarish uchun eng to’g’ri uslub deb topgan.

⏩ ‘’Yechim topuvchi’’ ulsubida liderlar(rahbarlar) o’z hamkasblarining iste'dodlarini ochishga va tashkilotning jamoaviy talantlarini maksimal darajada oshirishga ishonadilar.

⚠️ Ya’ni siz liderlik qilyapgan jamoa yoki rahbarlik qilyapgan ishchilar muammoga yechim topyapganda ularning ham fikrlarini inobatga olishingizni muhim deb bilishini unutmang.

👉@lidernotes

❇️ Kuzat -> Tingla -> G’amxo’rlik qil.

Xurmatli liderlar va bo’lajak liderlar!
Yuqoridagi 3 ta harakatni kunlik odatga aylantirmas ekansiz, jamoangizda doimiy KELDI-KETDI bo’laveradi.

👉@lidernotes

Og’ir hafta…

Aslida lider uchun yengil hafta degan tushuncha yo’q. Agar qaysidir hafta yengil o’tdi deydigan bo’lsa, demak yetarlicha o’zini yoki jamoasini komfort zonasidan chiqarishga harakat qilmagani uchun deb bilaman.

Lekin bu hafta men uchun og’irdan ham og’ir kechdi:

✅ Yarim yilda bir marta bo’ladigan jamoam bilan hissiyotlarga to’la ochiq suhbat.

✅ Har 3 oyda bo’ladigan navbatdagi kvartal uchun rejalar va strategiyalar muhokamasi.

✅ Yangi ochilgan pozitsiyalarning intervyu bosqichiga tayyorgarlik.

✅ Va albatta, bundan tashqari boshlab qo’yilgan boshqa proyektlar nazaroti, Coaching suhbatlar va hokaza.

Albatta shuncha ish stressiz bo’lmaydi, lekin ko’ngil to’lgan boshqa bir tarafi bor. Yuqoridagi barcha mashaqqatlar meni va jamoadoshlarimni o’tgan haftadan ko’ra yana 1% rivojlanishimizga yordam berdi.

Yengil hafta degan tushuncha yaxshi lider uchun bo’lmasligi kerak!

👉 @lidernotes

Jamiyat, xalq va millat najoti haqida gaplashamiz

Ko’p kuttirdik-u, ammo izlanishlar va biroz vaqtdan so'ng akalar bilan yana bir dolzarb mavzu ustida yig'ildik.

Ta'lim mavzusini o'rtaga olib, o'z fikrlarimizni va jamiyatimizdagi muhim masalalarni muhokama qildik.

🔥 "Свежий" holatda videoni ko'rish uchun bugun soat 20:30 da quyidagi havola orqali videoni tomosha qiling!

Havola: https://youtu.be/fbJrLOSVbd4

#Tarjima

Xodimlar biz uchun emas, biz ular uchun ishlashimiz kerakligini qabul qilishimiz kerak.

Bu ko’plab liderlar(rahbarlar) uchun xazm qilish qiyin haqiqat.

Ko’p menejerlar yangi menejerlikka o’tishganda xuddi ishchilik hayoti tugadi deb o’ylashadi. Aslida esa aksincha.

Liderlar xodimlari uchun ishlashi kerak deganda ularning nima xohlayapganini chuqur anglash, doimiy ularning ehtiyojlarini qondirishni nazarda tutdim.

Masalan, qaysidir xodim uylanadigan yoshga yetib ko’proq oylikka ehtiyoji bor, qaysidir biri chet elda malaka oshirishga va yana boshqasi shunchaki lideridan ko’proq tajriba olishga.

Yuzlab talablar va xohishlar bor, lekin bularni navbatma-navbat amalga oshirish lider(rahbar)ning vazifasi. Oila rahbarlarida ham ayni holat😊

Bo’lajak liderlarga(menejerlar) yuboramiz🤗

👉 @lidernotes

🤔 Kim kuchliroq?

Sizga to’g’ri yashashni o’rgatyapgan “Life Coaches” (Hayot murabbiylari)mi? Yoki o’z tajribalari va karyerasi bilan o’rnak bo’la oladigan haqiqiy liderlarmi?

Aslida bu ikki toifadan kerakli xulosani olyapgan SIZ kuchliroqsiz🫵💪

👉 @lidernotes

Introvert…

Psixologik tadqiqotlarga ko’ra, Introvert rahbarlar odatda o'z xodimlarini qadrlashni va rag’batlantirishni, bu tuyg’ularni ular doim his qilishlarini muhim vazifasi deb bilarkan. Shuning uchun ham introvert liderlar jamoasida doimiy innovatsion g’oyalar, doimiy o’z ustida ishlashlar va doimiy faollik kuzatilar ekan.

P.S. Introvert insonlar - bular ichki tuyg’ulari va fikrlari bilan ko’proq o’zini komfort his qiladigan, ko’pchilik davrasida bo’lishdan ko’ra kichik davralarni avzal ko’radigan insonlardir.

👉 @lidernotes

Assalomu aleykum yaxshilar.

O’ylaymanki hamma yangi haftani yaxshi kayfiyatda boshlab oldi.

O’tgan hafta ichida o’zim uchun foydali deb bilgan bilimlarni “Lider Notes” jurnalining navbatdagi soniga jamladim.

Sizlarga ham foydali bo’ladi deb o’ylayman, va albatta yaqinlarimiz, do’stlarimizga ulashib qo’yishni unutmanglar😊

Hafta davomida yaxshi kayfiyat tark etmasin🤗

👉 @lidernotes

Super kubokning uch karra g'olibi Bill Uolshning so'zlariga ko'ra, "Natija o'zini o’zi boshqaradi".

Xuddi shu narsa hayotning boshqa sohalariga ham tegishli. Agar siz yaxshi natijalarga erishmoqchi bo'lsangiz, maqsadlar qo'yishni unuting. Buning o'rniga maqsad sari olib boradigan tizimingizga e'tibor qarating. Maqsadlar sizning rivojlanishingizni rejalashtirish uchun va tizimlar haqiqatda muvaffaqiyatga erishish uchun kerak ekanligini tushuning.

Ya’ni maqsad yo’lida munosabatlarni o’zgartiradigan to’g’ri tizimni yo’lga qo’ymas ekansiz, erishilgan natija vaqtinchalik bo’ladi.

Tongli mutolaadan kichik xulosalar edi.

👉 @lidernotes

Odatlar qanday shakllanadi?

Quyidagi 4 inson xatti-harakatlari ortidagi fikr-moluhaza zinjiri orqali shakllanadi:

✅ Sinab ko’rish;
✅ Muvaqqiyatsizlikka uchrash;
✅ Kerakli xulosa olish;
✅ Boshqa yo’l bilan sinab ko’rish.

Odatlar masalasida qiynalyapganlarga yuboramiz📤

🌐 Одатлар қандай шаклланади?

Қуйидаги 4 инсон хатти-ҳаракатлари ортидаги фикр-молуҳаза зинжири орқали шаклланади:

✅ Синаб кўриш;
✅ Муваққияцизликка учраш;
✅ Керакли хулоса олиш;
✅ Бошқа йўл билан синаб кўриш.

Одатлар масаласида қийналяпганларга юборамиз📤

👉 @lidernotes

😰 Qo’rquv…

Bugun ko’pchilik xodimlarimiz bilan qilgan suhbatimizda “Hop, sinab ko’rsamu o’xshamasachi” degan qo’rquvni, o’ziga bo’lgan past bahoni ko’rdim. Shunda har biriga meni javobim quyidagicha bo’ldi: “Hop sinab ko’rsangu, o’ylaganingdan ham yaxshiroq o’xshab qolsachi”.

Perfektsionist insonlarning eng katta xatosi - bu 80% tayyor ideani ham sinab ko’rmasligida deb bilaman.

🌐 Қўрқув…

Бугун кўпчилик ходимларимиз билан қилган суҳбатимизда “Ҳоп, синаб кўрсаму ўхшамасачи” деган қўрқувни, ўзига бўлган паст баҳони кўрдим. Шунда ҳар бирига мени жавобим қуйидагича бўлди: “Ҳоп синаб кўрсангу, ўйлаганингдан ҳам яхшироқ ўхшаб қолсачи”.

Перфекционист инсонларнинг энг катта хатоси - бу 80% тайёр идеани ҳам синаб кўрмаслигида деб биламан.

👉 @lidernotes

To’g’ri savol.

Liderlarda to’g’ri savol berish qobilyati bo’lishi kerak. Qaysiki, xodimlarini yoki atrofidagilarni fikrlashga, o’z ustida ishlashga undaydigan savollar.

Yilning boshida biroz mulohaza qilib, qanday savol berish orqali xodimlarning fikrlashiga va tabiiy ravishda yanada samaradorligini oshirishiga yordam beraman deb o’ylab ko’rdim. Va har bir xodim bilan bo’ladigan Coaching suhbatlarini quyidagi savol bilan boshlayapman:

❇️ Keyingi 6 oy ichida o’zingdagi qanday xatti-harakatni o’zgartirmoqchisan yoki shakllantirmoqchisan?

Avvaliga kamida 5 daqiqa sukunat… Va so’ngra, xodimlardan kutilmagan, bebaho fikrlar chiqa boshlaydi.

Bir dona to’g’ri savol berish atrofdagilarning eng kamida fikrlashga undashi lider uchun katta yutuq.

👉 @lidernotes

Yaxshi odatlar aslida bizga erkinlikni beradi.

U odatingni tashla; mana bu odatga o’rgangin; yoki o’zingda bunday odatlarni shakllantirishing kerak kabi turli maslahatlar ba’zida g’ashimizni keltirishi tabiiy. Yoki ko’pchiligimizda odatlar meni robotga, qo’g’irchoqqa aylantirib qo’ymasmikin, odatlar asiriga aylanib qolmasmikinman kabi argumentlar bo’lishi mumkin.

Aslida esa aksincha, to’g’ri tejamkorlik odati moliyaviy erkinlikni, yaxshi ovqatlanish odati sog’lom qarishni, va doimiy ilm olish odati zamon bilan hamnafaslikni beradi. Ya’ni yomon odatlar, sizga hech qachon siz xohlagan erkinlikni bermaydi.

Tongi mutolaadan kichik xulosalar.

👉 @lidernotes

Bugun jamoamdagi 73 yoshli ayol xodimimiz bilan navbatdagi suhbatni o’tkazdim.

Yoshiga qaramasdan faqat oldinga intilishi, har ishga mas’uliyat bilan yondashishi va rivojlanish uchun tanqidlarga ochiqligini ko’rib o’zim uchun juda katta ma’naviy ozuqa oldim.

Jamiyat uchun foyda keltirish yosh tanlamas ekan.

🌐 Бугун жамоамдаги 73 ёшли аёл ходимимиз билан навбатдаги суҳбатни ўтказдим.

Ёшига қарамасдан фақат олдинга интилиши, ҳар ишга масъулият билан ёндашиши ва ривожланиш учун танқидларга очиқлигини кўриб ўзим учун жуда катта маънавий озуқа олдим.

Жамият учун фойда келтириш ёш танламас экан.

👉 @lidernotes

🔄 Odatlar zanjiri.

✅ Odatlar shakllantirishning asl mohiyati bu hayotimizda uchrayotgan muammolarni aniqlash va ularga yechim topish kabi ikki bosqichning uzluksiz davomiyligida ekan.

✅ Biror xatti-harakatingizni o’zgartirmoqchi bo’lsangiz, unda quyidagi munosabatlarni o’zgartirish jarayonida 4 qoidaga amal qiling:

1. Ko’rinib turadigan bo’lsin.
2. Jozibador bo’lsin.
3. Osonlikcha amalga oshsin.
4. Qanoatlantiradigan bo’lsin.

✅ Yomon odatlarni yo’qotishning birinchi qadami - bu ehtiyotkorlikni oshirishdir. Ya’ni sog’lom ovqatlanishni maqsad qilgan odamning nonushta dasturxonida shirinliklarning qo’yilmasligiga ehtiyot bo’lish.

Xatti-harakat va mumosabatlarimizni yaxshiroq tarafga o’zgartirishdan avval ularning bizga keltiryapgan zararlarini anglab yetishimiz eng muhim masala ekan.

📖Tongli mutolaadan kichik xulosalar.

👉 @lidernotes

Moslashuvchanlik.

Ish joyimiz yoki o’quv dargohlarimizdagi qo’llanmalar shunchaki yo’l ko’rsatuvchi resursligicha qolishi kerak.

Qo’llanmalarga asoslangan holda erkin harakat qilish sizni boshqalardan ko’ra bir qadam oldinga olib chiqadi. Lider uchun esa xodimlarni kamroq qo’llanmalar atrofida o’ralashib qolishdan ehtiyot qilish kerak.

👉 @lidernotes