💫💫💫Навагоднія абяцанні шчырых беларусаў на эміграцыі на 2022-гі год💫💫💫

Амаль ва ўсіх беларусаў, якія жывуць на эміграцыі, ёсць агульная мара на новы год: пабачыць Беларусь вольнай на свае ўласныя вочы. Поспех у гэтай цяжкай справе залежыць ад шчырай і ўпартай працы кожнага з нас ва ўсім свеце.

Што можна зрабіць па-за межамі Беларусі, каб наблізціь нашую мару?

Разам з нашымі сябрамі ў дыяспарах мы сабралі спіс усяго, што яны ўжо робяць і хочаць зрабіць у новым годзе. Далучайцеся да нас! Складзіце свой уласны спіс абяцанняў на новы год і запрасіце сваякоў і сяброў у дыяспары падртымаць нас.

Разам мы зробім Беларусь лепшай!

З новым годам, дарагія дыяспары!


Асацыяцыя беларусаў Амерыкі
Беларусы Бельгіі
Беларусы Даніі
Беларускі фонд спартовай салідарнасці
Кааліцыя пратэсных двароў
Кампанія салідарнасці беларускіх медыяў
Культурнае аб'яднанне Беларусь
Народнае антыкрызіснае ўпраленне і Павел Латушка

На гэтых выходных Беларусы ЗША разам з выбітным музыкам Сержуком Доўгушавым святкавалі традыцыйнае беларускае свята «Шчадрэц» у Бостане (Масачусэтс) і Саўт-Рывер (Нью-Джэрзі).

Беларуска-амерыканскія грамадзкія арганізацыі падтрымалі зварот да Кангрэса ЗША з заклікам прыняць папраўкі да закону аб абаронным бюджэце ЗША. Мэта паправак: узмацненьне дапамогі Ўкраіне ў вайне супраць агрэсіі Расеі.

Зварот падтрымлівае чатыры накірункі дапамогі Ўкраіне:

1) Палепшыць правілы перадачы зброі і вайсковых прыстасаваньняў Украіне;
2) Надаць права Генеральнаму пракурору ЗША перадаваць арыштаваную каштоўную маёмасьць Расеі ў ЗША на карысьць Украіны ў адпаведнасьці з законамі;
3) Узмацніць нормы праверкі замежных кліентаў амерыканскай фінансавай сістэмы, каб абмежаваць уплыў расейскіх алігархаў і спыніць карупцыйныя схемы;
4) Увесьці візавыя санкцыі супраць асобаў, якія ўдзельнічаюць у карупцыі і спрабуюць даваць хабар амерыканскім чыноўнікам.

ЗША традыцыйна выходзіць на галасаваньне напрыканцы году. У яго звычайна дадаюць папраўкі, якія тычацца нацыянальнай бясьпекі і зьнешняй палітыкі. У 2020-ым годзе гэтакім чынам быў прыняты чарговы закон аб дэмакратыі, правах чалавека і суверэнітэце Беларусі. Гэтым разам адмысловых санкцыйных правілаў для Беларусі няма, але выканаўчая ўлада ЗША ўжо мае досыць шырокія паўнамоцтвы ўводзіць санкцыі супраць дыктатарскага рэжыму.

Зварот ініцыявалі ўкраінска-амерыканскія грамадзкія арганізацыі Разом, Украінская нацыянальная ліга жанчын Амерыкі ды Украінскі кангрэсавы камітэт Амерыкі. Яго падтрымалі 22 іншыя арганізацыі баснійскай, балтыйскіх, грузінскай ды сірыйскай дыяспар. Ад беларускага грамадзтва пад зваротам падпісаліся Асацыяцыя беларусаў у Амерыцы, Беларуска-Амерыканскае Задзіночаньне (БАЗА), Беларускі форум свабоды ды Кааліцыя за вольную Беларусь.