የኢትዮጵያ ኦርቶዶክስ ተዋሕዶ ቤተክርስቲያን የዘጠኝ ኤጲስ ቆጶሳት ሹመት ተከናወነ
******************************

የኤጲስ ቆጶሳቱ ሹመት በኢትዮጵያ ኦርቶዶክስ ተዋህዶ ቤተክርስቲያን ፓትሪያርክ ብፁዕ ወቅዱስ አቡነ ማቲያስ መሪነት በመንበረ ፓትሪያርክ ቅድስተ ቅዱሳን ማርያም ገዳም ተካሂዷል።

የኢትዮጵያ ኦርቶዶክስ ተዋህዶ ቤተክርስቲያን ቅዱስ ሲኖዶስ ባደረገው የኤጲስ ቆጶሳት ምርጫ መሠረት ለዘጠኙ ቆሞሳት በብፁዕ ወቅዱስ አቡነ ማትያስ ቀዳማዊ ፓትርያርክ ርዕሰ ሊቃነ ጳጳሳት ዘኢትዮጵያ ሊቀ ጳጳስ ዘአክሱም ወእጨጌ ዘመንበረ ተክለሃይማኖት መሪነት በሊቃነ ጳጳሳት አንብሮተ ዕድ ተፈጽሟል።

በዚህ መሰረት
1. ቆሞስ አባ ክንፈ ገብርኤል ተ/ማርያም አባ ገሪማ ተብለው የጌዲኦ፣ አማሮና ቡርጅ ሀገረ ስብከት፣
2. ቆሞስ አባ ሳህለ ማርያም ቶላ አባ ገብርኤል ተብለው የምዕራብ ሸዋ ሀገረ ስብከት፣
3. ቆሞስ አባ ስብአት ለአብ ሀይለማርያም አባ ጢሞቲዎስ ተብለው የዳወሮ ኮንታ ሀገረ ስብከት፣
4. ቆሞስ አባ አምደሚካኤል ኃይሌ አባ ኤልሳዕ ተብለው የምስራቅ ወለጋ ሀገረ ስብከት፣
5. ቆሞስ አባ ሀይለማርያም ጌታቸው አባ በርቶሎሜዎስ ተብለው የድሬደዋ ሀገረ ስብከት፣
6. ቆሞስ አባ ጥላሁን ወርቁ አባ ኤፍሬም ተብለው የቡኖ በደሌ ሀገረ ስብከት፣
7. ቆሞስ አባ ዘተ/ሀይማኖት ገብሬ አባ ኤጲፋንዮስ ተብለው የሆሮ ጉድሩ ሀገረ ስብከት፣
8. ቆሞስ አባ እስጢፋኖስ ገብሬ አባ ዳንኤል ተብለው የምዕራብ ወለጋ ሀገረ ስብከት እና
9. ቆሞስ አባ ወ/ገብርኤል አበበ አባ ኒቆዲሞስ የምስራቅ ሀረርጌ ሀገረ ስብከት ሆነው መሾማቸውን የኢኦተቤ መገናኛ ብዙኀን አገልግሎት ሥርጭት ድርጅት መረጃ ያመለክታል።

ጠቅላይ ሚንስትር ዐቢይ አሕመድ እና ቀዳማዊት እመቤት ዝናሽ ታያቸው የ500 ሚልዮን ችግኝ በአንድ ጀምበር አረንጓዴ ዐሻራ መርሐ ግብርን ከጽ/ቤቱ ሰራተኞች እና በከተማው ከሚኖሩ አካል ጉዳተኞች ጋር ዛሬ ማለዳ የአፕል ችግኞችን በመትከል አስጀመሩ።

ከማለዳው 12 ሰዓት እስከ 3፡30 ሰዓት ድረስ 147 ሚሊዮን 965 ሺህ ችግኞች ተተክለዋል፡- የመንግስት ኮሙዩኒኬሽን አገልግሎት
****************

ከ9 ሺህ በላይ የችግኝ ጣቢያዎች አሁንም መረጃዎችን ወደ ማዕከሉ እየላኩ እንደሚገኝ የመንግስት ኮሙዩኒኬሽን አገልግሎት ሚኒስትር ዴኤታ ሰላማዊት ካሳ ገልጸዋል።

ከሁነቶች መከታተያ ክፍል (situation room) የመንግስት ኮሙኒኬሽን አገልግሎት ሚንስትር ዴኤታ ሰላማዊት ካሳ በሰጡት መግለጫ፤ ዜጎች በሁሉም የሃገሪቱ ክፍል በንቃት እየተሳተፉ ነው ብለዋል።

የዓለም አቀፉ ማኅበረሰብ ተሳትፎ በዛሬው የአረንጓዴ ዐሻራ የችግኝ ተከላ