Сябры борда АБА падчас першага дня сустрэчы беларусаў Паўночнай Амэрыкі.

LYAPIS TRUBETSKOY is heading out on a full-band tour across North America! 🇺🇸🇨🇦

These are the songs you’ve sung along to with a guitar, cranked up when they came on the radio. But the real energy of punk rock can only be felt at live concerts 🤘
Full electric concerts with the entire band 🔥

🎟️ TICKETS at bomond.com

📢 Шаноўныя сябры, запрашаем вас на сустрэчу з беларускім паэтам, перакладнікам і музыкам Алесем Плоткам.

🗓 8-га верасьня
⏰ 1 pm па Нью Ёрку
10 am па Сан Францыска
📍Facebook event

📖 Bloodlands 20/22 Belarus/Ukraine – дыхтоўны фотаальбом з вершамі, створаны Алесем Плоткам і фатографамі Алесем Пілецкім і Станіславам Крупажам. У фокусе аўтараў — «крывавыя землі» Беларусі і Украіны, і іх розныя шляхі дэкаланізацыі.

📚У ЗША замовіць Bloodlanes можна ў кнігарні Літарка

🎧Гурт Sož, франтмэнам якога зьяўляецца Алесь https://youtube.com/@sozband_official?si=5Nq3r-dXSXRH6a5H

📍Падтрымаць праект "Літаратура і кАВА"
Усе сродкі пойдуць на падзяку пісьменьнікам

Асацыяцыя Беларусаў у Амэрыцы віншуе ўсіх амэрыканцаў, а таксама беларусаў ЗША з Днём працы.

Дзень Працы адзначаецца ў гонар  амэрыканскага працоўнага руху, а таксама ўнёска працоўных у развіцьцё і дасягненьні Злучаных Штатаў.

Цікавыя факты пра Дзень Працы ў Амэрыцы:

• ЗША і Канада - адзіныя краіны ў сьвеце, якія адзначаюць Дзень Працы ў верасьні, тады калі астатнія краіны сьвяткуюць 1-га траўня.

• Але менавіта з-за падзей у ЗША краіны сьвету пачалі адзначаць Дзень Працы ў траўні.

4 траўня 1886 г. у Чыкага адбыліся падзеі, якія атрымалі назву Хэймаркэтская бойня (Haymarket affair), пад час якіх адбыліся гвалтоўныя сутычкі паміж паліцэйскімі і пратэстуючымі рабочымі, і ў выніку загінулі людзі з абодвух бакоў.
Падзеі ў Чыкага сталі сымбалям міжнароднай барацьбы рабочых за свае правы. І ў 1889 г. Другі Інтэрнацыянал аб'явіў 1-га траўня Міжнародным Днём Працоўных.

• Чаму ў Амэрыцы Дзень Працы сьвяткуюць у верасьні, а не ў траўні.

Пасля Хэймаркэтскай бойні тагачасны амэрыканскі ўрад не хацеў, каб краіну захапілі ідэі сацыялізма і анархізма. І таму замест палітазаванага першатраўнеўскага Дня Працоўных, свята перанесьлі на першы панядзелак верасьня, калі пад час парадаў і пікнікоў людзі шануюць унёсак працоўных у разьвіцьцё краіны.

🙏Дзякуй кожнаму неабыякаваму беларусу, хто далучыўся да збору.
Збор быў завершаны пасьпяхова і дзеткі атрымаюць вашую дапамогу! 👨‍👩‍👦📚

Сябры Галоўнай Управы Асацыяцыі Беларусаў у Амэрыцы прынялі ўдзел ў 35-м зьездзе беларусаў Паўночнай Амэрыкі, якая праходзіла 31 жніўня - 2 верасьня ў канадыйскім горадзе Таронта.
На сустрэчу прыехалі дэлегацыі з дзьвух кантынентаў. Гэтым разам далучылася шмат беларусаў з Эўропы - каманда ABBA, журналісты, прадстаўнік офіса Сьвятланы Ціханоўскай Франак Вячорка, выдавец "Skaryna Press" Ігар Іваноў.

Першы дзень быў прысьвечаны тром панэлям дыскусій на тэмы дыяспары, медыя і бізнэсу, пасля чаго адбылася выдатная канцэртная праграма, на якой выступілі беларускія таленты з Канады і ЗША.

Другі дзень сустрэчы праходзіў у Царкве Кірылы Тураўскага ў Таронта. Дзе гутарка пра супрацу дыяспар і арганізацый працягнулася, і ўдзельнікі сустрэчы змаглі прадставіць свае арганізацыі і праекты.
Ганна Шарко, прэзідэнтка АБА, распавяла пра дзейнасьць асацыяцыі і вынікі нашай працы за апошнія гады.
Напрыканцы імпрэзы, АБА атрымала запрашэньне стаць адным з афіцыйных арганізатараў 36-й сустрэчы беларусаў Паўночнай Амэрыкі ў ЗША.

На трэці дзень удзельнікі зьезду наведалі Беларускі крыж у Мідландзе, помнік пакутнікам за волю Беларусі і помнік загінулым у Курапатах. Была праведзена служба сьвятаром Беларускай Аўтакефальнай Праваслаўнай царквы.

Па словах сяброў АБА атмасфера на працягу сустрэчы была цёплай і шчырай, дзякуючы намаганьням выдатнай каманды арганізатараў.
Сустрэча стала цікавай, прадуктыўнай і аб'яднальнай падзеяй для беларускай дыяспары!

Выражаем шчырую падзяку беларусам Канады за гасьціннасьць Таксама ўдзячныя ЗБК і БАЗА за арганізацыю файнай сустрэчы.
Мы ганарымся, што зьяўляліся партнэрамі па арганізацыі і спадзяемся на далейшую плённую супрацу на карысьць беларусаў і беларушчыны.

Сёньня Дзень Народзінаў у беларускай пісьменьніцы і перакладніцы Ганны Янкуты. Віншуем Ганну, жадаем посьпехаў і натхненьня.
І мы вельмі ўдзячныя, што змаглі пазнаёміцца з пісьменьніцай, дзякуючы нашаму праекту "Літаратура і кАВА".
Прапануем вам паглядзець відэа онлайн сустрэчы беларусаў ЗША з Ганнай Янкутай
https://youtu.be/2RNNbYl62EQ?si=apDDjs8N6yQ6XELL