📰 Інсайдэр заяўляе, што Dead Island 2 прадставяць зноўку пад канец года.

Том Хендэрсан, спасылаючыся на свае крыніцы, паведамляе, што Dead Island 2, якую першапачаткова анансавалі яшчэ 8 гадоў таму, хутчэй за ўсё, зноў прадставяць у канцы гэтага года. Больш за тое, хоць дакладную дату не раскрываюць, мяркуецца, што Dead Island 2 могуць паказаць на The Game Awards у снежні.

Хендэрсан адзначае, што ў гульні будзе зроблены фокус на кааператыўным праходжанні. Таксама мяркуецца, што распрацоўшчыкі запрасілі абсалютна новых акцёраў, і ў Dead Island 2 дададуць прыкладна 5-6 новых персанажаў.

📰 Logitech, і Tencent Games аб'ядналі намаганні для выпуску партатыўнай кансолі з падтрымкай некалькіх хмарных гульнявых сэрвісаў.

Папярэдняя назва прылады — Logitech G Gaming Handheld.

Вядома, што сярод падтрымліваемых хмарных сэрвісаў афіцыйна заяўлены Xbox Cloud Gaming і Nvidia GeForce Now.

"Лідэрства Logitech G у галіне гульнявога абсталявання для ПК і кансоляў робіць іх ідэальным партнёрам, які дапамагае нам рэалізаваць лепшы гульнявы вопыт для геймераў па ўсім свеце." — сказаў Дэніэл Ву, генеральны менеджэр Tencent Games Smart Solution Innovation Lab.

Рэліз запланаваны на 2022 год. Пры гэтым больш падрабязнасцяў аб кансолі кампаніі не раскрываюць.

📢 Стваральнікі Dead by Daylight выпусцілі сімулятар спатканняў Hooked on You.

«Сардэчна запрашаем на Востраў Забойцаў! Вашы спадарожнікі — чацвёрка панадлівых забойцаў. Нягледзячы на страшную знешнасць, ім таксама хочацца рамантыкі. Вам трэба будзе пакарыць іх сэрцы і раскрыць змрочныя таямніцы. Што наперадзе: каханне, сяброўства... страшная смерць?»

Гульня ўяўляе сабой візуальную навэлу, у якой гульцам прапануецца схадзіць на спатканне з Паляўнічай, Паляўнічым, Прывідам і Духам.

📢 Behaviour Interactive (стваральнікі Dead by Daylight) анансавалі сваю новую гульню — Meet Your Maker.

Meet Your Maker — гэта постапакаліптычная гульня аб будаўніцтве і рэйдзе ад першай асобы, дзе кожны ўзровень распрацаваны гульцамі для гульцоў. Кантэнт, створаны карыстальнікамі, з'яўляецца рухаючай сілай вопыту.

Пераключайцеся паміж ролямі, ствараючы хітрыя аванпосты, падобныя на лабірынт, напоўнены пасткамі і ахоўнікамі, а затым рыхтуйцеся да метадычных, хуткіх баёў, здзяйсняючы набегі на тварэнні іншых гульцоў.

Рэліз гульні запланаваны на 2023 год.

📢 Студыя Owlcat перанесла рэліз DLC «Скарбы Паўночных выспаў» для Pathfinder: Wrath of the Righteous.

Рэліз DLC павінен быў адбыцца 11 жніўня, аднак распрацоўшчыкі вырашылі адкласці яго да 30 жніўня:

"Мы просім прабачэння за затрымку вашых праклятых канікулаў у Бездані, але падобныя экспедыцыі патрабуюць дбайнай падрыхтоўкі, і нам трэба пераканацца, што ў вас ёсць усё неабходнае перш чым вы адправіцеся ў шлях".

«Скарбы Паўночных выспаў», трэці дадатак для гульні, які апавядае аб падарожжы гульца і яго спадарожнікаў на праклятым караблі па водах акіяна Бездані.

📢 Square Enix анансавала адраджэнне клясічнай Tactics Ogre.

Tactics Ogre: Reborn — гэта новая версія клясічнай Tactics Ogre, якая заснавана на рэмейку 2010 года. У гульні будуць цалкам агучаныя ролікі, абноўлены інтэрфейс, перапрацаваная баявая сістэма, палепшаныя графіка і гук, а таксама зменены ШІ супернікаў. Акрамя таго, распрацоўшчыкі дадалі ў праект шматлікія геймплейныя паляпшэнні, уключаючы аўтазахаванне і цалкам абноўленыя элементы кіравання.

Рэліз адбудзецца 11 лістапада 2022 г. на PC (Steam), PlayStation 5, PlayStation 4 і Nintendo Switch.

🎁 Зараз у Epic Games Store, можна бясплатна забраць Unrailed!.

Unrailed! — гэта кааператыўная шматкарыстальніцкая гульня, у якой вы павінны працаваць разам з сябрамі, каб пабудаваць чыгуначны шлях у бясконцых працэдурна згенераваных светах. Асвойвайце выпадковыя сустрэчы з яго жыхарамі, паляпшайце свой цягнік і не давайце яму сысці з рэек!

❗️Забраць гульню можна да 11 жніўня.

🎁 Зараз у Steam, можна бясплатна забраць Despotism 3k.

Despotism 3k — Чалавецтва паняволена штучным інтэлектам…што цудоўна, таму што мы знаходзімся на правільным баку канфлікту. Выкарыстоўвайце нікчэмных людзей, каб атрымаць уладу і пабудаваць уласную імперыю!

❗️Забраць гульню можна да 12 жніўня.

P.S. Гульня мае пераклад на беларускую мову!

📢 Behavior Interactive сумесна з Lunarch Studios анансавалі сваю новую гульню — Project S.

Незалежна ад таго, ці з'яўляецеся вы заўзятым фанатам галаваломак, ці шукаеце унікальны погляд на прыгоды ў адкрытым свеце, "Project S" - гэта ідэальны вопыт для любога гульца, які захапляецца адкрыццямі. Напоўненая галаваломкамі і таямніцамі, якія трэба разгадаць, гэтая гульня стварае запамінальны свет, які адкрывае сябе больш з кожным наведваннем. Квэсты, шматкарыстальніцкія рэжымы і развіццё персанажа разам удыхнуць новае жыццё ў жанр 3D-галаваломкі.

Рэліз гульні запланаваны на 2023 год.

📢 Bethesda прадставіла расклад будучага QuakeCon 2022.

Мерапрыемства пройдзе ў анлайн-фармаце з 18 па 20 жніўня, і прысвечана будзе наступным гульням:

▫️Redfall;
▫️The Elder Scrolls Online;
▫️Fallout 76;
▫️Fallout 4;
▫️Ghostwire: Tokyo;
▫️Quake.

сярод іншых мерапрыемстваў заяўлены:

▫️конкурс на самую брудную клавіятуру;
▫️конкурс на самы салодкі рулет;
▫️конкурс хатніх гадаванцаў;
▫️конкурс касплея і іншыя.

📢 Упершыню адной з афіцыйных моў The International 2022 будзе — беларуская!

Беларуская федэрацыя кіберспорту атрымала ад Valve эксклюзіўныя правы на трансляцыю TI11 на беларускай мове. Гэта значыць, што з 15 па 30 кастрычніка адбудуцца адзіныя ў сваім родзе беларускамоўныя эфіры найбуйнейшай падзеі ў свеце кіберспорту.

Арыгінальны артыкул.

📢 Адбыўся рэліз звышнатуральнага вестэрна Hard West 2.

Hard West 2 – гэта містычнае апусканне ў замагільныя таямніцы Дзікага Захаду. Узброіцеся свінцом і чорнай магіяй, збярыце моцную банду і даганіце д'ябла, каб вярнуць страчанае.

Першыя гульцы ацэньваюць праект станоўча, на Metacritic на дадзены момант гульню ацэньваюць у 75 балаў, на OpenCritic у 79 балаў.

Мінусамі гульні называюць "схематычнае" развіццё персанажаў і асобныя нястачы ў дызайне.

📢 Frogwares прадставілі дэбютны трэйлер рэмейку Sherlock Holmes: The Awakened.

Шэрлак Холмс разам са сваім верным сябрам Доктарам Ватсанам расследуе дзіўныя знікненні, якія, хутчэй за ўсё, звязаныя з актыўнасцю таямнічай секты.

Рэліз праекту запланаваны на 2023 год для PC, PS4, PS5, Xbox One, Xbox Series і Nintendo Switch.