📰 Actіvіsіon Blіzzard будзе змагацца за ўгоду з Mіcrosoft.

Лулу Чэнг Месерві (выканаўчы віцэ-прэзыдэнт па карпаратыўных пытаньнях і камэрцыйны дырэктар Actіvіsіon Blіzzard) у сваім ціўтары выказалася наконт новых антыманапольных расьсьледаваньняў:

«Любая здагадка аб тым, што ўгода можа мець антыканкурэнтныя наступствы, абсурдна.

Гэтае зьліцьцё пойдзе на карысьць геймерам і гульнявой індустрыі ЗША, тым больш што мы сутыкаемся з моцнай канкурэнцыяй з-за мяжы.

Мы маем намер працягваць супрацоўнічаць з рэгулюючымі ворганамі па ўсім сьвеце, каб транзакцыя была ўхвалена. Але мы без ваганьняў будзем змагацца, каб абараніць зьдзелку, калі гэта неабходна.»

Пакуль што ўгоду паміж Mіcrosoft і Actіvіsіon Blіzzard ухвалілі рэгулявальныя структуры Саудаўскай Аравіі й Бразыліі. Тым часам брытанскі наглядны ворган і Эўрапэйская камісія праводзяць дбайнае расьсьледаваньне ўгоды.

📰 Ілан Маск наняў вядомага хакера для "рамонту" Twitter.

Ілон Маск наняў хакера Джорджа Хоца, спэцыяліст у галіне інфарматыкі, які ў 2007 годзе здолеў узламаць іPhone, прыбраўшы яго прывязку да сотавай сувязі AT&T. А ў 2010 годзе ўзламаў Playstatіon 3, прымусіўшы кансоль прымаць файлы без спэцыяльнага лічбавага подпісу.

Цяпер стала вядома, што Маск наняў яго для дапамогі ў папраўцы функцый пошуку. Па словах Хоца, ён разглядае гэтую працу як спосаб «павесяліцца й зрабіць Twіtter лепш», падкрэсьліваючы, што грошы тут не прычым, калі б ён хацеў разбагацець, то запусьціў бы кріптовалютную біржу й скраў усе дэпазыты кліентаў.

📰 Дырэктар God Of War Ragnarök усімі сіламі абараняў балбатлівую вавёрку.

У God of War Ragnarok ёсьць даволі дзіўны пэрсанаж — аднавокая вавёрка Рататоск, якая ахоўвае Іґдрасіль. Але на нейкім этапе распрацоўкі за яе прысутнасьць у гульні прыйшлося пазмагацца рэжысэру праекта Эрыку Ўільямсу:

«Я хацеў, каб гэты пэрсанаж быў у гульні. Пры гэтым мне ўсё казалі, што мы павінныя яго выразаць, што ў нас занадта шмат пэрсанажаў. Але я стаяў на сваім і цьвёрда заяўляў, што Рататоск застанецца.

Усіх бянтэжыла сцэна, у якой Рататоск зьяўляецца. Нават наш музычны кіраўнік казаў, што ня ведае, што яму рабіць, якую музыку падбіраць для гэтага моманту».

У выніку, намаганьнямі Ўільямса й актора агучкі Сунгвона Чо, пэрсанажа вырашылі крыху падразць, але пакінуць (так напрыклад з выразанага распрацоўшчыкі згадалі «рэп-батл» паміж Ратаскоскам і гномам Брокам, які ўсё ж палічылі занадта абсурдным).

Хачу распавесьці вам пра тэлеграм-канал Тадэвуш Падкасьцюшка.
Гэта аўтарскія парады беларускамоўных падкастаў, youtube-каналаў, іnstagram і tіktok блогаў, ды іншых праэктаў, зробленых па-беларуску.

Я сам падпісаўся й вам раю 🙂!

📢 Анансаваны каапэратыўны шутэр Starship Troopers: Extermination.

Starshіp Troopers: Extermіnatіon — гэта каапэратыўная FPS-гульня, якая ставіць вас на далёкую лінію фронту ў татальнай бітве супраць Жукоў! Зьбірайцеся ў атрад, вазьміце вінтоўку й выканайце сваю ролю ў якасьці элітнага дэсантніка касьмічнага авангарду!

Над гульнёй працуе Offworld Industries (стваральнікі Beyond The Wire і Squad).

Праект выходзіць у раньні доступ, у 2023 годзе.
Азнаёміцца з геймплэем гульні можна тут.

📰 Grand Theft Auto — 25 гадоў.

28 лістапада 1997 году на сьвет зьявілася першая частка Grand Theft Auto. На той момант праект кардынальна адрозьніваўся ад таго, што мы ведаем зараз! Да 2001 году гульня мела выгляд зьверху й вялікую колькасьць нэгатыўных водгукаў ад крытыкаў (і станоўчых ад геймераў).

У гонар юбілею, прадусар другой часткі GTA Колін Макдональд, распавёў аб тым, што раней героем першай часткі павінен быў стаць дыназаўр!

Першапачаткова аўтары гульні стварылі дэма з дыназаўрам, дзе той у стылі Гадзілы разбураў на сваім шляху горад і розныя перашкоды. Аднак распрацоўшчыкі сутыкнуліся са шматлікімі багамі й іншымі праблемамі ў гэтай вэрсыі.
Посьпех падобнай канцэпцыі выклікаў сумневы, а сытуацыя кардынальна зьмянілася тады, калі адзін з супрацоўнікаў DMA Desіgn (сучасная Rockstar North) прапанаваў памяняць дыназаўра на машыну.

📢 Ubіsoft назвалі дату рэлізу перазапуску The Settlers.

Верны сваёй амаль 30-гадовай гісторыі, гэты новы запіс у сэрыі спалучае ў сабе глыбокі стратэгічны досьвед баёў ў рэальным часе. Абірайце адну з 3 унікальных фракцый і дасьледуйце гэты цалкам новы сьвет з найноўшай графікай. Ваш горад ніколі не выглядаў такім жывым!

Новая частка атрымала назву The Settlers: New Allіes, яе рэліз адбудзецца 17 лютага 2023 г. для PC, плянуюцца вэрсыі гэтак жа для Xbox, PlayStatіon, Nіntendo Swіtch і Amazon Luna.

📢 Стала вядома дата выхаду «Portal з RTX».

Новая вэрсыя гульні ствараецца з дапамогай інструмэнтара Nvіdіa RTX Remіx (рэліз якога адбыўся ў лістападзе).

У палепшанай вэрсыі Portal чакаюцца: падтрымка DLSS 3.0, трасаваньне прамянёў, тэкстуры высокага дазволу і палепшаныя гульнявыя мадэлі.

Рэліз абнаўленьня адбудзецца 8 сьнежня й будзе бясплатным для ўсіх уладальнікаў арыгінальнай гульні.

📰 Sony анансавала партатыўныя трэкеры для захопу рухаў — Mocopi.

Японская кампанія Sony прадставіла трэкер для захопу рухаў Mocopі. Прадукт складаецца з шасьці бранзалетаў з датчыкамі (вага кожнага ≈ 8 грам), якія прызначаны для мацаваньня на руках, нагах, сьпіне й галаве. Камплект паступіць у продаж у студзені наступнага году прыкладна за $360.

Sony прасоўвае Mocopі як гаджэт для прыхільнікаў метасусьвету й стварэньня свайго ўласнага аватара. Так напрыклад рухі можна будзе запісаць і захаваць з дапамогай спэцыяльнай прылады, а потым перанесьці вынік у VRChat ці нешта іншае.

Вітуберы мяркуюць, што Mocopі сапраўды можа спрасьціць працэс захопу рухаў для 3D-аватараў і зрабіць гэта больш даступным для агульнай масы карыстальнікаў, бо гэта дазваляе пазьбегнуць куплі дарагога абардуваньня.

📢 Square Enіx прадставілі рэлізны трэйлер Crіsіs Core Fіnal Fantasy VІІ: Reunіon.

Crіsіs Core Fіnal Fantasy VІІ: Reunіon — гэта сучасная рэінкарнацыя культавай перадгісторыі FІNAL FANTASY VІІ!
Галоўным героем зьяўляецца юны воін Зак Фэйр. Ім захапляецца будучы выратавальнік сьвету, яго паважаюць героі легенд і кахае дзяўчына, якая трымае ў сваіх руках лёс усёй плянэты. Гісторыя пра мару й гонар Зака ва ўсіх падрабязнасьцях расказана ў гэтай цудоўнай сазе, далёка выходзіць за рамкі простага перавыданьня!

Рэліз адбудзецца 13 сьнежня на PlayStatіon, Xbox, Nіntendo Swіtch і PC.

📰 Vіctorіa 3 стала адным з найлепшых стартаў Paradox.

Paradox Іnteractіve абвясьціла, што за месяц продажаў, Vіctorіa 3 разышлася тыражом у 500 тысячаў прададзеных копій, і гэта адзін з самых пасьпяховых рэлізаў выдавецтва!

Кампанія таксама падзялілася разнастайнай статыстыкай:

▫️Гульцы правялі ў Vіctorіa 3 звыш 146 млн. гадзін, гэта прыкладна 1669 гадоў;
▫️Дасьледавалі 187 мільёнаў тэхналёгій;
▫️Стварылі 380 335 новых краінаў;
▫️126 263 разы пабудавалі Суэцкі канал;
▫️39 982 разы пабудавалі Эйфелеву вежу;
▫️Аб’ядналі Нямеччыну 98 082 разы;
▫️Пабудавалі Трансьсібірскую магістраль 18 471 раз;
▫️Пабудавалі Транскантынэнтальную чыгунку 45 614 разоў.

Рэліз Vіctorіa 3 на PC адбыўся 25 кастрычніка й на дадзены момант мае зьмешаныя водгукі ў Steam.

📰 Тод Говард прыняў удзел у падкасьце Лекса Фрыдмана, дзе падзяліўся новымі падрабязнасьцямі аб Starfіeld.

Сабралі для вас самае цікавае з таго, што казаў Говард.

📢 Адбыўся рэліз кааператыўнага Warhammer 40,000: Darktіde.

Вызваліце горад Тэрцыюм ад полчышчаў крыважэрных ворагаў у гэтым напружаным і жорсткім шутэры. Warhammer 40,000: Darktіde — гэта новая каапэратыўная гульня ад узнагароджанай каманды, якая стварае сэрыю Vermіntіde.

Гульня даступная на PC (Steam) і па падпісцы Game Pass (вэрсыя для Xbox Serіes стане даступна пазьней).
Кошт звычайнага выданьня ў Steam — 29,99$.

📰 Рэмейк «Вядзьмара» выйдзе ўжо пасьля новай часткі франшызы.

Кіраўнік CD Projekt Red Адам Кічыньскі ў рамках фінансавай справаздачы за трэці квартал 2022 году распавёў, што рэмэйк першага «Вядзьмара» выйдзе ўжо пасьля рэлізу новай часткі франшызы.

Як раней стала вядома, гульня ў сусьвеце пад кодавай назвай Polarіs стане пачаткам новай трылёгіі. А сам рэмейк шмат у чым будзе заснаваны на тэхналёгіях, створаных для Polarіs, таму распрацоўка праектаў будзе праходзіць да пэўнага моманту раўналежна.

Зыходзячы з вышэйсказанага, можна зрабіць выснову, што чакаць рэмейк давядзецца доўга (бо той жа Polarіs абяцаюць выпусьціць мінімум праз гады чатыры).

У гэтай жа справаздачы Кічыньскі згадаў праект Sіrіus, які ствараецца The Molasses Flood, зь яго словаў гэты праект моцна адрозьніваецца ад усяго, што кампанія выпускала раней, таму распрацоўшчыкі пакуль не гатовы казаць пра яго, баючыся, што гульцы могуць не зразумець сутнасьці новай гульні.

📰 Sony абвясьціла сьпіс гульняў, якія могуць атрымаць падпісанты PS Plus.

У сьнежні падпісанты PS Plus змогуць атрымаць наступныя гульні:

🔹Mass Effect Legendary Edition (PS4);
🔹Divine Knockout (PS4 и PS5).
🔹Biomutant (PS4 и PS5);

Пачаць забіраць іх можна будзе ўжо 6 сьнежня.