📢 Студыя OverBorder адклала рэліз ролевага баевіка Thymesia.

Распрацоўнікі абвясцілі, што прыслухаліся да водгукаў гульцоў па выніках праходжання дэмаверсіі Thymesia у Steam. Змены і праўкі, аб якіх просяць гульцы, будуць унесены, прычым на ўсіх платформах. Распрацоўнікі поўныя рашучасці выпусціць лепшы з магчымага праектаў, але для гэтага спатрэбіцца крыху больш часу.

Цяпер датай рэлізу значыцца 18 жніўня.

Thymesia - гэта знясільваючая ролевая гульня-экшн з хуткімі баямі і складанай сістэмай зброі. У каралеўстве, дзе распаўсюджваецца смерць, гуляйце за таямнічага персанажа, вядомага пад кодавым імем «Корвус». Палюйце на сваіх ворагаў, выкарыстоўвайце сілы хваробы і знайдзіце праўду ў сваіх успамінах.

📢 Стваральнікі Forza Horizon 5 прадставілі мапу DLC Hot Wheels.

Уладкоўваць спаборніцтвы гульцам трэба будзе ў небе над Мексыкай на тэрыторыі трох біямаў (заснежанага, пустыннага і трапічнага) і ўсюды, як і ўласціва Hot Wheels, гульцоў чакаюць крутыя віражы і завесы.

Рэліз адбудзецца 19 ліпеня.

📢 CD Projekt Red анансавала трэці святочны стрым у гонар свайго дваццацігоддзя.

Мерапрыемства пачнецца 20 ліпеня а 17:00 па Менску на Twitch-канале распрацоўшчыкаў.

У трансляцыі прыме ўдзел вядучы дызайнер квэстаў Філіп Вэбер, верагодна як і ў мінулы раз не варта чакаць якіх-небудзь анонсаў і чагосьці падобнага, аўтары проста будуць гуляць у трэцяга вядзьмара і размаўляць з гледачамі.

📰 Распрацоўнікі пачалі масава адмаўляцца ад рухавічка Unity, віной усяму — яго стваральнікі.

Кампанія не так даўно звольніла больш за 300 чалавек, прычым супрацоўнікі даведаліся пра гэта падчас тэрміновага відэазванка з кіраўніцтвам. Акрамя таго, Unity абвясціла аб хуткім аб’яднанні з ізраільскай ironSource – аўтарамі аднайменнай рэклямнай плятформы, прызнанай шматлікімі антывірусамі як шкоднаснае ПА.

Не дапамагае сітуацыі і апошняе інтэрв'ю кіраўніка Unity Джона Рычыцела, які назваў распрацоўшчыкаў, якія не надаюць прыярытэтнай увагі манетызацыі ў сваіх праектах "ідыётамі".

📰 Amazon прыступіў да здымкаў серыяла па матывах Fallout.

Уолтар Ґогінс, выканаўца адной з галоўных роляў у будучым серыяле, напісаў у сваіх сацыяльных сетках, што здымкі стартавалі. Аднак ніякай інфармацыі аб тым, якая роля яму выпала, ён не паведаміў.

Шоўранэрамі прызначаны Ліза Джой і Джонатан Нолан, аўтары “Міру Дзікага Захаду”. У працы таксама ўдзельнічае кіраўнік Bethesda Game Studios Тод Говард.

Акрамя вышэйзгаданага Уолтара Ґогінса, у здымках серыяла ўдзельнічаюць:
Эла Пэрнэл (Джынкс з «Аркейн») і Кайл Маклахлен (Дэйл Купер «Твін Пікс»).

Вітаю спадарства! Не сакрэт, што гульняў якія перакладзены на белрускую мову не так і шмат, але ў нас хапае людзей, якія актыўна працуюць над выпраўленнем гэтай сітуацыі, і зараз, кожны ахвотны можа дапамагчы аднаму з іх у перакладзе легендарнага Skyrim на беларускую мову!

Пошта для заявак — F1sher16@mail.ru

Арыгінальны допіс.

📰 Paradox запэўнівае, што з Vampire: The Masquerade — Bloodlines 2 усё добра.

Кіраўнік студыі Paradox Interactive Фрэдрык Вестэр запэўніў, што Vampire: The Masquerade — Bloodlines 2 усё яшчэ знаходзіцца ў распрацоўцы:

«Bloodlines 2 знаходзіцца ў стадыі распрацоўкі, і мы паведамім вам больш, калі будзем гатовыя».

Па словах Вестэра, праект зараз знаходзіцца ў "добрых руках". Пры гэтым студыю, якая займаецца гульнёй, усё яшчэ не выдаюць:

«Мы аддаем перавагу даць студыі магчымасць працаваць над гульнёй і не адцягвацца на фанатаў, якія несумненна будуць пільна сачыць за праектам».

Праект адклалі на пэўны тэрмін у лютым 2021 года, калі сіквелам перасталі займацца прадстаўнікі Hardsuit Labs. Як высветлілася пазней, гульня ўвогуле была на мяжы адмены, аднак яе выратавала тая самая неназваная студыя, якая прапанавала новую ідэю.

📢 Распрацоўнікі No More Heroes 3 прадставілі новы трэлер гульні і абвясцілі дату рэлізу.

Трэвіс Тачдаун вяртаецца ў горад Santa Destroy пасля дзесяцігадовай адсутнасці. Яго погляду паўстае велізарны штучны востраў-метраполіс і лунаючы над ім загадкавы аб'ект. З якімі вар'яцтвамі Трэвіс сутыкнецца на гэты раз?!

Рэліз адбудзецца 11 кастрычніка ў Амерыцы і 14 кастрычніка ў Эўропе на PlayStation, Xbox і PC.

📢 Electronic Arts прадставіла дэбютны трэйлер FIFA 23

Нагадваем, што FIFA 23 стане апошняй гульнёй ў серыі. У далейшым праект атрымае новую назву – EA Sports FC. Дадзенае рашэнне было прынята кампаніяй з-за заканчэння ліцэнзіі і высокага кошту падаўжэння эксклюзіўных правоў. Дэвід Джэксан, віцэ-прэзідэнт EA Sports, таксама заявіў аб жаданні кампаніі рухацца ў іншым кірунку. Будаваць "брэнд будучыні" не прывязаны да якой-небудзь арганізацыі.

У планах самой FIFA стварэнне новых гульняў серыі, але ўжо з іншым распрацоўшчыкам.

Гульня выйдзе 30 верасня на PlayStation, Xbox і PC.

📰 Ubisoft перанесла рэліз Avatar: Frontiers of Pandora.

Раней праект збіраліся выпусціць у 2023 фінансавым годзе разам з Mario + Rabbids: Sparks of Hope і пірацкай прыгодай Skull & Bones. Але планы змяніліся, прычым аб канкрэтных прычынах пераносу аўтары не паведамілі, згадаўшы пазней "абмежаванні вытворчасці" ў індустрыі.

Яшчэ на наступны фінансавы год перанелі нейкую невялікую прэміум-гульню, якую пакуль не анансавалі (верагодна гаворка ідзе пра Assassin's Creed Rift).

Цяпер гульню варта чакаць не раней за красавік 2023 года.

📢 Sony і Naughty Dog афіцыйна паказалі геймплэй рэмейку The Last of Us.

Як адзначае Ніл Дракман (крэатыўны дырэктар, дызайнер, праграміст і супрэзідэнт Naughty Dog), яго (рэмейк) хацелі зрабіць такім жа прыгожым ці нават прыгажэйшым, за другую частку. І ў роліку паказваюць, як, напрыклад, змяніліся мадэлі персанажаў і сам мір гульні. І ў цэлым Naughty Dog нагадвае, што па сутнасці ўвесь рэмейк быў створаны з нуля, каб рэалізаваць максімальна якасны візуал.

Акрамя таго, у рэмейку распрацоўшчыкі змаглі палепшыць нутрагульнявую фізіку, штучны інтэлект, гучанне гульні і многае іншае. А Джоэл, напрыклад, як і паказвала ўцечка, сапраўды будзе паляпшаць зброю, як у сіквеле.

Пры гэтым аматары хардкора змогуць ацаніць новы рэжым Permadeath, а яшчэ распрацоўшчыкі дададуць адмысловы рэжым для спідранэраў.

Рэліз рэмейку The Last of Us запланаваны на 2 верасня для PS5, а праз некаторы час гульня выйдзе і на PC.

📢 Blizzard выпадкова апублікавалі дату рэлізу Wrath of the Lich King Classic.

Дата (26 верасня) з'явілася на сайце World of Warcraft Classic, на адпаведным рэкламным банеры. Абнаўленне хутка прыбралі, але яго ўсё ж паспелі заўважыць гульцы.

На дадзены момант, дадатак праходзіць этап бэта-тэставанні, запісацца на якое можна і зараз.

📰 Карыстальнікі зацікавіліся меркаваннем Epic Games наконт NFT і блокчейн, і атрымалі адказ.

Падставай паслужыла рашэнне аўтараў Minecraft забараніць выкарыстоўваць блокчейн і ствараць NFT па гульні.

На просьбу пазбавіцца ад падобных гульняў у EGS кіраўнік Epic Games Цім Суіні адказаў рашучай адмовай:

"Распрацоўшчыкі павінны мець права вырашаць, як ствараць свае гульні, а вы самі вырашаеце, ці гуляць у іх. Я лічу, што крамы і вытворцы аперацыйных сістэм не павінны ўмешвацца, навязваючы іншым свае погляды. Мы дакладна гэтага рабіць не будзем."

Кіраўнік Epic Games лічыць, што ў тэхналогіі ёсць як добрыя, так і дрэнныя моманты, так што кожны павінен меркаваць аб ёй самастойна. І, зразумела, махлярства ў дадзеным выпадку непрымальна.

📢 Avalanche Software паказала кароткі тызер будучай ролевай гульні Hogwarts Legacy.

На відэа нам паказалі некалькі фрагментаў інтэр'ераў Паўночнай вежы Хогвартса.

Hogwarts Legacy павінна выйсці ў канцы гэтага года.

📢 Ice Cold Games аб'явіла дату рэлізу Hard West 2.

Hard West 2 – гэта містычнае апусканне ў замагільныя таямніцы Дзікага Захаду. Узброіцеся свінцом і чорнай магіяй, збярыце моцную банду і даганіце д'ябла, каб вярнуць страчанае.

З 28 ліпеня, усе жадаючыя змогуць азнаёміцца з бясплатнай выпрабавальнай версіяй гульні ў Steam.

Рэліз гульні адбудзецца 4 жніўня на PC.