📰 Microsoft прымушае распрацоўшчыкаў выпускаць «сырыя» гульні.

Ва ўсякім разе такую інфармацыю паведамляе інсайдэр зь нікам Horns (які заявіў аб сабе на гэтай ніве нядаўна, але праўдзіва).

Па словах крыніцы, Microsoft хоча выпусьціць Starfield да канца фінансавага году (чэрвень 2023), але праблема заключаецца ў тым, што гульня неверагодна "сырая" і поўная разнастайных багаў (Bethesda праўда, спрабуе выбіць сабе больш часу для працы).
Інсайдэр дадае, што падобная сытуацыя назіраецца й з Redfall, аднак яна ўсё роўна зараз у больш добрай форме, чым Starfield.

Ціск Microsoft абумоўлены фінансавымі стратамі кампаніі ў гэтым годзе, стратамі, якія карпарацыя хоча пакрыць гучнымі рэлізамі.

Таксама Horns паведаміў, што ў падобнай сытуацыі знаходзяцца й распрацоўшчыкі Diablo IV, рэліз якой 6 чэрвеня, цяпер выглядае «фантастычна» (на што, дарэчы, раней скардзіліся самі распрацоўшчыкі).

📰 Microsoft спыняе продаж лічбавых вэрсіяў Windows 10.

Microsoft паведаміла, што 31 студзеня 2023 году стане апошнім днём продажаў лічбавых вэрсіяў Windows 10. У лютым ужо будзе немагчыма купіць ліцэнзіі Windows 10 Home і Pro.
Падтрымка самой сыстэмы будзе працягваецца да 14 кастрычніка 2025 году.

Пакуль не вядома, ці будзе спынены продаж скрынкавых вэрсіяў Windows 10.

📢 Адбыўся рэліз рэмэйку Dead Space.

Клясычны навукова-папулярны хорар з элемэнтамі выжываньня вяртаецца: гульня была адноўлена з нуля й прапануе яшчэ глыбей пагрузіцца ў ахінальную атмасфэру мёртвага космасу. Рэмэйк валодае ўдасканаленай графікай, гукам і гульнявым працэсам, пры гэтым застаючыся дакладным першакрыніцы!

Кошт гульн ў Steam — $59.99.
❗️Не даступная тэрыторыі Беларусі.

📢 Triskell Interactive назвалі дату рэлізу абноўленай вэрсіі местабудаўнічага сімулятара Pharaoh.

Легэндарны местабудаўнічы сімулятар вяртаецца!Кіруйце стварэньнем адной з найвялікшых цывілізацыяў, якую калі-небудзь бачыў сьвет! Будуйце помнікі, кіруйце сваім насельніцтвам і насьледуйе 4000 гадовую гісторыю ў гэтай знакамітай стратэгіі!

У рэлізнай вэрсіі, гульцоў чакае кампанія з 53 місіяў, якая расказвае пра шэсьць розных пэрыядаў гісторыі Старажытнага Эгіпта. У гульню ўключана дапаўненьне «Клеапатра: каралева Ніла», арыґінальны рэліз якога адбыўся ў 2000 годзе.

Рэліз гульні адбудзецца 15 лютага 2023 году.

📰 Larian Studios наглядна адказалі на пытаньне аб колькасьці радкоў сцэнара ў Baldur’s Gate 3.

«Калі вам цікава, колькі розных радкоў у Baldur’s Gate 3, гэта выява — тое, што вашыя спадарожнікі могуць сказаць пасьля таго, як вы будзеце змагацца з АДНЫМ канкрэтным ворагам».

Для разуменьня маштабу галіны магчымых дыялогаў, распрацоўшчыкі наклалі на выяву Рафіка з «Караля-льва».

Дарэчы на момант выхаду аднаго толькі першага акту Baldurʼs Gate 3, паведамлялася што гульня налічвае каля 45 тысяч радкоў дыялогаў і з кожным новым патчам іх колькасьць толькі павялічвалася, даючы гульцам вялікі выбар магчымасьцяў для ролплея!

Рэліз гульні заплянаваны на жнівень 2023 году.

📢 У Steam адбыўся рэліз падводнага хорар-шутэра Death in the Water 2.

Пракладвайце сабе шлях праз зграі жахлівых марскіх істот, якімі кіруе Сьмерць, злосны гіганцкі Кракен, што кантралюе розум, і які перасьледуе кожны ваш рух. Шукайце схаваныя скарбы, каб разблакаваць зброю, і мадэрнізацыі, якія дапамогуць вам у барацьбе за выжываньне!

Кошт гульні ў Steam — $10.49 (зараз дзейнічае зьніжка ў 10%).

📰 Valve прадставіла новую "распрацоўку" лябараторыі Steam.

Valve запусьціла ў Steam новы экспэрымэнт, у рамках «Лябараторыі Steam», прысьвяціўшы яго дапаўненьням для вашых гульняў:

«Магчыма, вы прапусьцілі выйсьце некаторых цікавых DLC (ці проста забыліся пра іх), але новая частка крамы дапаможа вам знайсьці ўвесь даступны кантэнт, зь якім вы праведзяце ў выдатных гульнях яшчэ больш часу»!

На самым бачным месцы, карыстальнікам дэманструюць самыя папулярныя дапаўненьні для гульняў, у якія яны нядаўна заходзіў, а ніжэй ідзе сам сьпіс гульняў з іх бібліятэкі і розных, яшчэ не набытых DLC.

📰 СМІ працягваюць распаыядаць сьвежыя дэталі Hogwarts Legacy.

Шматлікім гульнявым журналістам і блогерам атрымалася пагуляць у перадрэлізную вэрсію гульні Hogwarts Legacy, і з тых часоў на прасторах інтэрнэту зьяўляецца велізарная колькасьць новай інфармацыі.

Сабралі для вас цікавосткі, якія прымецілі журналісты IGN (і ня толькі) у нашай невялікай «брашурцы».

📰 Стваральнікі Life is Strange тызераць сваю новую гульню.

Студыя Don't Nod (стваральнікі Life is Strange) паказалі выяву свайго новага праекта, над якім працуе каманда ў Манрэалі.

Ніякай інфармацыі аб гульні распрацоўшчыкі не раскрываюць, аднак цікавяцца ў карыстальнікаў (пераважна тых, хто рос у 90-х), ці навявае гэты малюнак вам ўспаміны аб дзяцінстве?

Акрамя дадзенага праекту, кампанія працуе яшчэ над 8 гульнямі, адна зь якіх ролевы экшэн Banishers: Ghosts of New Eden, рэліз якога заплянаваны на канец гэтага году.

📰 Рытм-экшэн Hi-Fi Rush, аказаўся неверагодна пасьпяховым!

На мінулым шоў Xbox і Bethesda, быў анансаваны (і выпушчаны) рытм-экшэн Hi-Fi Rush, ад студыі Tango Gameworks (стваральнікі The Evil Within), і мяркуючы па ўсім, гульня стала сапраўдным хітом!

Пікавы анлайн Hi-Fi Rush у Steam празь некалькі гадзін пасьля рэлізу складае 1,569 карыстачоў, на момант напісаньня артыкула, у гульню гулялі 6000 чалавек, а свае водгукі ў Steam, пра гульню пакінула 3169 карыстачоў, станоўчымі зь якіх зьяўляюцца, амаль 99%. Многія ўжо называюць праект «Гульнёй году».

Гульцы хваляць мастацкі стыль, канцэпт, саўндтрэк, прыемных пэрсанажаў і вясёлы ґеймплэй, а гэтак жа прыкмячаюць удалае спалучэньне розных экшэн-гульняў мінуляга (напрыклад No More Heroes, Bayonetta, Devil May Cry і іншых).

❗️Не даступная тэрыторыі Беларусі.

📰 У мінулым ЕА скасавала тры буйныя мабільныя гульні.

Былы арт-дырэктар IronMonkey, у інтэрвію Stealth Optional, распавёў, аб тым, што ў 2010 ЕА скасавала тры буйныя мабільныя гульні.

Гэтымі праектамі былі: сьпін-оф Dragon Age, мабільная вэрсія Dante’s Inferno і нейкі амбіцыйны шутэр.

▫️Сьпін-оф Dragon Age ствараўся ў той час, калі BioWare працавала над Dragon Age 2, і па духу гэта была зусім іншая гульня. У IronMonkey рабілі нешта накшталт Diablo, а яе сюжэт разгортваўся раўналежна Dragon Age: Origins, распавядаючы пры гэтым пра зусім іншых герояў. І Electronic Arts, і BioWare былі "у захапленьні" ад гульні, выдавецтва ўсяляк падтрымлівала распрацоўшчыкаў, аднак у выніку праект адмянілі, вырашыўшы засяродзіцца на больш прыбытковых праектах (маючы на ўвазе праекты зь мікратрнзакцыямі).

▫️Danteʼs Inferno для смартфонаў, уяўляла сабой асобную гульню, а не просты порт. Гэта быў двухмерны сайдзкролер, з выдатнай графікай і лэвелдызайнам, аднак сюжэт быў зусім дурным і нікому не спадабаўся, а часу на выпраўленьня ніхто не даў, таму праект скасавалі.

▫️Невядомы шутэр жа стваралі на аснове нейкай, зусім новай гісторыі, аднак падрабязнасьці Тонкін не паведаміў, вядома толькі, што студыя працавала над ім цэлых тры гады!

📰 Sony выпусьціла рэклямны ролік зь тызерамі сваіх будучых і цяперашніх праектаў.

Пасьля таго як у інтэрнэце сталі ўсплываць фрагмэнты рэклямных відэа, якія зараз трансьлююцца па аўстралійскай тэлевізіі, Sony выпусьціла дадзенае відэа цалкам, у пазьбяганьне чутак і сьпекуляцый.

У роліку можна ўбачыць такія гульні як Marvel’s Spider-Man 2 (рэліз плянуецца на восень 2023), Final Fantasy XVI (рэліз адбудзецца 22 чэрвеня 2023), Horizon Forbidden West і іншыя.
На жаль нейкай новай інфармацыі аб гульнях, выдавец не расказаў, аднак гульнявыя журналісты мяркуюць, што ў бліжэйшы час варта чакаць дадатковых навін.

📢 Сімулятар кіраваньня турмой Prison Architect, атрымае дапаўненьне Jungle Pack.

Jungle Pack — гэта новы пакет, які разьмяшчае ваш комплекс у глыбокім і пышным трапічным лесе. Далёка ад цывілізацыі вам трэба будзе кіраваць сваімі зьняволенымі, змагаючыся зь небясьпекамі прыроды. Як вы думаеце, вы справіцеся з гэтай задачай?

Рэліз Jungle Pack адбудзецца 7 лютага для PC, кансоляў PlayStation і Xbox.

📰 Xbox думае над лёсам Halo Infinite.

Гульнявы блогер і фанат Halo Mr.Rebs, падзяліўся пытаньнямі нядаўняга апытаньня Xbox. Яны наводзяць на думкі, што выдавецтва сур’ёзна задумваецца над лёсам Halo Infinite.
Гульцоў просяць адказаць, ці сапраўды яны перасталі гуляць у Halo Infinite, а таксама якія традыцыйныя анлайнавыя рэжымы яны хацелі б убачыць у гульні (Invasion, Firefight, Dominion, VIP і іншыя).

Аднак самымі цікавымі пытаньнямі, зьяўляюцца пытаньні аб працы 343 industries. У гульцоў цікавяцца, як яны ацэньваюць зваротную сувязь ад студыі, ці чуюць іх і ці выпраўляць гульню па іх запытах, ці давяраюць яны распрацоўнікам і іх абяцаньням і плянам.

Паводле чутак, Halo Infinite не апраўдала чаканьняў Microsoft, і зараз выдавец падумвае перадаць серыю ў іншыя рукі. Лёс 343 industries гэтак жа "цьмяны", паводле зьвестак Джэйсана Шрайера, апошнія звальненьні ў Microsoft, асабліва моцна закранулі менавіта стваральнікаў Halo.

📰 Кіраўнік Xbox Філ Сьпенсэр даў інтэрвію IGN. Сабралі самае цікавае.

🔹Ідэя нечаканага рэлізу Hi-Fi Rush належала самім распрацоўшчыкам. Яны былі ўпэўненыя ў якасьці гульні, таму й прапанавалі выпусьціць яе падчас Developer Direct.
🔹Рэліз Forza Motorsport заплянаваны на 2023 год, а распрацоўшчыкі абяцаюць стварыць якасную гульню.
🔹Game Pass працягвае расьці, аднак заўсёды ёсьць да чаго імкнуцца.
🔹Сьпэнсэр прызнаў, што не справіўся зь некаторымі сваімі абавязкамі й гэта прывяло да масавых скарачэньняў. Кампанія не адносіцца да скарачэньняў легкадумна, аднак бізнэс на першым месцы.
🔹Сьпенсэр упэўнены ў станоўчым зыходзе ўгоды з Activision Blizzard. Сам ён набраўся досьведу, працуючы з рэгулятарамі па ўсім сьвеце.
🔹Сьпэнсэр прызнае, што ў 2022-м годзе было мала гульняў, аднак 2023 год абяцае быць захапляльным.
🔹Сьпэнсэр пахваліў сэрыял The Last of Us і адзначыў талент Ніла Дракмана. Паводле яго словаў, такі посьпех натхняе й ўстанаўлівае новую плянку, да якой трэба імкнуцца.
🔹Xbox мае намер і далей займацца разьвіцьцём серыі Halo, а 343 Industries працягне гуляць крытычна важную ролю ў лёсе франшызы. У распрацоўшчыкаў ёсьць плян і яны яго прытрымліваюцца.
🔹Сьпенсэра натхняе сіла, якую дае Bethesda і ZeniMax у партфоліё карпарацыі.

📰 Інсайдэр лічыць, што Epic Games закрые «каралеўскую бітву» Rumbleverse.

Вядомы гульнявы журналіст Том Хендэрсан, паведамляе, што Epic Games зьбіраецца закрыць Rumbleverse ужо ў канцы лютага.

Рэліз Rumbleverse адбыўся ў жніўні 2022 гады, распрацоўкай займалася студыя Iron Galaxy, а Epic Games выступала выдаўцом. Гульня ўяўляе сабой каралеўскую бітву на 40 гульцоў у матчы.

Відаць, нягледзячы на станоўчыя водгукі гульцоў і адносную свежасць гульні, праект не прыцягнуў неабходную аўдыторыю.