📰 Ubisoft у рамках стрыма, паказала ґеймплэй Skull and Bones.

Стваральнікі Skull and Bones прадэманстравалі місію, падчас якой гульцам трэба будзе адправіцца на паляваньне за мяцежнікамі па распараджэньні каралевы. Па ходзе дасьледаваньня й бітваў гэрой будзе атрымліваць лісты, фрагмэнты дакумэнтаў і цыдулкі, якія праліваюць сьвятло на стан спраў у гульнявым сьвеце.

Нагадаем, што нядаўна кампанія прыняла рашэньне перанесьці гульню ў шосты раз (чым выклікалі абурэньне фанатаў, якое выяўляецца масавымі «беспарадкамі» на акаўнтах гульні. Так да прыкладу сьвежы стрым сабраў усяго 700 станоўчых адзнак, супраць 1600 адмоўных).

📰 BioWare намякае на нешта важнае для фанатаў Mass Effect.

Распрацоўшчыкі з BioWare, судзячы па ўсім, намякаюць на нейкія важныя навіны, злучаныя са сусьвету Mass Effect.

Акаўнт студыі апублікаваў невялікі ролік з «Нармандыяй» з арыґінальнай трылёгіі, падпісаўшы гэта ўсё пытаньнем ці няма ў карыстальнікаў «вялікіх плянаў на сёлетнія падарожжы»?
Гэты допіс пракамэнтаваў ґеймдырэктар новай Mass Effect Майкл Гэмбл:

«Каб толькі яны ведалі, куды мы накіроўваемся».

Дадатковых дэталяў аб праекце, раскрыта не было. Магчыма, што нейкія анонсы будуць чакаць нас на выставе E3 2023.
Нагадаем, што раней BioWare адсьвяткавала «Дзень N7» з дапамогай сьвежага тызера новага праекта ў франшызе Mass Effect, дзе можна было пачуць голас Ліяры ТʼСоні.

📢 EGS пачаў забіраць у гульцоў зь Беларусі Kerbal Space Program.

На мінулым тыдні ў Epic Games Store праходзіла раздача дапаўненьня Shadow Tactics – Aiko’s Choice і Kerbal Space Program, праз час, гульцы пачалі атрымліваць апавяшчэньні аб звароце сродкаў (роўных нулю) за "набыцьцё" Kerbal Space Program.

Прычынай гэтага, верагодна, зьяўляецца тое, што выдавецтва Private Division зрабілі пакупку гульні немагчымай для нашага рэгіёну, што чамусьці не было выяўлена супрацоўнікамі EGS перад пачаткам раздачы.

Не гледзячы на гэты непрыемны інцыдэнт, усё ж раздачы гульняў працягваюцца, так напрыклад зараз можна бясплатна атрымаць Divine Knockout, First Class Trouble і Gamedec – Definitive Edition (спадзяемся, што іх адбіраць аніхто ня будзе).

📰 Распрацоўшчыкі рэмайстра Fatal Frame: Mask of the Lunar Eclipse прадставілі першы відэадзёньнік распрацоўкі.

Koei Tecmo выпусьцілі першы відэадзёньнік, распрацоўкі Fatal Frame: Mask of the Lunar Eclipse, прысьвяціўшы яго адрозьненьням рэмайстра ад арыґінала.

Так напрыклад распрацоўшчыкі надалі шмат часу й сілаў, гульнявым гукам, па словах прадзюсара Юкаты Фукая, гуляючы ў арыґінальную гульню, ён далёка не зь першага разу змог зразумець, у якім кірунку ў адной са сцэн знаходзіцца тэлефон.
Акрамя таго, у рэмайстру гукі пачалі выдаваць і розныя аб’екты, якія раней не валодалі такімі асаблівасьцямі — у іх ліку музычныя шкатулкі, дынамікі, піяніна й радыё. Па словах распрацоўшчыкаў, гэта зроблена для ўзмацненьня асноўнай тэмы гульні — сувязі гуку й ўспамінаў.

Рэліз Fatal Frame: Mask of the Lunar Eclipse на ПК, абодвух пакаленьнях PlayStation і Xbox, а таксама Nintendo Switch адбудзецца 9 сакавіка 2023 году.

📰 CD Projekt наняла для працы над The Witcher знакамітую польскую акторку фільмаў для дарослых.

Польская мадэль, якая здымаецца ў фільмах для дарослых у мінулым годзе апублікавала фотаздымак зь якога вынікала, што яна зьявіцца ў неўказанай гульні ад CD Projekt. Фанаты разьвязалі паўнавартаснае "сьледзтва", з мэтай пазнаць нешта новае аб будучых гульнях кампаніі.

Мадэль і акторка, якая хаваецца пад псэўданімам Bunny Marty, апублікавала ў кастрычніку мінуляга году свой фотаздымак, на якім яна ў намаляваных маркерах, што выкарыстоўваюцца падчас захопу рухаў для анімацыі пэрсанажаў. На заднім пляне — таблічка з аўтографамі стваральнікаў The Witcher 3. Праз некаторы час запіс быў выдалены.

Паведамленьне было апублікавана ўсяго за чатыры дні да афіцыйнага анонсу рэмэйку першага The Witcher, што падштурхоўвае да думкі, аб тым, што менавіта ў гэтым праекце й ўдзельнічае акторка (хоць гэта ўсё роўна не выключае магчымасьці ўдзелу яе ў DLC Phantom Liberty для Cyberpunk 2077).

Паводле іншай тэорыі, мадэль можа зьявіцца ў The Witcher 4, што азначае, што праца ўжо знаходзіцца на даволі прасунутай стадыі, паколькі захоп рухаў – не першае, чым звычайна займаюцца распрацоўшчыкі гульняў.

Дарэчы, гэта не першая знакамітая мадэль, якая працуе ў праектах CDPR. Так напрыклад свой голас радыёдыджэю ў будучым DLC для Cyberpunk 2077 падорыць Саша Грэй.

📰 У вапошнія дні жыцьця Stadia, Google прыгатавала карыстальнікам сьціплы падарунак.

Празь некалькі дзён сэрвіс Stadia будзе зачынены, у сувязі з чым, Google прыгатавала для яго карыстачоў сьціплы падарунак: магчымасьць пагуляць у Worm Game.

Worm Game гэта адначасова першы й апошні праект для Google Stadia (гэтую гульню распрацоўшчыкі выкарыстоўвалі выключна ўнутры студыі, з мэтай тэставаньня розных функцыяў сэрвісу):

«Аніхто не назаве яе «Гульнёй году», але каманда Stadia правяла ў Worm Game КУЧУ часу. А зараз мы падумалі, што варта падзяліцца ёю й з вамі. Дзякуй за гульню й за ўсё».

Нагадаем, што 18 студзеня, Google Stadia будзе зачынены, а ўсім карыстачам Google абяцае цалкам пакрыць усе выдаткі.

📢 Апублікаваны новы тызер сацыяльнага мультыплэернага хорару Carnival Hunt.

Carnival Hunt — гэта асімэтрычная, сацыяльная, шматкарыстальніцкая гульня жахаў ад першай асобы, створаная манґольскімі распрацоўшчыкамі з Beer Night Studio. Адзін гулец бярэ на сябе ролю карнавальнага монстра, а астатнія гульцы гуляюць у ролі трусікаў.

Сярод асаблівасьцяў Carnival Hunt распрацоўшчыкі адзначаюць:

▫️выжываньне двух бакоў — ня толькі трусаў, але й монстра;
▫️кожны карнавальны монстар валодае унікальным наборам уменьняў;
▫️рэалізацыя нутрагульнявага пазыцыйнага галасавога чата;
▫️сумленная гульня без аднабаковай перавагі — усе гульцы гуляюць ад першай асобы.

Рэліз гульні заплянаваны на гэты год.
У хуткім часе чакаецца запуск Kickstarter-кампаніі.

📰 GOG пазбавіўся функцыі Connect.

Каманда плятформы лічбавай дыстрыбуцыі гульняў GOG безь якіх-небудзь папярэджаньняў закрыла сэрвіс GOG Connect, які дазваляў сынхранізаваць бібліятэку гульняў са Steam (функцыя дазваляла імпартаваць набытую копію гульні з Steam у GOG, гэта значыць вы атрымлівалі паўнавартасную другую ліцэнзійную копію набытай у steam гульні ў кліенце GOG).

Старонка GOG Connect зараз перанакіроўвае на галоўную старонку сайта GOG. Першапачаткова на зьнікненьне GOG Connect зьвярнулі ўвагу карыстачы ў сетцы каля тыдня назад. Цяпер гэтую інфармацыю пацьвердзіла выданьне PC Gamer, спасылаючыся на афіцыйны камэнтар прадстаўніка GOG.

Функцыя, якая здавалася рэвалюцыйнай спачатку, даволі хутка страціла папулярнасьць з-за нежаданьня выдаўцоў масава падтрымліваць яе. Адной з ключавых прычын стала магчымасьць эксплёатаваць GOG Connect для атрыманьня гульняў трэцімі асобамі.

📰 Сэрыял The Last of Us атрымлівае найвышэйшыя адзнакі крытыкаў і гледачоў.

Пілотны эпізод сэрыяла, заснаванага на аднайменнай гульні ад Naughty Dog стаў даступны на сэрвісе HBO Max 15 студзеня, і нягледзячы на шматлікую крытыку з боку гульцоў, стартаваў цалкам нядрэнна!

Так напрыклад карыстальніцкі рэйтынг на Metacritic склаў 8.3 бала з 10, на Rotten Tomatoes рэйтынг роўны 97%, карыстачы партала IMDb ацанілі адаптацыю ў 9,6 бала з 10 (аднак варта адзначыць, што з часам верагодна гэтыя лічбы могуць трохі паменшыцца, бо да галасаваньня падключацца іншыя карыстальнікі).

Цікава, што да паўнавартаснай прэм’еры сэрыялу The Last of Us праракалі не самы зайздросны лёс. Так напрыклад фанаты актыўна крытыкавалі зьнешнасьць актораў (асабліва Элі ў выкананьні Бэлы Рамзі), аднак зараз, многія прыкмячаюць, што магчыма ў HBO атрымалася зламаць так званы «праклён відэагульнявых адаптацый».

📰 Стала вядома дата выхаду фанацкага рэмэйку The Elder Scrolls IV: Oblivion.

У далёкім 2012 намаганьнямі шматлікіх фанатаў, пачалася праца над ґлябальным модам Skyblivion, які закліканы перанесьці культавую The Elder Scrolls IV: Oblivion (2006 году выпуску), на гульнявы рухавічок Skyrim.

«Я нарадзіўся восемдзесят сем гадоў таму. Шэсьцьдзесят пяць гадоў я панаваў над Тамрыэлем, але сны мае так і засталіся непадуладнымі мне... Я бачыў Брамы Аблівіёна — Брамы, за якія адмаўляецца зазірнуць свядомасць. Ведай жа: у цемры стаіўся Вораг — Ён рыхтуецца зьнішчыць гэтую зямлю!.. [...] набліжаюцца апошнія дні Трэцяй эры… і апошнія гадзіны майго жыцьця…»

Праз 13 гадоў распрацоўкі, каманда TESRenewel анансавала дату выхаду праекту — 2025 год (дарэчы распрацоўнік пад нікам Rebelzize адзначыў, што тэрміны рэлізу могуць ссунуць і на больш раньні тэрмін, аднак для гэтага патрабуецца дапамога валянтэраў, якія могуць паскорыць працэс вытворчасьці).

Фанатаў серыі, дарэчы, ня моцна засмуціла такое далёкае акно рэлізу, яны амаль упэўненыя, што мод выйдзе раней за The Elder Scrolls VI.

📰 Абноўленая трылёгія GTA зьявіцца ў EGS (і магчыма Steam) 19 студзеня.

Такую інфармацыю падаў інсайдэр пад нікам billbil-kun, які стаў даволі вядомым, дзякуючы сваім праўдзівымі ўцечкамі па PS Plus.

Паводле яго словаў, Grand Theft Auto: The Trilogy — The Definitive Edition выйдзе ў Epic Games Store 19 студзеня, а 19:00 па Менску і першы час будзе прадавацца там са зьніжкай у 50%. Таксама інсайдэр падкрэсьліў, што трылёгія гэтак жа можа зьявіцца й ў Steam, але пацьверджаньня гэтага ў яго няма.

Інфармацыя аб магчымым выхадзе Grand Theft Auto: The Trilogy — The Definitive Edition у гэтых крамах раней зьяўлялася ў базе SteamDB і лаўнчэры Rockstar Games.

Афіцыйна аб рэлізе не паведамлялася.