ጠቅላይ ሚኒስትር ዐቢይ አሕመድ (ዶ/ር) ከሲንጋፖር ፕሬዚዳንት ታርማን ሽሙጋርተናም ጋር ተወያዩ
************************
ጠቅላይ ሚኒስትር ዐቢይ አሕመድ (ዶ/ር) ከሲንጋፖር ፕሬዚዳንት ታርማን ሽሙጋርተናም ጋር ተወያይተዋል፡፡

መሪዎቹ በፕሬዚዳንቱ ጽ/ቤት በኢስታና ተገናኝተው በፓለቲካዊ፣ ኢኮኖሚያዊ እና ማኅበራዊ ጉዳዮች ላይ መክረዋል፡፡

ጠቅላይ ሚኒስትር ዐቢይ አሕመድ (ዶ/ር) በማኀበራዊ የትስስር ገጻቸው ላይ ከፕሬዚዳንት ታርማን ሽሙጋርተናም ጋር “የሁለትዮሽ ግንኙነታችንን ለማጠናከር እና አዳዲስ የትብብር መስኮችን ለማጠናከር ተስማምተናል” ብለዋል፡፡

ኢትዮጵያ እና ሲንጋፖር የመግባቢያ ስምምነት ተፈራረሙ
**********

ጠቅላይ ሚኒስትር ዐቢይ አሕመድ (ዶ/ር) በሲንጋፖር ሪፐብሊክ በኢስታና ቤተመንግሥት በነበራቸው ቆይታ የሁለቱ ሀገራት መሪዎች በተገኙበት የሁለትዮሽ ምክክር ላይ የመግባቢያ ስምምነት ብሎም በኢፌዴሪ ትራንስፖርት እና ሎጂስቲክስ ሚኒስቴር እና በሲንጋፖር የትራንስፖርት ሚኒስቴር መካከል የፍላጎት ስምምነት መፈረሙን ከጠቅላይ ሚኒስትር ጽ/ቤት ያገኘነው መረጃ ያመላክታል።

የተፈጥሮም ሆነ የሰው ሰራሽ አደጋዎችን በራስ አቅም ለመቋቋም መስራት ያስፈልጋል፡- ምክትል ጠቅላይ ሚኒስትር ተመስገን ጥሩነህ
*****************

ከተረጅነት በመላቀቅ የሚያጋጥሙ የተፈጥሮም ሆነ የሰው ሰራሽ አደጋዎችን በራስ አቅም ለመቋቋም መስራት ያስፈልጋል ሲሉ ምክትል ጠቅላይ ሚኒስትር ተመስገን ጥሩነህ ተናገሩ።

የአደጋ ስጋት ሥራ አመራር ምክር ቤት ምክትል ጠቅላይ ሚኒስትር ተመስገን ጥሩነህ በተገኙበት ውይይት እያካሄደ ነው፡፡

አደጋ በየትኛውም ወቅትና ጊዜ አይቀሬ ስለመሆኑ የተናገሩት ምክትል ጠቅላይ ሚኒስትሩ፤ ሰዎች ከተፈጥሮ ጋር በሚያደርጉት የተዛባ ግንኙነት ቁጥሩ እየጨመረ ስለመሆኑ አንስተዋል፡፡

በመሆኑም አደጋን የማስተዳደርና በራስ አቅም የመቋቋም ስራዎች ላይ በትኩረት እየተሰራ ስለመሆኑ ነው የተናገሩት፡፡https://www.facebook.com/EBCzena/posts/pfbid0EeVFxiCWx24VwdVNhM6UEr3cEaLhwQUpgyyaLsE6zMn89CnurKRB336dqAf1oA2Fl