📢 Mirage Game Studios анасавала фантастычны сімулятар Space for Sale.

Space for Sale распавядае пра цудоўнае падарожжа міжгалактычнага забудоўшчыка, які выконвае місію па будаўніцтве утульнага жылля і раскошных маёнткаў. Ваш спіс іншапланетных кліентаў пастаянна пашыраецца, як і іх патрабаванні!

Дата рэлізу пакуль не абвешчана.

📢 Black Sea Games паказалі трэйлер глабальнай стратэгіі Knights of Honor II: Sovereign.

Абярыце сваё каралеўства і станьце каралём, змагаючыся за кантроль над Эўропай у гэтай новай стратэгіі ў рэальным часе. Кіруйце правінцыямі, збірайце арміі, наймайце дыпламатаў і займайцеся шпіянажам. Шлях адкрыты: стань сапраўдным уладаром сьвету!

Дата рэлізу не называецца.

📢 На прыканцы шоў THQ Nordic Digital Showcase 2022 быў паказаны тызер, які намякае на новую гульню па матывах "Паўднёвага парка"

Гледачам нагадалі, што ў распрацоўцы ў кампаніі знаходзіцца цэлых 43 праекты, 26 (калі верыць тызеру ўжо 25) з якіх пакуль яшчэ нават не анансавалі.

Ніякай інфармацыі аб праекце распрацоўшчыкі не паведамілі.

📰 Squirrel with a Gun — гульня якая нарабіла шмат шуму ў сацыяльных сетках.
(Так, гэта гульня пра вавёрку са срэльбай).

Нядаўна ў Twitter кліпы Squirrel with a Gun сталі віруснымі, пасля таго, як тысячы людзей падзяліліся імі на сваіх старонках. Гульню распрацоўвае адзін чалавек — Даніэль ДэЭнтрэмонт, і па яго словах, гэта «гульня-пясочніца», асноўная ідэя якой даследваць свет і страляць, а таксама дапамагаць людзям або рабаваць іх.

Быць вавёркай са стрэльбай няпроста, але весела.
Squirrel with a gun — гэта гульня-пясочніца, якая засяроджваецца на даследаванні і стральбе.

Абараняйцеся ад выпадковых сутыкненняў з агентамі, выкарыстоўваючы рознае зброю. Караскайцеся і скачыце па плятформах з прыроджаным майстэрствам вавёркі. Выкарыстоўвайце аддачу зброі, каб перасекчы яшчэ большыя прамежкі. Даследуйце наваколле з вышыні вавёрчынага вока.

Дату рэлізу распрацоўшчык пакуль не называе.

📰 Апошнія навіны беларускамоўных, гульнявых каналаў на YouTube:

▫️На канале "Рудзі" некалькі дзён таму выйшаў новы агляд (без спойлераў) прысвечаны Stray (гульне пра ката ў свеце кіберпанку);
▫️На канале "Малаток", сёння выйшла відэа прысвечанае ужо не самай новай, але ўсё яшчэ цікавай Alien Swarm: Reactive Drop;
▫️На прыканцы навіна, некалькі тыдняў таму на беларускамоўным ютубе з’явіўся яшчэ адзін стрымер — Yinwille (апошні стрым якой быў менавіта па вышэй узгаданаму Stray), раю падпісацца, а калі трапіце на стрым, перадавайце прывітанне ад суполкі!).

#BelYouTube

📢 Стваральнікі God of War: Ragnarok прадставілі новы ролік "Міфы Мідгарда", дзе нагадалі аб падзеях мінулай часткі серыі.

У асноўным, відэа пераказвае падзеі папярэдняй часткі God of War, аднак у пачатку згадваецца, што гэтыя падзеі запусцілі "найвялікшую вайну ў гісторыі Дзевяці Светаў".

Рэліз God of War: Ragnarok прызначаны на 9 лістапада для PS4 і PS5.

📢 Disney і Marvel правядуць сваю гульнявую прэзентацыю — D23 Expo 2022.

На сумеснай трансляцыі абяцаюць паказаць новы кантэнт ад Disney & Pixar Games, Marvel Games, Lucasfilm Games і 20th Century Games.

Сярод іншых гульняў абавязкова пакажуць:

▫️Disney Dreamlight Valley;
▫️Marvel’s Midnight Suns;
▫️LEGO Star Wars: The Skywalker Saga;

Таксама абяцаюць прадставіць гульню ад студыі былога творчага кіраўніка Uncharted Эмі Хеніг у сусвеце «Зорных войнаў».

Прэзентацыя адбудзецца 9 верасня, а 23:00 па Менскім часе.

📢 Студыя Triternion збіраецца выпусціць свой шматкарыстальніцкі слэшар Mordhau на кансолях.

MORDHAU - шматкарыстальніцкі сярэднявечны слэшэр. Стварыце свайго персанажа і ўдзельнічайце ў жорсткіх бітвах, дзе вас чакаюць хуткія баі, аблогі замкаў, кавалерыйскія атакі і многае іншае.

Дату выхаду на кансолях распрацоўшчыкі не называюць, вядома толькі, што гульня выйдзе на PlayStation 5, Xbox Series, PlayStation 4, і Xbox One.

📢 Стваральнікі Crusader Kings 3 павялічваюць кошты на DLC.

Paradox паведамілі, што 13 верасня кошты на DLC для гульні павысяцца (гаворка ідзе аб дадатках Northern Lords, Fate of Iberia і падобных наборах кантэнту, якія з'явяцца ў будучыні).

Пасля азначанай даты кошт вырасце з 7$ да 13$. Распрацоўнікі адзначылі, што такім чынам спрабуюць адлюстраваць каштоўнасць падобнага кантэнту (на што фанаты запярэчылі, сказаўшы, што кошт DLC і так добра адлюстроўваў іх каштоўнасць, а падобная змена ў вачах супольнасцях выглядае "стрэлам сабе ў нагу").

Застаецца не зусім зразумела на каго разлічаны гэтыя змены, бо ўсе, хто хацелі купіць гэтыя DLC, даўно іх купілі...

📰 Відэакарты NVIDIA да канца жніўня могуць значна страціць у кошце.

Два кітайскія інфармацыйныя выданні са спасылкай на ўласныя крыніцы мяркуюць, што відэакарты NVIDIA RTX 30 павінны атрымаць яшчэ больш нізкія цэны да канца гэтага месяца.

Цэны на GPU NVIDIA былі значна зніжаны за апошнія некалькі месяцаў. Прычын, па якіх гэта адбываецца, шмат, але ў асноўным гэта той факт, што цікавасць да крыптамайнінгу на графічных працэсарах рэзка ўпала, і людзі проста не купляюць столькі відэакарт, колькі раней. Гэта асабліва хвалюе NVIDIA, таму што, як паведамляецца, кампанія замовіла занадта шмат чыпаў і проста занадта мала кліентаў, каб іх купіць.

NVIDIA хоча прыняць яшчэ больш агрэсіўныя меры, знізіўшы цэны на GPU нават ніжэй, чым AMD, якая, як паведамляецца, таксама плануе падобныя дзеянні.

📢 Аўтары перазапуску Saints Row прадставілі новы сюжэтны трэйлер гульні.

Трэйлер расказвае перадгісторыю герояў і іх шлях у крымінальны свет.

Рэліз гульні адбудзецца 23 жніўня на PlayStation, Xbox і PC.

📰 Гульцы-ветэраны гульняў Bethesda сабралі каманду, якая рыхтуецца выпраўляць памылкі Starfield.

Гульня яшчэ не выйшла, але фанаты Bethesda, памятаючы свой досвед пастрэлізнай працы над Fallout ды The Elder Scrolls сабралі каманду для працы над The Starfield Community Patch.

Патчам займаюцца як аўтары розных мадыфікацый, так і проста зацікаўленыя чальцы супольнасці.
The Starfield Community Patch накіраваны на выпраўленне розных памылак базавай гульні, уключаючы няправільнае размяшчэнне аб'ектаў, сцэнарныя памылкі, неадпаведнасці ва ўласцівасцях прадметаў, памылкі ў квэстах, арфаграфічныя памылкі і многае іншае.

Нагадваем, што рэліз гульні запланаваны на наступны год.

‼️ З’явіўся неафіцыйны пераклад Mount & Blade II на беларускую мову! (Дзякуй падпісчыку за спасылку).

Добрая навіна, сярод гульняў, у якія можна гуляць з беларускім перакладам папаўненне! Дзякуючы спадару з нікам Reiko17 (ён жа khornau17) на Nexus можна спампаваць аж дзве версіі беларускага перакладу Mount & Blade II: Bannerlord:

▫️Варыянт кірыліцай
▫️Варыянт лацінкай

Зараз мод даступны на версію гульні e1.6.5 - e1.7.2 (апошняя е1.8.0), але аўтар даволі актыўна падтрымлівае свой праект, таму можна меркаваць, што абнаўленне доўга чакаць не прыйдзецца.

P.S.
Калі вы не гуляеце ў M&B II, то лічу ўсё роўна было б добра каб аўтар пабачыў словы падзякі за сваю працу!

📢 Сіквел Tales from the Borderlands выйдзе 21 кастрычніка.

Amazon раней часу апублікаваў дату рэлізу новай часткі Tales From The Borderlands, і мяркуючы па старонцы гульні, праект выйдзе на PlayStation, Xbox, Nintendo Switch і PC, а называецца будзе проста — New Tales from the Borderlands.

У апісанні гаворыцца, што гульцы будуць вырашаць лёсы вучонага-альтруіста Ану, яе амбіцыйнага, «вулічнага» брата Актавіа і жорсткай Фрэн.

Можна выказаць здагадку, што такая памылка Amazon звязана з хуткім афіцыйным прадстаўленнем праекта, верагодна гэта здарыцца на будучым Gamescom 2022 (старт якога прызначаны на 24 жніўня).

📢 Focus Entertainment апублікавала новы геймплейны трэйлер (са спойлерамі) будучай A Plague Tale: Requiem.

Адпраўляйцеся ў жахлівае падарожжа ў жорсткі, захапляльны дух свет і адкрыйце для сябе кошт выратавання тых, каго вы любіце, у адчайнай барацьбе за выжыванне. Наносіце ўдары з ценю або вызваляйце пекла з дапамогай разнастайнай зброі, інструментаў і незямных сіл.

A Plague Tale: Requiem выйдзе 18 кастрычніка на Xbox Series X/S (+ Game Pass), PS5 і ПК.