📰 Blizzard "тушыць" канфлік паміж Альянсам і Ардой у World of Warcraft.

На працягу ўжо 18 гадоў, супрацьстаяньне Арды й Альянсу было ключавым для World of Warcraft, аднак у вапошні час, Blizzard усё больш і часьцей пачала зьніжаць напал паміж фракцыямі.

Так напрыклад з чэрвеня 2022 году, прадстаўнікі супрацьлеглых фракцыяў могуць разам змагацца ў падзямельлях, а зараз ім будзе дазволена аб’ядноўвацца ў адныя й тыя ж гільдыі, пра што распавёў дырэктар World of Warcraft Пэт Доўсан у інтэрвію PCGamesN.

Паводле яго словаў, міжфракцыйная сыстэма для гільдый можа зьявіцца ў найбліжэйшай будучыні, бо пра гэта вельмі часта просяць самі гульцы.

📰 Стрымерка перамагла боса з Elden Ring на танцавальным дыванку.

Швэдзкая стрымерка пад нікам MissMikkaa, у верасьні 2022 году пачала праходзіць Elden Ring на танцавальным дыванку. Пасьля таго, як яна пасьпяхова зрабіла гэта, то стала гуляць у вадразу дзьве копіі Elden Ring адначасова — на PS5 і ПК. Пры гэтым у вадным акне дзяўчына кіравала кантролерам, а ў другім — танцавальным дываночкам.

Праз 199 спроб, дзяўчына змагла перамагчы дзьве Маленіі адначасова (заўв. Маленьнія лічыцца адным з самых цяжкіх босаў у Elden Ring).

Сама дзяўчына прызналася, што гэтая бітва была самай складанай з усіх, падобныя зацяжныя бітвы па-сапраўднаму фізычна вымотваюць, «ня горш, чым трэнаваньне ў спартзале».

📰 За 2022 год Epic Games раздала кожнаму карыстальніку гульні, на дзьве тысячы даляраў.

З самага пачатку працы, у 2018 годзе, адметнай рысай крамы Epic Games Store былі рэгулярныя раздачы розных гульняў.
Сайт Gamerant вырашыў падлічыць у якую суму абышлася краме гэтая шчодрасьць у 2022 годзе.

За мінулы год Epic Games бясплатна раздала больш за сто гульняў рознай ступені папулярнасьці, сярод усіх можна вылучыць Tomb Raider, Cities: Skylines, Prey, Borderlands 3, калекцыю Bioshock, Wolfenstein: The New Order, ARK: Year Edition, Star Wars: Squadrons, Death Stranding, Dishonored: Definitive Edition і іншае.

Склаўшы раздробныя кошты кожнай гульні, Gamerant атрымалі суму роўную 2244$ для аднаго акаўнта!

Нагадваем, што раздачы працягваюцца й ў гэтым годзе, у дадзены момант (да 12 студзеня), можна забраць Kerbal Space Program і Shadow Tactics – Aiko’s Choice.

📰 Стваральнік эмулятара PS2 для Android замарозіў праект з-за пагроз і скарг.

Распрацоўшчык эмулятара AetherSX2, пад нікам Tahlreth абвясьціў, што прыпыніў працу над сваім праектам з-за пастаянных нападак чальцоў супольнасьці:

«Я спыняю распрацоўку праз бясконцыя скаргі, патрабаваньні, спробы іншых людзей выдаць сябе за мяне, а цяпер і пагроз забойствам. Вы ўсё яшчэ можаце спампаваць і выкарыстоўваць эмулятар, які працягне працаваць у вагляднай будучыні.

AetherSX2 заўсёды быў для мяне хобі, а не крыніцай прыбытку. Але няма сэнсу працягваць займацца хобі, якое больш не прыносіць задавальненьня».

AetherSX2 па праве лічыцца адным з самых лепшых эмулятараў PS2 для мабільных прылад. У дадзены момант ён здольны запускаць мноства гульняў ад Sony PS2 на большасьці флагманскіх смартфонаў, выпушчаных за апошнія пару гадоў!

Эмулятар па-ранейшаму даступны ў Google Play і на афіцыйным сайце.

📢 Мабільная Stardew Valley атрымала доўгачаканае абнаўленьне 1.5.

Stardew Valley, на тэлефонах атрымала самае буйное абнаўленьне за ўсю яе гісторыю.
Яго рэліз павінен быў адбыцца яшчэ ў тым годзе, але з-за колькасьці працы, (з усеагульнай ухвалы фанатаў) вырашана было перанесьці рэліз на 2023 год.

Сярод галоўных новаўвядзеньняў можна вылучыць:

🔸рэжым падзеленага экрана для лякальнага кааператыва;
🔸новая мапа фэрмы — "Фэрма на пляжы"
🔸прасунутыя наладкі новай гульні;
🔸рамонт дома пасьля яго поўнага паляпшэньня;
🔸качкі зараз могуць плаваць, а гульцы — сядзець на крэслах і рухаць ложкі;
🔸акварыюмы для рыб;
🔸прадметы мэблі й тыпы мэблі, такія як насьценныя бра;
🔸сакрэты;
🔸9 музычных трэкаў;
🔸кантэнт для эндгейма й многае іншае.

Усе ўладальнікі гульні на тэлефонах (ды й кампутарах), ужо могуць азнаёміцца з навінамі!

​​📰 Sony на сваім сайце нагадала гульцам аб самых чаканых рэлізах гэтага году.

На сайце PlayStation зьявілася старонка прысьвечаная самым чаканым рэлізам 2023 году.
Усяго кампанія вылучыла 23 гульні (хоць гэта далёка ня ўвесь пералік чаканых рэлізаў):

🔹Forspoken — 24 студзеня;
🔹рэмэйк Dead Space — 27 студзеня;
🔹Season: A letter to the future — 31 студзеня;
🔹Hogwarts Legacy — 10 лютага;
🔹Wild Hearts — 17 лютага;
🔹Horizon: Call of the Mountain — 22 лютага;
🔹Destiny 2: Lightfall — 28 лютага;
🔹Star Wars Jedi: Survivor — 17 сакавіка;
🔹рэмэйк Resident Evil 4 — 24 сакавіка;
🔹DLC Burning Shores для Horizon Forbidden West — 19 красавіка;
🔹Suicide Squad: Kill the Justice League — 26 траўня;
🔹Final Fantasy XVI — 22 чэрвеня;
🔹"Чалавек-павук 2" — восень гэтага году;
🔹Assassin’s Creed Mirage — у гэтым годзе;
🔹Street Fighter 6 — у гэтым годзе;
🔹Stellar Blade — у гэтым годзе;
🔹Tchia — у гэтым годзе;
🔹Firewall Ultra — у гэтым годзе;
🔹Eternights — у гэтым годзе;
🔹Synduality — у гэтым годзе;
🔹The Lords of the Fallen — сёлета;
🔹Pacific Drive — у гэтым годзе;
🔹перазапуск Alone in the Dark — у гэтым годзе.

📰 Першапачаткова, A Plague Tale: Innocence «была жудаснай».

Творчы дырэктар франшызы Кевін Чота, у інтэрвію Eurogamer, распавёў аб праблемах, якія узьніклі пры вытворчасьці A Plague Tale: Innocence.

Праз два гады распрацоўкі, каманда замовіла ўнутраны агляд гульні (заўв. унутраны агляд, гэта ацэньваньне актуальнага білда іншымі, не зьвязанымі з распрацоўкай супрацоўнікамі кампаніі, якія па выніку пішуць "водгук"), вынік аказаўся катастрафічным:

«Гульня была жахлівай. Яна была дрэннай і з боку сюжэту й з боку ґеймплэя! Анічога не працавала, усё здавалася нейкім няправільным. І гэта быў сур’ёзны ўдар па нас. Нам быццам сказалі: «Хлопцы, вы ж анічога не разумееце, што вы ўвогуле пачалі? Вы ж не ўмееце рабіць такія гульні». І самае жудаснае ў тым, што чаканая ацэнка была ў раёне 55-60 балаў. Ніхто б не хацеў выпускаць такую гульню.»

Focus Entertainment дазволіла перанесьці гульню на дзевяць месяцаў, за якія распрацоўшчыкі зьмянілі адныя часткі гульні, а іншыя й зусім стварылі нанова!
Студыя перапісала кожны дыялёг і дапрацавала ґеймплэй, дадаўшы новыя фічы, у тым ліку кола з выбарам прыстасаваньняў. Па словах Чота, пасьля гэтага яны паставілі сабе новыя задачы й вярнуліся назад на стадыю прэ-альфы.

Паўнавартасны рэліз A Plague Tale: Innocence адбыўся 14 траўня 2019 году.

📰 Windows 8.1 сыходзіць у нябыт.

Сёньня, 10 студзеня, выходзіць апошняе абнаўленьне бясьпекі для сыстэмы Windows 8.1. Пасьля гэтага падтрымка састарэлай АС спыняецца. Абнаўленьні да яе выпускаць ня стануць, тэхнічная дапамога перастане аказвацца, і крытычныя ўразьлівасьці, калі яны выявяцца, праўкам ня будуць падлягаць.

Разам з гэтым, карпарацыя спыняе падтрымку Windows 7. Яе афіцыйныя абнаўленьні перасталі выпускаць яшчэ тры гады назад, аднак да апошняга часу карыстачы маглі атрымліваць дапамогу, калі плацілі за пашыраную падтрымку.

Усім карыстачам састарэлых вэрсіяў АС прапануюць абнавіцца да сьвежых вэрсіяў Windows – 10 ці 11 (праўда за абнаўленьне з 8 на 10/11 прыйдзецца заплаціць).

📰 Стваральнік The Witcher 3 HD Reworked Project паказаў Скеліге ў новай вэрсіі свайго мода.

Стваральнік мадыфікацыі HD Reworked Project (напрацоўкі якога леглі ў аснову новага перавыданьня гульні) прадставіў вынікі сваёй працы па паляпшэньні знакамітай мадыфікацыі.
У якасьці прыкладу для дэманстрацыі зьмен, ён абраў выспы Скеліге.

Будучае абнаўленьне модмейкер зь нікам Halk Hogan выпусьціць ужо на абноўленую, некстген вэрсію The Witcher 3 Wild Hunt.
Рэліз плянуецца ў другім квартале 2023 году, старую вэрсію мода можна інсталяваць тут.

📰 Журналісту партала IGN удалося азнаёміцца зь перадрэлізнай вэрсіяй сімулятара выжываньня з элемэнтамі хорару Sons of the Forest.

Адпраўлены шукаць зьнікляга мільярдэра на аддаленым востраве, вы апынецеся ў пякельным пэйзажы, заражаным канібаламі. Рабіце, будуйце й змагайцеся за выжываньне, у вадзіночку ці зь сябрамі, у гэтым жахлівым новым сімулятары жахаў на выжываньне ў адкрытым сьвеце легэндарнай the Forest!

Зрабілі для вас паўнавартасны пераклад артыкула IGN аб Sons of the Forest.

Арыгінальны артыкул.

📢 Square Enix апублікавала кінэматаграфічны трэйлер Forspoken, прысьвечаны галоўнай гэраіні гульні.

Далучайцеся да Фрэй Холанд, калі яна таямнічым чынам пераносіцца зь Ньню-Ёрка ў прыгожыя, але жорсткія пэйзажы Аціі. У сваім падарожжы, дадому, яна павінна зазірнуць у сябе, каб пераадолець сваіх вераломных ворагаў!

Рэліз Forspoken адбудзецца 24 студзеня, на PlayStation 5 і PC.

📢 З 19 студзеня Game Pass чакае папаўненьне.

Кампанія Xbox распавяла аб зьменах у бібліятэцы падпіскі Xbox Game Pass. А менавіта аб зьяўленьні ў ёй новых гульняў:

▫️Persona 3 Portable;
▫️Persona 4 Golden;
▫️Monster Hunter Rise.

Таксама, варта нагадаць, што з 15 студзеня падпісантам на РС, кансолях і ў воблачным сэрвісе стануць недаступныя:

▫️Danganronpa: Trigger Happy Havoc;
▫️Nobody Saves The World;
▫️Pupperazzi;
▫️The Anacrusis;
▫️We Happy Few;
▫️Windjammers 2.

📢 THQ Nordic прадставіла новы трэйлер SpongeBob SquarePants: The Cosmic Shake.

Відэа прысьвечана шматлікім пэрсанажам арыґінальнага мультсэрыяла "Губка Боб".

Сюжэт гульні распавядае гісторыю сусьвету, які імкліва развальваецца, і які мае быць выратаваны знакамітым і любімым шматлікімі пэрсанажам (асобна варта адзначыць, што менавіта ён стаў чыньнікам гэтага апакаліпсісу).

Рэліз SpongeBob SquarePants: The Cosmic Shake адбудзецца 31 студзеня на PC, PlayStation 4, Xbox One і Nintendo Switch.

📢 Teenage Mutant Ninja Turtles: Shredder’s Revenge выйшла на мабільных прыладах, аднак ёсьць адно "але".

TMNT: Shredder’s Revenge стала афіцыйна даступная на iOS і Android, але даступна толькі для падпісантаў Netflix. Як падкрэсьлілі распрацоўшчыкі, гульню можна спампаваць бясплатна й ў ёй няма ўбудаваных пакупак ці рэклямы, гэтак жа у гульні анічога не выразана й не перакадавана.

Ці стане ў будучыні гульня даступнай для пакупкі без падпіскі на Netflix не вядома.

TMNT: Shredder’s Revenge — гэта яркі, зроблены зь любоўю скролер ў жанры beat ’em up, у васнове якога ляжыць легэндарны вобраз чарапашак з 1987 году. Гэтая гульня — даніна павагі клясычным гульняў аб чарапашках, такім як Turtles In Time.

Рэліз у Steam адбыўся 16 чэрвеня 2022 году.

Скарбонка - гэта новы тэлеграм канал пра гісторыю, калекцыяванне і думкі са свету фінансаў. Гістарычныя падзеі, пераплеценыя з гісторыяй грошай!
Вечаровыя выпускі простай мовай кожны дзень!

Па спасылцы: t.me/skarbonka_by

📰 Twitter чакаюць доўгія твіты й «ціхія падабайкі».

Ілон Маск падзяліўся падрабязнасьцямі сваіх плянаў па разьвіцьці Twitter.

Галоўнае зь іх — падтрымка доўгіх твітаў, якая павінна зьявіцца ў пачатку лютага. У цяперашні час усталяваны ліміт у 280 сымбаляў, і для перадачы вялікіх аб’ёмаў інфармацыі карыстальнікам даводзіцца зьвяртацца да ланцужкоў твітаў. Летась у сьнежні Маск паабяцаў павялічыць ліміт да 4 тысяч знакаў.

На гэтым тыдні, карыстачы змогуць ацаніць функцыю свайпаў: «зрушваючы» экран направа й налева, яны будуць перамыкацца паміж адсочванымі й рэкамендаванымі твітамі, а праз тыдзень ў сеціве будзе даступная кнопка захаванага. Гэта дазволіць захоўваць цікавыя пасланьні, пры гэтым не інфармуючы аўтара, гэтакая "ціхая падабайка".

📰 Paramount+ здыме сэрыял па матывах Dungeons & Dragons.

Паводле зьвестак Deadline, Paramount+ замовіў восем эпізодаў адаптацыі папулярнай фэнтэзійнай ролевай франшызы Dungeons & Dragons ад Hasbro.
Сцэнар пілотнай серыі ўжо напісаў Роўсан Маршал Тэрбер, які стварыў для Netflix «Чырвонае паведамленьне».

Гэта ўжо не першая праца Paramount Pictures у сусьвеце D&D, кампанія, сумесна з Крысам Пайнам здымалі паўнамэтражны фільм, прэм’ера якога адбудзецца 31 сакавіка.

📢 У Steam адбыўся рэліз Children of Silentown — натхнёнай працамі Ціма Бэртана.

Children of Silentown — прыгодніцкая гульня ў жанры point-and-click, якая апавядае чароўную й загадкавую гісторыю. Дасьледуйце места і небясьпечныя навакольлі, размаўляйце зь дзівакаватымі жыхарамі, вырашайце галаваломкі й гуляйце ў міні-гульні.

Цягам дня лес ціхі й спакойны. Уначы вы чуеце роў... монстраў.
Суправаджайце Люсі й яе сяброў у гэтай змрочнай, прыгожай прыгодніцкай гульні ад стваральнікаў Little Briar Rose.

Кошт звычайнага выданьня гульні ў Steam — 9.99$.

📢 Адбыўся рэліз Atrio: The Dark Wild.

Гібрыд жанраў "выжываньне" і "аўтаматызацыя". Лавіце істот і дадавайце іх на лінію зборкі. Ці зможаце вы выжыць і вярнуць у сьвет сьвятло?

Кошт гульні ў Steam — 10.49$.