📰 Sony лічыць, што Microsoft спрабуе ператварыць яе ў Nintendo.

У сеціве зьявіўся камэнтар Sony па ўгодзе паміж Mіcrosoft і Actіvіsіon Blіzzard, які зьдзівіў карыстачоў.

У сваім 22-старонкавым адказе Sony сьцьвярджае, што калі б угода адбылася, карыстальнікі пакінулі б экасыстэму PlayStatіon, Mіcrosoft магла б падняць цэны на Xbox, а незалежныя распрацоўшчыкі пацярпелі б у выніку гэтага.

У адным з разьдзелаў сваёй заявы кампанія вылучае камэнтар Mіcrosoft аб тым, што іншыя плятформы квітнелі без Call of Duty, у тым ліку Nіntendo Swіtch. Sony лічыць, што гэтая заява «ігнаруе факты».

Кампанія мяркуе, што яе "супернік" проста хоча стаць своеасаблівым "каралём шутэраў" на рынку, забраўшы гульні Activision з бібліятэк PlayStation. А самой Sony нібы давядзецца скараціць каталог гульняў для аўдыторыі 18+ у стылі Nintendo, тым самым перастаўшы быць канкурэнтам Xbox на гэтым полі.

📢 CD Projekt Red прадставілі нэкстген-вэрсыю «Вядзмар 3: Дзікае Паляваньне».

Нэкстген-вэрсыя будзе ўключаць трасаваньне прамянёў, хутчэйшы час загрузкі й новы кантэнт, заснаваны на сэрыяла пра Геральта з Рывіі ад Netflіx. У відэа таксама можна ўбачыць перапрацаваныя тэкстуры, расьліннасьць, туман, дэталізацыю аб’ектаў.

Фанаты ўжо пасьпелі параўнаць арыгінальную гульню й яе нэкстген-вэрсыю.

Ізноў адправіцца на пошукі Цырылы можна будзе ўжо 14 сьнежня. Абнаўленьне будзе бясплатным для ўсіх бягучых уладальнікаў гульні, у тым ліку на PC.

Upd. Таксама ў гульню дададуць новы квэст, інфармацыю аб якім пакуль не раскрываюць.

📰 Эстонская ґазэта Estonіa Ekspress падзялілася дэталямі судовага іску супраць ZA/UM.

Згодна з заявай, у 2021 годзе найбуйнейшы акцыянер ZA/UM Маргус Ліннамяэ, які фінансаваў распрацоўку Dіsco Elysіum, вырашыў прадаць сваю долю ў студыі Ільмару Компуса — аднаму зь інвэстараў.

У Компуса не было сродкаў на куплю акцый, таму ён прыдумаў наступную схему: Яго падстаўная кампанія Tütreke нейкім чынам купіла ў ZA/UM напрацоўкі па сіквелу Disco Elysium за 1€, Праз некаторы час кампанія Tütreke, нейкім чынам, прадала гэтыя ж напрацоўкі зваротна студыі ZA/UM за 4,8 мільёна. Менавіта за гэтыя грошы Компус і змог купіць асноўны пакет акцый кампаніі.

Такім чынам, Компус фактычна набыў мажарытарную долю ў студыі на грошы самой жа студыі, спадзеючыся хутка, у будучыні, перапрадаць кампанію з гульнёй буйному выдаўцу.

Роберт Курвіц і творчы дырэктар Аляксандар Растоў, ня ведалі аб махінацыях, пакуль кіраўніцтва раптам не панізіла іх да радавых распрацоўшчыкаў, а пасьля й зусім звольніла.

🎁 Зараз у Epic Games Store, можна бясплатна забраць: STAR WARS: Squadrons.

STAR WARS: Squadrons — асвойце мастацтва бою на зорных зьнішчальніках у аўтэнтычным вопыце пілатаваньня STAR WARS: Squadrons. Прышпіліцеся, адчуйце адрэналін шматкарыстальніцкіх паветраных баёў ад першай асобы разам са сваёй эскадрыльляй і даведайцеся, што значыць быць пілётам у захапляльнай аднакарыстальніцкай гісторыі STAR WARS!

❗️Забраць гульню можна да 1 сьнежня.
‼️Не даступна на тэрыторыі Беларусі.

P.S. Калі нехта вельмі хоча забраць гульню сабе ў калекцыю, можаце паспрабаваць гэтыя варыянты.

📰 EGS зноў зьбіраецца правесьці Калядную раздачу гульняў.

Інсайдэр Dealabs billbil-kun паведамляе, што сёлета ў краме Epic Games Store зноў пройдзе акцыя з раздачай гульняў пад Каляды.

Паводле яго словаў, раздача арыентыровачна адбудзецца ў пэрыяд з 15 сьнежня да 10 студзеня 2023 году. Зьмест падборкі пры гэтым не раскрываюць, але мяркуецца, што карыстачы будуць атрымліваць гульні кожны дзень - як і было раней. У мінулым, запар можна было атрымаць да 15 розных гульняў.

📢 Hіnterland Studіo расказала падрабязнасьці DLC Tales ад The Far Terrіtory для The Long Dark.

Дапаўненьне будзе складацца з шасьці частак, якія будуць выходзіць на працягу году. Рэліз першай часткі заплянаваны ўжо на 5 сьнежня (PC, на кансолях у пачатку 2023 года). Гульцы змогуць набыць абанемэнт з доступам да ўсіх яго частак.

Разам з DLC у гульні зьявяцца:
▫️тры сюжэтныя гісторыі;
▫️новыя рэгіёны: Закінуты аэрадром, Прамысловая шахта й Горны перавал;
▫️новыя жывёлы: белая курапатка й пума;
▫️кастамныя вэрсыі існуючых прадметаў;
▫️фотарэжым;
▫️мноства новых геймплейных элемэнтаў (напрыклад: бессань, мігатлівы туман і інш).

Гэтак жа абяцаюць некаторыя дармовыя навіны для асноўнай гульні.

📢 The Callіsto Protocol атрымала рэклямны трэйлер, з жывымі акторамі.

У роліку можна ўбачыць пратаганіста гульні Джэйкаба Лі ў выкананьні Джоша Дзюамэля, які дасьледуе турэмную калёнію «Чорнае жалеза».

Рэліз гульні адбудзецца 2 сьнежня на PC, Xbox і PlayStation.

📰 Продажы God of War Ragnarök за тыдзень пабілі рэкорды сярод студый PlayStatіon.

Sony паведаміла ў сваім ціўтары, што продажы God of War Ragnarök перавысілі 5,1 мільёна копій за першыя сем дзён пасля выхаду гульні.

God of War Ragnarök стала самай хутка прадаванай гульнёй у сэрыі й сярод усіх рэлізаў для ўнутраных студый PlayStatіon за дэбютны тыдзень.

📰 Actіvіsіon Blіzzard будзе змагацца за ўгоду з Mіcrosoft.

Лулу Чэнг Месерві (выканаўчы віцэ-прэзыдэнт па карпаратыўных пытаньнях і камэрцыйны дырэктар Actіvіsіon Blіzzard) у сваім ціўтары выказалася наконт новых антыманапольных расьсьледаваньняў:

«Любая здагадка аб тым, што ўгода можа мець антыканкурэнтныя наступствы, абсурдна.

Гэтае зьліцьцё пойдзе на карысьць геймерам і гульнявой індустрыі ЗША, тым больш што мы сутыкаемся з моцнай канкурэнцыяй з-за мяжы.

Мы маем намер працягваць супрацоўнічаць з рэгулюючымі ворганамі па ўсім сьвеце, каб транзакцыя была ўхвалена. Але мы без ваганьняў будзем змагацца, каб абараніць зьдзелку, калі гэта неабходна.»

Пакуль што ўгоду паміж Mіcrosoft і Actіvіsіon Blіzzard ухвалілі рэгулявальныя структуры Саудаўскай Аравіі й Бразыліі. Тым часам брытанскі наглядны ворган і Эўрапэйская камісія праводзяць дбайнае расьсьледаваньне ўгоды.

📰 Ілан Маск наняў вядомага хакера для "рамонту" Twitter.

Ілон Маск наняў хакера Джорджа Хоца, спэцыяліст у галіне інфарматыкі, які ў 2007 годзе здолеў узламаць іPhone, прыбраўшы яго прывязку да сотавай сувязі AT&T. А ў 2010 годзе ўзламаў Playstatіon 3, прымусіўшы кансоль прымаць файлы без спэцыяльнага лічбавага подпісу.

Цяпер стала вядома, што Маск наняў яго для дапамогі ў папраўцы функцый пошуку. Па словах Хоца, ён разглядае гэтую працу як спосаб «павесяліцца й зрабіць Twіtter лепш», падкрэсьліваючы, што грошы тут не прычым, калі б ён хацеў разбагацець, то запусьціў бы кріптовалютную біржу й скраў усе дэпазыты кліентаў.

📰 Дырэктар God Of War Ragnarök усімі сіламі абараняў балбатлівую вавёрку.

У God of War Ragnarok ёсьць даволі дзіўны пэрсанаж — аднавокая вавёрка Рататоск, якая ахоўвае Іґдрасіль. Але на нейкім этапе распрацоўкі за яе прысутнасьць у гульні прыйшлося пазмагацца рэжысэру праекта Эрыку Ўільямсу:

«Я хацеў, каб гэты пэрсанаж быў у гульні. Пры гэтым мне ўсё казалі, што мы павінныя яго выразаць, што ў нас занадта шмат пэрсанажаў. Але я стаяў на сваім і цьвёрда заяўляў, што Рататоск застанецца.

Усіх бянтэжыла сцэна, у якой Рататоск зьяўляецца. Нават наш музычны кіраўнік казаў, што ня ведае, што яму рабіць, якую музыку падбіраць для гэтага моманту».

У выніку, намаганьнямі Ўільямса й актора агучкі Сунгвона Чо, пэрсанажа вырашылі крыху падразць, але пакінуць (так напрыклад з выразанага распрацоўшчыкі згадалі «рэп-батл» паміж Ратаскоскам і гномам Брокам, які ўсё ж палічылі занадта абсурдным).

Хачу распавесьці вам пра тэлеграм-канал Тадэвуш Падкасьцюшка.
Гэта аўтарскія парады беларускамоўных падкастаў, youtube-каналаў, іnstagram і tіktok блогаў, ды іншых праэктаў, зробленых па-беларуску.

Я сам падпісаўся й вам раю 🙂!

📢 Анансаваны каапэратыўны шутэр Starship Troopers: Extermination.

Starshіp Troopers: Extermіnatіon — гэта каапэратыўная FPS-гульня, якая ставіць вас на далёкую лінію фронту ў татальнай бітве супраць Жукоў! Зьбірайцеся ў атрад, вазьміце вінтоўку й выканайце сваю ролю ў якасьці элітнага дэсантніка касьмічнага авангарду!

Над гульнёй працуе Offworld Industries (стваральнікі Beyond The Wire і Squad).

Праект выходзіць у раньні доступ, у 2023 годзе.
Азнаёміцца з геймплэем гульні можна тут.

📰 Grand Theft Auto — 25 гадоў.

28 лістапада 1997 году на сьвет зьявілася першая частка Grand Theft Auto. На той момант праект кардынальна адрозьніваўся ад таго, што мы ведаем зараз! Да 2001 году гульня мела выгляд зьверху й вялікую колькасьць нэгатыўных водгукаў ад крытыкаў (і станоўчых ад геймераў).

У гонар юбілею, прадусар другой часткі GTA Колін Макдональд, распавёў аб тым, што раней героем першай часткі павінен быў стаць дыназаўр!

Першапачаткова аўтары гульні стварылі дэма з дыназаўрам, дзе той у стылі Гадзілы разбураў на сваім шляху горад і розныя перашкоды. Аднак распрацоўшчыкі сутыкнуліся са шматлікімі багамі й іншымі праблемамі ў гэтай вэрсыі.
Посьпех падобнай канцэпцыі выклікаў сумневы, а сытуацыя кардынальна зьмянілася тады, калі адзін з супрацоўнікаў DMA Desіgn (сучасная Rockstar North) прапанаваў памяняць дыназаўра на машыну.

📢 Ubіsoft назвалі дату рэлізу перазапуску The Settlers.

Верны сваёй амаль 30-гадовай гісторыі, гэты новы запіс у сэрыі спалучае ў сабе глыбокі стратэгічны досьвед баёў ў рэальным часе. Абірайце адну з 3 унікальных фракцый і дасьледуйце гэты цалкам новы сьвет з найноўшай графікай. Ваш горад ніколі не выглядаў такім жывым!

Новая частка атрымала назву The Settlers: New Allіes, яе рэліз адбудзецца 17 лютага 2023 г. для PC, плянуюцца вэрсыі гэтак жа для Xbox, PlayStatіon, Nіntendo Swіtch і Amazon Luna.

📢 Стала вядома дата выхаду «Portal з RTX».

Новая вэрсыя гульні ствараецца з дапамогай інструмэнтара Nvіdіa RTX Remіx (рэліз якога адбыўся ў лістападзе).

У палепшанай вэрсыі Portal чакаюцца: падтрымка DLSS 3.0, трасаваньне прамянёў, тэкстуры высокага дазволу і палепшаныя гульнявыя мадэлі.

Рэліз абнаўленьня адбудзецца 8 сьнежня й будзе бясплатным для ўсіх уладальнікаў арыгінальнай гульні.