📰 CD Projekt RED выпусьціла відэа з перадгісторыяй «Вядзьмара 3».

CDPR, напярэдадні рэлізу некстген-патча выпусьцілі пяціхвіліннае відэа, у якім распавялі пра падзеі якія папярэднічаюць гульне.

Незалежна ад таго, ці зьяўляецца The Witcher 3: Wild Hunt — Complete Edition вашым першым "набегам" на гісторыю Геральта з Рывіі, ці вы хочаце проста асьвяжыць інфармацыю аб падзеях, якія прывялі яго да гэтай кропкі, надзейная кабыла Геральта — Плотка дапаможа вам з гэтым!

Нагадваем, што рэліз абноўленай вэрсіі адбудзецца 14 сьнежня 2022 году на ПК, Xbox Series X|S і PS5.

📢 Адбыўся рэліз High On Life, гульні ад стваральніка Рыка й Морці.

Джасьцін Ройланд прадстаўляе — High On Life. Людзям пагражае іншаплянэтны картэль, які хоча выкарыстоўваць іх у якасьці наркотыку. Твая задача — вызваліць іх і ўзяць у напарнікі харызматычную балбатлівую зброю каб перамагчы Гарманцюоза й ягоную банду каб выратаваць сьвет!

Крытыкі ацэньваюць гульню неадназначна, адны хваляць яе за гумар і дыялёгі, іншыя лаюць за маркотную баявую сыстэму.

Кошт гульні — 27,99$

📰 Гульцы Fortnite могуць паспаборнічаць за прыз у 1 000 000$.

Epic Games сумесна зь ютуберам MrBeast анансавалі "Экстрэмальнае выпрабаваньне на выжываньне ад MrBeast".

17 сьнежня 2022 гады ў Fortnite зьявіцца адмысловая мапа, на якой гульцы змогуць выконваць розныя выпрабаваньні й атрымліваць за гэта манэты. Той, хто набярэ найбольш балаў па выніках дня, атрымае прыз у памеры мільёна даляраў.
Сто тысяч найлепшых гульцоў атрымае залаты парасон MrBeast.

Жадаючыя прыняць удзел змогуць папрактыкавацца ў праходжаньні выпрабаваньняў загадзя, для гэтага ўжо зараз можна знайсьці адпаведную мапу (па коду 7990-6907-8565).

Турнір будзе праходзіць толькі 17 сьнежня!

📢 У Steam адбыўся рэліз CRISIS CORE - FINAL FANTASY VII - REUNION.

CRISIS CORE-FINAL FANTASY VII-REUNION — гэта рэмайстар CRISIS CORE з абноўленай графікай, баявой сыстэмамай і саўндтрэкам. Сачыце за гісторыяй салдата-апэратыўніка Зака Фэйра, калі ён раскрывае сакрэты цёмных экспэрымэнтаў Шынры.

Кошт у Steam — 49,99$
❗️Гульня недаступная на тэрыторыі Беларусі.

📰 У інтэрнэце засьвяцілі магчымую дату рэлізу «Чалавека-павука 2».

Адна з сцэнарыстаў Insomniac Games на сваім уласным сайце апублікавала (і хутка выдаліла) акно рэлізу, якое мяркуецца выдаўцом — восень 2023 году.

Фанаты лічаць, што рэліз гульні ўвосень суцэль магчымы, бо першая частка гульні выйшла ўвосень 2018 году.
Сама Insomniac Games пацьвердзіла толькі, што гульня выйдзе ў 2023 годзе.

Дарэчы ня так даўно ў Брытанскім PS Store была выяўлена старонка гульні, фанаты падазраюць, што хутка можа адбыцца нейкі анонс ці прэзентацыя па гульні (аб чым раней заяўляў інсайдэр Millie A).

📰 ZeniMax Online вырашыла зьмяніць падыход да выпуску кантэнту для The Elder Scrolls Online.

ZeniMax Online Studios, у асобе Мэта Фірора заявіла, што спасылаючыся на нэґатыўныя водгукі гульцоў, вырашылі адмовіцца ад канцэпцыі «Прыгода даўжынёю ў год».

Распрацоўнікі лічаць, што мінулы падыход быў эфэктыўны, але ён абмяжоўваў іх і не дазваляў расказаць усе гісторыі, якія хацелася. Цяпер аўтары прынялі новае рашэньне на аснове пажаданьняў гульцоў — зараз сюжэтныя лініі можна будзе прайсьці адразу ад пачатку й да канца на рэлізе, не чакаючы іх абнаўленьняў.

Фірор таксама паведаміў, што ў першым квартале 2023 году для гульні выйдзе DLC з падзямельлем, у той час як рэліз буйнога дапаўненьня адбудзецца ў другім квартале. На трэцюю чвэрць году заплянаваны нейкія абнаўленьні, накіраваныя на паляпшэньне зручнасьці гульні. У чацьвёртым квартале ў TESO зьявіцца нейкая зусім новая гульнявая сыстэма.

📰 Стваральнікі D&D жадаюць манэтызаваць знакамітую настольную гульню.

На сэмінары інвэстараў кіраўнікі кампаніяў Hasbro і Wizards of the Coast абмеркавалі манэтызацыю Dungeons & Dragons. Яны лічаць, гульцам у D&D трэба «падаць крыніцы, пастаянных выдаткаў, якія сустракаюцца ў лічбавых гульнях». На іх думку, на D&D у васноўным трацяцца вядучыя партый, а звычайныя гульцы, якія кіруюць адным пэрсанажам, недастаткова марнуюць для гульні!

Асобна было падкрэсьлена, што D&D яшчэ ніколі не была настолькі папулярная, як зараз.

Як менавіта жадаюць манэтызаваць настольную гульню невядома.

📰 Amazon замовіў сэрыял па матывах God of War.

Amazon Prime Video замовіў вытворчасьць экранізацыі гульнявой франшызы God of War.

Шоўранэрам і выканаўчым прадзюсарам праекта прызначаны Рэйф Джадкінс, вядомы па «Коле часу», сцэнарыстамі — Марк Фергюс і Хоук Остбі, якія напісалі першага «Жалезнага чалавека» і «Дзіця чалавечае».
Выканаўчымі прадзюсарамі таксама сталі прадстаўнікі Sony Santa Monica Studios і Playstation Productions.

Падрабязнасьцяў аб сюжэце, акторскім складзе й даце пачатку здымак невядомы.

📰🎁 У EGS пачаўся зімовы распродаж са сьвяточнай раздачай гульняў.

У Epic Games Store стартаваў калядны распродаж, які працягнецца да 5 студзеня.
Разам з распродажам вярнуліся купоны, якія дадуць скідку 25% на гульні ў выпадку, калі пакупнік выдаткуе пэўную суму на гульні.

Акрамя гэтага, як і паведамляў інсайдэр, Epic Games анансавала традыцыйную раздачу, у рамках якой на працягу 15 сутак будзе штодня дарыць па адной гульні, першай стала Bloons TD 6:

Выстаўце ідэальную абарону з спалучэньняў малпаў, паляпшэньняў, герояў і здольнасьцяў, а затым прабіце ўсе шары якія прыляцелі да вас!
Мільёны гульцоў ужо атрымліваюць асалоду ад маштабнай стратэгіі, якая дорыць бясконцыя гадзіны займальнай гульні.

Наступная бясплатная гульня будзе раскрытая сёньня, а 19:00 па Менску.

Upd. Купоны на зніжку таксама можна атрымаць і за калекцыянаваньне гульняў з раздач.

📰 Стваральнікі Hogwarts Legacy правялі новую дэманстрацыю ґеймплэя.

Ролік прысьвечаны палётам на мятле й гіпагрыфе, дэталям баявой сыстэмы, а таксама Выбаўляй-пакоі, дзе студэнты-чараўнікі Хогвартса змогуць знайсьці ўсё неабходнае.

Калі коратка:

🔸Мятлу гулец можа заклікаць амаль дзе заўгодна й потым лётаць на ёй дзе толькі захочацца (Тыя, хто зробяць папярэднюю замову змогуць атрымаць аніксавага гіпагрыфа, якога можна заклікаць гэтак жа, як і мятлу.);
🔸У Забароненым лесе, будзе абсталявана баявая арэна для практыкі ў бітвах;
🔸Выбаўляй-пакой гульцы змогуць наладжваць на свой ґуст (у тым ліку зьмяняць яго дэкарацыі), гэтак жа тут можна паляпшаць сваё экіпіяваньне, зьмяняць яе вонкавы выгляд і ня толькі;
🔸З Выбаўляй-пакою можна патрапіць на магічную «палянку» (якая цалкам адсылае гульцоў да фільма «Фантастычныя істоты й дзе іх адшукаць»), тут можна займацца яе дэкараваньнем і клопатам аб магічных жывёлах.

Даведацца пра першую ґеймплэйную дэманстрацыю можна з нашага допіса тут.

Рэліз Hogwarts Legacy адбудзецца 10 лютага на PS5, Xbox Series і PC, на PS4 і Xbox One — 4 красавіка, Switch — 25 ліпеня.

📰 Valve абвясьціла аб хуткім пачатку штогадовага зімовага распродажу ў Steam.

Калядныя зьніжкі зьявяцца ў краме ўжо на наступным тыдні, а менавіта 22 сьнежня й будуць дзейнічаць да 5 студзеня.
У рамках распродажу чакаюцца зьніжкі на тысячы гульняў, бясплатныя стыкеры й дадатковыя зімовыя цікавосткі.

Дарэчы ўжо зараз усе хто купляе гульні ў Steam можа атрымаць сьвяточную (пакуль яшчэ "сакрэтную") картку.

Таксама зь сёньняшняга дня Valve пачне аб’яўляць намінантаў на прэмію Steam 2022, а само галасаваньне адкрыецца адначасова з пачаткам зімовага распродажу.

❄️🎁 Зараз у Epic Games Store, можна бясплатна забраць: Horizon Chase Turbo.

Horizon Chase Turbo — гэта гоначная гульня, навеяная пышнымі хітамі 80-х і 90-х. Тут узноўлены клясычны аркадны ґеймплэй, дзе няма хуткасных абмежаваньняў. Так што газ у падлогу — і наперад!

Гульня будзе даступная да заўтра (17.12. 19:00).

📰 Amazon набыў правы на экранізацыю сусьвету Warhammer 40,000.

Amazon набыла правы на экранізацыю Warhammer 40,000, зараз кампанія можа вырабляць фільмы й сэрыялы па сусьвеце.
Працаваць над экранізацыямі Amazon будзе сумесна са стваральнікамі «Доктар Сон» і «Барбар» з Vertigo Entertainment.

Акрамя іншага, вядома, што ў праектах па сусьвеце возьме ўдзел Гэнры Кавіл, які зьбіраецца сыграць адну зь вядучых роляў у сэрыялах і фільмах, а таксама выступіць выканаўчым прадзюсарам усяго кінасусьвету.

«Я любіў Warhammer з таго часу, як быў хлапчуком, таму для мяне гэта па-сапраўднаму асаблівы момант. Магчымасьць распавесьці пра гэты сусьвет з самага пачатку — гэта вялікі гонар і адказнасьць.

Я неверагодна ўдзячны Vertigo, Amazon Studios і Games Workshop за працу, дзякуючы якой мы гэтага дасягнулі. Цяпер я на крок бліжэй да таго, каб зьдзейсьніць мару амаль усяго майго жыцьця». — Гэнры Кавіл.

📢 Abyss Studio прадставілі трэйлер фэнтэзійнага экшэна Abyss World.

Падзеі Abyss World разгортваюцца ў змрочным сьвеце Нардзінія, паглынутым морам. Інцыдэнт з «вогненым злодзеем» парушыў ранейшы балянс і зараз душы памерлых не пераходзяць на іншы бок. Бруд цёмнага мора паступова распаўсюджваецца, а сьвет падае ў глыбокую бездань.
Гульцам трэба будзе дасьледаваць велізарны сьвет Нардзініі, адправіўшыся ў самыя далёкія яго куткі, ратуючы людзей наверсе й паступова прасоўваючыся да глыбінь туману. Запальвайце маякі, раскрывайце таямніцы й зьбірайце старажытныя душы, каб аднавіць парадак.

Дата рэлізу не называецца.

📰 Хідэа Кадзіма распавёў падрабязьней пра анансаваную Death Stranding 2.

Хідэа Кадзіма й актор Норман Рыдус (выканаўца галоўнай ролі ў першай і другой частках Death Stranding) правялі падкаст, у рамках якога крыху распавялі пра сіквел нашумелай гульні.

Як паведаміў Хідэа Кадзіма, гульня ня будзе ў прамым сэнсе слова сіквэлям. Яго новы праект павінен выклікаць настальгію ў тых, хто знаёмы з арыґінальнай Death Stranding, але адначасова гульня спадабаецца й пачаткоўцам.

Нягледзячы на тое, што з моманту рэлізу Death Stranding прайшло ня так шмат часу (гульня выйшла ў 2019 годзе), Кадзіма заявіў, што тэхналёгіі за гэты час сталі істотна лепш і гэта адкрывае перад распрацоўшчыкамі новыя магчымасьці.

Норман Рыдус у сваю чаргу расказаў, што літаральна на днях пачаў здымкі захопу рухаў, што можа сьведчыць аб даволі раньнім этапе распрацоўкі гульні й раней за 2024 год рэліз чакаць не варта.

📢 Інды-студыя Pulsatrix прадставіла survival-хорар Project A.I.D.A.

У дэбютным трэйлеры распрацоўшчыкі прадэманстравалі адну зь лякацый, якую дасьледуе гулец, у Pulsatrix падкрэсьлілі, што прадставілі ў трэйлеры менавіта запіс фрагмэнта ґеймплэя, а не загадзя адрэндэраны ролік.

Аб Project A.I.D.A. вядома ня шмат, толькі то, што ён ствараецца на Unreal Engine 5 і ўпор распрацоўшчыкі робяць на фотарэалістычную графіку.

❄️🎁 Зараз у Epic Games Store, можна бясплатна забраць: Costume Quest 2.

Costume Quest 2 — Дасьледуйце жудасныя пэйзажы ў розных эпохах, прымярайце новыя стыльныя ўборы, якія ператвараюць недарэку ў мегаваяра, і зьбірайце яшчэ больш жудасныя карты, якія дапамогуць выстаяць у баі з заклапочанымі гігіенай дрэнкамі.

Гульня будзе даступная да заўтра (18.12. 19:00).