Асацыяцыя Беларусаў у Амерыцы шукае магчымасць арганізаваць беларускі сямейны лагер летам 2024.
Мэта лагеру – стварыць беларускамоўнае асядродзе для беларускіх дзяцей, пазнаёміць з культурай, гісторыяй Беларусі для падтрымкі беларускай ідэнтычнасці.
Для каго: сем’і з дзецьмі, знаёмыя з, ці ўжываючыя беларускую мову
Калі: папярэдне з 28 чэрвеня па 3 ліпеня
Дзе: папярэдне ў штаце Канэкцікут, 90 хвілінаў ад Ню Ёрка
Лакацыя і дакладныя даты могуць крыху змяніцца ў залежнасці ад колькасці жадаючых, але гэта канец чэрвеня-першы тыдзень ліпеня.
Асацыяцыя Беларусаў у Амерыцы шукае фінансаване для арганізацыі бясплатнага ўдзелу для беларускіх дзяцей і беларускамоўных валанцёраў. Калі ласка адкажыце пра вашую магчымасць далучыцца пры ўмове бясплатнага пражывання і харчавання ў лагеры.

Запоўніце калі ласка форму, ці цікава вам прыехаць у такі Беларускі сямейны лагер
https://forms.gle/sbh41L6Kv49ZTdebA

Сябры, можа ў каго ёсьць магчымасьць падтрымаць збор.

У Варшаве памёр журналіст Андрэй Александровіч. Яму было 49 гадоў.
Александровіч стаяў ля вытокаў беларускай эканамічнай журналістыкі. Ён працаваў у БДГ, Deutsche Welle. Апошнім часам быў галоўным рэдактарам газеты "Беларусы і рынак" — найстарэйшым эканамічным выданні краіны.

Сабраныя сродкi будуць перададзеныя блiзкiм Андрэя.

Збор арганізаваны беларускай журналісткай і былой каляжанкай Андрэя - Марыяй Садоўскай-Колмач.

https://zrzutka.pl/en/tj8ayk

Ці PayPal: maria.sadovskaya@gmail.com

Сайт і сацсеткі Асацыяцыі беларусаў у Амэрыцы былі прызнаны "экстрэмісцкімі матэрыяламі"

27 лютага 2024 рашэньнем суда Чыгуначнага раёна г. Віцебска сайт і сацыяльныя сеткі (YouTube, Facebook, Instagram, Telegram, X) Асацыяцыі беларусаў у Амэрыцы (АБА) былі унесены ў сьпіс "экстрэмісцкіх матэрыялаў" .

За распаўсюд "экстрэмісцкіх матэрыялаў" у Беларусі прадугледжана адміністрацыйная адказнасьць.

Таму, калі ласка, калі вы знаходзіцеся ў Беларусі ці зьбіраецеся туды ехаць, то не стаўце падабайкі, не камэнтуйце і не дзяліцеся нашымі матэрыяламі.
За падпіску на сацсеткі з "экстрэмісцкімі матэрыяламі" адказнасьць не прадугледжана. Але ведаючы ўзровень рэпрэсіўнай машыны ў Беларусі, мы таксама не раім вам знаходзячыся ў Беларусі быць падпісанымі на нашыя сацсеткі.

Беражыце сябе, сябры.
А мы працягнем працаваць, выказваць салідарнасьці, дапамагаць беларусам і Беларусі і распаўсюджваць беларушчыну ў Амэрыцы.

Анонс падзей у беларускай дыяспары ЗША у сакавіку.

🔻1 сакавіка - беларускі бізнэс-форум у Вашынгтоне
🔻9 сакавіка - лекцыя Натальлі Гардзіенкі ў рамках праекта АБА "Беларуская Амэрыка"
🔻3- 16 сакавіка - імпрэзы Гуканьня вясны
🔻17 сакавіка - стрым з адмыслоўцай пра турвізы ў ЗША
🔻23-31 сакавіка - імпрэзы да Дня Волі
🔻31сакавіка - онлайн сустрэча з беларускай пісьменьніцай Ганнай Янкутай у рамках праекта АБА "Літаратура і кАВА"

Усе падрабязнасьці TBD

Каму бясьпечна, сачыце за нашымі сацсеткамі, там будуць публікавацца дэталі
https://linktr.ee/aba.together

Першы Беларускі Бізнэс Форум у Вашынгтоне.

1-га сакавіка ў Нацыянальным Прэс Клубе ў Вашынгтона, Акруга Калюмбія, прайшоў Першы Беларускі Бізнэс Форум, арганізаваны Асацыяцыяй Беларускага Бізнэсу за Мяжой (ABBA) пры партнэрстве з Дэпартаментам гандлю ЗША, Асацыяцыяй Беларусаў у Амэрыцы (ABA) , Беларуска-Амэрыканскім Задзіночаньнем, Акруга Калюмбія (BAZA, DC)

Вядоўцамі бізнэс-форума былі Прэзідэнтка АБА Ганна Шарко і сябар Галоўнай Управы АБА з суполкі Вашынгтона, АК Павел Васілёнак.

Сярод гасьцей форума былі прадстаўнікі федэральных структур ЗША і Сусьветнага Банка, уладальнікі маленькага і вялікага бізнэсу ў ЗША і Канадзе, экспэрты ў фінансавай галіне, дзеячы культуры, актывісты розных беларуска-амэрыканскіх суполак і прадстаўнікі канадска-беларускай арганізацыі Belarusian Canadian Alliance / Згуртаваньне Беларусаў Канады, а таксама дабрачынных арганізацый такіх як BYSOL і ініцыятыва INeedHelpBy.
Гасьцямі форуму былі і сябры Галоўнай Управы АБА з Нью-Ёрка, Вашынгтона АК, Чыкага, Нью Джэрзі, Філядэльфіі, Сан Францыска, Сан Дыега, і Тампы.

Падчас форуму абмяркоўваліся патрэбы беларускага бізнэсу і фармаваньне бізнэс-супольнасьці за мяжой. Дэпартамент гандлю ЗША выразіў зацікаўленасьць у росьце беларуска-амэрыканскага бізнэсу і гатоўнасць аказваць падтрымку. Таксама ўдзельнікі панэляў падкрэслілі значэньне беларускай ідэнтычнасьці ў бізнэсе, абмеркавалі пытаньні фінансавых рэсурсаў і інвестыцый, уплыву бізнэсу на развіцьцё моцнай дыяспары і наадварот.
У апошняй натхняльнай панэлі, неаднаразова прагучалі ідэі, што варта сябе абазначаць і будаваць сувязі для супрацоўніцтва, што важна падтрымліваць беларускіх партнэраў па бізнэсу, каб разам расьці.

Каманда АБА дзякуе ўсім арганізатарам і удзельнікам за цудоўную магчымасьць сабрацца разам, пазнаёміцца, абмеркаваць актуальныя пытаньні і ўзмацніць адносіны паміж беларускай дыяспарай ЗША і іншага замежжа.