📰 Раней часу сталі вядомыя падрабязнасьці новага разьдзела The Elder Scrolls Online.

Па памылцы, IGN раней часу апублікавалі вокладку й назоў новага разьдзела The Elder Scrolls Online.

The Elder Scrolls Online: Necrom зноў прапануе гульцам адправіцца ў Маравінд, а калі дакладней, на паўвостраў дома Тэлвані, поўны высокіх вежаў-грыбоў і магіі. Мяркуючы па назьве раздела, асноўныя падзеі будуць адбывацца ў месьце Некром.

У DLC акрамя новай лякацыі зьявіцца новая кляс Арканіст, які можа выкарыстоўваць таемныя веды, старажытныя руны й тамы сілы для стварэньня разбуральнай, аднаўлялай або ахоўнай магіі.
Таксама заяўлены два новыя напарнікі — Рэдгард і Арганіянскі Страж.

Афіцыйны анонс The Elder Scrolls Online: Necrom павінен адбыцца на сёньняшнім мерапрыемстве Microsoft, а 23:00 па Менску.

📢 Ubisoft назвала дату рэлізу Valiant Hearts: Coming Home.

У 1917 годзе, падчас Першай сусьветнай вайны, два браты будуць змагацца, каб выжыць у акопах і зноў знайсьці адзін аднаго. Іх шляхі перасякуцца ў новым Valiant Hearts, якая распавядзе пра радасьць узьяднаньня й жах Заходняга фронту!
Усе адчайна хочуць знайсьці дарогу дадому.

Рэліз гульні адбудзецца 31 студзеня, на мабільных прыладах, эцклюзіўна для падпісантаў Netflix.

📰 Падводзім вынікі ўчорашняга Developer_Direct.

25 студзеня Microsoft правяла прэзентацыю Xbox & Bethesda Developer_Direct, у рамках якой падрабязнасьцямі сваіх праектаў падзяліліся распрацоўшчыкі Minecraft Legends, Redfall, The Elder Scrolls Online і Forza Motorsport, а студыя Tango Gameworks анансавала сваю новую гульню — экшэн Hi-Fi Rush.

Падрабязьней у нашым артыкуле.

📰 Microsoft прымушае распрацоўшчыкаў выпускаць «сырыя» гульні.

Ва ўсякім разе такую інфармацыю паведамляе інсайдэр зь нікам Horns (які заявіў аб сабе на гэтай ніве нядаўна, але праўдзіва).

Па словах крыніцы, Microsoft хоча выпусьціць Starfield да канца фінансавага году (чэрвень 2023), але праблема заключаецца ў тым, што гульня неверагодна "сырая" і поўная разнастайных багаў (Bethesda праўда, спрабуе выбіць сабе больш часу для працы).
Інсайдэр дадае, што падобная сытуацыя назіраецца й з Redfall, аднак яна ўсё роўна зараз у больш добрай форме, чым Starfield.

Ціск Microsoft абумоўлены фінансавымі стратамі кампаніі ў гэтым годзе, стратамі, якія карпарацыя хоча пакрыць гучнымі рэлізамі.

Таксама Horns паведаміў, што ў падобнай сытуацыі знаходзяцца й распрацоўшчыкі Diablo IV, рэліз якой 6 чэрвеня, цяпер выглядае «фантастычна» (на што, дарэчы, раней скардзіліся самі распрацоўшчыкі).

📰 Microsoft спыняе продаж лічбавых вэрсіяў Windows 10.

Microsoft паведаміла, што 31 студзеня 2023 году стане апошнім днём продажаў лічбавых вэрсіяў Windows 10. У лютым ужо будзе немагчыма купіць ліцэнзіі Windows 10 Home і Pro.
Падтрымка самой сыстэмы будзе працягваецца да 14 кастрычніка 2025 году.

Пакуль не вядома, ці будзе спынены продаж скрынкавых вэрсіяў Windows 10.

📢 Адбыўся рэліз рэмэйку Dead Space.

Клясычны навукова-папулярны хорар з элемэнтамі выжываньня вяртаецца: гульня была адноўлена з нуля й прапануе яшчэ глыбей пагрузіцца ў ахінальную атмасфэру мёртвага космасу. Рэмэйк валодае ўдасканаленай графікай, гукам і гульнявым працэсам, пры гэтым застаючыся дакладным першакрыніцы!

Кошт гульн ў Steam — $59.99.
❗️Не даступная тэрыторыі Беларусі.

📢 Triskell Interactive назвалі дату рэлізу абноўленай вэрсіі местабудаўнічага сімулятара Pharaoh.

Легэндарны местабудаўнічы сімулятар вяртаецца!Кіруйце стварэньнем адной з найвялікшых цывілізацыяў, якую калі-небудзь бачыў сьвет! Будуйце помнікі, кіруйце сваім насельніцтвам і насьледуйе 4000 гадовую гісторыю ў гэтай знакамітай стратэгіі!

У рэлізнай вэрсіі, гульцоў чакае кампанія з 53 місіяў, якая расказвае пра шэсьць розных пэрыядаў гісторыі Старажытнага Эгіпта. У гульню ўключана дапаўненьне «Клеапатра: каралева Ніла», арыґінальны рэліз якога адбыўся ў 2000 годзе.

Рэліз гульні адбудзецца 15 лютага 2023 году.

📰 Larian Studios наглядна адказалі на пытаньне аб колькасьці радкоў сцэнара ў Baldur’s Gate 3.

«Калі вам цікава, колькі розных радкоў у Baldur’s Gate 3, гэта выява — тое, што вашыя спадарожнікі могуць сказаць пасьля таго, як вы будзеце змагацца з АДНЫМ канкрэтным ворагам».

Для разуменьня маштабу галіны магчымых дыялогаў, распрацоўшчыкі наклалі на выяву Рафіка з «Караля-льва».

Дарэчы на момант выхаду аднаго толькі першага акту Baldurʼs Gate 3, паведамлялася што гульня налічвае каля 45 тысяч радкоў дыялогаў і з кожным новым патчам іх колькасьць толькі павялічвалася, даючы гульцам вялікі выбар магчымасьцяў для ролплея!

Рэліз гульні заплянаваны на жнівень 2023 году.

📢 У Steam адбыўся рэліз падводнага хорар-шутэра Death in the Water 2.

Пракладвайце сабе шлях праз зграі жахлівых марскіх істот, якімі кіруе Сьмерць, злосны гіганцкі Кракен, што кантралюе розум, і які перасьледуе кожны ваш рух. Шукайце схаваныя скарбы, каб разблакаваць зброю, і мадэрнізацыі, якія дапамогуць вам у барацьбе за выжываньне!

Кошт гульні ў Steam — $10.49 (зараз дзейнічае зьніжка ў 10%).

📰 Valve прадставіла новую "распрацоўку" лябараторыі Steam.

Valve запусьціла ў Steam новы экспэрымэнт, у рамках «Лябараторыі Steam», прысьвяціўшы яго дапаўненьням для вашых гульняў:

«Магчыма, вы прапусьцілі выйсьце некаторых цікавых DLC (ці проста забыліся пра іх), але новая частка крамы дапаможа вам знайсьці ўвесь даступны кантэнт, зь якім вы праведзяце ў выдатных гульнях яшчэ больш часу»!

На самым бачным месцы, карыстальнікам дэманструюць самыя папулярныя дапаўненьні для гульняў, у якія яны нядаўна заходзіў, а ніжэй ідзе сам сьпіс гульняў з іх бібліятэкі і розных, яшчэ не набытых DLC.

📰 СМІ працягваюць распаыядаць сьвежыя дэталі Hogwarts Legacy.

Шматлікім гульнявым журналістам і блогерам атрымалася пагуляць у перадрэлізную вэрсію гульні Hogwarts Legacy, і з тых часоў на прасторах інтэрнэту зьяўляецца велізарная колькасьць новай інфармацыі.

Сабралі для вас цікавосткі, якія прымецілі журналісты IGN (і ня толькі) у нашай невялікай «брашурцы».