"ዛሬ ከኢትዮጵያ ኦርቶዶክስ ተዋህዶ ቤተክርስቲያን ቀዳማዊ ፓትርያርክ ርዕሰ ሊቃነ ጳጳሳት ዘኢትዮጵያ ሊቀ ጳጳስ ዘአክሱም ወእጨጌ ዘመንበረ ተክለ ሃይማኖት ብፁዕ አቡነ ማትያስ ጋር በመሆን በኮሪደር ልማት ምክንያት በፈረሱ ቤቶች ምትክ በቤተክርስቲያኒቱ የሚገነባ ህንፃ የመሠረተ ድንጋይ አስቀምጠናል።

ቤተ ክህነት የከተማውን ልማት ሥራ በላቀ ሁኔታ በመደገፍ እና ለኮሪደር ልማት ስራዎች መጀመር፤ በማፍረስ ሂደትም ሆነ መልሶ በመገንባት ሂደት እንዲሁም ህንፃዎችን በማደስ ላደረገችው ተሳትፎ እና ተግባራዊ የሆነ ምላሽ ከልቤ ለማመስገን እወዳለሁ።

በዚህ አጋጣሚ ከቤተክርስቲያንቱ ለቀረበልኝ ምስጋናም እጅግ በጣም አድርጌ አመሰግናለሁ ።"

ከንቲባ አዳነች አቤቤ

የፒያሳ እና የአራት ኪሎ መስመር ስራ በተያዘው የሦስት ወር መርሐ-ግብር ማጠናቀቃችንን ስገልፅ ደስታ ይሰማኛል፦ ጠቅላይ ሚኒስትር ዐቢይ አሕመድ (ዶ/ር)
*******************

የፒያሳ እና የአራት ኪሎ መስመር ስራ በተያዘው የሦስት ወር መርሐ-ግብር ማጠናቀቃችንን ስገልፅ ደስታ ይሰማኛል ሲሉ ጠቅላይ ሚኒስትር ዐቢይ አሕመድ (ዶ/ር) ገለጹ።

ጠቅላይ ሚኒስትሩ በማኅበራዊ ትስስር ገጻቸው ባሰፈሩት ፅሁፍ፤ የቀደሙትን የኮሪደር ልማት ስራዎች ግምገማ ስናጠናቅቅ ቀጣዩን ግምገማችንን በስራው ስፍራ ተገኝተን እንደምናካሂድ ቃል ገብተን ነበር ብለዋል።

በቀጣይ ስራ ሀብት ቁጠባ ቀዳሚ ትኩረት ሆኖ በቀሪ ኮሪደሮች ስራዎቻችን ፈጣን እና ፈጠራ መር ልንሆን ይገባል ብለዋል ጠቅላይ ሚኒስትሩ።

ጥራትን ማስጠበቅ እና ለዜጎቻችን ሁሉ የተመቸ ከባቢን መፍጠር ቅድሚያ የምንሰጣቸው ተግባራት ናቸው ሲሉም ገልጸዋል።

ይህ ፕሮጀክት የሚራመደው በብዙሃን ትብብር ነው ያሉት ጠቅላይ ሚኒስትሩ፤ ከጅማሮው በስራችን ባገኘነው በጎፈቃድ ምስጋና አቀርባለሁ ብለዋል።

ይህም በዕቅድ እና አፈፃፀም ላይ የታየውን ጥረታችንን እና መልካም ፈቃዳችንን የመጠነ ሆኖ ታይቷል ነው ያሉት።https://www.facebook.com/EBCzena/posts/pfbid02EHJTy7SUmhzsNMBG8Gpup8NBdRm9M3EssvzcY2snzntCVyEtriVWvVqnodiXJwASl