ለቴዲ አፍሮ ኮንሰርት ምን ያክል ትኬት ተቆረጠ ?

17 ሺ ተመልካቾችን በሚያስተናግደው የሙዚቃ እና ሌሎች የመዝናኛ ዘርፎች ማቅረቢያ በሆነው የዱባዩ ኮካኮላ አሬና ስታዲየም ድምጻዊ ቴዲ አፍሮ ሰኔ 23 2016 ዓ.ም ዝግጅቱን ያቀርባል።

በዝግጅቱ ላይ 5431 ቲኬቶች ተዘጋጅተዋል። ከዚህ ውስጥ የመጨረሻ ደረጃ ላይ የሚገኘው 3679 ወንበር ተሽጦ ተጠናቋል። እንዲሁም በሌላ ደረጃ ላይ ካለው 651 በአጠቃላይ እስካሁን 4320 ወንበር ተሽጦ ተጠናቋል።

ለቴዲ አፍሮ አሜሪካን ሀገር ስራዎቹን በርከት ባሉ ከተሞች ላይ ካቀረበ ከዓመት በኋላ የመጀመሪያ ኮንሰርቱ ነው ።

ይህንንም ኮንሰርት ከኢትዮጵያ ወደ ዱባይ ለ3 ቀናት የሆቴል ቆይታን ጨምሮ 49, 999 Danex tour and travel ከሙዚቃው ደጋሹ G power ጋር በመተባበር አዘጋጅቷል።

የመግቢያ ዋጋ 149 ዶላር፣ 122 ዶላር ፣ 95 እና 68 ዶላር ናቸው።ዝቅተኛው ባለ 54 ዶላሩ ተሽጦ ተጠናቋል።

📍መረጃው የሁሉ አዲስ የሬድዮ ፕሮግራም ነው።

ለተጨማሪው :https://news.1rj.ru/str/EventAddis1

የጋዜጠኛ መሰለ ገብረህይወት "መሴ ሾው" የተሰኘ የመዝናኛ ዝግጅት የፊታችን ሰኔ 29 ይጀምራል

በዜና አንባቢነት የሚታወቀው  አንጋፋው ጋዜጠኛ መሠለ ገ/ህይወት የሚያዘጋጀው "ሙሴ ሾው"  የተሰኘ የመዝናኛ ዝግጅች በዚህ ወር የፊታችን ሰኔ 29 2016 ዓ.ም በአባይ ቲቪ እንደሚጀምር ኤቨንት አዲስ ድረገፅ ከጋዜጠኛ መሰለ ገብረህይወት ያገኘው መረጃ ያመለክታል።

መሴ ሾዉ የተሠኘው የምሽት የመዝናኛ ፕሮግራም (late night show) የሠርጌለታ፣ የሙዚቀኞች ብፌ፣ የእንግዳ ቆይታ እንዲሁም እግሬ ሲደርስ የተሰኙ አዝናኝ መሠናዶዎች የተካተቱበት ነው።

ፕሮግራሙ በየሣምንቱ ቅዳሜ ምሽት በአባይ ቲቪ ከመተላለፉ ባሻገር መሴ ሾው  በሚል ስያሜ በተከፈተ በራሱ የዩቲዩብ ቻናል ለተመልካች ይደርሳል ተብሏል።

መሴ ሾው ዩቲዩብ:
https://www.youtube.com/@Meseshow

ለተጨማሪው: https://news.1rj.ru/str/EventAddis1

«የመኸር ለሊት ሕልም» የተሰኘ ተውኔት ዛሬን ጨምሮ ለሁለት ቀናት ሊቀረብ እንደሆነ አዘጋጆቹ አስታውቀዋል

በአዲስ አበባ ዩኒቨርስቲ ተመራቂ የማታ ተማሪዎች የተዘጋጀው «የመኸር ለሊት ሕልም» የተሰኘ ተውኔት ዛሬ ሰኔ 17 2016 ዓ.ም እና ሐሙስ ሰኔ 20 2016 ዓ.ም ለሁለት ቀናት 5 ኪሎ በሚገኘው ፋርማ ግቢ ውስጥ ከምሽቱ 11:30 ጀምሮ ለታዳሚያን ይቀርባል ተብሏል።

"የመኸር ለሊት ህልም" ድርሰት ዋሊያም ሼኪስፒር ፣ትርጉም በላይነህ አቡኔ፣ አዘጋጅ ናፖሊዮን አለሙ።

ተዋናኒያን ተስፋአብ ለገሰ ፣ፍቅር ተስፋዬ ፣አድኖን ነጋሽ ፣ትዝታ ማናዬ እና ሌሎችም ናቸው።

በተጠቀሱት ቀናት ተውኔቱ ላይ ለመታደም ትኬቱን በእነዚህ ስልክ ቁጥሮች ያገኛሉ 0900663787 ፣0912647402።

ለተጨማሪው :https://news.1rj.ru/str/EventAddis1

የ"ጃናሞራ"ፊልም ምርቃት ሰኔ 19 እንደሆነ አዘጋጆቹ አስታወቁ

ኤቨንት አዲስ ድረገፅን ጨምሮ በተለያዩ ማህበራዊ ትስስር ገፆች ዛሬ ሰኔ 17 2016 ዓ.ም እንደሚመረቅ ሲዘገብ የቆየው "ጃናሞራ" ፊልም በአዳራሽ እና ተያያዥ ምክያንቶች የፊታችን ረቡዕ ሰኔ 19 2016 ዓ.ም እንደሚመረቅ የጃናሞራ ፊልም ደራሲና ዳይሬክተር ያለው ደስታ ለኤቨንት አዲስ ድረገፅ ተናግሯል።

ፊልሙም ጥሪ የተደረገላቸው እንግዶች በተገኙበት ስታዲየም አካባቢ በሚገኘው የኦሮሚያ የባህል ማዕከል ውስጥ ይመረቃል ተብሏል።

በኪም ፊልምስ ተዘጋጅቶ በከአብ መልቲሚዲያ የቀረበው የያለው ደስታ (ራስ) "ጃናሞራ" የተሰኘ ፊልም ከሰኔ 21 2016 ዓ.ም ጀምሮ በሁሉም ሲኒማ ቤቶች  ለተመልካች እንደሚቀረብ ኤቨንት አዲስ ድረገጽ የደረሰው መረጃ ያመለክታል።

በዚህ ሀገርኛ ፊልም ማርታ ጎይቶም፣ ነብዩ እንድሪስ ፣ እንግዳሰው ሀብቴ እና ሌሎችም በተዋናይነት ተሳትፈውበታል።

"ጃናሞራ" ፊልምን በተለያዩ የዓለማችን ከተሞችም ለማሳየት እቅድ እንዳላቸው አዘጋጁ ለድረገጻችን ተናግሯል።

ለተጨማሪው :https://news.1rj.ru/str/EventAddis1

አርቲስት አማኑኤል ሀብታሙ ፣ ከያኒ ዳግማዊ አመለወርቅ ፊይሳ ከእስር እንደተፈቱ ኤቨንት አዲስ ድረገፅ ከቤተሰቦቻቸው ያገኘው መረጃ ያመለክታል።

ባሳለፍነው ሐሙስ ሰኔ 13 2016 ዓ.ም “ሕገ መንግሥታዊ ሥርዓትን በትጥቅ ትግል ለመቀየር” በመንቀሳቀስ የተጠረጠሩት አርቲስት አማኑኤል ሀብታሙ፣ የቴአትር አዘጋጅ ዳግማዊ ፈይሳ እና ፍላጎት አብርሃምን ጨምሮ 17 ግለሰቦች እያንዳንዳቸው በ50 ሺህ ብር ዋስትና ከእስር እንዲለቀቁ ፍርድ ቤት እንደወሰነ ይታወቃል።

በዚህም መሰረት አርቲስት አማኑኤል ሀብታሙ ፣ ከያኒ ዳግማዊ አመለወርቅ ፊይሳ ፣ ከእስር እንደተፈቱ ኤቨንት አዲስ ድረገፅ ከቤተሰቦቻቸው ያገኘው መረጃ ያመለክታል።

በዚሁ መዝገብ ተጠርጥረው የቀረቡት ያሬድ ገ/ጻዲቅ (ያያ ዘ ልደታ)ን ጨምሮ ሌሎች ሶስት ግለሰቦች በአንጻሩ 11 ተጨማሪ የምርመራ ቀናት እንደተወሰነባቸው ይታወሳል።

ለተጨማሪው :https://news.1rj.ru/str/EventAddis1

የ"ማያዬ" አልበም ምርቃት ሰኔ 22 ይካሄዳል

የድምጻዊት ለምለም ኃ/ሚካኤል "ማያዬ" የአልበም ምርቃት የፊታችን ቅዳሜ ሰኔ 22 2016 ዓ.ም አመሸሻ ላይ በማሪዮት ኤክስኪዩቲቭ ሆቴል እንደሚካሄድ ኤቨንት አዲስ ድረገፅ የደረሰው መረጃ ያመለክታል።

በዚህ የአልበም ምርቃት የሙዚቃ ዝግጅት ላይ ከለምለም ኃ/ሚካኤል በተጨማሪም ድምጻዊያኑ ግርማ ተፈራ ካሣ ፣ ግዛቸው ተሾመ ፣ ኤደን አይሸሹም እና ሌሎችም የሙዚቃ ስራዎቻቸውን ያቀርባሉ ተብሏል።

የድምጻዊት ለምለም ኃ/ሚካኤል "ማያዬ" የተሰኘ  የመጀመሪያ አልበም ባሳለፍነው ወር ግንቦት 9 2016 ዓ.ም በናሆም ሪከርድስ የዩቲዩብ ቻናል እና በዓለምአቀፍ የሙዚቃ መተግበሪያዎች በኩል ለአድማጮች እንደደረሰ ይታወሳል።

ለተጨማሪ: https://news.1rj.ru/str/EventAddis1

"ዶሳይስ" የተሰኘ መጽሐፍ ቅዳሜ ይመረቃል 

የደራሲና ገጣሚ ኩሪ አየለ "ዶሳይስ" የተሰኘ የአጫጭር ልቦለዶች ስብስብ መጽሐፍ ጥሪ የተደረገላቸው እንግዶች በተገኙበት የፊታችን ቅዳሜ ሰኔ 22 2016 ዓ.ም ከጠዋቱ 3:00 ጀምሮ በአንጋፋው የኢትዮጵያ ብሔራዊ ቴአትር ውስጥ ይመረቃል።

በምርቃት ሥነሥርዓቱ ላይ ጸሐፊ ተውኔት አያልነህ ሙላቱ ፣ ደራሲ ኃይለመለኮት መዋዕል ፣የሻው ተሰማ ፣ሳሙኤል ተስፋዬ ፣ ሔኖክ በሪሁን እና ሌሎችም ይገኛሉ ተብሏል።

ደራሲና ገጣሚ ኩሪ አየለ ከዚህ ቀደም "ቁርጥራጭ ትንፋሾች" እና "የተሰነቀሩ ጥማቶች" የተሰኙ የግጥም መጻሕፍትን ለአንባቢያን አድርሳለች።

ለተጨማሪው :https://news.1rj.ru/str/EventAddis1

የቡና አውደርዕይ በሐዋሳና ጅማ ከተሞች ሊካሄድ ነው

የቡና ላኪዎችና አቅራቢዎች በቀጥታ ትስስር ሊያገናኝ የሚችል የቡና አውደርዕይ ሊያዘጋጅ መሆኑን የኢትዮጵያ ቡናና ሻይ ባለስልጣን አስታወቀ።

የኢትዮጵያ ቡናና ሻይ ባለስልጣን ዋና ዳይሬክተር አዱኛ ደበላ (ዶ/ር) እንደገለጹት፤ የቡና አውደርዕይ በሐዋሳ ከተማ ከሰኔ 21 እስከ 22 ቀን 2016 ዓም እንዲሁም በጅማ ከሰኔ 26 እስከ 27 ቀን 2016 ዓ.ም ይካሄዳል።

አውደርዕዩ በዘርፉ የሚገኘውን ጥቅም ይበልጥ ለማሳደግ ያግዛል ያሉት ዶክተር አዱኛ፤ከኤግዚቢሽኑ ጎን ለጎን የተለያዩ ፓናል ውይይት ይደረጋል ብለዋል።

እስካሁን ከ300 በላይ አቅራቢዎች በአውደርዕዩ ለመሳተፍ ተመዝግበው የምርት ናሙና አቅርበዋል። ከመቶ በላይ ላኪዎችም ለመሳተፍ ፍላጎት ማሳየታቸውን ጠቁመዋል።

📍መረጃው የኢፕድ ነው ።

ለተጨማሪው :https://news.1rj.ru/str/EventAddis1

አራት ደራሲያን የተጋበዙበት"ቆይታ ከደራሲያን ጋር" የተሰኘ የመጻሕፍት ውይይት ቅዳሜ ይካሄዳል።

የኢትዮጵያ ቡክ ፎረም በ’ክለብ ሀውስ’ መተግበሪያ የመጻሕፍት ውይይት አራተኛ ዙር መርሐግብር ከደራሲያን እና ተጋባዥ እንግዶች ጋር የፊታችን ቅዳሜ ሰኔ 22 2016 ዓ.ም ከቀኑ 8:00 እስከ 11:30 ድረስ ፊትለፊት ውይይት እንደሚካሄድ ኤቨንት ድረገፅ ያገኘው መረጃ ያመለክታል።

በዚህ የውይይት መርሐግብር ላይ "የሦስት ትውልዶች ወግ በመጻሕፍት፣ ንባብና ሌሎች ርዕስ ጉዳዮች "በሚል ርዕስ ከደራሲ አለማየሁ ገላጋይ፣ ከዶ/ር ዳዊት ወንድማገኝ ፣ ከደራሲ ይፍቱስራ ምትኩ እና ከፕ/ር ጴጥሮስ ቶጃ ጋር ከቅዱስ እስጢፋኖስ ቤተክርስትያን ፊትለፊት በሚገኘው ከቤት እስከ ከተማ  የከተማ ማዕከል ውስጥ ይካሄዳል ተብሏል።

ዝግጅቱ ላይ ለመታደም አስቀድሞ መመዝገብ የሚያስፈልግ ሲሆን ለመመዝገብ ሊንኩን ተጠቀሙ https://cutt.ly/KesyFuqf  ተብላችኋል።

ለተጨማሪው :https://news.1rj.ru/str/EventAddis1

"ኦሎምፒክ" የተሰኘ ግዙፍ የሙዚቃ ኮንሰርት በአዲስ አበባ በመስቀል አደባባይ ሊካሄድ ነው

በአዲስ አበባ መስቀል አደባባይ "ኦሎምፒክ" የተሰኘ ግዙፍ ኮንሰርት ሊካሄድ እንደሆነ ኤቨንት አዲስ ድረገፅ የደረሰው መረጃ ያመለክታል።

ኤቨንት አዲስ ድረገፅ ከአዘጋጆቹ ሌብል ዋን ኢንተርቴይመንት እንደሰማሁ ከሆነ በዚህ ግዙፍ ኮንሰርት ላይ አንጋፋዎቹ ድምጻዊያን ንዋይ ደበበ ፣ ዳዊት መለሠ፣ ሸዋዳኝ ኃይሉ ፣ታደለ ሮባ  ከወጣቶቹ ድምጻዊያን አንዱዓለም ጎሳ ፣ ሔለን በሪሔ እና ሌሎችም ስራዎቻቸውን ያቀርባሉ ተብሏል።

ሐምሌ 9 2016 ዓ.ም በአዲስ አበባ መስቀል አደባባይ ይካሄዳል የተባለው ኮንሰርቱ መግቢያው ከ500 ብር ጀምሮ እንደሆነ ድረገጻችን ከአዘጋጆቹ ሰምቷል።

ለረጅም ጊዜያት ከኃይማኖታዊና መንግስታዊ ዝግጅቶች ውጪ  ያልተካሄደበት መስቀል አደባባይ ይህንን የሙዚቃ ኮንሰርት በቅርቡ ያስተናግዳል ተብሏል።

የ2024 የፓሪስ ኦሎምፒክ በፈረንሳይ አዘጋጅነት ከሐምሌ 19 2016 ዓ.ም ጀምሮ በፓሪስ ከተማ እንደሚካሄድ ይታወሳል።

📍መረጃውን ሲጠቀሙ ምንጭ ይጠቀሱ!

ለተጨማሪው :https://news.1rj.ru/str/EventAddis1

"ሚዲያ አዋርድ" የተሰኘ ሽልማት ሊካሄድ ነው

በኢትዮጵያ ሚዲያዎች ላይ በቴሌቪዥን፣ በሬዲዮ እና በጋዜጦች ላይ የሚሰሩ የሚዲያ ባለሞያዎችን የሚሸልመዉ "ሚዲያ አዋርድ" በወርሐ ነሐሴ ይካሄዳል ተብሏል።

የአዋርዱ አዘጋጆች ከባለፈዉ ዓመት ሰኔ ወር ጀምሮ የተላለፉ ፕሮግራሞች እና ለሰባት ወራት በስራ ላይ የነበሩ የሚዲያ ባለሞያዎች ብቻ በእጩነት እንደቀረቡ ያነሱ ሲሆን በአዋርዱ ላይ የቀረቡት ሁሉም እጩዎች መስፈርቶችን ያሟሉት ብቻ ናቸዉ ተብሏል።

አሸናፊዎች በዳኞች እና በህዝብ ድምፅ የሚመረጡ ሲሆን ህዝቡ በመጀመሪያ ዙር በኦንላይ ethio-mediaaward.com በመግባት ድምፅ መስጠት ይችላልም ብለዋል።

አንጋፋዋ ጋዜጠኛ መዓዛ ብሩ የመጀመሪያው ‘የሚዲያ አዋርድ’ የህይወት ዘመን ተሸላሚ እንደሆነች አዘጋጆቹ አስታውቀዋል።

የመጀመሪያዉ የሽልማት ፕሮግራም ዘርፎች

1.የዓመቱ ምርጥ የቴሌቪዥን ወንድ ዜና አንባቢ
2. የዓመቱ ምርጥ የቴሌቪዥን ሴት ዜና አንባቢ
3.የዓመቱ ምርጥ የሬዲዮ ሴት ዜና አንባቢ
4. የዓመቱ ምርጥ የሬዲዮ ወንድ ዜና አንባቢ
5.የዓመቱ ምርጥ የስፖርት ፕሮግራም
6.የዓመቱ የህዝብ ምርጫ/ምርጥ ጋዜጠኛ
7.የዓመቱ ምርጥ አይደል ሾዉ
8.የዓመቱ ምርጥ ዶክመንተሪ
9.የዓመቱ ምርጥ የዜና ዘገባ
10.የዓመቱ ምርጥ አርቲክል/ፕሪንት ሚዲያ
11.የዓመቱ ምርጥ ዲጄ
12.የዓመቱ ምርጥ የቴሌቪዥን ጣቢያ
13.የዓመቱ ምርጥ የሬዲዮ ጣቢያ
14.የዓመቱ ምርጥ ጋዜጣ
15.የዓመቱ ምርጥ የቴሌቪዥን የመዝናኛ ፕሮግራም
16.የዓመቱ ምርጥ የሬዲዮ የመዝናኛ ፕሮግራም
17.የዓመቱ ምርጥ የቴሌቪዥን የመዝናኛ ፕሮግራም ወንድ አቅራቢ
18.የዓመቱ ምርጥ የቴሌቪዥን የመዝናኛ ፕሮግራም ሴት አቅራቢ
ለተጨማሪው :https://news.1rj.ru/str/EventAddis1

ጋዜጠኛ ዮሴፍ ኃይሌ አረፈ

የኢትዮጵያ ብሮድካስቲንግ ኮርፖሬሽን ባልደረባ የነበረው ጋዜጠኛ ዮሴፍ ኃይሌ ባደረበት ህመም በህክምና ሲረዳ ቆይቶ በዛሬው ዕለት በተወለደ 44 ዓመቱ አርፏል፡፡ 

ጋዜጠኛ ዮሴፍ ኃይሌ በኢትዮጵያ ብሮድካስቲንግ ኮርፖሬሽን መዝናኛ ቻናል ከሪፖርተር እስከ ረዳት ኤዲተርነት ላለፉት 15 ዓመታት አገልግሏል፡፡

የተለያዩ የመዝናኛ ዝግጅቶችን በማዘጋጀት በርካታ ዓመታትን ያገለገለው ዮሴፍ ኃይሌ፤ በተለይም የብዙዎች ትዝታ የሆነውን እንደ “ታላቅ ፊልም” ያሉ ስራዎችን ለስርጭት እንዲስማሙ አድርጎ በማቅረብ ይታወቃል፡፡

📍መረጃው የኢቢሲ መዝናኛ ቻናል ነው።

ለተጨማሪው :https://news.1rj.ru/str/EventAddis1

የገጣሚና ደራሲ ኤፍሬም ስዩም "ምልኪና ቡና " የተሰኘ አዲስ የግጥም መድብል ገበያ ላይ ውሏል።

“ሶሊያና” በተሰኘው የግጥም መድብሉ ዕውቅናን ያገኘው ደራሲው ዘጠነኛ መፅሐፉን ለንባብ አብቅቷል።

በግጥም መድብሉ ላይ የተካተቱት ግጥምች በ2012 እና ከዛም ቀደም ብለው የተፃፉ ሲሆኑ መፅሐፉ በ216 ገፆች የተቀነበበ ነው።

ደራሲው ከኤፍ ኤም አዲስ 97.1 የመሰንበቻ መሰናዶ ጋር በነበረው ቆይታ ለስድስት ዓመታት መፅሐፍ ከማሳተም ርቆ የቆየ መሆኑን ገልፆል::

አሁን ግን ወደ አራት ስራዎች እጁ ላይ እንዳሉ ተናግሮ "ምልኪና ቡና" የተሰኘው ስራው ከአራቱ አንዱ ሲሆን በቀጣይ ሌሎቹም ለንባብ እንደሚበቁ አሳውቋል።

በግጥም መድብሉ ላይ በርካታ ሃሳቦች እንደተነሱት የሚገልጸው ኤፍሬም የተዋጡ ሃሳቦችን በግጥም መልክ ማውጣት ተችሏል ብሏል።

ደራሲው አያይዞም የግጥም ስራዎቹን በድምፅ በማስቀረፅ ለአንባቢያን እንደሚያቀርብም አስታውቋል።

📍መረጃው የኤፍ ኤም አዲስ 97.1 ነው።

ለተጨማሪው :https://news.1rj.ru/str/EventAddis1

ሸነን አፍሪካ የፋሽን እና የስፖርት ፌስቲቫል

ሸነን አፍሪካ የመጀመሪያው ዓመት የፋሽን እና የስፖርት ፌስቲቫል ከአርብ ጀምሮ ለተከታታይ ሶስት ቀናት በአዲስ አበባ ይካሄዳል።

በዚህ ኩነት ላይ የአፍሪካ የቀድሞ ከዋክብት እና በአውሮፓ ታላላቅ ክለባት በመጫወት ላይ የሚገኙ ተጨዋቾችን ጨምሮ ፣ሥመ ጥር ታዋቂ ሰዎች፣የፊልም እና የመገናኛ ብዙኃን ባለሙያዎች፣ ዲዛይነሮችና ሞዴሎች እንደሚገኙ ተነግሯል።

ዝግጅቱ ከፊታችን አርብ ሰኔ 21 እስከ እሁድ ሰኔ 23 ቀን 2016  ዓ.ም ድረስ በአዲስ አበባ ስታዲየም እና በአድዋ መታሰቢያ ሙዚየም እንደሚካሄድ ኤቨንት አዲስ ድረገፅ ሰምቷል።

በዚህ ፌስቲቫል ከሚገኙት መካከል ቶማስ ፓርቲ ካኑ፣ ዳንኤል አሞካቺ፣ማማዱ ሳአኮ፤አዳማ ትራኦሬ፣ታሪቦ ዌስት፣ ሄነሪ ካማራ ይኖራሉ ተብሏል።

ለተጨማሪው :https://news.1rj.ru/str/EventAddis1

የሐሙስ መረጃዎች

የሳምንቱ ኪናዊ መረጃዎች ቀጥሎው ይቀርባሉ!

📍መረጃውን ሲጠቀሙ ምንጭ ይጠቀሱ!

1.የድምጻዊ ቴዎድሮስ ካሣሁን(ቴዲ አፍሮ) የሙዚቃ ኮንሰርት የፊታችን እሁድ ሰኔ 23 2016 ዓ.ም 17 ሺ ተመልካቾችን በሚያስተናግደው የሙዚቃ እና ሌሎች የመዝናኛ ዘርፎች ማቅረቢያ በሆነው በዱባዩ ኮካኮላ አሬና ስታዲየም ውስጥ ይካሄዳል። ድምጻዊው ለዚህ የሙዚቃ ዝግጅቱ ከቀናት በፊት ዱባይ መግባቱ ይታወሳል።

2. የድምጻዊ አብዱ ኪያር "ፓፓፓ" የተሰኘ አልበም ነገ ሰኔ 21 2016 ዓ.ም በራሱ ዩቲዩብ ቻናል እና በዓለምአቀፍ የሙዚቃ መተግበሪያዎች ላይ ይለቀቃል። በአልበሙ ላይ በቅንብር ስማገኘሁ ሳሙኤል፣ ኪሩቤል ተስፋዬ፣ ካሙዙ ካሳ እና ዳዊት ቦስኮ ተሳትፈዋል። ሚክሲንጉን የሰሩት ስማገኘሁ ሳሙኤል እና ኪሩቤል ተስፋዬ ሲሆኑ  ማስተሪንግ ደግሞ በአበጋዝ ክብረወርቅ ተሰርቷል።

3.የድምጻዊት ለምለም ኃ/ሚካኤል "ማያዬ" የአልበም ምርቃት የፊታችን ቅዳሜ ሰኔ 22 2016 ዓ.ም አመሸሻ ላይ በማሪዮት ኤክስኪዩቲቭ ሆቴል እንደሚካሄድ ኤቨንት አዲስ ድረገፅ የደረሰው መረጃ ያመለክታል።
በዚህ የአልበም ምርቃት የሙዚቃ ዝግጅት ላይ ከለምለም ኃ/ሚካኤል በተጨማሪም ድምጻዊያኑ ግርማ ተፈራ ካሣ ፣ ግዛቸው ተሾመ ፣ ኤደን አይሸሹም እና ሌሎችም የሙዚቃ ስራዎቻቸውን ያቀርባሉ ተብሏል።

4.በአዲስ አበባ መስቀል አደባባይ "ኦሎምፒክ" የተሰኘ ግዙፍ ኮንሰርት የፊታችን ሐምሌ 9 2016 ዓ.ም ሊካሄድ እንደሆነ ኤቨንት አዲስ ድረገፅ የደረሰው መረጃ ያመለክታል።ኤቨንት አዲስ ድረገፅ ከአዘጋጆቹ ሌብል ዋን ኢንተርቴይመንት እንደሰማሁ ከሆነ በዚህ ግዙፍ ኮንሰርት ላይ አንጋፋዎቹ ድምጻዊያን ንዋይ ደበበ፣ዳዊት መለሠ፣ ሸዋንዳኝ ኃይሉ፣ታደለ ሮባ ከወጣቶቹ ድምጻዊያን አንዱዓለም ጎሳ፣ሔለን በሪሔ እና ሌሎችም ስራዎቻቸውን ያቀርባሉ ተብሏል።

5.የድምጻዊ ማስተዋል እያዩ "እመጣለሁ " የተሰኘ የሙዚቃ ቪዲዮ በቅርቡ ለተመልካቾች ይደርሳል። የሙዚቃ ቪዲዮው ዳይሬክተር ነፃዓለም አብዲ ሲሆን የሙዚቃው ግጥምና ዜማ በአቡዲ ተሰርቷል።የሙዚቃ ቅንብሩ ደግሞ በሚካኤል ኃይሉ ተከውኗል።

6.የኢትዮጵያ ቡክ ፎረም በ’ክለብ ሀውስ’ መተግበሪያ የመጻሕፍት ውይይት አራተኛ ዙር መርሐግብር ከደራሲያን እና ተጋባዥ እንግዶች ጋር የፊታችን ቅዳሜ ሰኔ 22 2016 ዓ.ም ከቀኑ 8:00 እስከ 11:30 ድረስ በአካል ውይይት ይካሄዳል።በዚህ የውይይት መርሐግብር ላይ "የሦስት ትውልዶች ወግ በመጻሕፍት፣ ንባብና ሌሎች ርዕስ ጉዳዮች"በሚል ርዕስ ከደራሲ አለማየሁ ገላጋይ፣ ከዶ/ር ዳዊት ወንድማገኝ፣ ከደራሲ ይፍቱስራ ምትኩ እና ከፕ/ር ጴጥሮስ ቶጃ ጋር ከእስጢፋኖስ ቤተክርስትያን ፊትለፊት በሚገኘው ከቤት እስከ ከተማ  የከተማ ማዕከል ውስጥ ይካሄዳል ተብሏል።

7.በዛጎል መጻሕፍት ባንክ የሚዘጋጀው "ነገረ መጻሕፍት" የመጽሐፍ ውይይት የፊታችን ቅዳሜ በኢትዮጵያ ሳይንስ አካዳሚ ይካሄዳል። በዚህ ሳምንት ከዶ/ር ስንታየሁ ካሣ እና ከደራሲ በሁሉም አለበል ጋር "ታሪክ የምትስመክርልን ካሣ ገብረማርያም " እና "የተዳፈነዉ ታሪክ: ራስ ጉግሳ ወሌ" በተሰኙ መጻሕፍት ላይ ውይይት ይካሄዳል።የዕለቱ አወያይ ደራሲ እንዳለጌታ ከበደ ነው። ይህ መርሐግብር ቅዳሜ ሰኔ 22 2016 ዓ.ም ከቀኑ 8:00 እስከ 10:30 ይካሄዳል።

8.የደራሲና ገጣሚ ኩሪ አየለ "ዶሳይስ" የተሰኘ የአጫጭር ልቦለዶች ስብስብ መጽሐፍ ጥሪ የተደረገላቸው እንግዶች በተገኙበት የፊታችን ቅዳሜ ሰኔ 22 2016 ዓ.ም ከጠዋቱ 3:00 ጀምሮ በአንጋፋው የኢትዮጵያ ብሔራዊ ቴአትር ውስጥ ይመረቃል።በምርቃት ሥነሥርዓቱ ላይ ጸሐፊ ተውኔት አያልነህ ሙላቱ ፣ ደራሲ ኃይለመለኮት መዋዕል ፣መምህር የሻው ተሰማ ፣ አርቲስት ሳሙኤል ተስፋዬ ፣ አርቲስት ሔኖክ በሪሁን እና ሌሎችም ይገኛሉ ተብሏል።

9.የደራሲ ዓላማውም ታዬ " communication coach" የተሰኘ መጽሐፍ የፊታችን ቅዳሜ ሰኔ 22 2016 ዓ.ም ከቀኑ 7:00 ጀምሮ በልደታ ክ/ከተማ አዳራሽ ጥሪ የተደረገላቸው እንግዶች በተገኙበት ይመረቃል። መጽሐፉ በ100 ገፆች የተቀነበበ ሲሆን ከተመረቀ በኃላ በጃፋር መጻሕፍት መደብር እና በሌሎችም አማራጮች ለአንባቢያን ይደርሳል ተብሏል።

10.በሠዓሊ ዳዊት ገረሱ "አሁን " በተሰኘው የሥዕል አውደርዕይ ላይ ነገ አርብ ሰኔ 21 2016 ዓ.ም ከቀኑ 8:00 ጀምሮ ስድሰት ኪሎ በሚገኘው በገብረክርስቶስ ደስታ ዘመናዊ ሙዚየም ውስጥ ውይይት ይካሄዳል። በዕለቱም መምህር በቀለ መኮንን፣ሐሌታ ይረጋ ፣ ነፃነት ገብረሚካኤል ሀሳቦቻቸውን ያቀርባሉ ተብሏል።

አዘጋጅ: ናቲ ማናዬ

ቀን: ሰኔ 20 2016 ዓ.ም

አዲስ አበባ ኢትዮጵያ

በድረገጻችን በተሻለ አቀራረብ ያንብቡ:

https://eventaddis.com

ቴሌግራም: @EventAddis1

«የመኸር ለሊት ሕልም» የተሰኘ ተውኔት ዛሬ ይቀርባል

በአዲስ አበባ ዩኒቨርስቲ ተመራቂ የማታ ተማሪዎች የተዘጋጀው «የመኸር ለሊት ሕልም» የተሰኘ ተውኔት ዛሬ ሰኔ 20 2016 ዓ.ም 5 ኪሎ በሚገኘው ፋርማ ግቢ ውስጥ ከምሽቱ 11:30 ጀምሮ ለታዳሚያን ይቀርባል ተብሏል።

"የመኸር ለሊት ህልም" ድርሰት ዋሊያም ሼኪስፒር ፣ትርጉም በላይነህ አቡኔ፣ አዘጋጅ ናፖሊዮን አለሙ።

ተዋናኒያን ተስፋአብ ለገሰ ፣ፍቅር ተስፋዬ ፣አድኖን ነጋሽ ፣ትዝታ ማናዬ እና ሌሎችም ናቸው።

በዝግጅቱ ላይ ጥሪ የተደረገላቸው የክብር እንግዶች ይገኛሉ ተብሏል።

ለተጨማሪው :https://news.1rj.ru/str/EventAddis1

አርቲስት ትዕግሥት ግርማ የኢትዮጵያ ኦሮቶዶክስ ተዋሕዶ ሕክምና ማህበር የበጎ ፍቃድ አምባሳደር ሆና ተሾመች

አለምአቀፋዊ ማህበር የሆነው የኢትዮጵያ ኦሮቶዶክስ ተዋሕዶ ሕክምና ማህበር አርቲስት ትዕግሥት ግርማን የበጎ ፍቃድ አምባሳደር አድርጎ እንደሾመ ዛሬ ሰኔ 20 2016 ዓ.ም በቤስት ዌስተርን ፕላስ ሆቴል በተካሄደ የፊርማ ሥነሥርዓት ወቅት ገልጿል።

የኢትዮጵያ ኦርቶዶክስ ተዋህዶ ሕክምና ማህበር ምስረታውን ካደረገበት ጊዜ እንስቶ ዘር፣ ቀለም ሀይማኖትም ሆነ ማንነት ያልገደበው ሰብዓዊ ድጋፍ እና አገልግሎትን በኢትዮጵያ የተለያዩ አከባቢዎች እየተዘዋወር በመስጠት ላይ የሚገኝ ማህበር ነው ተብሏል።

ማህበሩ አዲስ አበባን ጨምሮ በተለያዩ የኢትዮጵያ ክፍሎች 35 የሚሆኑ የህክምና ጉዞዎችን በማድረግ ሰብዓዊነትን ባስቀደመ ተግባሩ ከ25 ሺህ በላይ ዜጎችን ተጠቃሚ ያደረገ ሲሆን ከ150 ሚሊዮን ብር በላይ የሚገመት ሰብዓዊ ግልጋሎት ሰጥቷል።

በቀጣይም ማህበሩ አቅም ለሌላቸው ዜጎችን ታሳቢ ያደረገ እና የሕክምና አገልግሎት ባልተዳረሰባቸው አካባቢዎች ሙያዊ ፍቅር እና አክብሮት የታነጸ የሕክምና አገልግሎት ለመስጠት፤ የህክምና አገልግሎት ላይ የሚስተዋሉ ችግሮችን ለመቅረፍ የሚያስችሉ የድጋፍ ስራዎችን በአቅም ግንባታ እና በግብዓት ማሟላት ያተኮረ ስራን ለመስራት አቅዷል፡፡

በእዚህ መነሻነትም ማህበሩ ከእዚህ ቀደም ከሰራቸው የሰብዓዊነት ስራዎች በተጨማሪ በእዚህ ወቅት እያከናወናቸው የሚገኙ ተግባራትን እና ወደፊት ሊከውን ያቀዳቸውን ውጥኖቹን መነሻ በማድረግ ተወዳጇን ተዋናይት እና የቴሌቪዥን ፕሮግራም አቅራቢ አርቲስት ትዕግስት ግርማን የበጎ አድራጎት አምባሳደር አድርጎ ሾሟል።

ለተጨማሪው :https://news.1rj.ru/str/EventAddis1

የበዓሉ ግርማ "ቤርሙዳ" ቴአትር ዛሬ አይቀርብም

በውድነህ ክፍሌ ተደርሶ በተሻለ አሰፍ የተዘጋጀውና በቅርቡ ወደ ኢትዮጵያ ብሔራዊ ቴአትር መድረክ የመጣው "በዓሉ ግርማ ቤርሙዳ" ቴአትር ዛሬ ሐሙስ ሰኔ 20 2016 ዓ.ም "በአንድ ተዋናይ መቅረት" ምክንያት እንደማይቀርብ የተውኔቱ አዘጋጅ ውድነህ ክፍሌ አስታውቋል።

የተውኔቱ አዘጋጅ ውድነህ ክፍሌ ተውኔቱ ስለማይቀርብበት ምክንያት በማህበራዊ ትስስር ገፁ የሚከተለውን ብሏል።

"ሰሞኑን በ'በዓሉ ግርማ -ቤርሙዳ' ቴአትር እየገጠመን ያለውም ይኸው ነው።ባለፈው ሳምንት ማለትም ሰኔ 13 ተዋናይት ሳምራዊት ገ/ስላሴ የድምጽ መዘጋት ገጥሟት ነበር። ቴአትሩ አይታይም ከተባለ በኋላ በተአምር ለተመልካች ቀረበ "

"በእዚህኛው ሳምንት ደግሞ ተዋናይ ሰለሞን ሀጎስ ከምሽቱ 1፡30 ላይ እንዲህ የሚል መልዕክት ላከልን"በድንገተኛ የስራ ጥሪ ምክንያት ለጥናት በመግባቴ የነገው የመድረክ ተውኔት አይኖረንም ። አመሰግናለሁ" የሚል። እንግዲህ የሀገር ፍቅር ቴአትር ሱሉሉታ ወደሚገኘው ልህቀት ስፍራ ለጥናት ልኮት ነው። 'መውጣት ስለማይቻል አይገኝም' የሚል መልእክት የደረሰን። "

"የትኛውም ተዋናይ ችግር ሊገጥመው ይችላል። ቀድሞ መፍትሄ መፈለግ ግን ከባለሙያው ይጠበቃል።"

"ለማንኛውም በዛሬው ዕለት አንደኛ አመታችንን እናከብራለን ብላችሁ ለጠበቃችሁት የ"በዓሉ ግርማ  ቤርሙዳ" ቴአትር አባላት ያው በቴክኒክ ምክንያት ኬካችን ለሌላ ጊዜ ተሸጋግሯል" ብሏል።

ለተጨማሪው :https://news.1rj.ru/str/EventAddis1