📰 Стваральнікі Battlefield 3: Reality Mod назвалі дату выхаду свайго праекту.

Стваральнікі рэалістычнага мода для Battlefield 3 прадставілі рэлізны трэйлер свайго праекта, выхад якога адбудзецца ўжо 17 ліпеня.

BF3: Reality Mod — гэта мадыфікацыя для Battlefield 3 , якая сканцэнтравана на зносінах і каманднай працы. Мод чэрпае натхненне з падобнага мода для BF2 (Battlefield 2 — Project Reality). Ён прапануе поўную рэканструкцыю гульнявога працэсу і інтэрфейсу, што стварае больш значны вопыт», — гаворыцца ў апісанні відэа.

На працу над такім глабальным модам у стваральнікаў пайшло цэлых сем гадоў, прычым над праектам у агульнай складанасці працавала больш за 80 чалавек.

У гульню дадалі падтрымку сістэмы дынамічнага надвор'я і змены сутак, бітвы на 100 чалавек, карты, розныя дэталі і іншае.

📢 Студыя Ares Dragonis выпусцілі кароткі трэйлер свайго будучага кааператыўнага хорару Eresys.

Гульцы апынуцца ў камшарным лесе, у ролі сектантаў, якія вымушаны "прыбіраць" бардак пакінуты былым чальцом культу, які па сваёй дурасці адкрыў партал у свет жаху. Аб'яднаўшыся ў каманды па чатыры чалавека, гульцы будуць супрацьстаяць кашмарам з сусвету Лаўкрафта. І толькі правядзенне правільнага рытуалу з выкарыстаннем магічнай кнігі дазволіць загнаць пачвар назад у партал. Але для гэтага неабходна сабраць адсутныя старонкі.

Рэліз запланаваны на гэты год.

📢 Студыя Small Impact Games і выдавецтва Team17 анансавалі старт зачыненага бэта-тэставання касмічнага PvE-РvP-шутэра Marauders.

Тэсціраванне гульні будзе праходзіць з 20 па 25 ліпеня, і, каб атрымаць да яго доступ, неабходна аформіць папярэднюю замову гульні на афіцыйным сайце.

Marauders — гэта тактычны шматкарыстальніцкі шутэр ад першай асобы, дзеянне якога адбываецца ў альтэрнатыўных 1990-х гадах, дзе Вялікая вайна ніколі не сканчалася, Зямля была індустрыялізавана да кропкі пералому, і многія ўцяклі да зорак. Як касмічныя найміты, вядомыя як «Марадзёры», гульцы будуць кіраваць сваімі караблямі праз варожыя галактычныя прасторы, каб выратаваць усё, што могуць, і выжыць любымі неабходнымі сродкамі.

Дата рэлізу пакуль што не абвешчана.

📢 CD Projekt Red працягвае святкаванне свайго дваццацігоддзя!

13 ліпеня а 17:00 па Менску адбудзецца прамая трансляцыя з удзелам Мікалая Шведа, дырэктара студыі па лакалізацыі.
Як паведамляюць прадстаўнікі студыі, у трансляцыі няма асаблівай мэты, плануецца звычайнае праходжанне «Вядзьмара 2», гутарка з фанатамі гульняў CD Projekt Red і апавяданні пра асаблівасці і складанасці перакладаў гульняў студыі.

📰 У сеціве з'явіўся магчымы план рэлізаў Bandai Namco на 2023 год.

Група хакераў BlackCat сцвярджае, што здзейсніла паспяховую атаку на Bandai Namco (выдаўца Elden Ring, Dark Souls, Ace Combat і інш.). Пасля гэтай навіны ў сеціве быў знойдзены скрыншот узяты магчыма з нейкага дакумента карпарацыі.

Сама Bandai Namco ніяк не каментуе ні факт хакерскага ўзлому, ні факт збегу інфармацыі.

📢 Студыя Action Square прадставіла першы геймплэйны трэйлер гульні Kingdom: The Blood.

Kingdom: The Blood — ролевы экшэн па матывах паўднёвакарэйскага хорар-серыяла «Каралеўства зомбі» на Netflix.

Гульцы змогуць ствараць сваіх персанажаў і змагацца з зомбі, падарожнічаючы па гістарычных мясцінах сярэднявечнай Карэі. Праект ствараецца не толькі з апорай на папулярны серыял, але і эстэтыку карэйскай культуры.

Даты выхаду ў Kingdom: The Blood пакуль няма.

📢 Nintendo анансавала гульню Kirby's Dream Buffet.

Імчыцеся да перамогі па апетытных трасах і праглынайце горы трускаўкі ў Kirby's Dream Buffet для Nintendo Switch!
Каціцеся па трасах, абсыпаных прысмакамі, і спаборнічаюць з іншымі гульцамі ў лакальным рэжыме або з цэлым натоўпам рознакаляровых і галодных Кірбі!

📰 Выдавецтва Nordisk Games купіла Supermassive Games - студыю аўтараў Until Dawn, The Dark Pictures і The Quarry.

Першыя інвестыцыі пачаліся яшчэ ў 2021 годзе, калі Nordisk Games набыла 30,7% акцый Supermassive Games. Цяпер жа гаворка ідзе аб куплі 100% акцый.

«За той год, калі мы працавалі разам з Пітам, Джо і ўсёй камандай Supermassive, нам стала ясна, што ў іх ёсць талент, а таксама вялікі патэнцыял для далейшага развіцця гульняў, арыентаваных на гісторыю і апавяданне, у якіх яны лепшыя.», - сказаў Мікель Вайдэр, генеральны дырэктар Nordisk Games. «Набываючы 100% студыі, мы зможам павялічыць нашу падтрымку каманды і, самае галоўнае, працягваць добрыя працоўныя адносіны, якія мы маем з імі».

📰 Аб чым сюжэт Dragon Ball?

Калі вы не ведаеце адказу на гэтае пытанне, то дапамагчы вам можа камедыйны група Mega64, якія ўзяліся за няпростую задачу: распавесці за пяць хвілін сюжэт гэтай гульні.

У роліку (які доўжыцца зусім не пяць хвілін) пагадзілася прыняць удзел (падзяліўшыся сваёй энергіяй для выратавання свету) досыць вялікая колькасць вядомых асоб з гульнявой індустрыі:

▫️Ґейб Ньюэл — заснавальнік Valve;
▫️Эйдзі Аонума — прадзюсар серыі The Legend of Zelda;
▫️Хідэа Кадзіма — стваральнік серыі Metal Gear;
▫️Хіранобу Сакагуці — стваральнік серыі Final Fantasy;
▫️Хідэкі Камія — аўтар серыі Bayonetta;
▫️Кліф Блезінскі — стваральнік Gears of War.

📢 Адбыўся рэліз касмічнай ролевай прыгоды XEL.

XEL — гэта эпічны 3D-фантастычны прыгодніцкі баявік, натхнёны клясічнай серыя гульняў Zelda. Даследуйце таямнічы свет XEL і дапамажыце галоўнай гераіні Рэйд раскрыць яе загадкавае мінулае. Заводзьце новых сяброў і ворагаў па дарозе і збірайце захапляльныя гаджэты, каб выжыць у складаным свеце гульні!

Гульню ўжо можна набыць ў Steam і GOG (зараз на яе дзейнічае зніжка ў 20%).

📢 Nintendo аб'явіла дату рэлізу Bayonetta 3.

Баянета сутыкаецца з Гаманкулі, новай, рукатворнай пагрозай, якая імкнецца пасеяць хаос. Падарожнічаючы па свеце і змагаючыся з гэтымі істотамі ў розных месцах, яна таксама аб'ядноўваецца са старымі саюзнікамі — ведзьмай-стажорам на імя Віёла, а таксама групай альтэрнатыўных Баянет, каб спыніць планы Гаманкулі, пакуль яны не пагрузілі чалавецтва ў яшчэ большы хаос!

Як і папярэднія часткі серыі, Bayonetta 3 уяўляе сабой гульню ў жанры hack and slash, у якой гулец кіруе аднайменнай галоўнай гераіняй — Баянеттай, якая змагаецца з рознымі ворагамі, выкарыстоўваючы камбінацыю рукапашных нападаў і перастрэлкі.

Рэліз гульні адбудзецца 28 кастрычніка.

📰 Konami паведаміла аб падрыхтоўцы да аднаўлення продажаў гульняў серыі Metal Gear, якія раней прыбралі з лічбавых крам.

Якія менавіта гульні вернуцца на паліцы крам невядома, але можна выказаць здагадку, што гэта будуць Metal Gear Solid 2: Sons of Liberty і Metal Gear Solid 3: Snake Eater, якія прыйшлося зняць з продажаў летась з-за скончанага тэрміна ліцэнзіі на выкарыстанні архіўных гістарычных фота і відэа.

(Дарэчы учора серыі Metal Gear споўнілася аж 35 год!)

📰 Sony прадставіла сваю праграму лаяльнасці — PlayStation Stars.

У рамках гэтай праграмы гульцы змогуць зарабляць балы і абменьваць іх на розныя бонусы.
Для таго, каб зарабіць балы неабходна гуляць у гульні, перамагаць у турнірах, зарабляць пэўныя трафеі, атрымліваць «плаціну» і г.д. Падпісчыкі PS Plus будуць зарабляць узнагароды і за звычайныя пакупкі ў краме.

Атрыманыя балы можна абмяняць на пэўныя тавары ў PS Store, папаўняць віртуальны кашалёк у PSN, купляць калекцыйныя ўзнагароды накшталт лічбавых фігурак персанажаў і іншае (прадстаўнікі Sony спецыяльна адзначылі, што гэта не NFT — узнагароды нельга будзе прадаваць або мяняць).

Уступіць у праграму можна бясплатна, а яе запуск запланаваны на канец гэтага года.

📢 Студыя Awaken Realms прадставіла трэйлер Tainted Grail: Fall of Avalon.

Tainted Grail: The Fall of Avalon — Змрочная ролевая гульня ад першай асобы ў адкрытым свеце легенд Круглага стала.
У гэтым свеце кароль Артур мёртвы, і яго рыцары ў адзіночку спрабуюць зладзіцца з чумой Чырвонай смерці і таямнічай хаатычнай псутай, якая захапіла пракляты востраў Авалон.

Цікавы факт: у 2018 годзе Awaken Realms запусціла на Kickstarter збор сродкаў, на настольную гульню Tainted Grail: The Fall of Avalon (да якой абяцалі таксама зрабіць лічбавую версію), канцэпцыя гульні настолькі спадабалася карыстальнікам плятформы, што праект стаў рэкардсменам, сабраўшы 6,2 мільёна даляраў (што да гэтага не ўдавалася ніводнай настолке).
Па выніку праект перарос у аж дзве лічбавыя гульні Tainted Grail: Fall of Avalon (якая рыхтуецца да рэлізу) і Tainted Grail: Conquest (рэліз якой ўжо адбыўся).

🎥 На канале "Малаток" выйшла новае, цікавае відэа, прысвечанае Deep Rock Galactic.
Раю паглядзець!

📢 Студыя Volition выпусціла новы трэйлер будучай Saints Row.

Сардэчна запрашаем у Санта-Ілес, ажыўлены, выдуманы горад у самым сэрцы Паўднёвага Захаду Амерыкі. У крымінальным свеце, дзе злачынныя банды змагаюцца за ўладу, група маладых сяброў пускаецца ва ўласнае злачыннае прадпрыемства, каб узняцца на вяршыню ў сваім імкненні стаць самастойнымі.

Saints Row выходзіць 23 жніўня на PlayStation 5, PlayStation 4, Xbox Series, Xbox One і PC.

📢 Студыя Parabole анансавала Kona II Brume.

Паўночны Квебек, 1970. Дзіўны туман — Брум — адлучае шахцёрскую вёску ад рэальнасці. Устаньце на месца дэтэктыва Карла Фобэра, калі ён раскрывае таямніцы рэгіёну, змагаючыся за ўласнае выжыванне.

Даследуйце шырокую выдуманую зямлю Манастан у Паўночнай Канадзе і прабівайцеся праз вёску - ці тое, што ад яе засталося. Шукайце падказкі ў драўляных халупах, наведвайце бліжэйшыя месцы на сваёй надзейнай сабачай запрэжцы і перамяшчайцеся па навакольных азёрах.

Брум няўмольны: моцная халодная завея, небяспечная дзікая прырода і трывожныя кашмары. Рыхтуйцеся выжыць, нягледзячы ні на што!

Рэліз запланаваны на 2023 год. Kona II Brume гэта абсалютная новая гульня, таму, калі вы не гулялі ў першую частку, і не ведаеце яе сюжэт, гэта не стане праблемай пры гульні ў другую частку.