Илфак Шиһапов.

Азатлык

ТАТАР ЯШЬЛӘРЕ ИЛФАК ШИҺАПОВ ИСЕМЕН МӘҢГЕЛӘШТЕРЕРГӘ ЧАКЫРА

"Азатлык" Татар яшьләре берлеге Татарстан Республикасы Президенты Рөстәм Миңнехановка һәм Мәдәният министры Ирада Аюповага 2017 елда вафат булган татар журналисты, продюссеры Илфак Шиһаповның исемен мәңгеләштерүне сорап мөрәҗәгать юллаган. Шунысы игътибарга лаек, хат татар латиницасында язылган.

Берлек рәисе Наил Нәбиуллин имзалаган мөрәҗәгатьтә, Илфак Шиһаповның татарлар өчен хезмәтләре күп булуы искәртелә.

“31 май көнне Илфак Шиһаповның вафатына 7 ел булачак. Илфак Шиһапов милләтебез һәм Җөмһүриятебез өчен бик мөһим шәхес. Ул башкалардан ихласлыгы, һәрвакыт дөреслек эзләргә тырышуы белән аерылып торды. Таланты, уйлары, зур идеялары белән бу дөньяны үзгәртергә теләде, милләтебез һәм халкыбыз өчен янып-көеп яшәде. Илфак Шиһапов башкалар күрмәгән, дәшмәгән һәм әйтергә курыккан нәрсәләр турында сөйләде, катлаулы мәсьәләләрне күтәрергә тырышты. Кыска гына гомере вакытында 20 альбом һәм 350 җыр, дистәләгән китаплар, фильмнар, газеталар чыгарды... Илфак Шиһапов татар журналистикасына да зур өлешен кертте, социаль сорауларны күтәрде. Аның кулы тимәгән өлкә юктыр... мәдәният, музыка, кино, тарих, әдәбият, журналистика һ.б. Татар тарихын өйрәнүгә дә Илфак Шиһапов зур өлешен кертте, авыл тарихлары буенча хезмәтләр чыгарды.” – диелгән хатта.

Татар яшьләре Илфак Шиһапов исемен мәңгеләштерү мөһимлеген әйтә, аның исемен Казан һәм Лениногорск шәһәрләренең урамнарына бирүне, яшәгән биналарда истәлекле такталар куюны, төрле искә алу чараларын оештыруны, телевидение-матбугат чаралары аша милләткә иҗатын искә төшерүне сорый.

Азатлык

ТАТАРСКАЯ МОЛОДЕЖЬ ПРИЗВАЛА УВЕКОВЕЧИТЬ ИМЯ ИЛЬФАКА ШИГАПОВА

Активисты Союза татарской молодежи “Азатлык” направили обращение на имя Президента Татарстана Рустама Минниханова и министра культуры Республики Ираде Аюповой с просьбой увековечить имя известного журналиста, продюссера Ильфака Шигапова, погибшего в 2017 году. Что примечательно, обращение написано на татарской латинице.

В письме, подписанном лидером организации Наилем Набиуллиным подчеркивается, что Ильфак Шигапов многое сделал для татарского народа.

“31 мая исполняется 7 лет со дня гибели Ильфака Шигапова. Ильфак Шигапов значимая фигура для татарского народа и Республики Татарстан. Он был талантлив, идейным, и своими мыслями, делами хотел изменить этот мир, пробудить Татар. Он искренне работал во благо нашего народа, актуализировал наиболее болезненные вопросы его бытия, поднимал важные вопросы. За свою яркую жизнь издал более 20 альбомов и написал 350 песен, издал десятки книг, газет, снимал фильмы. Ильфак Шигапов внес важный вклад в развитие татарской журналистики и истории.”- говорится в обращении.

Татарские активисты в своем обращении говорят о важности увековечивания имени Ильфака Шигапова. Они просят назвать его именем улицы в Казани и Лениногорске, установить памятную табличку в доме, где жил Шигапов, и организовать проведение памятных мероприятий, в том числе через освещение через средства массовой информации.

Азатлык

Татар латиницасында язылган хатны да урнаштырабыз. Үрнәк булсын башкаларга.
Размещаем и само обращение на татарской латинице. Пусть оно станет примером.

Tatarstan Respublikası Prezidentı
Röstäm Nurğali ulı Miñnexanovqa
Tatar milli xäräkäte oyışması
“Azatlıq” Tatar yäşläre berlegennän

Möräcäğät

Xörmätle Röstäm Nurğali ulı.

31 may könne tanılğan jurnalist, produsser, yazuçı, publitsist, bik küp cırlar avtorı İlfaq Şihapovnıñ vafatına cide yıl bulaçaq. Anıñ ğömere 2017nçe yılda özelgän ide...

Leninoğork rayonınıñ İske İşteräk avılında tuğan İlfaq Şihapov millätebez häm Cömhüriätebez öçen bik möhim şäxes. Ul başqalardan ixlaslığı, härwaqıt döreslek ezlärgä tırışuı belän ayırılıp tordı. Talantı, uyları, zur ideyäları belän bu dönyanı üzgärtergä teläde, millätebez häm xalqıbız öçen yanıp-köyep yäşäde. İlfaq Şihapov başqalar kürmägän, däşmägän häm äytergä qurıqqan närsälär turında söyläde, qatlaulı mäs’älälärne kütärergä tırıştı. Qısqa ğına ğömere vaqıtında 20 al’bom häm 350 cır, distälägän kitaplar, fil’mnar, ğazetalar çığardı... İlfaq Şihapov tatar jurnalistikasına da zur öleşen kertte, sotsial’ soraularnı kütärde. Anıñ qulı timägän ölkä yuqtır... mädäniät, muzıqa, kino, tarix, ädäbiät, jurnalistika h.b. Tatar tarixın öyränügä dä İlfaq Şihapov zur öleşen kertte, avıl tarixları buyınça xezmätlär çığardı.
Ni qızğanıç, İlfaq Şihapovnıñ bik küp cırları cırlanmıy qaldı... Tik şulay da, anıñ başqarğan eşläre – millätebez häm Cömhüriätebez aldında bäyäläp betergesez. Bez isä İlfaq Şihapovnıñ mirasın saqlap, bu şäxeskä qarata tirän ixtiram bularaq, anı härwaqıt xäterläp, iskä alıp yäşärgä tiyeş. Monıñ öçen isemen mäñgeläşterügä qayber adımnar başqarası ide.

Xörmätle Prezidentıbız! Tatarstanda, ayıruça Qazan häm Leninoğork rayonında İlfaq Şihapovnıñ isemen mäñgeläşterü eşlären başlap cibärergä ämer birüyegezne sorıybız. Anıñ isemen Qazan häm Leninoğorsk şähärläreneñ uramnarına birüyegezne sorıybız. Şulay uq İlfaq Şihapov isemen muzıqa mäktäbenä, yaki ğomumi mäktäpkä dä birsäk äybät bulır ide. Monnan tış, İlfaq Şihapov yäşägän, yaki eşlägän binalarğa istälek taqtaların quyu, yel sayın Respublika häm rayon däräcäsendä anıñ tuğan könendä qontsert yaki başqa mädäni, iskä alu çaraları oyıştıru döres bulır ide. Qazanda İlfaq Şihapov yäşägän yortta hiçşiksez elmä taqta quyu, anı tantanalı räveştä açu bik döres bulır ide. Şulay uq İlfaq Şihapov äsärlären säxnäläşterü, anıñ ruxi vä mädäni mirasın tanıtu, millätebezgä iskä töşerü maqsatınnan televideniye häm matbuğat çaraları aşa xalqıbızğa citkerü döres bulır ide.

İlfaq Şihapovnıñ isemen mäñgeläşterü mäs’älälären uñay xäl itärsez, dip ömetlänäbez! Bu İlfaq Şihapovnıñ xezmätlären bäyäläu belän bergä, böten tatar dönyası öçen bik möhim. İlfaq Şihapov icatında millät ruxı bar. Ğorurlıq bar. Tatarğa mäxäbbät bar.

İlfaq Şihapovnı onıtmadıq häm onıtmayaçaqbız!

Xörmät belän, “Azatlıq” Tatar yäşläre berlege räise
Nail Änäs ulı Näbiullin.
14.05.2024 yıl.

Азатлык

Кичәге темага кайтып. Илфак Шиһапов язган иң матур җырларның берсе - "Алтын Урда".

Азатлык

Алтын Урда.

Без күндәм, без тырыш, без уңган, диделәр.
Башларга матурлап түбәтәй киделәр.
Кулларга йә көрәк, йә сука, йә тырма бирделәр.
Без гомер буена казынганбыз җирдә,
Бар булган җиребез шушында – Иделдә,
Без мескен, тик уңган һәм күндәм бер халык, диделәр.
Әй, ышанды әтиләр, ышанды әниләр,
Ачы ялганга тиз ышана кешеләр.

Без гомер буена чабата-кәләпүшле, диеп.
Күтәрмә башыңны, бер эш ике кулга,
Әй, кайда соң безнең бөек Алтын Урда?
Әйтерлек, без бит шул дәүләтнең татарлары, диеп.

Кылычлы бабайлар, еракта тирмәләр,
Зәңгәр күктә тургай, илгә юк киртәләр.
Бөтен дала бөек татарның бербөтен дәүләте.
Бер үк тел, бер йола гасырлар буена,
Бу җирләр безнеке, бу җиргә без хуҗа.
Бу якларда татар кешесеннән дә юк гайрәтле.
Үзгәрде замана, исте башка җилләр,
Таралды атлылар, китте кулдан җирләр,

Кымызлы җәйләүләр күчтеләр башкалар кулына.
Илләрне бүлделәр, телләрне бүлделәр,
Безнең эш башкада, хезмәттә, диделәр,
Таралды зәңгәр күк астында бөек Алтын Урда.

Без күндәм, без тырыш, без уңган диделәр.
Башларга матурлап түбәтәй киделәр.
Кулларга йә көрәк, йә сука, йә тырма бирделәр.
Без гомер буена казынганбыз җирдә,
Бар булган җиребез шушында – Иделдә,
Без мескен, тик уңган һәм күндәм бер халык, диделәр.
Әй, ышанды әтиләр, ышанды әниләр,
Ачы ялганга тиз ышана кешеләр.

Без гомер буена чабата-кәләпүшле диеп.
Күтәрмә башыңны, бер эш ике кулга,
Әй, кайда соң безнең бөек Алтын Урда?

Илфак Шиһапов.

Азатлык

Фәнил шигырьләрен аның телеграм сәхифәсеннән укырга була

https://news.1rj.ru/str/fanilgilaji

Җомга көннәребез котлы булсын!

Казанны "алалар"

Татар мәркәзендә татарлыкка
Һаман кысан урын.
Түр башына гел башкалар үрли,
Туар-тумас борын.

Сәвит исе белән сөрсеп аңкый
Һәммә үзәк урам.
Без әле дә Болак аръягына
Сөрдерелгән шуннан.

Хәрабәи Болгар каласына
Болгатылган динем.
Мәсхәрәле факультатив дәрес -
Туган телем минем.

"Хәтер"емә кадәр җуйдыралар -
Ясаклылык исән.
Омон тора, автозаклар көтә -
"Протестую!" - дисәң...

Милли шәхесләргә шәһәр чите -
Тәгаенле урам,
Йә кумырык, өч йорт исәбенә
тулар-тулмас булган.

Академик театрга тиклем
Күченәчәк әнә
"Шәп урынга!" - Кабан аръягына,
Чигенәбез янә...

Тез чүгәбез: "Баш өсте дип, - түрәм!"
Тешсез авыз белән
Тешлибез дә канатабыз телне,
Башлар түбән игән...

Алынадыр Казан милләтемнән
Яусыз, һаман саен.
Гафилият сазлыгындагылар,
Көтә форсат җаен...

Көтек булып, калып күтәрәмгә,
Сусап азатлыкка
Яраклаша халкым риза булып,
Сөенеп ямаулыкка.

Өмет итә кыл да кыймый гына
Туар бәхет таңын.
Һәм уфтанып, ул көрсенә тора:
"Алдадылар тагын..."

Алынадыр Казан, алынадыр
Татарстан иле.
Канатларны өтеп кагыладыр
Ваемсызлык җиле.

©Фәнил Гыйләҗев