ምስጢረኞቹ ቀጠሮ የማያዛንፉት የመስቀል ስጦታዎች
የመስቀል ወፍ እና አደይ አበባ የት ነው የሚደበቁት?
*******

የኢትዮጵያ አዲስ ዓመት የብሩህ ተስፋ ተምሳሌት ነው፡፡ ከጨለማ ወደ ብርሃን መውጫ፣ ከአሮጌ ወደ አዲስ መሸጋገሪያ ነው፡፡ መስከረም ላይ በሚጀመረው የኢትዮጵያ አዲስ ዓመት ብዙዎች ተስፋቸው እንደ ብራው ሰማይ ይፈካል፣ ከከርሞ ህልማቸው ጋር ይቀጣጠራሉ፡፡

በአሮጌው ዘመን ያሰለቻቸውን አሮጌ አስተሳሰብ ትተው በአዲስ መንፈስ ለአዲስ ስኬት ይዘጋጃሉ፤ የመስቀሏ ወፍ ላባዋን እንደምትቀይረው ኢትዮጵያውያንም ራሳቸውን አንጽተው ለቀጣዩ ፍሬያማ ጉዞ ይዘጋጃሉ፡፡ ምድር በዐደይ አበባ እንደምታጌጠው ኢትዮጵያውያንም በፀዓዳ ልብሳቸው ያጌጣሉ፡፡

መስከረም እንደ ሀገር የዘመን መቁጠሪያ ሆኖ በአንድነት የሚከበር ሲሆን፣ በኢትዮጵያ የሚገኙ አብዛኛዎቹ ብሔሮችም እንደ አዲስ ዘመን መባቻቸው አድርገው በተለያዩ ስያሜዎች ያከብሩታል፡፡ ደመራ ደምረው ሕብራቸውን ያደምቁበታል፤ ችቦ አብርተው መጻኢ ብርሃናቸውን ያዩበታል፡፡ ይህ ተፈጥሮን የተከተለ አከባበር በውስጡ በርካታ ምሥጢሮችን የያዘ የኢትዮጵያውያን ብቻ ሀብት ነው፡፡

መስቀል ሲመጣ ቀጠሮአቸውን የማያዛንፉት የመስቀል ወፍ እና ዐደይ አበባ ደግሞ የኢትዮጵያ ተስፋ ብስራት አድማቂዎች ናቸው፡፡
https://www.facebook.com/EBCzena/posts/pfbid0ovWdqpuXWcUeyGuFangBugRf8Rn7oJgU8Q9HupVmyrY5w8VK1oGJC6ogHehkKF5bl

የተራራው ላይ የዓጋመ መስቀል እና ደመራ
***********************

ኢትዮጵያ ውስጥ የመስቀል በአል በተለያዩ ቦታዎች በድምቀት ይከበራል።

በመስቀል በዓል ከቤተስብ እርቆ ያለ እረጅም መንገድ ተጉዞም ቢሆን ቤተሰቡን ይጠይቃል ናፍቆቱን ይወጣል ያለውን ስጦታም በዚሁ በዓል ያበረክታል።

ታዲያ ይህ ትልቅ ሀይማኖታዊ መሰረት ያለው ከቦታ ቦታ ደግሞ የማህበረሰቡ አንድነት ተጠብቆበት የቆየ ባህላዊ አንድምታን የተላበሰ በአል ሲነሳ የዓጋመ መስቀል አይረሳም።

በሰሜን ኢትዮጵያ ክፍል በትግራይ ክልል በአዲግራት ከተማ የሚከበረው የዓጋመ መስቀል እጅግ በድምቀት ከሚከበሩ እና የተለየ አከባበር ካላቸው የመስቀል በአላት አንዱ ነው። እርግጥ የበዓሉ አከባበር ሃይማኖታዊ ሥነ ሥርዓቱ እንዳለ ቢሆንም ባሕላዊ ይዘትንም የተላበሰ ነው።
https://www.facebook.com/EBCzena/posts/pfbid0QX92xsJgojge6sCpx9L3t3tZGUsx5StuNzhQVnGyY2BK71dD54AJDsC91xYt11Vyl

ዓለም የእኔም ነው ብሎ የመስቀል በዓልን በቅርስነት ከመዘገበው 11 ዓመታት ተቆጠሩ
*****************

የመስቀል በዓል አከባበር ኢትዮጵያ በዩኔስኮ ካስመዘገበቻቸው ቅርሶች መካከል የመጀመሪያው በዩኒስኮ የተመዘገበ የማይዳሰስ ቅርስ ነው።

ልክ የዛሬ 11 ዓመት ህዳር 2006 ዓ.ም ኢትዮጵያ ተንከባክባ እና ጠብቃ ይዛው የነበረው በዓል የዓለምም በዓል ይሆን ዘንድ ነው የተመዘገበው።

የመስቀል በዓል አከባበር በዩኔስኮ የማይዳሰስ ቅርስ (Intangible) ሆኖ የተመዘገበው በአዘርባጃን ዋና ከተማ ባኩ በተደረገ ስምንተኛው የዩኔስኮ የማይዳሰሱ ቅርሶች ጉባዔ ላይ ነበረ።
https://www.facebook.com/EBCzena/posts/pfbid04hV4BPDBrmgdSNmR7RH8tcs8qfsicSzoh6zNABUeywDE6CX8h4ZQJCD4eLnEHu7cl

አምባሳደር ታዬ አጽቀሥላሴ ከግሪክና ሴራሊዮን የውጭ ጉዳይ ሚኒስትሮች ጋር ተወያዩ
*******************

የውጭ ጉዳይ ሚኒስትር አምባሳደር ታዬ አጽቀሥላሴ ኢትዮጵያ ከግሪክ እና ሴራሊዮን ጋር ያላትን ግንኙነት በሚያጠናክሩ ጉዳዮች ዙሪያ ከሁለቱ አገራት የውጭ ጉዳይ ሚኒስትሮች ጋር ተወያይተዋል።

ሚኒስትሩ ከግሪኩ የውጭ ጉዳይ ሚኒስትር ጊኦርጎስ ጀርፐትራይተስ ጋር ባደረጉት ውይይት ግሪክ የተመድ የጸጥታው ምክር ቤት አባል ሆና በመመረጧ የተሰማቸውን ደስታ ገልፀዋል።

አምባሳደር ታዬ በወቅታዊው የአፍሪካ ቀንድ ጉዳይ ላይ ለሚኒስትሩ ገለጻ ያደረጉ ሲሆን፤ ኢትዮጵያ የምታደርገውን ፀረ-ሽብር ዘመቻ አጠናክራ ለመቀጠል ያላትን ቁርጠኝነት ገልፀዋል።

በተያያዘ አምባሳደር ታዬ ከሴራሊዮን ውጭ ጉዳይ እና ዓለም አቀፍ ትብብር ሚኒስትር ጢሞቲ ካባ ጋር በአፍሪካ ቀንድ ሰላም እና ደኀንነት ዙሪያ መክረዋል።

በውይይቱ ላይም አምባሳደር ታዬ፤ በሶማሊያ ከድህረ አትሚስ በኋላ የሚኖረው የኃይል ሥምሪት ጊዜ ተወስዶ በጥንቃቄ መከናወን እንዳለበት መግለጻቸውን የውጭ ጉዳይ ሚኒስቴር መረጃ ያመለክታል።

የመስቀል ደመራ በዓል በሀዋሳ ከተማ በድምቀት እየተከበረ ነው

በዓሉ የሀይማኖት አባቶች እና በርካታ የእምነቱ ተከታዮች በተገኙበት በሀዋሳ መስቀል አደባባይ በተለያዩ ሀይማኖታዊ ስነ-ስርዓቶች እየተከበረ ይገኛል።

በአስረሳው ወገሼ