📰 Valve назвала даты правядзеньня распродажаў і фэстываляў у Steam, у 2023 годзе.

🔹Фэстываль галаваломак: 24 красавіка — 1 траўня;
🔹Вясновы распродаж (!): 16-23 сакавіка;
🔹Фэстываль спорту: 15–22 траўня;
🔹«Гульням быць»: 19-26 чэрвеня;
🔹Летні распродаж (!): 13-29 ліпеня;
🔹Фэстываль стэлса: 24–31 ліпеня;
🔹Фэстываль візуальных навел: 7–14 жніўня;
🔹Фэстываль стратэгіяў: 28 жніўня — 4 верасьня;
🔹Фэстываль шутэмапаў: 25 верасьня — 2 кастрычніка;
🔹«Гульням быць»: 9-16 кастрычніка;
🔹Фэстываль «Жахі ў Steam»: 26 кастрычніка — 2 лістапада;
🔹Восеньскі распродаж (!): 21-28 лістапада;
🔹Зімовы распродаж (!): 21 сьнежня 2023 году — 4 студзеня 2024 году

(!) Вялікі сэзонны распродаж.

🎁 Зараз у Epic Games Store, можна бясплатна забраць Duskers.

Duskers — Кіруйце бесьпілотнікамі на закінутых касьмічных караблях, каб знайсьці сродкі для выжываньня й высьветліць, як сусьвет стаў гіганцкімі могілкамі.

❗️Забраць гульню можна да 2 сакавіка.

📢 У раньні доступ выйшла Sons of the Forest.

Адпраўлены шукаць зьнікляга мільярдэра на аддаленым востраве, вы апынецеся ў пякельным пэйзажы, заражаным канібаламі. Рабіце, будуйце й змагайцеся за выжываньне, у вадзіночку ці зь сябрамі, у гэтым жахлівым новым сімулятары жахаў на выжываньне ў адкрытым сьвеце легэндарнай the Forest!

З моманту выхаду, у гульню пасьпела пагуляць больш за 100 тысяч чалавек!
Падрабязней пра гульню можна пачытаць тут.

Кошт у Steam $14,49.

📢 Larian Studios назвалі дату рэлізу Baldur’s Gate 3.

Зьбярыце сваю групу й вярніцеся ў Забытыя Каралеўствы ў гісторыі аб сяброўстве й здрадзе, ахвярах і выжываньні, а таксама аб празе абсалютнай улады!

Рэліз гульні адбудзецца 31 жніўня, на PC і PS5.
Тыя, хто ўжо набылі гульню (ці яшчэ набудуць яе да даты рэлізу) атрымаюць бясплатнае абнаўленьне да Deluxe-выданьня.

У Digital Deluxe Edition уваходзіць:

▫️Пак бардаўскіх песень зь серыі гульняў Divinity;
▫️Карціны з Рывелона;
▫️Торба шукальніка прыгод з рознымі зельлямі й іншым;
▫️Саўндтрэк гульні;
▫️Лічбавы артбук;
▫️Табліцы D&D для кожнага пэрсанажа з Baldur’s Gate 3;
▫️Раньні доступ да Акта І;
▫️Унікальнае аблічча гульнявых кубікаў;
▫️Артэфакты зьвязаныя з ґероямі Divinity: Original Sin 2.

📰 Стваральнікі Star Wars Jedi: Survivor распавялі аб сыстэме кампаньёнаў у гульні.

Распрацоўнікі з Respawn распавялі аб новай для гульні сыстэме кампаньёнаў, а гэтак жа прадставілі адно зь іх (яго можна было бачыць у адным з трэйлераў) – Бодэ Акуна.

Старэйшы дызайнер праекту Джэйсан Чжу патлумачыў, што канцэпцыя спадарожнікаў зарадзілася пасьля стварэньня моманту ў Fallen Order, калі Меррын дапамагала Кэлу ў бітве супраць Малікоса, новая сыстэма — прамы працяг гэтай ідэі.

Так, найміт Бодэ можа не толькі атакаваць і забіваць ворагаў, але й адцягваць іх увагу на сябе. Кампаньён можа нанесьці ўдар суперніку з выкарыстаньнем свайго рэактыўнага ранца, а затым аглушыць астатніх ворагаў шокавай гранатай. Пры гэтым спадарожнік будзе рэагаваць на здольнасьці Кэла, адштурхваючыся ад яго дзеяньняў у бою.
Акрамя гэтага, напранік можа дапамагчы ґерою дабрацца да месцаў на мапе, дзе прыйшлося б выкарыстоўваць сілу (з дапамогай таго ж ранца).

Нагадаем, рэліз Star Wars Jedi: Survivor намечаны на 28 красавіка для PS5, Xbox Series і PC.
Раней распрацоўшчыкі распавялі аб дройдах-ворагах Кэла і аб новых стылях бою.

📢 Capcom апублікавала новы трэйлер рэмэйку Resident Evil 4.

У Resіdent Evіl 4 спэцыяльны агент Лявон С. Кенэдзі адпраўляецца зь місыяй выратаваць дачку прэзыдэнта ЗША, якая была выкрадзена. Знаходзячыся ў аддаленай вёсцы, у Эўропе, ён сутыкаецца з новымі пагрозамі, якія адрозьніваюцца ад традыцыйных ворагаў-зомбі якіх ён бачыў раней!

Як і папярэднія гульні серыі, Resident Evil 4 атрымае бясплатнае дэма (дата яго выхаду пакуль не называецца), а пасьля рэлізу ў гульню дададуць рэжым «Найміты».

Больш новых падрабязнасьцяў аб будучым рэмэйку можна даведацца тут.

Зрабіць папярэдні заказ гульні можна ўжо зараз, рэліз адбудзецца 24 сакавіка на PS4 і PS5.

📢 Стваральнікі Amnesia: The Bunker выпусьцілі новы ґеймплэйны ролік.

Новы трэлер закліканы перадаць атмасфэру бездапаможнасьці, калі за табой палюе таямнічы й жудасны монстар!

Нагадаем, Amnesia: The Bunker раскажа нам гісторыю пра салдата, які застаўся адзін у закінутым бункеры часоў Першай сусьветнай вайны.

Рэліз гульні адбудзецца 16 траўня на PlayStation, Xbox і PC (з сыстэмнымі патрабаваньнямі можна азнаёміцца тут).

📰 Распрацоўнікі рэмэйку Gothic паказалі яшчэ адных абноўленых монстраў — гарпіяў.

Усе Камяні фокусу, што раскіданы па сьвеце, ахоўваюцца небясьпечнымі й жахлівымі монстрамі! Вы памятаеце абаронцаў чароўнага артэфакта ў каньёне троляў і жыхароў Горнага форта, які вы дасьледуеце са сваімі надзейнымі спадарожнікамі Дыега й Лестэрам? Ніколі не хадзіце туды адны! Бо ў гэтых месцах жывуць жахлівыя гарпіі, ад пранізьлівых крыкаў якіх з вушэй пацячэ кроў!

Рэліз рэмейку Gothic плануецца на PC, PlayStation 5 і Xbox Series X|S. Дакладную дату выхаду гульні распрацоўшчыкі пакуль не раскрываюць.
Раней яны ўжо дэманстравалі абноўлены Стары лагер і гоблінаў.

📰 EA цікавіцца, ці патрэбны гульцам рэмэйкі Dead Space 2 і 3.

У студзені 2023 году адбыўся рэліз рэмэйку першай Dead Space, які быў добра прыняты гульцамі й аказаўся дастаткова пасьпяховым у фінансавым пляне.
У сувязі з чым, EA пачала апытваць гульцоў, з мэтай высьветліць, ці патрэбен ім рэмэйк іншых гульняў серыі.

Гульцы, дарэчы, у большасьці сваёй сыходзяцца ў меркаваньні, што Dead Space 2 не вельмі мае патрэбу ў рэмэйку (для гульні 2011 году, яна ня дрэнна выглядае й гуляецца нават цяпер), а вось Dead Space 3 было б добра й перарабіць, прычым цалкам, выправіўшы ўсе вядомыя праблемы.

📰 Ubisoft працуе адразу над дзесяцьцю праектамі ў франшызе Assassin’s Creed.

Раней нам было вядома, аб шасьці праектах серыі:
▫️Assassin’s Creed Mirage — сьпін-оф пра Басіма з Valhalla;
▫️Assassin’s Creed Nexus — яшчэ не анансаваны праект для Oculus Quest 2;
▫️Assassin’s Creed Codenamed Jade — мабільная гульня ў сэтынгу Кітая;
▫️Project Invictus — нейкі анлайн праект;
▫️Assassin’s Creed: Codename Red — наступная буйная гульня серыі (пасьля Mirage);
▫️Assassin’s Creed: Codename Hexe — гэтак жа буйны праект, які (са словаў распрацоўшчыкаў) будзе зусім новым вітком у серыі.

Інсайдэр Том Хендэрсан даведаўся ў сваіх крыніц, што Ubisoft вырашыла «паставіць усё» на франшызу Assassin’s Creed (і некаторыя іншыя, ня менш знакамітыя), а таксама адрадзіць схему новы год — новы Assassin's Creed.

У дадатак да вышэйзгаданых гульняў Ubisoft стварае яшчэ чатыры:
▫️Nebula — аб’яднае тры сэтынгі Індыю, Ацтэцкую імпэрыю й Міжземнамор’е;
▫️Raid — Умоўна-бясплатная гульня з кааператывам да чатырох чалавек (плюс PvE рэжым), верагодна гульня зьбярэ ў сабе ўсіх ґерояў серыі;
▫️Project Echoes — Assassin’s Creed, на базе Scalar (воблачных тэхналёгіяў Ubisoft);
▫️Assassin’s Creed Nexus 2 — другая частка праекта для VR.

📢 Team Ninja (стваральнікі Nioh) прадставіла рэлізны трэйлер Wo Long: Fallen Dynasty.

Wo Long: Fallen Dynasty — гэта захапляльная гісторыя пра безназоўнага апалчэнца, які спрабуе выжыць у змрочнай фэнтэзійнай вэрсіі Кітая часоў Позьняй Хань, дзе тры царствы перасьледуюць дэманы. Гульцам трэба будзе змагацца з жудаснымі стварэньнямі й варожымі салдатамі, вывучаць кітайскія баявыя мастацтвы й спрабаваць знайсьці сілу ў саміх сабе!

Рэліз гульні адбудзецца 3 сакавіка на PC, PlayStation і Xbox (+ Game Pass).
❗️Недаступная на тэрыторыі Беларусі.

📰 Paradox Interactive, сумесна з Xbox правядзе прэзентацыю, дзе анансуе новыя гульні й дапаўненьні.

6 сакавіка, а 13:00 па Менскім часе, Paradox Interactive, пры падтрымцы Xbox правядзе прэзентацыю, на якой абяцаюць анансаваць тры новыя гульні й расказаць падрабязьней пра будучыя DLC і абнаўленьні.

Судзячы па ўсім, гэтыя анонсы адносяцца да ўнутраных студый Harebrained Schemes (Shadowrun і Battletech), Colossal Order (Cities: Skylines) і Paradox Tectonic.

«Не магу сказаць, што ў нас вельмі шмат анонсаў, аднак цяжка абраць, які зь іх выклікае ў мяне больш эмоцыяў. Усім у Paradox дастаўляюць задавальненьне прамыя зносіны з гульцамі, у якім мы падзяляем зь імі перажываньні аб будучых плянах і параўноўваем колькасьць гадзін, праведзеных у нашых гульнях. І зараз мне не церпіцца раскрыць усе падрабязнасьці аб нашых новых анонсах!»
— Фрэдрык Вэстэр, ґенэральны дырэктар Paradox Interactive.

📢 Анансавана змрочная ролевая гульня The Thaumaturge.

The Thaumaturge — гэта сюжэтная ролевая гульня з маральна неадназначнымі выбарамі, дзеяньне якой адбываецца ў культурна разнастайным сьвеце Варшавы пачатку 20-га стагодзьдзя, сьвеце, напоўненым таямнічымі сіламі й дзіўнымі этэрнымі істотамі, якія называюцца салютарамі.

Распрацоўнік гульні — польская студыя Fool’s Theory, якая ў дадзены момант працуе гэтак жа над рымэйкам першага Вядзьмара (яны ж стваральнікі Seven: The Days Long Gone).

Дата рэлізу гульні пакуль не называецца.