🌍🌎🌏 Пагадзіцеся, гэты тыдзень быў багаты на навіны!

У новай рубрыцы #ГАЛАСЫ_МІРУ сабралі для вас цікавыя навіны свету, пра якія вы чулі (а калі не — мы гэта выправім!).

Прыемнага прагляду! 🍿

❗️Ад збіванняў у 2020 годзе да затрымання за ўкраінскі сцяг на рэферэндуме: гісторыя студэнта МДЛУ

Гісторыя затрымання і збівання 21-гадовага студэнта МДЛУ Паўла ў верасні 2020 года выклікала рэзананс. Сілавікі затрымалі хлопца пасля Жаночага марша на «Плошчы Перамогі» і збілі так, што ён трапіў у лякарню наўпрост з РУУС, і прабыў там каля месяца. Яму дыягнаставалі закрытую чэрапна-мазгавую траўму сярэдняй цяжкасці з субарахнаідальным кровазліццём, пералом носа і множныя гематомы на целе.

27 лютага 2022 года ў інтэрнэце разляцелася відэа з аднаго з выбарчых участкаў Мінска, дзе сілавікі затрымліваюць хлопца, які прыйшоў з украінскім сцягам непасрэдна на ўчастак для галасавання. Як высветлілася, гэта быў той самы Павел. У канцы сакавіка сілавікі прыйшлі па яго наўпрост у інтэрнат, але з РУУС ён ізноў патрапіў у лякарню.

Павел распавёў «Вясне» пра валанцёрства пад турмой у Жодзіна, пераслед у 2020 годзе, затрыманне на рэферэндуме з украінскім сцягам і выезд з Беларусі

Тры навіны на злобу дня:

🔴 Так званы мінадукацыі распавяло, як павінны працаваць вучнёўскія і студэнцкія саветы. Апроч відавочных «разгляд скаргаў, абароны правоў, садзейнічанне ініцыятывам, паляпшэнне якасці адукацыі і г.д.» асаблівая ўвага была нададзена пункту, што кіраваць «каардынаваць» гэтыя органы самакіравання будуць завучы і/або намеснікі дэканаў па выхаваўчай і ідэалагічнай рабоце.

🔴 Так званая палата прадстаўнікоў выпусціла закон, паводле якога КДБ можа забараняць на паўгода выезд з краіны любому, чый выезд «супярэчыць нацыянальнай бяспецы Беларусі», а асобам прызыўнога ўзросту і беларусам узросту да 27 гадоў, якія трапілі ў запас па стане здароўя, з гэтага часу забараняецца пакідаць краіну без узгаднення з ваенкаматам.

🔴 Студэнты, якія атрымліваюць адукацыю за мяжой, не змогуць атрымліваць адтэрміноўку ад тэрміновай вайсковай службы. Зроблена гэта для «павелічэння колькасці прызыўных рэсурсаў».

🤡 Вяртаючыся да тэмы найгеніяльных забарон...

Крамам у Беларусі с гэтага часу забаранілі «раскрыжоўваць сырую курыцу і прадаваць яе па частках».

Ужо ёсць выпадак узбуджэння адной крымінальнай справы («вінаватым» пагражае ад 2 да 6 гадоў турмы)

⚡️⚡️⚡️ Паводле слоў былога выпускніка Іняза Макея, у Беларусі быў уведзены рэжым КТА (Контртэрарыстычнай аперацыі).

Падобны рэжым прадугледжвае:

🔴 Абмежаванне на ўезд і выезд у зону правядзення КТА (г.зн. у Беларусь).
🔴 Дазвол затрымліваць, надглядаць і арыштоўваць любых грамадзян без афіцыйнай санкцыі ў зоне КТА, а таксама ўрывацца ў іх жыллё (таксама без санкцыі).
🔴 Канфіскацыя слабавікамі (рэквізаванне) любога грамадзянскага транспарту ў зоне правядзення КТА і для патрэб самой КТА.
🔴 Магчымасць «законна» усталёўваць праслухоўванне ў любой хаце (без ведама іх гаспадароў) і адбіраць любыя грамадзянскія сродкі сувязі (напрыклад, тэлефоны)

Па-сутнасці, быў «узаконены» той дзяржаўны тэрор, які праводзіцца ўжо дзесяцігоддзямі, але найбольшую моц набыў пасля сфальсіфікаваных выбараў 2020 года.

Сітуацыя такая: 🙈

1) Макей заявіў, што ў Беларусі ўведзены рэжым КТА.
2) Потым КДБ заяўляе, што нічога падобнага ў краіне не уведзена.
3) Пасля гэтага з'яўляецца Лукашэнка і заяўляе, што ўжо ўведзены рэжым «падвышанай тэрарыстычнай пагрозы»

І ўсё гэта за няпоўную сённяшнюю раніцу‼️🤡...

P.S. Вашай увазе прадстаўляем фота трох дзятлаў: Макяцел, Церцяцел і Лукяцел.
Гэтыя тры дзятлы маюць схільнасць адзін аднаго абвяргаць.